Matiɔ 15
15
Mandʉ ərə nə̂ alätä
(Markə 7.1-13)
1Bale, Afariza də aawoyisə̂ âgbɔ̂ əpʉ nə̂ Mayïzə âfɔ mâ Jeruzalamə ə nâ gâ tə̂ Jezu ə yû ətshə ə pa: 2«Atrawaya nə̂ zə wəra tə̂ əndje tə̂ mandʉ ərə nə̂ alätä mbrə yekɔ? Mbrə ə̂në əndje â sə kə zɨ rəgo, əndje sə sə kə yutu kəna əndje ne.» 3Jezu kîrə əpʉ kə əndje ə pa: «Bale, e-e, mbrə yekɔ də̂ e wəra tə̂ e tə̂ âgbɔ̂ əpʉ nə̂ Ndjapä â ma tə̂ e Lïndə̂ mandʉ ərə nə̂ e kɔ? 4Mbrə ə̂në, Ndjapä pâ: “Lʉ̈ abä zə də əyï zə.” Kwatə̂ndje tshə pâ: “Əzü ə̂në tshə gu abä nə wala əyï nə, əndje sə kə wa ngbanga kuzu gâ lə kumu ye.” 5Bale, e-e, e pa: “Əzü ə̂në tshə pa kə abä nə wala əyï nə ə pa: ərə ə̂në mə yində kə za kəmə kə əbə ndə kə tɨ əbə gâ lafɔ kɔ, mə sə kə to də əkrɔ kə Ndjapä, 6tshə lï lï ndə kə lʉ abä nə wala əyï nə ne.” Rəkɔ, e sə kə ndɨ Əpʉ Ndjapä tə̂ äwä kə ma mandʉ ərə nə̂ e. 7E-e, alayïama bishi! Ndəma Ndjapä ə̂në Ezayi pâ gâ pâ e kɔ, ə sə də äwänə, alɔ ə̂në tshə pâ:
8“Azü səye sə kə vrɔ əmə kʉ lə ama əndje tə ambanə,
bale, əndje gî əmə ngrʉ̂ gashe tə̂ lɔsu əndje gâ ye.
9Əndje vrɔ əmə kʉ tə ambanə.
Mbrə ə̂në əndje sə kə yisə̂ kʉtə̂ aâgbɔ̂ aəpʉ ə̂në azü kə wûtu də nə kɔ.”»#15.9 Wu Eza 29.13.
Ərə kə ma əzü tə əmbrʉ nə
(Markə 7.14-23)
10Mandânə, Jezu ê ə̂kpû azü nə gâ tə̂ ye ə pâ kə əndje ə pa: «E djï əpʉ səye ə djï tshelə nə. 11Ə də̂ ərə ə̂në ə to mashu ə li gâ lə əzü kɔ kə ma ətshə tə əmbrʉ əzü ne. Bale, ərə ə̂në ə wutu lə ama əzü kɔ kə ma ətshə tə əmbrʉ əzü.»
12Bale, atrawaya nə̂ ye nə nâ gâ ngotə̂ ye ə pâ kə ətshə ə pa: «Bə wusə̂ nə ə pa, tshelə Afariza kô əndje mbrə əpʉ sə̂ ə̂në bə pâ â əndje dji kɔ a?» 13Jezu kîrə əpʉ kə əndje ə pa: «Ayɔ nɔ̂ ə̂në ə də̂ Abä əmə ə̂në tshə sə mâ lafɔ kɔ də̂ kə lû ne kɔ, əndje sə kə gbətɔ də aəshe nə nɔ̂ gâ tʉ. 14E kätə̂ əndje: alayïbula kə yisə̂ äwä kə angâ əndje də̂ alayïbula kɔ. Kədə əyïbula kə sə kə yisə̂ äwä kə ngâ nə də̂ əyïbula, əndje bishi nɔ̂ sə kə yɔ gâ lə kudû.»
15Piarə zâ əpʉ ə pâ kə ətshə ə pa: «Yïsə̂ tshelə âdâ əpʉ kəwû səkɔ kə ä.» 16Bale, Jezu pâ: «E-e ndje, e lï lï ndə kə wusə̂ âdâ ərə ne a? 17E wusə̂ nə wu ə pa ərə nɔ̂ ə̂në ə li gâ lə ama əzü kɔ ə li gâ lə ye, mandânə, ə sə kə wutu gashu ne a? 18Bale, ərə ə̂në ə sə kə wutu lə ama əzü kɔ, ə to mâ tə̂ lɔsu ye. Tə nə kə ma ndə kə pa əzü nə sə tə əmbrʉ əzü kɔ. 19Mbrə ə̂në tə̂ lɔsu əzü də̂ aərə mata əmbrʉ lɔsu, kə wo əzü, kə pra əwɔ əzü wala äkɔ̈ əzü, kə sə tə əyïə̂trû, kə zɨ angba, kə pa əpʉ əterə gâ lə kumu əzü, kə pa əmbrʉ əpʉ də əɨrɨ azü ə wutu kɔ. 20Aərə sə̂ kə sə kə ma ndə kə pa əzü nə sə tə əmbrʉ əzü kɔ. Bale, əzü â yûtu kəna ye yûtu ne â zɨ rəgo, ə də̂ tə nə də̂ kə ma ndə kə pa əzü nə sə tə əmbrʉ əzü ne.»
Ə̈bə̈ yashe ə̂në tshə sə̂ sə̂ tə Juwufu ne kɔ zâ lɔsu ye kə Jezu
(Markə 7.24-30)
21Mandânə, Jezu âfɔ kôto ə nâ na ye mâ lə ashɔ aəgɔ Tirə də Sidɔ. 22Ə̈bə̈ yashe əgɔ Kanaa ə̂në tshə sə̂ lə əgɔ nə kɔ nâ gâ tə̂ ye ə tâ râwâ ə pa: «Âgbɔ̂ Əyïngerə, Ɨrɨ Davidə, wü əyo əmə! Əgblə nə̂ əmə tə yashe, afrɔ yîrə̂ mâ tə̂ ye tə bandanə, tə kuzu.» 23Jezu kîrə əpʉ kîrə kə ətshə bale ne. Atrawaya nə̂ ye nə nâ gâ ngotə̂ ye ə pâ kə ətshə ə pa: «Grɔ̈ ətshə, mbrə ə̂në tshə sə kə tâ râwâ na nə mandâ əzə̂.» 24Jezu kîrə əpʉ ə pa: «Ndjapä wlâ əmə kʉ kə azü əgɔ Isərayalə ə̂në əndje sə mata andalimi ə̂në əndje yû gâ ye kɔ.» 25Bale, yashe nə nâ ə gbə̂te gâ tshekudu ye ə pâ: «Âgbɔ̂ Əyïngerə, tɨ̈ əmə gâ lafɔ!» 26Tshə kîrə əpʉ ə pa: «Ə sə sə də äwänə ndə kə ko rəgo nə̂ aneshe ə ko wli kə aaya ayavrɔ ne.» 27Yashe nə pâ: «Djatra əpʉ, Âgbɔ̂ Əyïngerə! Bale, aaya ayavrɔ sə kə zɨ akutru rəgo ə̂në ə sə kə yɔ gâ tʉ gâ tshekudu gbarə kə zɨ ərə pâ nə nə̂ alayïnga əndje nə.» 28Bale, Jezu pâ kə ətshə ə pa: «Yashe, lɔsu zə sə gerətshe! Ndjapä mä kə əbə mata ə̂në bə yində nə kɔ.» Kʉ pə kôto səkɔ, rəka nə kâtə̂ əgblə yashe nə̂ ye nə gâ ye.
Jezu grɔ̂ rəka tə̂ ə̂kpû azü
(Markə 7.31-37)
29Jezu âfɔ kôto ə nâ mâ tə̂ ama dala ə̂ngû əgɔ Galile. Tshə ô gâ pâ kaga ə sə̂ gâ tʉ. 30Bale, əgerə ə̂kpû azü nâ gâ ngotə̂ ye. Azü nə nâ də alayïgbanu, də alayïbula, də aəndɨ, də azü ə̂në alabə̈ aərə tshekotə̂ əndje ndɨ̂ gâ ye kɔ gâ ndə alayïrəka ə̂në əndje ngba tə bandanə kɔ, ə kô əndje gâ tshekudu Jezu â tshə grɔ̂ arəka tə̂ əndje. 31Kumu ə̂kpû azü nə kpê pâ əndu əndje mbrə ə̂në əndje wû aəndɨ ə̂në əndje pâ tshema əndje, azü ə̂në alabə̈ aərə tshekotə̂ əndje ndɨ̂ gâ ye kɔ, ə gâmba tə̂ əndje gâ mandânə, alayïgbanu nâ ana, alayïbula lîshi. Bale, əndje mbê Ndjapä əgɔ Isərayalə.
Jezu kô rəgo kwatə̂ye kə əgerə ə̂kpû azü
(Markə 8.1-10)
32Jezu ê atrawaya nə̂ ye ə pâ: «Əyo ə̂kpû azü səye ma əmə ə ma, mbrə ə̂në ə mâ əlo vəta gâ ye ə̂në əndje dâka pə ngotə̂ əmə kotə̂ye kɔ, â əndje sə sə də ə̈bə̈ ərə bale ndə kə zɨ nə ne. Mə yində nə yi ndə kə katə̂ əndje, əndje gu na ye də əgo lə əndje ne, mbrə ə̂në əndje sə kə mɔ də əgo lə äwä.» 33Atrawaya nə pâ kə ətshə ə pa: «Ə̂në a sə koye lə ngbûndû kɔ, a sə kə sɔtə̂ rəgo kotâ ndə kə ko kə əgerə ə̂kpû azü səye ndə kə pa əndje zɨ ka tshelə əndje ə su?» 34Jezu yû əndje ə pa: «E sə də mapa vəkɔ?» Əndje kîrə əpʉ ə pa: «Ä sə də mapa mindû amanə bishi də alabə̈ aaya agiangû.»
35Bale, tshə zâ ama kə ə̂kpû azü nə ndə kə pa əndje sə gâ tʉ gâ tə̂ ashɔ. 36Tshə kô amapa nə mindû amanə bishi nə də agiangû nə. Mandânə, tshə zâ mərshe kə Ndjapä ə ngɔ̂ tshelə nə ə kô kə atrawaya nə̂ ye nə ndə kə pa əndje kru tshelə nə tə̂ ə̂kpû azü nə. 37Azü nə nɔ̂ zɨ̂ rəgo nə, tshelə əndje sû. Atrawaya nə rɔ̂ ə̂dû aə̈ndö arəgo nə ə sû kakli mindû amanə bishi. 38Azü nə ə̂në əndje zɨ̂ rəgo nə kɔ sə̂ sake vəna (4 000), əndje dɨ̂ ayashe də aneshe dɨ̂ ne.
39Mandânə, tshə grɔ̂ ə̂kpû azü nə ə ô gâ lə əgerə âgbâ ə rô mâ lə ashɔ əgɔ Magada.
Kasalukuyang Napili:
Matiɔ 15: liy
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation
Matiɔ 15
15
Mandʉ ərə nə̂ alätä
(Markə 7.1-13)
1Bale, Afariza də aawoyisə̂ âgbɔ̂ əpʉ nə̂ Mayïzə âfɔ mâ Jeruzalamə ə nâ gâ tə̂ Jezu ə yû ətshə ə pa: 2«Atrawaya nə̂ zə wəra tə̂ əndje tə̂ mandʉ ərə nə̂ alätä mbrə yekɔ? Mbrə ə̂në əndje â sə kə zɨ rəgo, əndje sə sə kə yutu kəna əndje ne.» 3Jezu kîrə əpʉ kə əndje ə pa: «Bale, e-e, mbrə yekɔ də̂ e wəra tə̂ e tə̂ âgbɔ̂ əpʉ nə̂ Ndjapä â ma tə̂ e Lïndə̂ mandʉ ərə nə̂ e kɔ? 4Mbrə ə̂në, Ndjapä pâ: “Lʉ̈ abä zə də əyï zə.” Kwatə̂ndje tshə pâ: “Əzü ə̂në tshə gu abä nə wala əyï nə, əndje sə kə wa ngbanga kuzu gâ lə kumu ye.” 5Bale, e-e, e pa: “Əzü ə̂në tshə pa kə abä nə wala əyï nə ə pa: ərə ə̂në mə yində kə za kəmə kə əbə ndə kə tɨ əbə gâ lafɔ kɔ, mə sə kə to də əkrɔ kə Ndjapä, 6tshə lï lï ndə kə lʉ abä nə wala əyï nə ne.” Rəkɔ, e sə kə ndɨ Əpʉ Ndjapä tə̂ äwä kə ma mandʉ ərə nə̂ e. 7E-e, alayïama bishi! Ndəma Ndjapä ə̂në Ezayi pâ gâ pâ e kɔ, ə sə də äwänə, alɔ ə̂në tshə pâ:
8“Azü səye sə kə vrɔ əmə kʉ lə ama əndje tə ambanə,
bale, əndje gî əmə ngrʉ̂ gashe tə̂ lɔsu əndje gâ ye.
9Əndje vrɔ əmə kʉ tə ambanə.
Mbrə ə̂në əndje sə kə yisə̂ kʉtə̂ aâgbɔ̂ aəpʉ ə̂në azü kə wûtu də nə kɔ.”»#15.9 Wu Eza 29.13.
Ərə kə ma əzü tə əmbrʉ nə
(Markə 7.14-23)
10Mandânə, Jezu ê ə̂kpû azü nə gâ tə̂ ye ə pâ kə əndje ə pa: «E djï əpʉ səye ə djï tshelə nə. 11Ə də̂ ərə ə̂në ə to mashu ə li gâ lə əzü kɔ kə ma ətshə tə əmbrʉ əzü ne. Bale, ərə ə̂në ə wutu lə ama əzü kɔ kə ma ətshə tə əmbrʉ əzü.»
12Bale, atrawaya nə̂ ye nə nâ gâ ngotə̂ ye ə pâ kə ətshə ə pa: «Bə wusə̂ nə ə pa, tshelə Afariza kô əndje mbrə əpʉ sə̂ ə̂në bə pâ â əndje dji kɔ a?» 13Jezu kîrə əpʉ kə əndje ə pa: «Ayɔ nɔ̂ ə̂në ə də̂ Abä əmə ə̂në tshə sə mâ lafɔ kɔ də̂ kə lû ne kɔ, əndje sə kə gbətɔ də aəshe nə nɔ̂ gâ tʉ. 14E kätə̂ əndje: alayïbula kə yisə̂ äwä kə angâ əndje də̂ alayïbula kɔ. Kədə əyïbula kə sə kə yisə̂ äwä kə ngâ nə də̂ əyïbula, əndje bishi nɔ̂ sə kə yɔ gâ lə kudû.»
15Piarə zâ əpʉ ə pâ kə ətshə ə pa: «Yïsə̂ tshelə âdâ əpʉ kəwû səkɔ kə ä.» 16Bale, Jezu pâ: «E-e ndje, e lï lï ndə kə wusə̂ âdâ ərə ne a? 17E wusə̂ nə wu ə pa ərə nɔ̂ ə̂në ə li gâ lə ama əzü kɔ ə li gâ lə ye, mandânə, ə sə kə wutu gashu ne a? 18Bale, ərə ə̂në ə sə kə wutu lə ama əzü kɔ, ə to mâ tə̂ lɔsu ye. Tə nə kə ma ndə kə pa əzü nə sə tə əmbrʉ əzü kɔ. 19Mbrə ə̂në tə̂ lɔsu əzü də̂ aərə mata əmbrʉ lɔsu, kə wo əzü, kə pra əwɔ əzü wala äkɔ̈ əzü, kə sə tə əyïə̂trû, kə zɨ angba, kə pa əpʉ əterə gâ lə kumu əzü, kə pa əmbrʉ əpʉ də əɨrɨ azü ə wutu kɔ. 20Aərə sə̂ kə sə kə ma ndə kə pa əzü nə sə tə əmbrʉ əzü kɔ. Bale, əzü â yûtu kəna ye yûtu ne â zɨ rəgo, ə də̂ tə nə də̂ kə ma ndə kə pa əzü nə sə tə əmbrʉ əzü ne.»
Ə̈bə̈ yashe ə̂në tshə sə̂ sə̂ tə Juwufu ne kɔ zâ lɔsu ye kə Jezu
(Markə 7.24-30)
21Mandânə, Jezu âfɔ kôto ə nâ na ye mâ lə ashɔ aəgɔ Tirə də Sidɔ. 22Ə̈bə̈ yashe əgɔ Kanaa ə̂në tshə sə̂ lə əgɔ nə kɔ nâ gâ tə̂ ye ə tâ râwâ ə pa: «Âgbɔ̂ Əyïngerə, Ɨrɨ Davidə, wü əyo əmə! Əgblə nə̂ əmə tə yashe, afrɔ yîrə̂ mâ tə̂ ye tə bandanə, tə kuzu.» 23Jezu kîrə əpʉ kîrə kə ətshə bale ne. Atrawaya nə̂ ye nə nâ gâ ngotə̂ ye ə pâ kə ətshə ə pa: «Grɔ̈ ətshə, mbrə ə̂në tshə sə kə tâ râwâ na nə mandâ əzə̂.» 24Jezu kîrə əpʉ ə pa: «Ndjapä wlâ əmə kʉ kə azü əgɔ Isərayalə ə̂në əndje sə mata andalimi ə̂në əndje yû gâ ye kɔ.» 25Bale, yashe nə nâ ə gbə̂te gâ tshekudu ye ə pâ: «Âgbɔ̂ Əyïngerə, tɨ̈ əmə gâ lafɔ!» 26Tshə kîrə əpʉ ə pa: «Ə sə sə də äwänə ndə kə ko rəgo nə̂ aneshe ə ko wli kə aaya ayavrɔ ne.» 27Yashe nə pâ: «Djatra əpʉ, Âgbɔ̂ Əyïngerə! Bale, aaya ayavrɔ sə kə zɨ akutru rəgo ə̂në ə sə kə yɔ gâ tʉ gâ tshekudu gbarə kə zɨ ərə pâ nə nə̂ alayïnga əndje nə.» 28Bale, Jezu pâ kə ətshə ə pa: «Yashe, lɔsu zə sə gerətshe! Ndjapä mä kə əbə mata ə̂në bə yində nə kɔ.» Kʉ pə kôto səkɔ, rəka nə kâtə̂ əgblə yashe nə̂ ye nə gâ ye.
Jezu grɔ̂ rəka tə̂ ə̂kpû azü
(Markə 7.31-37)
29Jezu âfɔ kôto ə nâ mâ tə̂ ama dala ə̂ngû əgɔ Galile. Tshə ô gâ pâ kaga ə sə̂ gâ tʉ. 30Bale, əgerə ə̂kpû azü nâ gâ ngotə̂ ye. Azü nə nâ də alayïgbanu, də alayïbula, də aəndɨ, də azü ə̂në alabə̈ aərə tshekotə̂ əndje ndɨ̂ gâ ye kɔ gâ ndə alayïrəka ə̂në əndje ngba tə bandanə kɔ, ə kô əndje gâ tshekudu Jezu â tshə grɔ̂ arəka tə̂ əndje. 31Kumu ə̂kpû azü nə kpê pâ əndu əndje mbrə ə̂në əndje wû aəndɨ ə̂në əndje pâ tshema əndje, azü ə̂në alabə̈ aərə tshekotə̂ əndje ndɨ̂ gâ ye kɔ, ə gâmba tə̂ əndje gâ mandânə, alayïgbanu nâ ana, alayïbula lîshi. Bale, əndje mbê Ndjapä əgɔ Isərayalə.
Jezu kô rəgo kwatə̂ye kə əgerə ə̂kpû azü
(Markə 8.1-10)
32Jezu ê atrawaya nə̂ ye ə pâ: «Əyo ə̂kpû azü səye ma əmə ə ma, mbrə ə̂në ə mâ əlo vəta gâ ye ə̂në əndje dâka pə ngotə̂ əmə kotə̂ye kɔ, â əndje sə sə də ə̈bə̈ ərə bale ndə kə zɨ nə ne. Mə yində nə yi ndə kə katə̂ əndje, əndje gu na ye də əgo lə əndje ne, mbrə ə̂në əndje sə kə mɔ də əgo lə äwä.» 33Atrawaya nə pâ kə ətshə ə pa: «Ə̂në a sə koye lə ngbûndû kɔ, a sə kə sɔtə̂ rəgo kotâ ndə kə ko kə əgerə ə̂kpû azü səye ndə kə pa əndje zɨ ka tshelə əndje ə su?» 34Jezu yû əndje ə pa: «E sə də mapa vəkɔ?» Əndje kîrə əpʉ ə pa: «Ä sə də mapa mindû amanə bishi də alabə̈ aaya agiangû.»
35Bale, tshə zâ ama kə ə̂kpû azü nə ndə kə pa əndje sə gâ tʉ gâ tə̂ ashɔ. 36Tshə kô amapa nə mindû amanə bishi nə də agiangû nə. Mandânə, tshə zâ mərshe kə Ndjapä ə ngɔ̂ tshelə nə ə kô kə atrawaya nə̂ ye nə ndə kə pa əndje kru tshelə nə tə̂ ə̂kpû azü nə. 37Azü nə nɔ̂ zɨ̂ rəgo nə, tshelə əndje sû. Atrawaya nə rɔ̂ ə̂dû aə̈ndö arəgo nə ə sû kakli mindû amanə bishi. 38Azü nə ə̂në əndje zɨ̂ rəgo nə kɔ sə̂ sake vəna (4 000), əndje dɨ̂ ayashe də aneshe dɨ̂ ne.
39Mandânə, tshə grɔ̂ ə̂kpû azü nə ə ô gâ lə əgerə âgbâ ə rô mâ lə ashɔ əgɔ Magada.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation