Zââ 8
8
1Jezu nâ mâ pâ kaga aayɔ ə̂në əndje djî əɨrɨ nə ə pa ɔlivə kɔ. 2Bale, pə-ê də əzɨ, tshə dô tə̂ ye ə gû mâ lə Anda Ndjapä â azü əgɔ nə nɔ̂ nâ gâ ngotə̂ ye. Tshə sə̂ gâ tʉ â sə̂ kə yisə̂ ərə kə əndje. 3Bale, aawoyisə̂ âgbɔ̂ əpʉ nə̂ Mayïzə gâ ndə Afariza zâ ə̈bə̈ yashe ə̂në əndje tê ətshə də ə̈bə̈ koshe kpî ə̂në tshə sə̂ kə pra ətshə kɔ ə nâ də ətshə, ə zâ ətshə tɔ gâ lə ə̂grû tə̂ azü nə, 4ə pâ kə Jezu ə pa: «Awoyisə̂ ərə, əndje tê yashe səye kprəkəshe də kə pra ə̈bə̈ koshe kpî tə̂ äkɔ̈ nə. 5Mayïzə lə âgbɔ̂ əpʉ, zâ äwä kə ä ndə kə pa ä gbo marä tə̂ ayashe rəke də badja ə wo əndje. Rəkɔ, əbə, bə pa atâ a?»
6Əndje pâ əpʉ səkɔ rə ndə kə tra lɔsu Jezu nə, kanika ə sɔtə̂ ə̈bə̈ əpʉ ndə kə lea ətshə tə̂ nə. Bale Jezu nə têrə gâ tʉ ə vɔ̂tə̂ kə ta fraka də yana kəna ye gâ tə̂ ashɔ. 7Ə̂në əndje sə̂ pə kə yu ətshə də əpʉ nə kɔ, tshə zâ kumu ye gâ lafɔ ə pâ kə əndje ə pa: «Lə takpa tə̂ e, əzü ə̂në tshə mâ ə̈bə̈ nyaka mâ alɔ bale ne, tshə zä badja nə ə gbö ətshə də nə angbʉlînə!» 8Tshə kwâtə̂ye ə têrə gâ tʉ ə vɔ̂tə̂ kə ta fraka nə gâ tə̂ ashɔ nə. 9Alɔ ə̂në əndje djî əpʉ səkɔ, əndje vɔ̂tə̂ kə gbətɔ tə̂ əndje bale bale, ə vɔ̂tə̂ nə tə̂ aâgbɔ̂ azü nə. Â Jezu nə dâka pə kʉtə̂ ye gâ ndə yashe nə ə̂në tshə sə̂ kôto gâ ə̂grû nə kɔ. 10Bale, Jezu nə zâ kumu ye gâ lafɔ ə pâ kə ətshə ə pa: «Yashe, azü nə sə kotâ a? Ə̈bə̈ əzü bale wâ wâ ngbanga gâ lə kumu zə ne a?» 11Tshə kîrə əpʉ ə pa: «Ə̈bə̈ əzü bale ne, Âgbɔ̂ Əzü!» Bale, Jezu nə pâ kə ətshə ə pa: «Əmə ndje, mə wa ngbanga wa gâ lə kumu zə ne; gü na ye ə mbrə̈ nyaka mbrə̈ kwatə̂zə mandânə səye ne.»]#7.53–8.11 Aəpʉ səke lə 7.53–8.11 sə sə lə alabə̈ aangbrɔ afraka Ndjapä də ama grakə ne.
Jezu sə tə ə̂yîəwo tshepashɔ
12Jezu pâ kwatə̂ye kə ə̂kpû azü nə ə pa: «Əmə, mə də̂ ə̂yîəwo tshepashɔ. Əzü ə̂në tshə za äwä əmə, tshə sə sə kə na ana alɔ bale lə əbutshe ne, bale tshə sə kə sə də ə̂yîəwo ə̂në ə sə kə za sorô kə əzü kɔ.» 13Gâ pâ əpʉ səkɔ, Afariza nə pâ kə ətshə ə pa: «Əbə, bə sə kə pa əpʉ də ə̂tə̂ zə gâ pâ əpʉ nə̂ zə, əpʉ nə ə̂në bə pa kɔ sə sə tə djatra əpʉ ne.» 14Jezu nə pâ kə əndje ə pa: «Kədə əmə, mə sə kə pa əpʉ gâ pâ əpʉ nə̂ əmə də ə̂tə̂ əmə, əpʉ nə ə̂në mə pa kɔ sə tə banda əpʉ, mbrə ə̂në mə wûsə̂ ətshe ə̂në mə âfɔ tə̂ nə ə nâ kɔ də ətshe ə̂në mə sə kə gu gâ tə̂ nə kɔ gâ ye. Bale, e-e, e wusə̂ ətshe ə̂në mə âfɔ tə̂ nə ə nâ kɔ wala ətshe ə̂në mə gu gâ tə̂ nə kɔ wu ne. 15E-e, e sə kə wa ngbanga tə azü; əmə, mə wa ngbanga wa gâ lə kumu ə̈bə̈ əzü bale ne. 16Â kədə, əmə, mə wa kəmə ngbanga, kə wa ngbanga nə̂ əmə nə sə kə sə kəmə tə djatra kə wa ngbanga, mbrə ə̂në mə sə sə kʉtə̂ əmə ne, Abä ə̂në tshə wlâ əmə kɔ sə gâ ndə əmə. 17Lə âgbɔ̂ əpʉ nə̂ e, əndje tâ əpʉ ə pa: “Kədə azü bishi kə pa kʉtə̂ əpʉ bale, əpʉ nə sə tə banda əpʉ.”#8.17 Wu Əpʉ 19.15. 18Əmə, mə sə kə pa əpʉ gâ pâ əpʉ nə̂ əmə də ə̂tə̂ əmə, â Abä ə̂në tshə wlâ əmə kɔ, tshə sə kə pa əpʉ gâ pâ əpʉ nə̂ əmə.» 19Rəkɔ, əndje pâ kə ətshə ə pa: «Abä zə nə sə kotâ a?» Jezu kîrə əpʉ ə pa: «E wu wusə̂ əmə wala ə də Abä əmə ndje ne. Kədə e wûsə̂ kəmə əmə, e sə kə wusə̂ kəmə Abä əmə ndje.» 20Jezu nə pâ aəpʉ səkɔ alɔ ə̂në tshə sə̂ kə yisə̂ ərə lə Anda Ndjapä tə̂ ətshe ə̂në asandugu ngendja sə̂ tə̂ nə kɔ, â ə̈bə̈ əzü bale nâ nâ ə tegbɔ ətshə ne, mbrə ə̂në alɔ nə̂ ye tê tê pa ə lï ne.
Jezu pâ ndə əpʉ kə gu ətshə mâ ndə Abä nə
21Jezu kwâtə̂ye ə pâ kə əndje ə pa: «Əmə, mə sə kə gu na ye, â e pra əmə je, bale e sə kə tshu lə nyaka nə̂ e. Ətshe ə̂në, əmə, mə sə kə na gâ tə̂ nə kɔ, e-e, e lï lï ndə kə na gâ tə̂ nə ne.» 22Bale, Ajuwufu nə yû tə̂ əndje ə pa tshə sə kə wo tə̂ ye də ə̂tə̂ ye a? Mbrə ə̂në tshə pâ: «Ətshe ə̂në, əmə, mə sə kə gu gâ tə̂ nə kɔ, e lï lï ndə kə na gâ tə̂ nə ne.» 23Bale, tshə pâ kə əndje ə pa: «E-e, e sə tə azü tshepashɔ; əmə, mə sə tə əzü tshelafɔ. E-e, e sə ənə̂ e tə ənə̂ tshepashɔ səye, bale, əmə, mə sə ənə̂ əmə sə tə ənə̂ tshepashɔ səye ne. 24Âdârə ə̂në mə pâ kə e ə pa e sə kə tshu lə anyaka nə̂ e kɔ kə sə̂. Mbrə ə̂në, kədə e yində nə yi də lɔsu e ə pa əmə, mə də̂ ətshə ə̂në mə sə#8.24 Mə də̂ ətshə ə̂në mə sə: Alɔ ə̂në Jezu pâ əpʉ rə, tshə lî tshelə ye gâ pâ əɨrɨ Ndjapä «Yahve», wu Wutu 3.14; wu ndje alabə̈ aə̈ndö nə lə fraka nə̂ Zââ 8.28,58; 12.26; 13.13,19; 18.5-6,8. ne, e sə kə tshu nə lə anyaka nə̂ e.» 25Əndje pâ kə ətshə ə pa: «Əbə, bə sə tə əde?» Jezu kîrə əpʉ kə əndje ə pa: «Mə sə kə pa ndə nə kə e kerə pə tə̂ ama nə. 26Mə sə də əpʉ ngbatshe ndə kə pa nə gâ pâ əpʉ nə̂ e â sə də ngbanga ndə kə wa nə gâ lə kumu e. Bale, ətshə ə̂në tshə wlâ əmə kɔ, tshə sə kə pa djatra əpʉ, â əmə, mə sə kə pa əpʉ ə̂në mə djî lə ama ye kɔ kə azü tshepashɔ.»
27Əndje wûsə̂ nə wû ə pa Abä də̂ tshə pâ ndə əpʉ ye kə əndje kɔ ne. 28Bale, Jezu nə pâ kə əndje ə pa: «Alɔ ə̂në e sə kə kânga Əgblə nə̂ Əzü gâ lafɔ, e sə kə wusə̂ nə ə pa, əmə, “Mə sə tə ətshə ə̂në mə sə”, â mə sə sə kə ma ə̈bə̈ ərə ndə kumu əmə ne, bale mə sə kə pa əpʉ Lïndə̂ ərə ə̂në Abä yîsə̂ nə kə əmə gâ ye kɔ. 29Ətshə ə̂në tshə wlâ əmə kɔ sə gâ ndə əmə. Tshə kâtə̂ əmə kâ kʉtə̂ əmə ne, mbrə ə̂në, əmə, mə sə kə mbrə alɔnɔ̂ ərə ə̂në ə fʉ ə fʉ tə̂ ye kɔ.» 30Ə̂në tshə sə̂ kə pa əpʉ rə kɔ, azü ngbatshe zâ lɔsu əndje kə ətshə.
Djatra əpʉ to mâ ndə Ndjapä
31Bale, Jezu pâ əpʉ kə Ajuwufu nə ə̂në əndje zâ lɔsu əndje kə ətshə kɔ ə pa: «Kədə e daka pə lə əpʉ nə̂ əmə, e sə kə sə tə adjatra atrawaya nə̂ əmə, 32e sə kə wusə̂ djatra əpʉ â djatra əpʉ nə sə kə djɔ e lə kanga.» 33Əndje kîrə əpʉ kə ətshə ə pa: «Ä-ä, ä sə tə alätä Abraamo, â ä sə sə tə akanga nə̂ ə̈bə̈ əzü alɔ bale ne. Bə lï ndə kə pa əpʉ atâ â pa: “E sə kə wutu lə kanga” kɔ?» 34Jezu kîrə əpʉ kə əndje ə pa: «Djatra əpʉ, mə pa kə e, əzü nɔ̂ ə̂në tshə sə kə ma nyaka, tshə sə tə kanga nyaka nə. 35Kandää, kanga nə da daka pə alɔnɔ̂ lə anda ne, ətshə, ɨrɨ tshelə bəngʉ nə kə sə kə daka pə alɔnɔ̂ lə anda nə. 36Rəkɔ, kədə Ɨrɨ Ndjapä nə kə djɔ e lə kanga nə, e sə kə wutu ngâ lə kanga nə. 37Mə wusə̂ nə ə pa e sə tə alätä Abraamo, bale e sə kə pra äwä ndə kə wo əmə, mbrə ə̂në əpʉ nə̂ əmə sə sə tə̂ lɔsu e ne. 38Əmə, mə sə kə pa əpʉ ərə ə̂në mə wû ndə Abä əmə kɔ; e-e ndje, e sə kə mbrə ərə ə̂në e djî əpʉ nə lə ama abä e kɔ.» 39Əndje kîrə əpʉ kə ətshə ə pa: «Abä ä kə də̂ Abraamo.» Jezu pâ kə əndje ə pa: «Kədə e sə̂ kəmə tə aneshe nə̂ Abraamo, e sə kə mbrə kəmə aərə ə̂në Abraamo mbrə̂ gâ ye kɔ. 40Bale kpəsəye, e sə kə pra äwä ndə kə wo əmə, əmə ə̂në mə pâ djatra əpʉ ə̂në mə djî lə ama Ndjapä kɔ kə e kɔ. Abraamo nə mâ ərə səkɔ mâ ne. 41E-e, e sə kə mbrə aərə ə̂në abä e sə kə mbrə nə kɔ.» Əndje pâ kə ətshə ə pa: «Ä-ä, ä sə sə tə aneshe ə̂në əndje zû ä gashu ne, Abä ä sə kʉ bale, tə Ndjapä.»
42Jezu pâ kə əndje ə pa: «Kədə Ndjapä kə sə̂ kəmə tə Abä e, e sə kə yində əmə kəmə. Mbrə ə̂në mə tô mâ ndə Ndjapä â wûtu â nâ kɔ. Mə nâ nâ ndə kumu əmə də ə̂tə̂ əmə ne, bale Ndjapä kə wlâ əmə kɔ. 43Mbrə yekɔ də̂ e dji tshelə aəpʉ nə̂ əmə nə dji ne kɔ? Mbrə ə̂në e lï lï ndə kə dji əpʉ nə̂ əmə nə ne. 44Abä e kə də djablo, â e yində kə mbrə ərə ə̂në tshelə abä e yində nə kɔ. Ətshə, tshə sə tə awowo azü kʉ pə tə̂ alɔ kə vɔtə̂ aərə. Tshə ka ka gâ pâ ə̈bə̈ djatra əpʉ alɔ bale ne, mbrə ə̂në djatra əpʉ sə sə lə ye ne. Alɔ ə̂në tshə sə kə pa əterə, tshə pa əpʉ ərə ə̂në ə sə djoko lə ye kɔ, mbrə ə̂në tshə sə tə əyïəterə â sə tə abä əterə nə. 45Bale əmə, mbrə ə̂në mə sə kə pa djatra əpʉ kɔ, e yində əpʉ nə̂ əmə yi də lɔsu e ne. 46Əde lə takpa tə̂ e kə lï ndə kə yisə̂ nə gashu ə pa mə ma nyaka a? Kədə mə sə kə pa djatra əpʉ, mbrə yekɔ də̂, e-e, e za lɔsu e za kə əmə ne? 47Əzü ə̂në tshə sə tə ənə̂ Ndjapä, tshə sə kə dji aəpʉ nə̂ Ndjapä nə. Bale kədə, e-e, e dji aəpʉ nə dji ne, mbrə ə̂në e sə sə tə ənə̂ Ndjapä nə ne.»
Jezu də Abraamo
48Ajuwufu nə kîrə əpʉ kə ətshə ə pa: «Əpʉ ə̂në ä pâ, əbə, bə sə tə əzü əgɔ Samari â ə̈bə̈ afrɔ yîrə̂ sə lə zə kɔ, ə sə tə djatra əpʉ.» 49Jezu nə kîrə əpʉ ə pa: «Əmə, mə sə sə də afrɔ yîrə̂ lə əmə ne, bale mə sə kə lʉ Abä əmə, â e-e, e lʉ əmə lʉ ne. 50Əmə, mə sə sə kə pra äwä ndə kə pa azü mbe əmə ne, bale ə̈bə̈ əzü sə je ə̂në tshə sə kə pra äwä nə â sə kə wa ngbanga. 51Djatra əpʉ, mə pa kə e, kədə ə̈bə̈ əzü kə bata əpʉ nə̂ əmə, tshə sə sə kə tshu alɔ bale ne.» 52Rəkɔ, Ajuwufu nə pâ kə ətshə ə pa: «Kpəsəye, ä wûsə̂ nə ə pa ə̈bə̈ afrɔ yîrə̂ sə lə zə gâ ye. Abraamo tshû gâ ye, gâ ndə aawopandəma Ndjapä ndje, â əbə, bə pa: “Kədə ə̈bə̈ əzü kə bata əpʉ nə̂ əmə, tshə sə sə kə tshu alɔ bale ne.” 53Əbə, bə sə tə âgbɔ̂ əzü ə rô abä ä də Abraamo ə̂në tshə tshû gâ ye kɔ a? Aawopandəma Ndjapä ndje tshû gâ ye. Bə wu ə pa bə sə ənə̂ zə tə əde?» 54Jezu kîrə əpʉ ə pa «Kədə əmə də ə̂tə̂ əmə kə sə kə pa əpʉ kə mbe tə̂ əmə, əpʉ kə mbe tə̂ əmə nə sə sə kə tɔ gâ tə̂ ə̈bə̈ ərə bale ne. Abä əmə kə sə̂ â mbe əmə, ətshə ə̂në e-e, e pa: “Tshə sə tə Ndjapä nə̂ ä” kɔ. 55Bale, e wusə̂ ye wu ne; əmə, mə wusə̂ ye. Â kədə mə pa mə wusə̂ ye wu ne, mə sə kə sə̂ kəmə tə əyïəterə mata e. Bale, mə wusə̂ ye ə sə kə bata əpʉ nə̂ ye. 56Abä e də Abraamo sə̂ də âgbɔ̂ ə̂rû alɔ ə̂në tshə wû ə pa əne wu əlo kə na əmə je. Tshə wû â sə̂ də âgbɔ̂ ə̂rû.» 57Ajuwufu nə pâ kə ətshə ə pa: «Bə te te pa ə sə də ə̂ngû zazü bishi də morofo ne, â bə wû Abraamo gâ ye a?» 58Jezu nə pâ kə əndje ə pa: «Djatra əpʉ, mə pa kə e, angbʉlînə ndə kə pa əndje zû Abraamo, “əmə, mə sə je”.» 59Kôto, əndje kô abadja ndə kə gbo Jezu nə də nə, bale tshə zâ tə̂ ye wû â wûtu lə Anda Ndjapä nə.
Kasalukuyang Napili:
Zââ 8: liy
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation
Zââ 8
8
1Jezu nâ mâ pâ kaga aayɔ ə̂në əndje djî əɨrɨ nə ə pa ɔlivə kɔ. 2Bale, pə-ê də əzɨ, tshə dô tə̂ ye ə gû mâ lə Anda Ndjapä â azü əgɔ nə nɔ̂ nâ gâ ngotə̂ ye. Tshə sə̂ gâ tʉ â sə̂ kə yisə̂ ərə kə əndje. 3Bale, aawoyisə̂ âgbɔ̂ əpʉ nə̂ Mayïzə gâ ndə Afariza zâ ə̈bə̈ yashe ə̂në əndje tê ətshə də ə̈bə̈ koshe kpî ə̂në tshə sə̂ kə pra ətshə kɔ ə nâ də ətshə, ə zâ ətshə tɔ gâ lə ə̂grû tə̂ azü nə, 4ə pâ kə Jezu ə pa: «Awoyisə̂ ərə, əndje tê yashe səye kprəkəshe də kə pra ə̈bə̈ koshe kpî tə̂ äkɔ̈ nə. 5Mayïzə lə âgbɔ̂ əpʉ, zâ äwä kə ä ndə kə pa ä gbo marä tə̂ ayashe rəke də badja ə wo əndje. Rəkɔ, əbə, bə pa atâ a?»
6Əndje pâ əpʉ səkɔ rə ndə kə tra lɔsu Jezu nə, kanika ə sɔtə̂ ə̈bə̈ əpʉ ndə kə lea ətshə tə̂ nə. Bale Jezu nə têrə gâ tʉ ə vɔ̂tə̂ kə ta fraka də yana kəna ye gâ tə̂ ashɔ. 7Ə̂në əndje sə̂ pə kə yu ətshə də əpʉ nə kɔ, tshə zâ kumu ye gâ lafɔ ə pâ kə əndje ə pa: «Lə takpa tə̂ e, əzü ə̂në tshə mâ ə̈bə̈ nyaka mâ alɔ bale ne, tshə zä badja nə ə gbö ətshə də nə angbʉlînə!» 8Tshə kwâtə̂ye ə têrə gâ tʉ ə vɔ̂tə̂ kə ta fraka nə gâ tə̂ ashɔ nə. 9Alɔ ə̂në əndje djî əpʉ səkɔ, əndje vɔ̂tə̂ kə gbətɔ tə̂ əndje bale bale, ə vɔ̂tə̂ nə tə̂ aâgbɔ̂ azü nə. Â Jezu nə dâka pə kʉtə̂ ye gâ ndə yashe nə ə̂në tshə sə̂ kôto gâ ə̂grû nə kɔ. 10Bale, Jezu nə zâ kumu ye gâ lafɔ ə pâ kə ətshə ə pa: «Yashe, azü nə sə kotâ a? Ə̈bə̈ əzü bale wâ wâ ngbanga gâ lə kumu zə ne a?» 11Tshə kîrə əpʉ ə pa: «Ə̈bə̈ əzü bale ne, Âgbɔ̂ Əzü!» Bale, Jezu nə pâ kə ətshə ə pa: «Əmə ndje, mə wa ngbanga wa gâ lə kumu zə ne; gü na ye ə mbrə̈ nyaka mbrə̈ kwatə̂zə mandânə səye ne.»]#7.53–8.11 Aəpʉ səke lə 7.53–8.11 sə sə lə alabə̈ aangbrɔ afraka Ndjapä də ama grakə ne.
Jezu sə tə ə̂yîəwo tshepashɔ
12Jezu pâ kwatə̂ye kə ə̂kpû azü nə ə pa: «Əmə, mə də̂ ə̂yîəwo tshepashɔ. Əzü ə̂në tshə za äwä əmə, tshə sə sə kə na ana alɔ bale lə əbutshe ne, bale tshə sə kə sə də ə̂yîəwo ə̂në ə sə kə za sorô kə əzü kɔ.» 13Gâ pâ əpʉ səkɔ, Afariza nə pâ kə ətshə ə pa: «Əbə, bə sə kə pa əpʉ də ə̂tə̂ zə gâ pâ əpʉ nə̂ zə, əpʉ nə ə̂në bə pa kɔ sə sə tə djatra əpʉ ne.» 14Jezu nə pâ kə əndje ə pa: «Kədə əmə, mə sə kə pa əpʉ gâ pâ əpʉ nə̂ əmə də ə̂tə̂ əmə, əpʉ nə ə̂në mə pa kɔ sə tə banda əpʉ, mbrə ə̂në mə wûsə̂ ətshe ə̂në mə âfɔ tə̂ nə ə nâ kɔ də ətshe ə̂në mə sə kə gu gâ tə̂ nə kɔ gâ ye. Bale, e-e, e wusə̂ ətshe ə̂në mə âfɔ tə̂ nə ə nâ kɔ wala ətshe ə̂në mə gu gâ tə̂ nə kɔ wu ne. 15E-e, e sə kə wa ngbanga tə azü; əmə, mə wa ngbanga wa gâ lə kumu ə̈bə̈ əzü bale ne. 16Â kədə, əmə, mə wa kəmə ngbanga, kə wa ngbanga nə̂ əmə nə sə kə sə kəmə tə djatra kə wa ngbanga, mbrə ə̂në mə sə sə kʉtə̂ əmə ne, Abä ə̂në tshə wlâ əmə kɔ sə gâ ndə əmə. 17Lə âgbɔ̂ əpʉ nə̂ e, əndje tâ əpʉ ə pa: “Kədə azü bishi kə pa kʉtə̂ əpʉ bale, əpʉ nə sə tə banda əpʉ.”#8.17 Wu Əpʉ 19.15. 18Əmə, mə sə kə pa əpʉ gâ pâ əpʉ nə̂ əmə də ə̂tə̂ əmə, â Abä ə̂në tshə wlâ əmə kɔ, tshə sə kə pa əpʉ gâ pâ əpʉ nə̂ əmə.» 19Rəkɔ, əndje pâ kə ətshə ə pa: «Abä zə nə sə kotâ a?» Jezu kîrə əpʉ ə pa: «E wu wusə̂ əmə wala ə də Abä əmə ndje ne. Kədə e wûsə̂ kəmə əmə, e sə kə wusə̂ kəmə Abä əmə ndje.» 20Jezu nə pâ aəpʉ səkɔ alɔ ə̂në tshə sə̂ kə yisə̂ ərə lə Anda Ndjapä tə̂ ətshe ə̂në asandugu ngendja sə̂ tə̂ nə kɔ, â ə̈bə̈ əzü bale nâ nâ ə tegbɔ ətshə ne, mbrə ə̂në alɔ nə̂ ye tê tê pa ə lï ne.
Jezu pâ ndə əpʉ kə gu ətshə mâ ndə Abä nə
21Jezu kwâtə̂ye ə pâ kə əndje ə pa: «Əmə, mə sə kə gu na ye, â e pra əmə je, bale e sə kə tshu lə nyaka nə̂ e. Ətshe ə̂në, əmə, mə sə kə na gâ tə̂ nə kɔ, e-e, e lï lï ndə kə na gâ tə̂ nə ne.» 22Bale, Ajuwufu nə yû tə̂ əndje ə pa tshə sə kə wo tə̂ ye də ə̂tə̂ ye a? Mbrə ə̂në tshə pâ: «Ətshe ə̂në, əmə, mə sə kə gu gâ tə̂ nə kɔ, e lï lï ndə kə na gâ tə̂ nə ne.» 23Bale, tshə pâ kə əndje ə pa: «E-e, e sə tə azü tshepashɔ; əmə, mə sə tə əzü tshelafɔ. E-e, e sə ənə̂ e tə ənə̂ tshepashɔ səye, bale, əmə, mə sə ənə̂ əmə sə tə ənə̂ tshepashɔ səye ne. 24Âdârə ə̂në mə pâ kə e ə pa e sə kə tshu lə anyaka nə̂ e kɔ kə sə̂. Mbrə ə̂në, kədə e yində nə yi də lɔsu e ə pa əmə, mə də̂ ətshə ə̂në mə sə#8.24 Mə də̂ ətshə ə̂në mə sə: Alɔ ə̂në Jezu pâ əpʉ rə, tshə lî tshelə ye gâ pâ əɨrɨ Ndjapä «Yahve», wu Wutu 3.14; wu ndje alabə̈ aə̈ndö nə lə fraka nə̂ Zââ 8.28,58; 12.26; 13.13,19; 18.5-6,8. ne, e sə kə tshu nə lə anyaka nə̂ e.» 25Əndje pâ kə ətshə ə pa: «Əbə, bə sə tə əde?» Jezu kîrə əpʉ kə əndje ə pa: «Mə sə kə pa ndə nə kə e kerə pə tə̂ ama nə. 26Mə sə də əpʉ ngbatshe ndə kə pa nə gâ pâ əpʉ nə̂ e â sə də ngbanga ndə kə wa nə gâ lə kumu e. Bale, ətshə ə̂në tshə wlâ əmə kɔ, tshə sə kə pa djatra əpʉ, â əmə, mə sə kə pa əpʉ ə̂në mə djî lə ama ye kɔ kə azü tshepashɔ.»
27Əndje wûsə̂ nə wû ə pa Abä də̂ tshə pâ ndə əpʉ ye kə əndje kɔ ne. 28Bale, Jezu nə pâ kə əndje ə pa: «Alɔ ə̂në e sə kə kânga Əgblə nə̂ Əzü gâ lafɔ, e sə kə wusə̂ nə ə pa, əmə, “Mə sə tə ətshə ə̂në mə sə”, â mə sə sə kə ma ə̈bə̈ ərə ndə kumu əmə ne, bale mə sə kə pa əpʉ Lïndə̂ ərə ə̂në Abä yîsə̂ nə kə əmə gâ ye kɔ. 29Ətshə ə̂në tshə wlâ əmə kɔ sə gâ ndə əmə. Tshə kâtə̂ əmə kâ kʉtə̂ əmə ne, mbrə ə̂në, əmə, mə sə kə mbrə alɔnɔ̂ ərə ə̂në ə fʉ ə fʉ tə̂ ye kɔ.» 30Ə̂në tshə sə̂ kə pa əpʉ rə kɔ, azü ngbatshe zâ lɔsu əndje kə ətshə.
Djatra əpʉ to mâ ndə Ndjapä
31Bale, Jezu pâ əpʉ kə Ajuwufu nə ə̂në əndje zâ lɔsu əndje kə ətshə kɔ ə pa: «Kədə e daka pə lə əpʉ nə̂ əmə, e sə kə sə tə adjatra atrawaya nə̂ əmə, 32e sə kə wusə̂ djatra əpʉ â djatra əpʉ nə sə kə djɔ e lə kanga.» 33Əndje kîrə əpʉ kə ətshə ə pa: «Ä-ä, ä sə tə alätä Abraamo, â ä sə sə tə akanga nə̂ ə̈bə̈ əzü alɔ bale ne. Bə lï ndə kə pa əpʉ atâ â pa: “E sə kə wutu lə kanga” kɔ?» 34Jezu kîrə əpʉ kə əndje ə pa: «Djatra əpʉ, mə pa kə e, əzü nɔ̂ ə̂në tshə sə kə ma nyaka, tshə sə tə kanga nyaka nə. 35Kandää, kanga nə da daka pə alɔnɔ̂ lə anda ne, ətshə, ɨrɨ tshelə bəngʉ nə kə sə kə daka pə alɔnɔ̂ lə anda nə. 36Rəkɔ, kədə Ɨrɨ Ndjapä nə kə djɔ e lə kanga nə, e sə kə wutu ngâ lə kanga nə. 37Mə wusə̂ nə ə pa e sə tə alätä Abraamo, bale e sə kə pra äwä ndə kə wo əmə, mbrə ə̂në əpʉ nə̂ əmə sə sə tə̂ lɔsu e ne. 38Əmə, mə sə kə pa əpʉ ərə ə̂në mə wû ndə Abä əmə kɔ; e-e ndje, e sə kə mbrə ərə ə̂në e djî əpʉ nə lə ama abä e kɔ.» 39Əndje kîrə əpʉ kə ətshə ə pa: «Abä ä kə də̂ Abraamo.» Jezu pâ kə əndje ə pa: «Kədə e sə̂ kəmə tə aneshe nə̂ Abraamo, e sə kə mbrə kəmə aərə ə̂në Abraamo mbrə̂ gâ ye kɔ. 40Bale kpəsəye, e sə kə pra äwä ndə kə wo əmə, əmə ə̂në mə pâ djatra əpʉ ə̂në mə djî lə ama Ndjapä kɔ kə e kɔ. Abraamo nə mâ ərə səkɔ mâ ne. 41E-e, e sə kə mbrə aərə ə̂në abä e sə kə mbrə nə kɔ.» Əndje pâ kə ətshə ə pa: «Ä-ä, ä sə sə tə aneshe ə̂në əndje zû ä gashu ne, Abä ä sə kʉ bale, tə Ndjapä.»
42Jezu pâ kə əndje ə pa: «Kədə Ndjapä kə sə̂ kəmə tə Abä e, e sə kə yində əmə kəmə. Mbrə ə̂në mə tô mâ ndə Ndjapä â wûtu â nâ kɔ. Mə nâ nâ ndə kumu əmə də ə̂tə̂ əmə ne, bale Ndjapä kə wlâ əmə kɔ. 43Mbrə yekɔ də̂ e dji tshelə aəpʉ nə̂ əmə nə dji ne kɔ? Mbrə ə̂në e lï lï ndə kə dji əpʉ nə̂ əmə nə ne. 44Abä e kə də djablo, â e yində kə mbrə ərə ə̂në tshelə abä e yində nə kɔ. Ətshə, tshə sə tə awowo azü kʉ pə tə̂ alɔ kə vɔtə̂ aərə. Tshə ka ka gâ pâ ə̈bə̈ djatra əpʉ alɔ bale ne, mbrə ə̂në djatra əpʉ sə sə lə ye ne. Alɔ ə̂në tshə sə kə pa əterə, tshə pa əpʉ ərə ə̂në ə sə djoko lə ye kɔ, mbrə ə̂në tshə sə tə əyïəterə â sə tə abä əterə nə. 45Bale əmə, mbrə ə̂në mə sə kə pa djatra əpʉ kɔ, e yində əpʉ nə̂ əmə yi də lɔsu e ne. 46Əde lə takpa tə̂ e kə lï ndə kə yisə̂ nə gashu ə pa mə ma nyaka a? Kədə mə sə kə pa djatra əpʉ, mbrə yekɔ də̂, e-e, e za lɔsu e za kə əmə ne? 47Əzü ə̂në tshə sə tə ənə̂ Ndjapä, tshə sə kə dji aəpʉ nə̂ Ndjapä nə. Bale kədə, e-e, e dji aəpʉ nə dji ne, mbrə ə̂në e sə sə tə ənə̂ Ndjapä nə ne.»
Jezu də Abraamo
48Ajuwufu nə kîrə əpʉ kə ətshə ə pa: «Əpʉ ə̂në ä pâ, əbə, bə sə tə əzü əgɔ Samari â ə̈bə̈ afrɔ yîrə̂ sə lə zə kɔ, ə sə tə djatra əpʉ.» 49Jezu nə kîrə əpʉ ə pa: «Əmə, mə sə sə də afrɔ yîrə̂ lə əmə ne, bale mə sə kə lʉ Abä əmə, â e-e, e lʉ əmə lʉ ne. 50Əmə, mə sə sə kə pra äwä ndə kə pa azü mbe əmə ne, bale ə̈bə̈ əzü sə je ə̂në tshə sə kə pra äwä nə â sə kə wa ngbanga. 51Djatra əpʉ, mə pa kə e, kədə ə̈bə̈ əzü kə bata əpʉ nə̂ əmə, tshə sə sə kə tshu alɔ bale ne.» 52Rəkɔ, Ajuwufu nə pâ kə ətshə ə pa: «Kpəsəye, ä wûsə̂ nə ə pa ə̈bə̈ afrɔ yîrə̂ sə lə zə gâ ye. Abraamo tshû gâ ye, gâ ndə aawopandəma Ndjapä ndje, â əbə, bə pa: “Kədə ə̈bə̈ əzü kə bata əpʉ nə̂ əmə, tshə sə sə kə tshu alɔ bale ne.” 53Əbə, bə sə tə âgbɔ̂ əzü ə rô abä ä də Abraamo ə̂në tshə tshû gâ ye kɔ a? Aawopandəma Ndjapä ndje tshû gâ ye. Bə wu ə pa bə sə ənə̂ zə tə əde?» 54Jezu kîrə əpʉ ə pa «Kədə əmə də ə̂tə̂ əmə kə sə kə pa əpʉ kə mbe tə̂ əmə, əpʉ kə mbe tə̂ əmə nə sə sə kə tɔ gâ tə̂ ə̈bə̈ ərə bale ne. Abä əmə kə sə̂ â mbe əmə, ətshə ə̂në e-e, e pa: “Tshə sə tə Ndjapä nə̂ ä” kɔ. 55Bale, e wusə̂ ye wu ne; əmə, mə wusə̂ ye. Â kədə mə pa mə wusə̂ ye wu ne, mə sə kə sə̂ kəmə tə əyïəterə mata e. Bale, mə wusə̂ ye ə sə kə bata əpʉ nə̂ ye. 56Abä e də Abraamo sə̂ də âgbɔ̂ ə̂rû alɔ ə̂në tshə wû ə pa əne wu əlo kə na əmə je. Tshə wû â sə̂ də âgbɔ̂ ə̂rû.» 57Ajuwufu nə pâ kə ətshə ə pa: «Bə te te pa ə sə də ə̂ngû zazü bishi də morofo ne, â bə wû Abraamo gâ ye a?» 58Jezu nə pâ kə əndje ə pa: «Djatra əpʉ, mə pa kə e, angbʉlînə ndə kə pa əndje zû Abraamo, “əmə, mə sə je”.» 59Kôto, əndje kô abadja ndə kə gbo Jezu nə də nə, bale tshə zâ tə̂ ye wû â wûtu lə Anda Ndjapä nə.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation