လုကာ 13
13
အခန်း (၁၃)
နောင်တသံဝေဂလှူဝင့်ဂီး
1ကိုယ်တော်ယေရူနာ မှအူဇာရက်အင် ဆနိန်ကို့အီတုန်းကရပ် လူအုပ်ပြောင်ထဲယာက လူတစ်ချို့ရက်နာ ကိုယ်တော်ယေရူကမားဗန်(ဖ်)ကို အုပ်ချုပ်သူပိလတ်နာ ဂျေရုဆလင်မြို့ဝါက ဗိမာန်တော်ဝင်းထဲယာ ဂါလိလဲပြည်သားရက်နာ ဘုရားရှင်ငင် ပူဇော်မူရက်အင်လိစ်တုန်းစမ်း အမာကစစ်ဆာရက်အင် အမိန့်အီကို့ ကတိုက်ဇိစ်ဒက်ကားအကြောင်းငင် လျှောက်တင်လင်ကဟေ။ 2အိမ်မှကရပ် ကိုယ်တော်နာ "အိမ်မှကတိုက်စားဟင်းပိုကား ဂါလိလဲပြည်သားရက်နာ အယောက်ကဂါလိလဲပြည်သားရက်တောင်မဒင့် အပြစ်ဒုစရိုက်ပြောင်ကအတွက် အတတ်ကဒေလေက အဖြစ်မျိူးကြုံပေါ်ဟေငါ့ကို နနိန်ရက်ထင်တုန်းကလဲ။ 3အိမ်မှဒေအရိပါ(လ်)။ နနိန်ရက်အင် ငါငန်းကား။ နနိန်ရက်အ(လ်) နောင်တသံဝေဂအလှုနဲ့က(လ်) အိမ်မှအတိုင်း ပျက်စီးလင်ပိုကား#13:3 ပျက်စီးလင်ပိုကားငါ့ဟေကနာ ခန္ဓာကိုယ်ပါ ၊ စိတ်ဝိညာဉ်ပါ ကတိုက်စာဟင်းလင်ပိုကားငါ့ကို ဆိုလိုဟေ။။ 4လူတစ်ဆယ့်ရှစ်ယောက်နာ ရှိလောင်အိန်းကန်းအနားဆာက#13:4 ရှိလောင်မျှော်စင်နာ ဂျေရုဆလင်မြို့အပြင်းငါငါ့ဟေက အိန်းကန်းနာဆာ ပြုပီဟေကား မျှော်စင် မျှော်စင်ဖြိုကရပ် ပိမိကိုဆိန်းလင်ကဟေ။ အိမ်မားလူးရက်နာ ဂျေရုဆလင်မြို့ဝါ တုန်းဟေကား အယောက်ကလူးရက်တောင်မာဒင့် ပိုကို အပြစ်ဒုစရိုက်ပြိစ်ဟေငါ့ကို့ နနိန်ရက်ထင်တုန်းကလဲ။ 5အိမ်မှဒေအရိပါ(လ်)။ နနိန်ရက်အင် ငါငါ့ဆနပ်အန်ကား။ နနိန်ရက်အ(လ်) နောင်တသံဝေဂအလှုပါ(လ်)ငါနဲ့က(လ်) အိမ်မှဒေလေ ဆိန်းလင်ပေါ်ကား"ငါ့ကို ငါ့လင်ကဟေ။
အဆီအဆီကား သဖန်းဖင်း
6အိမ်မားနောက်အာ ကိုယ်တော်နာ တပည့်တော်ရက်အင် ပုံဥပမာဆူးဝါအိမ် ငါ့ဆနပ်လင်ကနာ " လူးဟူးဝါနာ အမာကစပျစ်ခင်းငါ သဖန်းဖင်းဖင်းနာယင် စိုက်ပျိူးပီလင်ကဟေ။ မှနောက်အာ အဆီဆီကအချိန်ထုန်ဗာ(ဖ်)ကရပ် အဆီရက်အင် ဗန်ကို့ယူဗာ(ဖ်)ကယေ့ အဆီတစ်လုံးင(လ်)ဆီကို့ အပိုပါ(လ်)။ 7မှကြောင့် အမာနာ ဥယျာဉ်မူးအင်အော်ကို "မှသဖန်းဖင်းငါ အဆီးဆီးယန်ကားငါ့ကိုထင်ကို ငါ စောင်တုန်းဒက်ကား သုံးနှစ်ငါ့ဒက်နန်း။ အတတ်ထုန်မနီး အဆီတစ်လုံးင(လ်) အဆီနိန်ပါ(လ်)။ မှအကြောင့် မှသဖန်းဖင်းငင် ဗန်(ဖ်)နက်အင်ဒက်။ မှအဖင်းနာ ကဇက်အာ အကျိူးအငါထမ်းနေရာလာပီဟေ"ငါ့ကို ငါ့လင်ကဟေ။ 8အိမ်မှကရပ် ဥယျာယ်မူးနာ" မှအဖင်းငင် အယောက်ကနိန်နာ ထပ်ကိုစောင့်ငင်ဟနိမ့်။ ငါ မှအဖင်းပတ်လည်ယင် တူးဆွကို မြေဩဇာထည့်ကို ယူနိမ့်ကား။ 9အိမ်မဒေလိစ်ယူနဲ့က(လ်) အယောက်ကနိန်နာ အဆီးရက် ဆီးကက်နဲ့ဆီးယန်ကား။ တကယ်လို့ အဆီးအဆီးနဲ့က(လ်) နင် ဗန်(ဖ်)ဓူ(ဖ်)လှုဟေ" ငါ့ကို ငါ့လင်ကဟေ။
ဥပုသ်နေ့အာ ဟာပိုဆာငါဇိစ်ဂါ
10အယောက်ယက်တာက ဥပုသ်ရယက်အာ ကိုယ်တော်ယေရူနာ ဓမ္မာရုံငါ တရားဟောဂို့တုန်းကဟေ။ 11အိမ်မာနေရာယာ တစ်ဆယ့်ရှစ်နှစ်ထုန်မနီး မကောင်းဆိုးဝါးပြုစားကဟင်းပိုကတောင်း မသန်စွမ်းဖြစ်ကို့ ခါးကုန်းကို့ ကနင်းဖူး(ဖ်)ဆာ အစက်လှုကား တာဆာလောင်ဟူးဝါ ငါ့လင်ကဟေ။ 12ကိုယ်တော်နာ အိမ်မာတာဆာလောင်ငင် ပေါ်ဟေကရပ် အနားဆာအော်ကို့ "တာဆာလောင်ဆာ နင်နာ အတတ်ကအချိန်ငါဘင်းစကို့ မသန်စွမ်းဖြစ်ကမှဘင်း လွတ်မြောက်အင်နန်းဖြစ်ဟေ"ငါ့ကို ငါ့လင်ကဟေ။ 13မှနောက်အာ ကိုယ်တော်နာ တာဟူးဝင် တာဆာလောင်ကအဖုံးငါ တင်နက်ကရပ် ချက်ချင်းဒင့် အမာစာ ခါးဆန့်ကလင်ကို စက်ကို့ကျီးဟေကရပ် ဘုရားရှင်ကဂုဏ်ကျေးဇူငင် ချီးမွမ်းလင်ကဟေ။ 14ညီးငါ့ဒင်ယေ့ ကိုယ်တော်ယေရူနာ ဥပုသ်နေ့ယာ အနာရောဂါယင် ကုသအီတုန်းကတောင်း ဓမ္မာရုံခေါင်းဆောင် တာဆာပြိုင်းနာ တဗျင်းမန်ချေကို့ လူထုပရိတ်သတ်ရက်အင် ငါရက်ကဥပဒေယာ လူးရက်အင် အလိစ်လိစ်ကအီကရယက် ခြောက်ရက်ငါဟေ။ အိမ်မှရယက်အာမယ် အနာရောဂါ ကုကဇိစ်ဗန်ဂီး။ ဥပုသ်နေ့ယာ ဗန်ကို့ ဆီအကုဗာ(ဖ်)ဂီးယေ့"ငါ့ကို ငါ့လင်ကဟေ။ 15အိမ်မာအခါ ကိုယ်တော်နာ "သူတော်ကောင်းယောင်ဆောင်တုန်းကလူးရက်၊ ဥပုသ်ရယက်အာ နနိန်ရက်ကဆာမူတ်ရက်၊ မြည်းရက်အင် ဆာမုတ်ကုန်းငါက ဖြောက်ကို အိန်းအတိ(လ်)ကားအော်ဟေကယေ့ အလိစ်လိစ်ဟေကားအရိလဲ။ 16မဒေငါ့နဲ့က(လ်) တစ်ဆယ့်ရှစ်နှစ်ကြာ မသန်စွမ်းဖြစ်မနီး မာရ်နတ်နာ ပြုစားပီဟေကား အာဗြဟံကားမျိူးဆက်ဖြစ်ဟေကား မှတာဆာလောင်ငင်ယေ့ ဥပုသ်နေ့ယာ လွတ်မြောက်ခွင့် အီသင့်ဟေအရိလဲ"ငါ့ကို ငါ့လင်ကဟေ။ 17အိမ်မှဒေလေငါဆနပ်လင်ကရပ် ကိုယ်တော်ဝင် အရန်းဆုံးတုန်းကလူးရက်နာ အစမ်းမလန်းဖြစ်ကလင်ကဟေ။ ညီးငါ့ဒင့်ယေ လူထုပရိသတ်စုတ်ရက်နာ ကိုယ်တော်လိစ်ဟေကား အံ့ဖွယ်အမူရက်အင် နှစ်သက်ဝမ်းမြောက်လင်ကဟေ။
မုန်ညင်းတူးအိမ်တဆေး#13:18 မုန်ညင်းနက်စေ့နာ ဂျူးလူမျိုးတို့ ဒေသယာဖော်ဟေကား အတူး(ဖ်)ပြိစ်ကို့ အဖင်းဖော်ဟေကရပ် သုံးမီတာခန့်ကြိလ်ဟေ။ ညောင်ဖင်းအတူ(ဖ်)အိမ်တူဟေ။
(မဿဲ ၁၃:၃၁-၃၂။ မာကု ၄:၃၀-၃၂)
18မှနောက်အာ ကိုယ်တော်နာ "ဘုရားရှင်ကသာသနာတော်နာ အဇာအိမ်တူဟေယားငါ့ဟေကင့် နနိန်ရက်ဇိစ် ခိုင်းနှိုင်းဆနပ်ပိုကယားငါ့နဲ့က(လ်) 19အိမ်မာနာ မုန်ညင်းတူ(ဖ်)အိမ်တူဟေ။ လူးဟူးဝါနာ မုန်ညင်းအတူ(ဖ်)ဝင်လာကို ဥယျာဉ်ထဲယာ စိုက်ပျိုးပီလင်ကဟေ။ အိမ်မားအတူ(ဖ်)နာ အဟက်ရက်အိမ် ပြည့်စုံဟေကအဖင်း ဖြစ်ယောဝန်ကို အူဆီရက်အ(လ်) အထိုတုပ်ကို တုန်းလှုဟေ"ငါ့ကို ငါ့လင်ကဟေ။ 20အယောက်ဟက်တာ ကိုယ်တော်နာ "ဘုရားရှင်ကသာသနာတော်ငင် အဇာအိမ်ခိုင်းနှိုင်းပေါ်ဂါယာငါနဲ့။ 21အိမ်မာနာ တဆေးအိမ် တူဟေ။ တာဆာလောင်ဟူးဝါနာ တဆေးယင်လာကို ဂျုံမှုန့်သုံးပုံစာထဲယာ ထည်ကိုရောနက်ကရပ် တဗန်(ဖ်)ရက်အင် ဖောင်းပွားဇိစ်လင်ကဟေ။"ငါ့ကို ငါ့လင်ကဟေ။
လင်းဟနင်းအပိဆာ
(မဿဲ ၇:၁၃-၁၄၊ ၂၁-၂၃)
22ကျီးကအိမ် ကိုယ်တော်နာ လမ်းခရီးတစ်လျှောက်အာငါဟေကား မြို့ ထိန်ရက်အာငါဟေကား လူထုပရိသတ်ရက်အင် ဟောဆနပ်ကို့ကျီးကရပ် တပည့်တော်ရက်အိမ်မက်တာ ဂျေရုဆလင်မြို့ဝါ ကြွလင်ကဟေ။ 23အိမ်မှကရပ် လူးဟူးဝါနာ ကိုယ်တော်ယင် "ကိုယ်တော်၊ လူစိပ်ဆာမယ် ဘုရားရှင်ကကယ်တင်ကဟင်းပေါ်ကလဲ"ငါ့ကို ကတာလင်ကဟေ။ 24အိမ်မှအခါ ကိုယ်တော်ယေရူနာ "ကိန်းဆောင်းနာက ပြိစ်ဟေကားလင်းဟာနှင့်အိမ်တူဟေကား ဘုရားရှင်က သာသနာတော်အတာဟုန်းငါ ဆင်ကဇိစ် နနိန်ရက်အစွမ်းကုန် ကြိုးစားယင့်ဂီး။ အဇာရိကို့အငါနဲ့က(လ်) လူးဘောင်းကိုရက်နာ အိမ်မှအတာဟုန်းငါဆင်ကဇိစ် နည်းလမ်းအမျိူးမျိူးအိမ် ကြိုးစားကယေ့ အဆင်လင်လှုပါ(လ်)ငါ့ကို ငါငါ့လှုဟေ။ 25ကိန်းဆိမ်းအိမ်တူဟေကား ဘုရားရှင်နာ ယက်တာကရပ် ရိကို အာဟပိတ်နက်အန်နဲ့က(လ်) နနိန်ရက်နာ အတာဟုန်းငါဆင်ကဇိစ် နောက်ကျကန်နန်းဖြစ်ဟေ။ အိမ်မှကရပ် နနိန်ရက်နာ အပြင်းငါစက်ကို့ လင်းဟာနင်းငင်ဟောက်ကို့ "အရှင်၊ ငါရက်ဇိစ် အဟာဖွင့်အီယန်"ငါ့ကို တောင်းပန်ကယေ့ ကိန်းဆိမ်းနာ "နနိန်ရက်အင် ငါအချေးကဒေလေ နနိန်ရက် မာဘင်းဗန်ဟေကယားငါ့ကင့်ယေ ငါအချေးပါ(လ်)"ငါ့ကို ပြန့်ကိုငါ့လင်ကား။ 26အိမ်မှကရပ် နနိန်ရက်အ(လ်) "ငါရက်နာ အရှင်အိမ်မက်တာ ပုတ်ဆာဒက်ဟြာရ်ကို့ ငါရက်တုန်းဟေကား မြို့ထိန်ရက်အာကား လင်းရက်အာ အရှင်ကဆနိန်အီဟေကရက်အင် အတေးဟြာရ်ဒက်ကို့ အရှင်းငင်ချေးနက်ဟေ"ငါ့ကို လျှောက်တင်လင်ကား။ 27ညီးငါ့ဒင်ယေ ကိန်းဆိမ်းယေ "ငါနာ နနိန်ရက် အချေးကဒေလေ နနိန်ရက်မာဘင်းဗန်(ဖ်)ဟေယားငါ့ကင့်ယေ အချေးကနာ အမှန်တကယ်မယ်ဖြစ်ဟေ။ ဆိုးသွမ်းဟေကလူးရက် ငါကမအတုန်းငဲ"ငါ့ကို ငါ့လင်ကား။ 28အိမ်မအခါ အာဗြဟံ#13:28 အာဗြဟံကမူရင်းအမိန်းနာ အာဗြံဖြစ်ကို့ လူရက်က ဘိုးဘေးဖြစ်ဟေ။၊ ဣဇာက်၊ ယာကုပ်အိမ် အယောက်ကပရောဖက် အပေါင်းရက်နာ ဘုရားရှင်ကသာသနာတော်ဝါ ငါတုန်းဟေကား နနိန်ရက်ပိုပိုကယေ့ နနိန်ရက်က(လ်) အပြင်းငါ ကတောက်စာဟင်းပိုကတောင်း နနိန်ရက်နာ အိမ်မနေရာယာ အံကြိတ်ကို့ ဝမ်းနည်းကို့ဟြာရ်လင်ပိုကား။ 29အိမ်မှတောင်မာဒင့် ကမ္ဘာအရပ်ရပ်အာက လူမျိူးခြားရက်အ(လ်) အရှေ့၊ အနောက်၊ တောင်၊ မြောက် အရပ်လေးမျက်နှာဘင်း ထုန်ဗာ(ဖ်)ကို့ ဘုရားရှင်ကသာသနာတော်အတာဟုန်းငါဆင်ကို့ စားသောက်ပွဲယာ တုန်းလင်ပိုကား။ 30ကိုယ်တော်နာ ဆက်လက်ကို့ အတတ်ကအချိန်ငါ အရေးကြီးပါ(လ်)ငါ့ကို့ ယူဆပိုကားလူးရက်အင် ဘုရားရှင်နာ အရေးကြီးကလူးဖြစ်ဇိစ်ကို့ အရေးကြီးဟေငါ့ကို ယူဆပိုဟေကား တစ်ခြားလူးရက်အင်က(လ်) ဘုရားရှင်နာ အရေးအကြီးကလူးငါကို သတ်မှတ်လင်ကားဖြစ်ဟေ"ငါ့ကို ငါ့လင်ကဟေ။
ကိုယ်တော်ယေရှုအိမ်ဟေရုဒ်
(မဿဲ ၂၃:၃၇-၃၉)
31မှအချိန်ငါ ဖာရိရှဲအချို့နာ ကိုယ်တော်ယေရူထနဲ့ ထုန်ဗာ(ဖ်)ကို "အုပ်ချုပ်သူဟေရုဒ်နာ နင်ငင် ကတိုက်ကဇိစ် ကြံစည်တုန်းကတောင်း မှအရပ်အာဘင်း ပြုကလင်ကို့ တစ်နေရာရာယာလင်ဒက်"ငါ့ကို လျှောက်တင်လင်ကဟေ။ 32အိမ်မအခါ ကိုယ်တော်နာ အိမ်မားလူးရက်အင် "ချေးဝါဒေလေကား ကောက်ကျစ်ဟေကား အိမ်မှဟေရုဒ်ယင် လင်ကို့ငါ့ဂီး။ ငါနာ ယက်အိမ်အပါနပ်အာ မကောင်းဆိုးဝါးရက်အင် ကတောက်ကို့ ဟာပိုဆာအငါကားလူးရက်အင် ဆီကုအီပိုနိမ့်ကားဖြစ်ကို့ သုံးရက်မြောက်ကရယက်အာ ငါကအမူတာဝန်ငင် အဆုံးသပ်အန်ကားဖြစ်ဟေ။ 33ညီးင့ဒင့်ယေ့ ပရောဖက်ရက်နာ ဂျေရုဆလင်မြို့ယင်လွဲကို တစ်ခြားအရပ်အာ ဆိန်းပိုဟေငါ့ကိုအငါကတောင်း ယက် ၊ အပါနပ်အိမ် သန်ဘက်ခါနေ့ရက်အာ ငါနာ ခရီးလင်တုန်းပိုနိမ့်ကားဖြစ်ဟေ"ငါ့ကို ငါ့ဆနပ်လင်ကဟေ။
ဂျေရုဆလင်မြို့အတွက် ကြေကွဲဟြက်ဟေကား
34မှနောက်အာ ကိုယ်တော်ယေရူနာ "အို ဂျေရုဆလင်မြို့ဝါ တုန်းဟေကားလူးရက် ငါနာ နနိန်ရက်ကအတွက် တဗျင်းဝမ်းနည်းဟေ။ နနိန်ရက်နာ အယင်ဟိုက်ကရပ်ဘင်း ပရောဖက်ရက်အင် အဟက်ဟက် ကတိုက်ဒက်ဟေ။ နနိန်ရက်ထနဲ့ ဘုရားရှင်ဖြောက်နက်အန်ဟေကား လူးရက်အင်ယေ နနိန်ရက်နာ တာလုံးရက်အိမ် လက်ဟိုက်ကဓူ(ဖ်)ကို့ ကတိုက်ဒက်ဟေ။ အူအနူ(လ်)နာ အမာကအဆာရက်အင် အယန်းကော့်အိမ်အုပ်ကို့ ကာကွယ်စောင့်ရှောက်ကဒေလေ ငါယေ နနိန်ရက်အင် အဟက်ဟက် ကာကွယ်ကဇိစ် ကြိုးစားကယေ့ နနိန်ရက်နာ ငင် လက်အခံပါ(လ်)။ 35အတေးယင့်ဂီး ဘုရားရှင်နာ နနိန်ရက်အိမ် နနိန်ရက်တုန်းဟေကားမြို့ ရက်အင် မလောက်ပီယန်ကားဖြစ်ဟေ။ နနိန်ရက်အင် အမှန်ငါ့ဆနပ်အန်ကား "ဘုရားရှင်ကအခွင့်အာဏာအိမ် ကြွဗန်(ဖ်)ကလူးဝင် ချီးမွမ်းငန်နက်မက်"ငါ့ကို နနိန်ရက် အငါကအချိန်ထိ နနိန်ရက်နာ ငင် ဟက်တာယေ့ပိုလင်ကားအရိနန်း"ငါ့ကို ငါ့လင်ကဟေ။
Kasalukuyang Napili:
လုကာ 13: CKH
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 13
13
အခန်း (၁၃)
နောင်တသံဝေဂလှူဝင့်ဂီး
1ကိုယ်တော်ယေရူနာ မှအူဇာရက်အင် ဆနိန်ကို့အီတုန်းကရပ် လူအုပ်ပြောင်ထဲယာက လူတစ်ချို့ရက်နာ ကိုယ်တော်ယေရူကမားဗန်(ဖ်)ကို အုပ်ချုပ်သူပိလတ်နာ ဂျေရုဆလင်မြို့ဝါက ဗိမာန်တော်ဝင်းထဲယာ ဂါလိလဲပြည်သားရက်နာ ဘုရားရှင်ငင် ပူဇော်မူရက်အင်လိစ်တုန်းစမ်း အမာကစစ်ဆာရက်အင် အမိန့်အီကို့ ကတိုက်ဇိစ်ဒက်ကားအကြောင်းငင် လျှောက်တင်လင်ကဟေ။ 2အိမ်မှကရပ် ကိုယ်တော်နာ "အိမ်မှကတိုက်စားဟင်းပိုကား ဂါလိလဲပြည်သားရက်နာ အယောက်ကဂါလိလဲပြည်သားရက်တောင်မဒင့် အပြစ်ဒုစရိုက်ပြောင်ကအတွက် အတတ်ကဒေလေက အဖြစ်မျိူးကြုံပေါ်ဟေငါ့ကို နနိန်ရက်ထင်တုန်းကလဲ။ 3အိမ်မှဒေအရိပါ(လ်)။ နနိန်ရက်အင် ငါငန်းကား။ နနိန်ရက်အ(လ်) နောင်တသံဝေဂအလှုနဲ့က(လ်) အိမ်မှအတိုင်း ပျက်စီးလင်ပိုကား#13:3 ပျက်စီးလင်ပိုကားငါ့ဟေကနာ ခန္ဓာကိုယ်ပါ ၊ စိတ်ဝိညာဉ်ပါ ကတိုက်စာဟင်းလင်ပိုကားငါ့ကို ဆိုလိုဟေ။။ 4လူတစ်ဆယ့်ရှစ်ယောက်နာ ရှိလောင်အိန်းကန်းအနားဆာက#13:4 ရှိလောင်မျှော်စင်နာ ဂျေရုဆလင်မြို့အပြင်းငါငါ့ဟေက အိန်းကန်းနာဆာ ပြုပီဟေကား မျှော်စင် မျှော်စင်ဖြိုကရပ် ပိမိကိုဆိန်းလင်ကဟေ။ အိမ်မားလူးရက်နာ ဂျေရုဆလင်မြို့ဝါ တုန်းဟေကား အယောက်ကလူးရက်တောင်မာဒင့် ပိုကို အပြစ်ဒုစရိုက်ပြိစ်ဟေငါ့ကို့ နနိန်ရက်ထင်တုန်းကလဲ။ 5အိမ်မှဒေအရိပါ(လ်)။ နနိန်ရက်အင် ငါငါ့ဆနပ်အန်ကား။ နနိန်ရက်အ(လ်) နောင်တသံဝေဂအလှုပါ(လ်)ငါနဲ့က(လ်) အိမ်မှဒေလေ ဆိန်းလင်ပေါ်ကား"ငါ့ကို ငါ့လင်ကဟေ။
အဆီအဆီကား သဖန်းဖင်း
6အိမ်မားနောက်အာ ကိုယ်တော်နာ တပည့်တော်ရက်အင် ပုံဥပမာဆူးဝါအိမ် ငါ့ဆနပ်လင်ကနာ " လူးဟူးဝါနာ အမာကစပျစ်ခင်းငါ သဖန်းဖင်းဖင်းနာယင် စိုက်ပျိူးပီလင်ကဟေ။ မှနောက်အာ အဆီဆီကအချိန်ထုန်ဗာ(ဖ်)ကရပ် အဆီရက်အင် ဗန်ကို့ယူဗာ(ဖ်)ကယေ့ အဆီတစ်လုံးင(လ်)ဆီကို့ အပိုပါ(လ်)။ 7မှကြောင့် အမာနာ ဥယျာဉ်မူးအင်အော်ကို "မှသဖန်းဖင်းငါ အဆီးဆီးယန်ကားငါ့ကိုထင်ကို ငါ စောင်တုန်းဒက်ကား သုံးနှစ်ငါ့ဒက်နန်း။ အတတ်ထုန်မနီး အဆီတစ်လုံးင(လ်) အဆီနိန်ပါ(လ်)။ မှအကြောင့် မှသဖန်းဖင်းငင် ဗန်(ဖ်)နက်အင်ဒက်။ မှအဖင်းနာ ကဇက်အာ အကျိူးအငါထမ်းနေရာလာပီဟေ"ငါ့ကို ငါ့လင်ကဟေ။ 8အိမ်မှကရပ် ဥယျာယ်မူးနာ" မှအဖင်းငင် အယောက်ကနိန်နာ ထပ်ကိုစောင့်ငင်ဟနိမ့်။ ငါ မှအဖင်းပတ်လည်ယင် တူးဆွကို မြေဩဇာထည့်ကို ယူနိမ့်ကား။ 9အိမ်မဒေလိစ်ယူနဲ့က(လ်) အယောက်ကနိန်နာ အဆီးရက် ဆီးကက်နဲ့ဆီးယန်ကား။ တကယ်လို့ အဆီးအဆီးနဲ့က(လ်) နင် ဗန်(ဖ်)ဓူ(ဖ်)လှုဟေ" ငါ့ကို ငါ့လင်ကဟေ။
ဥပုသ်နေ့အာ ဟာပိုဆာငါဇိစ်ဂါ
10အယောက်ယက်တာက ဥပုသ်ရယက်အာ ကိုယ်တော်ယေရူနာ ဓမ္မာရုံငါ တရားဟောဂို့တုန်းကဟေ။ 11အိမ်မာနေရာယာ တစ်ဆယ့်ရှစ်နှစ်ထုန်မနီး မကောင်းဆိုးဝါးပြုစားကဟင်းပိုကတောင်း မသန်စွမ်းဖြစ်ကို့ ခါးကုန်းကို့ ကနင်းဖူး(ဖ်)ဆာ အစက်လှုကား တာဆာလောင်ဟူးဝါ ငါ့လင်ကဟေ။ 12ကိုယ်တော်နာ အိမ်မာတာဆာလောင်ငင် ပေါ်ဟေကရပ် အနားဆာအော်ကို့ "တာဆာလောင်ဆာ နင်နာ အတတ်ကအချိန်ငါဘင်းစကို့ မသန်စွမ်းဖြစ်ကမှဘင်း လွတ်မြောက်အင်နန်းဖြစ်ဟေ"ငါ့ကို ငါ့လင်ကဟေ။ 13မှနောက်အာ ကိုယ်တော်နာ တာဟူးဝင် တာဆာလောင်ကအဖုံးငါ တင်နက်ကရပ် ချက်ချင်းဒင့် အမာစာ ခါးဆန့်ကလင်ကို စက်ကို့ကျီးဟေကရပ် ဘုရားရှင်ကဂုဏ်ကျေးဇူငင် ချီးမွမ်းလင်ကဟေ။ 14ညီးငါ့ဒင်ယေ့ ကိုယ်တော်ယေရူနာ ဥပုသ်နေ့ယာ အနာရောဂါယင် ကုသအီတုန်းကတောင်း ဓမ္မာရုံခေါင်းဆောင် တာဆာပြိုင်းနာ တဗျင်းမန်ချေကို့ လူထုပရိတ်သတ်ရက်အင် ငါရက်ကဥပဒေယာ လူးရက်အင် အလိစ်လိစ်ကအီကရယက် ခြောက်ရက်ငါဟေ။ အိမ်မှရယက်အာမယ် အနာရောဂါ ကုကဇိစ်ဗန်ဂီး။ ဥပုသ်နေ့ယာ ဗန်ကို့ ဆီအကုဗာ(ဖ်)ဂီးယေ့"ငါ့ကို ငါ့လင်ကဟေ။ 15အိမ်မာအခါ ကိုယ်တော်နာ "သူတော်ကောင်းယောင်ဆောင်တုန်းကလူးရက်၊ ဥပုသ်ရယက်အာ နနိန်ရက်ကဆာမူတ်ရက်၊ မြည်းရက်အင် ဆာမုတ်ကုန်းငါက ဖြောက်ကို အိန်းအတိ(လ်)ကားအော်ဟေကယေ့ အလိစ်လိစ်ဟေကားအရိလဲ။ 16မဒေငါ့နဲ့က(လ်) တစ်ဆယ့်ရှစ်နှစ်ကြာ မသန်စွမ်းဖြစ်မနီး မာရ်နတ်နာ ပြုစားပီဟေကား အာဗြဟံကားမျိူးဆက်ဖြစ်ဟေကား မှတာဆာလောင်ငင်ယေ့ ဥပုသ်နေ့ယာ လွတ်မြောက်ခွင့် အီသင့်ဟေအရိလဲ"ငါ့ကို ငါ့လင်ကဟေ။ 17အိမ်မှဒေလေငါဆနပ်လင်ကရပ် ကိုယ်တော်ဝင် အရန်းဆုံးတုန်းကလူးရက်နာ အစမ်းမလန်းဖြစ်ကလင်ကဟေ။ ညီးငါ့ဒင့်ယေ လူထုပရိသတ်စုတ်ရက်နာ ကိုယ်တော်လိစ်ဟေကား အံ့ဖွယ်အမူရက်အင် နှစ်သက်ဝမ်းမြောက်လင်ကဟေ။
မုန်ညင်းတူးအိမ်တဆေး#13:18 မုန်ညင်းနက်စေ့နာ ဂျူးလူမျိုးတို့ ဒေသယာဖော်ဟေကား အတူး(ဖ်)ပြိစ်ကို့ အဖင်းဖော်ဟေကရပ် သုံးမီတာခန့်ကြိလ်ဟေ။ ညောင်ဖင်းအတူ(ဖ်)အိမ်တူဟေ။
(မဿဲ ၁၃:၃၁-၃၂။ မာကု ၄:၃၀-၃၂)
18မှနောက်အာ ကိုယ်တော်နာ "ဘုရားရှင်ကသာသနာတော်နာ အဇာအိမ်တူဟေယားငါ့ဟေကင့် နနိန်ရက်ဇိစ် ခိုင်းနှိုင်းဆနပ်ပိုကယားငါ့နဲ့က(လ်) 19အိမ်မာနာ မုန်ညင်းတူ(ဖ်)အိမ်တူဟေ။ လူးဟူးဝါနာ မုန်ညင်းအတူ(ဖ်)ဝင်လာကို ဥယျာဉ်ထဲယာ စိုက်ပျိုးပီလင်ကဟေ။ အိမ်မားအတူ(ဖ်)နာ အဟက်ရက်အိမ် ပြည့်စုံဟေကအဖင်း ဖြစ်ယောဝန်ကို အူဆီရက်အ(လ်) အထိုတုပ်ကို တုန်းလှုဟေ"ငါ့ကို ငါ့လင်ကဟေ။ 20အယောက်ဟက်တာ ကိုယ်တော်နာ "ဘုရားရှင်ကသာသနာတော်ငင် အဇာအိမ်ခိုင်းနှိုင်းပေါ်ဂါယာငါနဲ့။ 21အိမ်မာနာ တဆေးအိမ် တူဟေ။ တာဆာလောင်ဟူးဝါနာ တဆေးယင်လာကို ဂျုံမှုန့်သုံးပုံစာထဲယာ ထည်ကိုရောနက်ကရပ် တဗန်(ဖ်)ရက်အင် ဖောင်းပွားဇိစ်လင်ကဟေ။"ငါ့ကို ငါ့လင်ကဟေ။
လင်းဟနင်းအပိဆာ
(မဿဲ ၇:၁၃-၁၄၊ ၂၁-၂၃)
22ကျီးကအိမ် ကိုယ်တော်နာ လမ်းခရီးတစ်လျှောက်အာငါဟေကား မြို့ ထိန်ရက်အာငါဟေကား လူထုပရိသတ်ရက်အင် ဟောဆနပ်ကို့ကျီးကရပ် တပည့်တော်ရက်အိမ်မက်တာ ဂျေရုဆလင်မြို့ဝါ ကြွလင်ကဟေ။ 23အိမ်မှကရပ် လူးဟူးဝါနာ ကိုယ်တော်ယင် "ကိုယ်တော်၊ လူစိပ်ဆာမယ် ဘုရားရှင်ကကယ်တင်ကဟင်းပေါ်ကလဲ"ငါ့ကို ကတာလင်ကဟေ။ 24အိမ်မှအခါ ကိုယ်တော်ယေရူနာ "ကိန်းဆောင်းနာက ပြိစ်ဟေကားလင်းဟာနှင့်အိမ်တူဟေကား ဘုရားရှင်က သာသနာတော်အတာဟုန်းငါ ဆင်ကဇိစ် နနိန်ရက်အစွမ်းကုန် ကြိုးစားယင့်ဂီး။ အဇာရိကို့အငါနဲ့က(လ်) လူးဘောင်းကိုရက်နာ အိမ်မှအတာဟုန်းငါဆင်ကဇိစ် နည်းလမ်းအမျိူးမျိူးအိမ် ကြိုးစားကယေ့ အဆင်လင်လှုပါ(လ်)ငါ့ကို ငါငါ့လှုဟေ။ 25ကိန်းဆိမ်းအိမ်တူဟေကား ဘုရားရှင်နာ ယက်တာကရပ် ရိကို အာဟပိတ်နက်အန်နဲ့က(လ်) နနိန်ရက်နာ အတာဟုန်းငါဆင်ကဇိစ် နောက်ကျကန်နန်းဖြစ်ဟေ။ အိမ်မှကရပ် နနိန်ရက်နာ အပြင်းငါစက်ကို့ လင်းဟာနင်းငင်ဟောက်ကို့ "အရှင်၊ ငါရက်ဇိစ် အဟာဖွင့်အီယန်"ငါ့ကို တောင်းပန်ကယေ့ ကိန်းဆိမ်းနာ "နနိန်ရက်အင် ငါအချေးကဒေလေ နနိန်ရက် မာဘင်းဗန်ဟေကယားငါ့ကင့်ယေ ငါအချေးပါ(လ်)"ငါ့ကို ပြန့်ကိုငါ့လင်ကား။ 26အိမ်မှကရပ် နနိန်ရက်အ(လ်) "ငါရက်နာ အရှင်အိမ်မက်တာ ပုတ်ဆာဒက်ဟြာရ်ကို့ ငါရက်တုန်းဟေကား မြို့ထိန်ရက်အာကား လင်းရက်အာ အရှင်ကဆနိန်အီဟေကရက်အင် အတေးဟြာရ်ဒက်ကို့ အရှင်းငင်ချေးနက်ဟေ"ငါ့ကို လျှောက်တင်လင်ကား။ 27ညီးငါ့ဒင်ယေ ကိန်းဆိမ်းယေ "ငါနာ နနိန်ရက် အချေးကဒေလေ နနိန်ရက်မာဘင်းဗန်(ဖ်)ဟေယားငါ့ကင့်ယေ အချေးကနာ အမှန်တကယ်မယ်ဖြစ်ဟေ။ ဆိုးသွမ်းဟေကလူးရက် ငါကမအတုန်းငဲ"ငါ့ကို ငါ့လင်ကား။ 28အိမ်မအခါ အာဗြဟံ#13:28 အာဗြဟံကမူရင်းအမိန်းနာ အာဗြံဖြစ်ကို့ လူရက်က ဘိုးဘေးဖြစ်ဟေ။၊ ဣဇာက်၊ ယာကုပ်အိမ် အယောက်ကပရောဖက် အပေါင်းရက်နာ ဘုရားရှင်ကသာသနာတော်ဝါ ငါတုန်းဟေကား နနိန်ရက်ပိုပိုကယေ့ နနိန်ရက်က(လ်) အပြင်းငါ ကတောက်စာဟင်းပိုကတောင်း နနိန်ရက်နာ အိမ်မနေရာယာ အံကြိတ်ကို့ ဝမ်းနည်းကို့ဟြာရ်လင်ပိုကား။ 29အိမ်မှတောင်မာဒင့် ကမ္ဘာအရပ်ရပ်အာက လူမျိူးခြားရက်အ(လ်) အရှေ့၊ အနောက်၊ တောင်၊ မြောက် အရပ်လေးမျက်နှာဘင်း ထုန်ဗာ(ဖ်)ကို့ ဘုရားရှင်ကသာသနာတော်အတာဟုန်းငါဆင်ကို့ စားသောက်ပွဲယာ တုန်းလင်ပိုကား။ 30ကိုယ်တော်နာ ဆက်လက်ကို့ အတတ်ကအချိန်ငါ အရေးကြီးပါ(လ်)ငါ့ကို့ ယူဆပိုကားလူးရက်အင် ဘုရားရှင်နာ အရေးကြီးကလူးဖြစ်ဇိစ်ကို့ အရေးကြီးဟေငါ့ကို ယူဆပိုဟေကား တစ်ခြားလူးရက်အင်က(လ်) ဘုရားရှင်နာ အရေးအကြီးကလူးငါကို သတ်မှတ်လင်ကားဖြစ်ဟေ"ငါ့ကို ငါ့လင်ကဟေ။
ကိုယ်တော်ယေရှုအိမ်ဟေရုဒ်
(မဿဲ ၂၃:၃၇-၃၉)
31မှအချိန်ငါ ဖာရိရှဲအချို့နာ ကိုယ်တော်ယေရူထနဲ့ ထုန်ဗာ(ဖ်)ကို "အုပ်ချုပ်သူဟေရုဒ်နာ နင်ငင် ကတိုက်ကဇိစ် ကြံစည်တုန်းကတောင်း မှအရပ်အာဘင်း ပြုကလင်ကို့ တစ်နေရာရာယာလင်ဒက်"ငါ့ကို လျှောက်တင်လင်ကဟေ။ 32အိမ်မအခါ ကိုယ်တော်နာ အိမ်မားလူးရက်အင် "ချေးဝါဒေလေကား ကောက်ကျစ်ဟေကား အိမ်မှဟေရုဒ်ယင် လင်ကို့ငါ့ဂီး။ ငါနာ ယက်အိမ်အပါနပ်အာ မကောင်းဆိုးဝါးရက်အင် ကတောက်ကို့ ဟာပိုဆာအငါကားလူးရက်အင် ဆီကုအီပိုနိမ့်ကားဖြစ်ကို့ သုံးရက်မြောက်ကရယက်အာ ငါကအမူတာဝန်ငင် အဆုံးသပ်အန်ကားဖြစ်ဟေ။ 33ညီးင့ဒင့်ယေ့ ပရောဖက်ရက်နာ ဂျေရုဆလင်မြို့ယင်လွဲကို တစ်ခြားအရပ်အာ ဆိန်းပိုဟေငါ့ကိုအငါကတောင်း ယက် ၊ အပါနပ်အိမ် သန်ဘက်ခါနေ့ရက်အာ ငါနာ ခရီးလင်တုန်းပိုနိမ့်ကားဖြစ်ဟေ"ငါ့ကို ငါ့ဆနပ်လင်ကဟေ။
ဂျေရုဆလင်မြို့အတွက် ကြေကွဲဟြက်ဟေကား
34မှနောက်အာ ကိုယ်တော်ယေရူနာ "အို ဂျေရုဆလင်မြို့ဝါ တုန်းဟေကားလူးရက် ငါနာ နနိန်ရက်ကအတွက် တဗျင်းဝမ်းနည်းဟေ။ နနိန်ရက်နာ အယင်ဟိုက်ကရပ်ဘင်း ပရောဖက်ရက်အင် အဟက်ဟက် ကတိုက်ဒက်ဟေ။ နနိန်ရက်ထနဲ့ ဘုရားရှင်ဖြောက်နက်အန်ဟေကား လူးရက်အင်ယေ နနိန်ရက်နာ တာလုံးရက်အိမ် လက်ဟိုက်ကဓူ(ဖ်)ကို့ ကတိုက်ဒက်ဟေ။ အူအနူ(လ်)နာ အမာကအဆာရက်အင် အယန်းကော့်အိမ်အုပ်ကို့ ကာကွယ်စောင့်ရှောက်ကဒေလေ ငါယေ နနိန်ရက်အင် အဟက်ဟက် ကာကွယ်ကဇိစ် ကြိုးစားကယေ့ နနိန်ရက်နာ ငင် လက်အခံပါ(လ်)။ 35အတေးယင့်ဂီး ဘုရားရှင်နာ နနိန်ရက်အိမ် နနိန်ရက်တုန်းဟေကားမြို့ ရက်အင် မလောက်ပီယန်ကားဖြစ်ဟေ။ နနိန်ရက်အင် အမှန်ငါ့ဆနပ်အန်ကား "ဘုရားရှင်ကအခွင့်အာဏာအိမ် ကြွဗန်(ဖ်)ကလူးဝင် ချီးမွမ်းငန်နက်မက်"ငါ့ကို နနိန်ရက် အငါကအချိန်ထိ နနိန်ရက်နာ ငင် ဟက်တာယေ့ပိုလင်ကားအရိနန်း"ငါ့ကို ငါ့လင်ကဟေ။
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.