Zââ 6
6
Jezu kô rəgo kə azü sake mindû
(Matiɔ 14.13-21; Markə 6.30-44; Luki 9.10-17)
1Mandâ aərə səkɔ, Jezu nâ mâ ətshî dala ə̂ngû əgɔ Galile ə̂në əndje ê ndje tə̂ nə ə pa dala ə̂ngû Tiberiadə kɔ. 2Ə̈bə̈ əgerə ə̂kpû azü zâ äwä ye, mbrə ə̂në əndje wû aərə ə̈lü ə̂në tshə mbrə̂ â grɔ̂ arəka tə̂ alayïrəka kɔ. 3Bale, Jezu ô gâ pâ kaga, â sə̂ gâ tʉ kôto də atrawaya nə̂ ye. 4Kandää Pakə, ə̂në ə sə̂ tə sandaga nə̂ Ajuwufu kɔ ndô trö gâ ye. 5Jezu lîshi gâ lafɔ ə wû ə pa ə̈bə̈ əgerə ə̂kpû azü sə̂ kə na gu nə gâ tə̂ əne. Bale, tshə yû Flipə ə pa: «A yɔ mapa kotâ â azü səye ə zɨ?» 6Tshə pâ əpʉ səkɔ ndə kə pa tshə tra lɔsu Flipə nə, mbrə ə̂në, ətshə, tshə wûsə̂ ərə ə̂në tshə sə kə mbrə nə kɔ gâ ye.
7Flipə nə kîrə əpʉ kə ətshə ə pa: «A sə kəmə də ə̂lê ngendja ngbangbo bishi#6.7 Ə̂lê ngendja ngbangbo bishi: Tə̂ tshekɨ nə səkɔ, ə̂lê ngendja bale sə tə ngendja kosəra nə̂ əzü lə əlo bale. Ə̂lê ngendja ngbangbo bishi sə tə ngendja kosəra nə̂ əzü lə yipʉ mindû amanə vəta. (200) ə lï lï ndə kə pa a yɔ də mapa ka əzü bale bale sɔtə̂ nə teashe ka ə zɨ ne.» 8Ə̈bə̈ trawaya nə̂ ye bale, Andre, aye Shemɔ Piarə pâ kə ətshə ə pa: 9«Ə̈bə̈ mɔdɔ sə kotəye ə sə də mapa mindû ə̂në əndje mâ də ndjuwu ɔrjə kɔ gâ ndə asungû bishi. Bale, ə tɔ gâ tə̂ yekɔ mbrə azü ə̂në əndje ngbâ ə rô pâ nə gâ ye kɔ?» 10Jezu pâ əpʉ ə pa: «E pä əpʉ kə azü nə əndje sə gâ tʉ.» Güsü rô pâ nə tə̂ ətshe səkɔ gâ ye â azü nə sə̂ gâ tʉ. Kumu əndje sə̂ mata sake mindû (5 000). 11Bale, Jezu kô amapa nə ə zâ mərshe kə Ndjapä ə krû tshelə nə tə̂ azü nə ə̂në əndje sə̂ je kɔ. Tshə mbrə̂ ndje kʉ rə tə̂ asungû nə, â kô kə əndje ə lî də əgo nə̂ əndje nə. 12Alɔ ə̂në tshelə əndje sû gâ ye kɔ, Jezu zâ ama kə atrawaya nə̂ ye nə ə pa: «E rɔ̈ ə̂dû aə̈ndö amapa nə ə̂në ə daka pə kɔ, kanika ə̈bə̈ ərə bale sə sə pə ka ə ndɨ ne.» 13Rəkɔ, əndje rɔ̂ â akakli yashe morofo amanə bishi sû də aə̈ndö amapa ɔrjə mindû nə ə̂në azü nə zɨ̂ ä ə̂dû nə dâka pə kɔ.
14Alɔ ə̂në azü nə wû ərə ə̈lü nə ə̂në Jezu nə mbrə̂ kɔ, əndje pâ əpʉ ə pa: «Ətshə kə sə ngâ tə̂ Awopandəma Ndjapä ə̂në tshə sə kə na gâ pâ ashɔ kɔ.» 15Bale, ə̂në Jezu wûsə̂ nə ə pa azü nə sə̂ kə na ndə za əne də awlra ndə kə pa əndje mbrə əne tə əyïngerə kɔ, tshə gbə̂tɔ tə̂ ye kwatə̂ye ə nâ mâ pâ kaga nə, ətshə kʉtə̂ ye.
Jezu nâ ana pâ ala ə̂ngû
(Matiɔ 14.22-33; Markə 6.45-52)
16Alɔ ə̂në alɔ dɨ̂ gâ ye kɔ, atrawaya nə̂ Jezu nə jêrə ʉrrr ndjɔ mâ tə̂ ama dala ə̂ngû nə. 17Əndje ô gâ lə ə̈bə̈ əgerə âgbâ ndə kə na mâ Kaprənayɔmə, mâ ətshî ə̂ngû nə. Ətshe vɔ̂tə̂ kə bu nə gâ ye â Jezu tê tê pa ə gu gâ tə̂ əndje ne. 18Bale, ə̈bə̈ âgbɔ̂ əyi vɔ̂tə̂ kə yi nə â akplaka ə̂ngû nə vɔ̂tə̂ nə tə bandanə. 19Mandânə ə̂në əndje rô də əgerə âgbâ nə ʉrrr ə lî də kə dɨ tshelə ə̈nü sake mindû wala sake mindû amanə bale kɔ, əndje wû Jezu ə̂në tshə sə̂ kə na ana pâ ala ə̂ngû nə â sə̂ kə na gu nə trö də əgerə âgbâ nə kɔ, â awa zâ əndje gâ ye. 20Bale, Jezu nə pâ kə əndje ə pa: «Əmə kə sə̂! Awa mbrə̈ e mbrə̈ ne!»
21Rəkɔ, əndje yîndə kə za ətshə gâ lə əgerə âgbâ nə, bale kʉ pə kôto, əgerə âgbâ nə gôro ama ashɔ tə̂ ətshe nə ə̂në əndje sə̂ kə na gâ tə̂ nə kɔ gâ ye.
Ə̂kpû azü sə̂ kə pra Jezu
22Tshe nə krâ, ə̂në ə̂kpû azü nə dâka pə mâ ətshî ə̂ngû nə je kɔ, əndje wû ə pa kʉtə̂ əgerə âgbâ bale kə dâka pə kôto wɔlumə â Jezu ô ô gâ lə əgerə âgbâ nə gâ ndə atrawaya nə̂ ye nə ne, â atrawaya nə kʉtə̂ əndje kə rô kɔ. 23Kandää, alabə̈ aata əgbro aâgbâ nə âfɔ mâ Tiberiadə ə wûtu, trö tə̂ ətshe nə ə̂në əndje zɨ̂ mapa nə tə̂ nə kɔ, mandânə ə̂në Âgbɔ̂ Əyïngerə nə zâ mərshe kə Ndjapä gâ ye kɔ. 24Alɔ ə̂në ə̂kpû azü nə wû ə pa Jezu nə, wala atrawaya nə̂ ye, sə̂ sə̂ je ne kɔ, əndje də ə̂tə̂ əndje, əndje ô gâ lə əgbro aâgbâ səkɔ ə nâ mâ Kaprənayɔmə je ndə kə pra Jezu nə.
Jezu sə tə mapa ə̂në ə sə kə za sorô kə əzü
25Əndje sɔ̂tə̂ ye mâ ətshî ə̂ngû nə mâ je ə pâ kə ətshə ə pa: «Awoyisə̂ ərə, bə yî kumu zə kotəye gorɔ?» 26Jezu kîrə əpʉ kə əndje ə pa: «Djatra əpʉ, mə pa kə e, ə də̂ mbrə aərə ə̈lü ə̂në e wû kɔ də̂ e pra əmə kɔ ne, bale mbrə amapa ə̂në e zɨ̂ tshelə e sû kɔ də̂ e pra əmə kɔ. 27E mä mä kosəra kʉ mbrə rəgo ə̂në ə sə kə ndɨ nə ə ndɨ kɔ ne, bale e mä kosəra mbrə rəgo ə̂në ə sə kə daka pə ʉrrr ndjɔ gâ tə̂ alɔ sorô nə̂ alɔnɔ̂ kɔ, rəgo sə̂ ə̂në Əgblə nə̂ Əzü ə za kə e je kɔ, mbrə ə̂në ətshə də̂ Abä də Ndjapä zâ awlra nə̂ ye kə ətshə kɔ.» 28Əndje yû ətshə ə pa: «Ərə yekɔ də̂ ä lï ndə kə mbrə nə ndə kə pa ä mbrə kosəra nə̂ Ndjapä a?» 29Jezu kîrə əpʉ kə əndje ə pa: «Kosəra ə̂në Ndjapä nə yində nə ə pa e mbrə kɔ kə də̂ kə pa e za lɔsu e kə əzü ə̂në Ndjapä nə wlâ ətshə gâ ye kɔ.» 30Əndje pâ kə ətshə ə pa: «Rəkɔ, ərə ə̈lü yekɔ də̂ bə sə kə mbrə ndə kə pa ä wu ka ə za lɔsu ä kə ə̈bə̈? Ərə yekɔ də̂ bə mbrə? 31Alabä ä zɨ̂ manə leme-e lə ngbûndû mata ə̂në əndje tâ gâ lə Fraka nə̂ Ndjapä ə pa: “Tshə kô rəgo ə̂në ə tô mâ lafɔ kɔ kə əndje ndə əndje zɨ.”#6.31 Wu Wutu 16.4,15; Ətsh 78.24.»
32Jezu pâ kə əndje ə pa: «Djatra əpʉ, mə pa kə e, ə də̂ Mayïzə də̂ kə kô rəgo nə ə̂në ə tô mâ lafɔ kɔ kə e kɔ ne, 33mbrə ə̂në rəgo ə̂në Ndjapä ə za kɔ kə də̂ ətshə ə̂në tshə âfɔ mâ lafɔ ə jêrə ə sə kə za sorô kə azü tshepashɔ kɔ.» 34Bale, əndje pâ kə ətshə ə pa: «Âgbɔ̂ Əzü, kö rəgo səkɔ alɔnɔ̂ kə ä.» 35Jezu pâ kə əndje ə pa: «Əmə, mə də̂ rəgo ə̂në ə sə kə za sorô kə əzü kɔ. Əzü ə̂në tshə na gâ tə̂ əmə, əgo sə sə kə mi ətshə alɔ bale ne, â əzü ə̂në tshə za lɔsu ye kə əmə, əgo ə̂ngû sə sə kə mi ətshə alɔ bale ne. 36Bale, mə pâ ndə nə kə e gâ ye: e wû əmə gâ ye, â za lɔsu e za kə əmə ne kɔ. 37Azü nɔ̂ ə̂në Abä sə kə ko əndje kə əmə kɔ, əndje sə kə na gâ tə̂ əmə, â əzü ə̂në tshə na gâ tə̂ əmə, mə sə sə kə grɔ ətshə gashu bale ne. 38Mbrə ə̂në, mə tô mâ lafɔ â jêrə kɔ, mə jê jêrə ndə kə mbrə ərə ə̂në tshelə əmə yində nə kɔ ne, bale mə jêrə ndə kə mbrə ərə ə̂në tshelə ətshə ə̂në tshə wlâ əmə kɔ yində nə. 39Kandää, ərə ə̂në tshelə ətshə ə̂në tshə wlâ əmə kɔ yində nə kɔ kə səye: ə̈bə̈ əzü bale lə takpa tə̂ azü nɔ̂ ə̂në tshə kô əndje kə əmə kɔ yu yu tə̂ əmə ne, bale mə she əndje nɔ̂ tə̂ ə̂dû əlo#6.39 Ə̂dû əlo: Jezu yində kə pa ndə əlo ngbanga nə̂ Ndjapä.. 40Mbrə ə̂në ərə ə̂në tshelə Abä əmə yində nə kɔ kə səye: əzü nɔ̂ ə̂në tshə wu Ɨrɨ Ndjapä nə â za lɔsu ye kə ətshə, tshə sə də sorô nə̂ alɔnɔ̂, â mə sə kə she ətshə tə̂ ə̂dû əlo.»
41Ajuwufu vɔ̂tə̂ kə pa tə̂ ye, mbrə ə̂në tshə pâ əpʉ ə pa: «Mə də̂ rəgo ə̂në ə tô mâ lafɔ kɔ.» 42Əndje pâ: «Ə də̂ Jezu, ɨrɨ Jozafu, ətshə ə̂në a wusə̂ abä nə də əyï nə kɔ, ə də̂ ətshə də̂ kə sə̂ ne a? Tshə lï ndə kə pa əpʉ kpəsəye atâ ə pa: “Mə tô mâ lafɔ â jêrə kɔ”?» 43Jezu kîrə əpʉ kə əndje ə pa: «E kätə̂ kə dɨ əpʉ lə ama e lə takpa tə̂ e! 44Ə̈bə̈ əzü bale lï lï ndə kə na gâ tə̂ əmə ne, kədə Abä ə̂në tshə wlâ əmə kɔ kə za ətshə za horo gu nə ne, â əmə, mə sə kə she ətshə tə̂ ə̂dû əlo. 45Aawopandəma Ndjapä tâ gâ lə fraka ə pa: “Ndjapä sə kə yisə̂ ərə kə azü nɔ̂.”#6.45 Wu Eza 54.13. Əzü nɔ̂ ə̂në tshə sə kə dji Abä â yində əpʉ kə yisə̂ ərə ə̂në tshə sə kə yisə̂ nə kɔ, tshə sə kə na gâ tə̂ əmə. 46Ə̈bə̈ əzü bale wû Abä wû ne, kʉtə̂ ətshə ə̂në tshə tô mâ ndə Ndjapä nə je â nâ kɔ, ətshə kə wu Abä.
47«Djatra əpʉ, mə pa kə e, əzü ə̂në tshə za lɔsu ye kə Ndjapä, tshə sə də sorô nə̂ alɔnɔ̂. 48Əmə, mə də̂ rəgo ə̂në ə sə kə za sorô kə əzü kɔ. 49Alabä e zɨ̂ manə leme-e lə ngbûndû, ə tshû gâ ye. 50Rəgo nə ə̂në ə tô mâ lafɔ kɔ sə kotəye, ndə kə pa əzü ə̂në tshə zɨ, tshə sə sə kə tshu nə ne. 51Əmə, mə də̂ rəgo nə ə̂në sorô sə lə nə kɔ, ə̂në ə tô mâ lafɔ kɔ. Kədə ə̈bə̈ əzü kə zɨ rəgo səkɔ, tshə sə kə sə tə sorô alɔnɔ̂. Â rəgo nə ə̂në, əmə, mə sə kə za mbrə sorô pâ ashɔ kɔ, ə tə nə kə də̂ tshekotə̂ əmə.» 52Gâ pâ əpʉ səkɔ, Ajuwufu nə vɔ̂tə̂ kə pʉ nə lə takpa tə̂ əndje ə pa: «Ətshə koye, tshə lï ndə kə za dɔ̂ngɔ̂ ye kə əzə̂ ndə kə pa a zɨ atâ a?» 53Jezu pâ kə əndje ə pa: «Djatra əpʉ, mə pa kə e, kədə e zɨ tshekotə̂ Əgblə nə̂ Əzü zɨ ne, â ndju ə̈ndjï ye ndju ne, e sə sə kə sə də sorô lə e ne. 54Əzü ə̂në tshə zɨ tshekotə̂ əmə ə ndju ə̈ndjï əmə, tshə sə də sorô nə̂ alɔnɔ̂, â əmə, mə sə kə she ətshə tə̂ ə̂dû əlo. 55Mbrə ə̂në tshekotə̂ əmə sə tə djatra rəgo, â ə̈ndjï əmə sə tə djatra ərə kə ndju nə. 56Əzü ə̂në tshə zɨ tshekotə̂ əmə â ndju ə̈ndjï əmə, tshə daka pə tə sorô lə əmə â əmə, mə daka pə lə ye. 57Mata ə̂në Abä, ə̂në tshə sə tə sorô kɔ, wlâ əmə kɔ, â mata ə̂në mə sə tə sorô tə̂ äwä Abä kɔ, əzü ə̂në tshə zɨ tshekotə̂ əmə, tshə sə kə sə ndje tə sorô tə̂ äwä əmə rə. 58Rəgo nə ə̂në ə tô mâ lafɔ kɔ kə sə̂. Ə sə sə mata ənə̂ sə̂ ə̂në alätä e zɨ̂ leme-e ə tshû gâ ye kɔ ne. Bale, əzü ə̂në tshə zɨ rəgo səkɔ, tshə sə kə sə tə sorô piii.» 59Əpʉ ə̂në Jezu pâ alɔ ə̂në tshə sə̂ kə yisə̂ ərə kə azü lə anda aangbɔ, mâ Kaprənayɔmə nə kɔ kə sə̂.
Aəpʉ ə̂në ə sə kə za sorô nə̂ alɔnɔ̂ kə əzü kɔ
60Mandânə ə̂në atrawaya nə̂ Jezu nə djî ətshə gâ ye kɔ, azü ngbatshe lə takpa tə̂ əndje pâ əpʉ ə pa: «Əpʉ sə̂ gbɔ ə gbɔ, əde kə lï ndə kə sə pə tə̂ kə dji nə?»
61Ə̂në Jezu wûsə̂ nə mâ lə ye ə pa atrawaya nə̂ əne nə sə̂ kə dɨ aəpʉ lə ama əndje mbrə əpʉ səkɔ, tshə pâ kə əndje ə pa: «Əpʉ səkɔ ko e ə ko a? 62Â kədə e wu Əgblə nə̂ Əzü tshə sə kə o na ye gâ lafɔ tə̂ ətshe ə̂në tshə sə̂ tə̂ nə angbʉlînə kɔ, e sə kə pa atâ a? 63Âgbɔ̂ Yîrə̂ kə mbrə â əzü ə sə tə sorô kɔ. Əzü, lə əzü tə̂ ye, tɔ tɔ gâ tə̂ ə̈bə̈ ərə bale ne. Aəpʉ ə̂në, əmə, mə pâ kə e kɔ, ə sə tə aəpʉ nə̂ Âgbɔ̂ Yîrə̂ də aəpʉ sorô. 64Bale, alabə̈ azü sə je lə takpa tə̂ e ə̂në əndje za lɔsu əndje za kə Ndjapä ne.»
Mbrə ə̂në Jezu wûsə̂ azü ə̂në əndje zâ lɔsu əndje zâ kə ətshə ne kɔ ə wûsə̂ əzü ə̂në tshə ka kəmə ətshə je kɔ kerə pə tə̂ ama nə gâ ye. 65Â tshə pâ kwatə̂ye ə pa: «Âdârə ə̂në mə pâ kə e ə pa ə̈bə̈ əzü lï lï ndə kə na gâ tə̂ əmə ne, kədə Abä kə za äwä nə za kə ətshə ne.»
66Kʉ pə kôto səkɔ, azü ngbatshe lə takpa tə̂ atrawaya nə̂ ye nə tshî äwä ye tʉ ə kâtə̂ kə na ana də aəndje gâ ye. 67Rəkɔ, Jezu pâ kə azü-awla nə morofo amanə bishi nə ə pa: «Bale e-e, e yində kə gu na ye ndje a?» 68Shemɔ Piarə kîrə əpʉ kə ətshə ə pa: «Âgbɔ̂ Əyïngerə, ä sə kə na mâ ndə əde? Aəpʉ ə̂në ə sə kə za sorô nə̂ alɔnɔ̂ kə azü kɔ sə lə ama zə. 69Â ä-ä, ä yində əpʉ nə də lɔsu ä ə wusə̂ nə ə pa əbə də̂ Ətshə ə̂në bə sə kpî mbrə Ndjapä kɔ.» 70Jezu kîrə əpʉ kə əndje ə pa: «Ə də̂ əmə də̂ kə kê e, e-e, morofo amanə bishi kɔ ne a? Bale, ə̈bə̈ ngâ e bale sə tə afrɔ yîrə̂!» 71Judasə, ɨrɨ Shemɔ Isəkariɔtə də̂ Jezu nə ə pâ ndə ye kɔ. Mbrə ə̂në ətshə kə ka Jezu je kɔ, ətshə Judasə nə, ə̈bə̈ əzü bale lə takpa tə̂ azü-awla nə morofo amanə bishi nə kɔ.
Kasalukuyang Napili:
Zââ 6: liy
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation
Zââ 6
6
Jezu kô rəgo kə azü sake mindû
(Matiɔ 14.13-21; Markə 6.30-44; Luki 9.10-17)
1Mandâ aərə səkɔ, Jezu nâ mâ ətshî dala ə̂ngû əgɔ Galile ə̂në əndje ê ndje tə̂ nə ə pa dala ə̂ngû Tiberiadə kɔ. 2Ə̈bə̈ əgerə ə̂kpû azü zâ äwä ye, mbrə ə̂në əndje wû aərə ə̈lü ə̂në tshə mbrə̂ â grɔ̂ arəka tə̂ alayïrəka kɔ. 3Bale, Jezu ô gâ pâ kaga, â sə̂ gâ tʉ kôto də atrawaya nə̂ ye. 4Kandää Pakə, ə̂në ə sə̂ tə sandaga nə̂ Ajuwufu kɔ ndô trö gâ ye. 5Jezu lîshi gâ lafɔ ə wû ə pa ə̈bə̈ əgerə ə̂kpû azü sə̂ kə na gu nə gâ tə̂ əne. Bale, tshə yû Flipə ə pa: «A yɔ mapa kotâ â azü səye ə zɨ?» 6Tshə pâ əpʉ səkɔ ndə kə pa tshə tra lɔsu Flipə nə, mbrə ə̂në, ətshə, tshə wûsə̂ ərə ə̂në tshə sə kə mbrə nə kɔ gâ ye.
7Flipə nə kîrə əpʉ kə ətshə ə pa: «A sə kəmə də ə̂lê ngendja ngbangbo bishi#6.7 Ə̂lê ngendja ngbangbo bishi: Tə̂ tshekɨ nə səkɔ, ə̂lê ngendja bale sə tə ngendja kosəra nə̂ əzü lə əlo bale. Ə̂lê ngendja ngbangbo bishi sə tə ngendja kosəra nə̂ əzü lə yipʉ mindû amanə vəta. (200) ə lï lï ndə kə pa a yɔ də mapa ka əzü bale bale sɔtə̂ nə teashe ka ə zɨ ne.» 8Ə̈bə̈ trawaya nə̂ ye bale, Andre, aye Shemɔ Piarə pâ kə ətshə ə pa: 9«Ə̈bə̈ mɔdɔ sə kotəye ə sə də mapa mindû ə̂në əndje mâ də ndjuwu ɔrjə kɔ gâ ndə asungû bishi. Bale, ə tɔ gâ tə̂ yekɔ mbrə azü ə̂në əndje ngbâ ə rô pâ nə gâ ye kɔ?» 10Jezu pâ əpʉ ə pa: «E pä əpʉ kə azü nə əndje sə gâ tʉ.» Güsü rô pâ nə tə̂ ətshe səkɔ gâ ye â azü nə sə̂ gâ tʉ. Kumu əndje sə̂ mata sake mindû (5 000). 11Bale, Jezu kô amapa nə ə zâ mərshe kə Ndjapä ə krû tshelə nə tə̂ azü nə ə̂në əndje sə̂ je kɔ. Tshə mbrə̂ ndje kʉ rə tə̂ asungû nə, â kô kə əndje ə lî də əgo nə̂ əndje nə. 12Alɔ ə̂në tshelə əndje sû gâ ye kɔ, Jezu zâ ama kə atrawaya nə̂ ye nə ə pa: «E rɔ̈ ə̂dû aə̈ndö amapa nə ə̂në ə daka pə kɔ, kanika ə̈bə̈ ərə bale sə sə pə ka ə ndɨ ne.» 13Rəkɔ, əndje rɔ̂ â akakli yashe morofo amanə bishi sû də aə̈ndö amapa ɔrjə mindû nə ə̂në azü nə zɨ̂ ä ə̂dû nə dâka pə kɔ.
14Alɔ ə̂në azü nə wû ərə ə̈lü nə ə̂në Jezu nə mbrə̂ kɔ, əndje pâ əpʉ ə pa: «Ətshə kə sə ngâ tə̂ Awopandəma Ndjapä ə̂në tshə sə kə na gâ pâ ashɔ kɔ.» 15Bale, ə̂në Jezu wûsə̂ nə ə pa azü nə sə̂ kə na ndə za əne də awlra ndə kə pa əndje mbrə əne tə əyïngerə kɔ, tshə gbə̂tɔ tə̂ ye kwatə̂ye ə nâ mâ pâ kaga nə, ətshə kʉtə̂ ye.
Jezu nâ ana pâ ala ə̂ngû
(Matiɔ 14.22-33; Markə 6.45-52)
16Alɔ ə̂në alɔ dɨ̂ gâ ye kɔ, atrawaya nə̂ Jezu nə jêrə ʉrrr ndjɔ mâ tə̂ ama dala ə̂ngû nə. 17Əndje ô gâ lə ə̈bə̈ əgerə âgbâ ndə kə na mâ Kaprənayɔmə, mâ ətshî ə̂ngû nə. Ətshe vɔ̂tə̂ kə bu nə gâ ye â Jezu tê tê pa ə gu gâ tə̂ əndje ne. 18Bale, ə̈bə̈ âgbɔ̂ əyi vɔ̂tə̂ kə yi nə â akplaka ə̂ngû nə vɔ̂tə̂ nə tə bandanə. 19Mandânə ə̂në əndje rô də əgerə âgbâ nə ʉrrr ə lî də kə dɨ tshelə ə̈nü sake mindû wala sake mindû amanə bale kɔ, əndje wû Jezu ə̂në tshə sə̂ kə na ana pâ ala ə̂ngû nə â sə̂ kə na gu nə trö də əgerə âgbâ nə kɔ, â awa zâ əndje gâ ye. 20Bale, Jezu nə pâ kə əndje ə pa: «Əmə kə sə̂! Awa mbrə̈ e mbrə̈ ne!»
21Rəkɔ, əndje yîndə kə za ətshə gâ lə əgerə âgbâ nə, bale kʉ pə kôto, əgerə âgbâ nə gôro ama ashɔ tə̂ ətshe nə ə̂në əndje sə̂ kə na gâ tə̂ nə kɔ gâ ye.
Ə̂kpû azü sə̂ kə pra Jezu
22Tshe nə krâ, ə̂në ə̂kpû azü nə dâka pə mâ ətshî ə̂ngû nə je kɔ, əndje wû ə pa kʉtə̂ əgerə âgbâ bale kə dâka pə kôto wɔlumə â Jezu ô ô gâ lə əgerə âgbâ nə gâ ndə atrawaya nə̂ ye nə ne, â atrawaya nə kʉtə̂ əndje kə rô kɔ. 23Kandää, alabə̈ aata əgbro aâgbâ nə âfɔ mâ Tiberiadə ə wûtu, trö tə̂ ətshe nə ə̂në əndje zɨ̂ mapa nə tə̂ nə kɔ, mandânə ə̂në Âgbɔ̂ Əyïngerə nə zâ mərshe kə Ndjapä gâ ye kɔ. 24Alɔ ə̂në ə̂kpû azü nə wû ə pa Jezu nə, wala atrawaya nə̂ ye, sə̂ sə̂ je ne kɔ, əndje də ə̂tə̂ əndje, əndje ô gâ lə əgbro aâgbâ səkɔ ə nâ mâ Kaprənayɔmə je ndə kə pra Jezu nə.
Jezu sə tə mapa ə̂në ə sə kə za sorô kə əzü
25Əndje sɔ̂tə̂ ye mâ ətshî ə̂ngû nə mâ je ə pâ kə ətshə ə pa: «Awoyisə̂ ərə, bə yî kumu zə kotəye gorɔ?» 26Jezu kîrə əpʉ kə əndje ə pa: «Djatra əpʉ, mə pa kə e, ə də̂ mbrə aərə ə̈lü ə̂në e wû kɔ də̂ e pra əmə kɔ ne, bale mbrə amapa ə̂në e zɨ̂ tshelə e sû kɔ də̂ e pra əmə kɔ. 27E mä mä kosəra kʉ mbrə rəgo ə̂në ə sə kə ndɨ nə ə ndɨ kɔ ne, bale e mä kosəra mbrə rəgo ə̂në ə sə kə daka pə ʉrrr ndjɔ gâ tə̂ alɔ sorô nə̂ alɔnɔ̂ kɔ, rəgo sə̂ ə̂në Əgblə nə̂ Əzü ə za kə e je kɔ, mbrə ə̂në ətshə də̂ Abä də Ndjapä zâ awlra nə̂ ye kə ətshə kɔ.» 28Əndje yû ətshə ə pa: «Ərə yekɔ də̂ ä lï ndə kə mbrə nə ndə kə pa ä mbrə kosəra nə̂ Ndjapä a?» 29Jezu kîrə əpʉ kə əndje ə pa: «Kosəra ə̂në Ndjapä nə yində nə ə pa e mbrə kɔ kə də̂ kə pa e za lɔsu e kə əzü ə̂në Ndjapä nə wlâ ətshə gâ ye kɔ.» 30Əndje pâ kə ətshə ə pa: «Rəkɔ, ərə ə̈lü yekɔ də̂ bə sə kə mbrə ndə kə pa ä wu ka ə za lɔsu ä kə ə̈bə̈? Ərə yekɔ də̂ bə mbrə? 31Alabä ä zɨ̂ manə leme-e lə ngbûndû mata ə̂në əndje tâ gâ lə Fraka nə̂ Ndjapä ə pa: “Tshə kô rəgo ə̂në ə tô mâ lafɔ kɔ kə əndje ndə əndje zɨ.”#6.31 Wu Wutu 16.4,15; Ətsh 78.24.»
32Jezu pâ kə əndje ə pa: «Djatra əpʉ, mə pa kə e, ə də̂ Mayïzə də̂ kə kô rəgo nə ə̂në ə tô mâ lafɔ kɔ kə e kɔ ne, 33mbrə ə̂në rəgo ə̂në Ndjapä ə za kɔ kə də̂ ətshə ə̂në tshə âfɔ mâ lafɔ ə jêrə ə sə kə za sorô kə azü tshepashɔ kɔ.» 34Bale, əndje pâ kə ətshə ə pa: «Âgbɔ̂ Əzü, kö rəgo səkɔ alɔnɔ̂ kə ä.» 35Jezu pâ kə əndje ə pa: «Əmə, mə də̂ rəgo ə̂në ə sə kə za sorô kə əzü kɔ. Əzü ə̂në tshə na gâ tə̂ əmə, əgo sə sə kə mi ətshə alɔ bale ne, â əzü ə̂në tshə za lɔsu ye kə əmə, əgo ə̂ngû sə sə kə mi ətshə alɔ bale ne. 36Bale, mə pâ ndə nə kə e gâ ye: e wû əmə gâ ye, â za lɔsu e za kə əmə ne kɔ. 37Azü nɔ̂ ə̂në Abä sə kə ko əndje kə əmə kɔ, əndje sə kə na gâ tə̂ əmə, â əzü ə̂në tshə na gâ tə̂ əmə, mə sə sə kə grɔ ətshə gashu bale ne. 38Mbrə ə̂në, mə tô mâ lafɔ â jêrə kɔ, mə jê jêrə ndə kə mbrə ərə ə̂në tshelə əmə yində nə kɔ ne, bale mə jêrə ndə kə mbrə ərə ə̂në tshelə ətshə ə̂në tshə wlâ əmə kɔ yində nə. 39Kandää, ərə ə̂në tshelə ətshə ə̂në tshə wlâ əmə kɔ yində nə kɔ kə səye: ə̈bə̈ əzü bale lə takpa tə̂ azü nɔ̂ ə̂në tshə kô əndje kə əmə kɔ yu yu tə̂ əmə ne, bale mə she əndje nɔ̂ tə̂ ə̂dû əlo#6.39 Ə̂dû əlo: Jezu yində kə pa ndə əlo ngbanga nə̂ Ndjapä.. 40Mbrə ə̂në ərə ə̂në tshelə Abä əmə yində nə kɔ kə səye: əzü nɔ̂ ə̂në tshə wu Ɨrɨ Ndjapä nə â za lɔsu ye kə ətshə, tshə sə də sorô nə̂ alɔnɔ̂, â mə sə kə she ətshə tə̂ ə̂dû əlo.»
41Ajuwufu vɔ̂tə̂ kə pa tə̂ ye, mbrə ə̂në tshə pâ əpʉ ə pa: «Mə də̂ rəgo ə̂në ə tô mâ lafɔ kɔ.» 42Əndje pâ: «Ə də̂ Jezu, ɨrɨ Jozafu, ətshə ə̂në a wusə̂ abä nə də əyï nə kɔ, ə də̂ ətshə də̂ kə sə̂ ne a? Tshə lï ndə kə pa əpʉ kpəsəye atâ ə pa: “Mə tô mâ lafɔ â jêrə kɔ”?» 43Jezu kîrə əpʉ kə əndje ə pa: «E kätə̂ kə dɨ əpʉ lə ama e lə takpa tə̂ e! 44Ə̈bə̈ əzü bale lï lï ndə kə na gâ tə̂ əmə ne, kədə Abä ə̂në tshə wlâ əmə kɔ kə za ətshə za horo gu nə ne, â əmə, mə sə kə she ətshə tə̂ ə̂dû əlo. 45Aawopandəma Ndjapä tâ gâ lə fraka ə pa: “Ndjapä sə kə yisə̂ ərə kə azü nɔ̂.”#6.45 Wu Eza 54.13. Əzü nɔ̂ ə̂në tshə sə kə dji Abä â yində əpʉ kə yisə̂ ərə ə̂në tshə sə kə yisə̂ nə kɔ, tshə sə kə na gâ tə̂ əmə. 46Ə̈bə̈ əzü bale wû Abä wû ne, kʉtə̂ ətshə ə̂në tshə tô mâ ndə Ndjapä nə je â nâ kɔ, ətshə kə wu Abä.
47«Djatra əpʉ, mə pa kə e, əzü ə̂në tshə za lɔsu ye kə Ndjapä, tshə sə də sorô nə̂ alɔnɔ̂. 48Əmə, mə də̂ rəgo ə̂në ə sə kə za sorô kə əzü kɔ. 49Alabä e zɨ̂ manə leme-e lə ngbûndû, ə tshû gâ ye. 50Rəgo nə ə̂në ə tô mâ lafɔ kɔ sə kotəye, ndə kə pa əzü ə̂në tshə zɨ, tshə sə sə kə tshu nə ne. 51Əmə, mə də̂ rəgo nə ə̂në sorô sə lə nə kɔ, ə̂në ə tô mâ lafɔ kɔ. Kədə ə̈bə̈ əzü kə zɨ rəgo səkɔ, tshə sə kə sə tə sorô alɔnɔ̂. Â rəgo nə ə̂në, əmə, mə sə kə za mbrə sorô pâ ashɔ kɔ, ə tə nə kə də̂ tshekotə̂ əmə.» 52Gâ pâ əpʉ səkɔ, Ajuwufu nə vɔ̂tə̂ kə pʉ nə lə takpa tə̂ əndje ə pa: «Ətshə koye, tshə lï ndə kə za dɔ̂ngɔ̂ ye kə əzə̂ ndə kə pa a zɨ atâ a?» 53Jezu pâ kə əndje ə pa: «Djatra əpʉ, mə pa kə e, kədə e zɨ tshekotə̂ Əgblə nə̂ Əzü zɨ ne, â ndju ə̈ndjï ye ndju ne, e sə sə kə sə də sorô lə e ne. 54Əzü ə̂në tshə zɨ tshekotə̂ əmə ə ndju ə̈ndjï əmə, tshə sə də sorô nə̂ alɔnɔ̂, â əmə, mə sə kə she ətshə tə̂ ə̂dû əlo. 55Mbrə ə̂në tshekotə̂ əmə sə tə djatra rəgo, â ə̈ndjï əmə sə tə djatra ərə kə ndju nə. 56Əzü ə̂në tshə zɨ tshekotə̂ əmə â ndju ə̈ndjï əmə, tshə daka pə tə sorô lə əmə â əmə, mə daka pə lə ye. 57Mata ə̂në Abä, ə̂në tshə sə tə sorô kɔ, wlâ əmə kɔ, â mata ə̂në mə sə tə sorô tə̂ äwä Abä kɔ, əzü ə̂në tshə zɨ tshekotə̂ əmə, tshə sə kə sə ndje tə sorô tə̂ äwä əmə rə. 58Rəgo nə ə̂në ə tô mâ lafɔ kɔ kə sə̂. Ə sə sə mata ənə̂ sə̂ ə̂në alätä e zɨ̂ leme-e ə tshû gâ ye kɔ ne. Bale, əzü ə̂në tshə zɨ rəgo səkɔ, tshə sə kə sə tə sorô piii.» 59Əpʉ ə̂në Jezu pâ alɔ ə̂në tshə sə̂ kə yisə̂ ərə kə azü lə anda aangbɔ, mâ Kaprənayɔmə nə kɔ kə sə̂.
Aəpʉ ə̂në ə sə kə za sorô nə̂ alɔnɔ̂ kə əzü kɔ
60Mandânə ə̂në atrawaya nə̂ Jezu nə djî ətshə gâ ye kɔ, azü ngbatshe lə takpa tə̂ əndje pâ əpʉ ə pa: «Əpʉ sə̂ gbɔ ə gbɔ, əde kə lï ndə kə sə pə tə̂ kə dji nə?»
61Ə̂në Jezu wûsə̂ nə mâ lə ye ə pa atrawaya nə̂ əne nə sə̂ kə dɨ aəpʉ lə ama əndje mbrə əpʉ səkɔ, tshə pâ kə əndje ə pa: «Əpʉ səkɔ ko e ə ko a? 62Â kədə e wu Əgblə nə̂ Əzü tshə sə kə o na ye gâ lafɔ tə̂ ətshe ə̂në tshə sə̂ tə̂ nə angbʉlînə kɔ, e sə kə pa atâ a? 63Âgbɔ̂ Yîrə̂ kə mbrə â əzü ə sə tə sorô kɔ. Əzü, lə əzü tə̂ ye, tɔ tɔ gâ tə̂ ə̈bə̈ ərə bale ne. Aəpʉ ə̂në, əmə, mə pâ kə e kɔ, ə sə tə aəpʉ nə̂ Âgbɔ̂ Yîrə̂ də aəpʉ sorô. 64Bale, alabə̈ azü sə je lə takpa tə̂ e ə̂në əndje za lɔsu əndje za kə Ndjapä ne.»
Mbrə ə̂në Jezu wûsə̂ azü ə̂në əndje zâ lɔsu əndje zâ kə ətshə ne kɔ ə wûsə̂ əzü ə̂në tshə ka kəmə ətshə je kɔ kerə pə tə̂ ama nə gâ ye. 65Â tshə pâ kwatə̂ye ə pa: «Âdârə ə̂në mə pâ kə e ə pa ə̈bə̈ əzü lï lï ndə kə na gâ tə̂ əmə ne, kədə Abä kə za äwä nə za kə ətshə ne.»
66Kʉ pə kôto səkɔ, azü ngbatshe lə takpa tə̂ atrawaya nə̂ ye nə tshî äwä ye tʉ ə kâtə̂ kə na ana də aəndje gâ ye. 67Rəkɔ, Jezu pâ kə azü-awla nə morofo amanə bishi nə ə pa: «Bale e-e, e yində kə gu na ye ndje a?» 68Shemɔ Piarə kîrə əpʉ kə ətshə ə pa: «Âgbɔ̂ Əyïngerə, ä sə kə na mâ ndə əde? Aəpʉ ə̂në ə sə kə za sorô nə̂ alɔnɔ̂ kə azü kɔ sə lə ama zə. 69Â ä-ä, ä yində əpʉ nə də lɔsu ä ə wusə̂ nə ə pa əbə də̂ Ətshə ə̂në bə sə kpî mbrə Ndjapä kɔ.» 70Jezu kîrə əpʉ kə əndje ə pa: «Ə də̂ əmə də̂ kə kê e, e-e, morofo amanə bishi kɔ ne a? Bale, ə̈bə̈ ngâ e bale sə tə afrɔ yîrə̂!» 71Judasə, ɨrɨ Shemɔ Isəkariɔtə də̂ Jezu nə ə pâ ndə ye kɔ. Mbrə ə̂në ətshə kə ka Jezu je kɔ, ətshə Judasə nə, ə̈bə̈ əzü bale lə takpa tə̂ azü-awla nə morofo amanə bishi nə kɔ.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation