Números 33
33
Nocon Ifo Diosin Israelifo yononi Canaán mai ano iquicashomain ahua huatirofoquin
50Nan Israelifo icanoshon nocon Ifo Diosin Moisés yoini isca huaquin,
51-52—Min caifo Israelifo yoihuu isca huaquin, “Man unu Jordán pocufainaino mai Canaán ano nocoshon nan caifo futsafo icafo ato mai anoshon potacahuun. Ahuara rami huafoan nan noco diosiran huamisifo nanfori chacana huacahuun nanscarafo cuyonon. Nan ahuara rami huafo nocon diosiran huaafo yafi aton pushufo paonhuaquin futsacahuun afanan nanno ahuashta inonma. 53Ascan huacatan nanno nan mai fiicahuun matona inon. Nan mai un mato inain nanno man inon. 54Min caifo manifoti nan mai inanhuun uhuunoashu maiyanonfo. Nan rato mani futsa ichapamafoan mai uhuapamari fitirofo. Ascan mani futsafo ahuun yora ichapano mai uhuapari fitirofo. Nan ua cufiainfo cusca ato inanhuun. Nantifishon nan maifo fipatirofo. Ascashocai chipo afanan mai futsa fipaitiroma. Ascataricai afanan shinan futsatiroma. 55Ascano man caifo futsafo na mai anoshon potayamacun mato fasi fucash huafain mato omitsiscamashcani. Nan ahuara pasnanshta furonaqui ishon man mutiro cusca yafi nan moshaqui man chachishon isincoin mutiro cusca nan mani futsafoan mato nanscacoin huashquicani man ato potayamacun. Nan mai shara ano man ifiacun mato nansca huatirofo. 56Man ato potayamacun un ato chaca huashquiai cusca un matori nansca huashquinran,” —ishon nocon Ifo Diosin yoini.
Kasalukuyang Napili:
Números 33: mcd
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2008, Wycliffe Bible Translators, Inc. All rights reserved.