မးသဲ 21
21
တဲၤလ့ၤနံၢ်ဒဳယရူၤၡလ့ၣ်အူး
(မၢ် ၁၁:၁-၁၁, လူၤ ၁၉:၂၈-၄၀, ယိၤ ၁၂:၁၂-၁၉)
1ကၱာ်ဒီဘ့စဓဳၤဘိးထၱးယရူၤၡလ့ၣ်အူး, ကၱာ်စဓဳၤ လ့ၤဘ့ၤသဖၤက့ဒဳနဳၤ, ထဲၢ်အအီၣ်သဳာ်စၤယံၤခီးလီ အကါထၱးတဒဳးဆီနဳၤဒဳၣ်, ယ့ၣ် ရှူးသဓဳလ့ၤကဲၤ စပျဲၢ် စဘီၣ်ကၠံၢ်ပွဲၤ, 2စဒီၣ်လၢ်ဝၤ, “လ့ၤပီၢ်ဒဳအအီၣ် သံလှီမီၢ်တဒဳးဆီအပူၤ, ကၱာ်သံကပးထၱးတနၢ်ကီ သရၱာ်ဒဳအမဳၤ အီၣ်စဳဝဲၢ်ကျဳၤ, အဖဳးအီၣ်ကိာ်အကါတဒဳ, ဘါပျဲးအပံၤကၱာ်က့ၤ စွံးအံာ်ပီၢ် ဒဳယအီၣ်ယဳၤ. 3ကၱာ်ဒီပၠၤကဒီၣ်သံတမံၤမံၤဒဳၣ်, ‘ဘၱာ်စဲာ်သး အဲး မဲၤအံာ်, ဒီၣ်ပီၢ်စဲာ်ဓဳၤ,’ ကၱာ်ဒီတပျာ်ခါလီၤစကအံာ်ကီသံ ဟဲး အံာ်.”
4တဲၤအယဳၤဖၱထာ်လဳကဲၤစာ်ဘိထဲၢ် ဝံအတဲၤဒီၣ်တီၤလီၤကပ့ထာ်ပီၢ်နဳၤ, ထဲၢ်အဒီၣ်, 5“ဒီၣ်ဘၱဆးစံယိၣ်အဖဳးမူၤကယဳၤ, ‘စာ် ပီၢ်, နဆးဖြး လ့ၤထၱးနဲၤ, စဘၱာ်စယူၢ်ကၱာ်စဒီၣ်သရၱာ်ဒဳအမဳၤထဲၢ် ပၠၤတဒီၣ် နဲၤနီၤနှၱနီးတဒဳကၱာ်အဖဳး.’”
6ကၱာ်ဒီစပျဲၢ်စဘီၣ်တစီာ် လ့ၤကၱာ်မဲၤတပွဲး အစာ်ဘိ ယ့ၣ်ရှူးမှဲးလၤစဲာ်အဓ့နဳၤ 7စက့ၤအံာ် ကဲၤသရၱာ်ဒဳအသဲမဳၤတွဲၤဘ့နဳၤ, စဒဲလါကဲၤတဲၤကိ တဲၤသီးအခဳးကၱာ်ယ့ၣ်ရှူးထာ်ဒီၣ်ကဲၤ. 8ပၠၤအပဳၤ အဟီးဒဲလါကဲၤအတဲၤကိတဲၤသီးတစီာ်ဒဳကျဲးပူၤ. တစီာ်စီာ်ဖၱးဝှါသဳာ် လှဲာ်သဳာ်ဖါ, စဘဲလါကဲၤဒဳကျဲးပူၤ. 9စလ့ၤဒဳယ့ၣ်ရှူးအလှီမီၢ် တစီာ်စီာ်, ဒဳလၢ်ဝၤအလ့ၤကါ တစီာ်စီာ်, ကၱာ်ကဲာ်ဧဳၤဒီလ့ၢ်ကဲၤ, “စီၤဒၤဝံး အဖဳး. အဘဲာ်ဟိးဝၱၤမၱာ်ပၠၤအလ့ၤဒဳဘၱာ်စဲာ်အမံၤအပူၤတပွဲၤ နဳၤ. ဟိၣ်စဲ နၣ်, ဒဳအထာ်ယၱၤကဓူၤ.”
10ဘ့စဓဳၤနံၢ်ယရူၤၡလ့ၣ်အူးပူၤနဳၤ, ပၠၤအအီၣ် အူးပူၤတစီာ် ဟဲးထာ်ပဳၤကလၢ်ကဲၤကၱာ်စထိးစာ်ဒဲစာ်လှဲး လၢ်ဝၤတစီာ်, “ပၠၤအယဳၤတပွဲၤမၱာ်ကဲၤပီၢ်ပွဲၤ.”
11ပၠၤအပဳၤအဟီးဒီၣ်ရှံက့ၤစဲာ်တစီာ်, “အယဳၤ တပွဲၤမၱာ် ယ့ၣ်ရှူး, ဝံထဲၢ်အအီၣ်ဒဳနစၤရ့းအူး, ကၤလံၤလဲအက့ၤတပွဲၤနဳၤ.”
ယ့ၣ်ရှူးမဲၤပျၱမဲၤစါက့ၤတဲၤလှူၣ်ရှံၣ်
(မၢ် ၁၁:၁၅-၁၉, လူၤ ၁၉:၄၅-၄၈, ယိၤ ၂:၁၃-၂၂)
12ယ့ၣ်ရှူးလ့ၤနံၢ်တဲၤလှူၣ်ၡံၣ်အပူၤ, ကၱာ်စနှး ဟဲးထာ်ကဲၤ ပၠၤအပွၱၤအဆဲတဲၤဒဳတဲၤလှူၣ်ၡံၣ်ပူၤတစီာ် နဳၤ, ကၱာ် စဘးတကီးလၤခူးအဘါ ချဲး ဝှိတစီာ်အစူးဒဲးခဳးကၱာ်အဆဲသကဳတြူၤတစီာ်အကါတီး. 13ကၱာ်ဒီစဒီၣ်လၢ်ဝၤတစီာ်ကယဳၤ, “ယတဲၤလှူၣ်ရှံၣ်ကဘဲာ်ယဳၤကီတဲၤသဘဲအရှံၣ်, အအီၣ်စဲာ်ပူၤဓဳၤ. မၱာ် သံမဲၤဖၱထာ်ကဲၤတ့ၤဝှ့အပီၤ.”
14ပၠၤအမ့ၢ်ခံးကၱာ်အခၣ်ဒ့းတစီာ်လ့ၤထၱးစဲာ် တဲၤလှူၣ်ၡံၣ်ပူၤ ကၱာ်စမဲၤမှးက့ၤတပွဲးလၢ်ဝၤ. 15ကၱာ်ဒီပၠၤလှူၣ်တဲၤအဓဳၤကၱာ် အသဲာ်ယူဒၤအတဲၤသိာ် တဲၤသီတစီာ်စာ်ထၱးတဲၤပီၤတဲၤပၤစမဲၤတစီာ်နဳၤ ကၱာ်အပံၤ စဖဳးတစီာ်ကဲာ်ဧဳၤတဲၤလှူၣ်ၡံၣ်ပူၤ, စဒီၣ်, “ဟိၣ်ဇဲနၣ်စီၤဒၤဝံး အဖဳး,” ဒဳၣ်, စသဲးထဲးကဲၤတစီာ်. 16ကၱာ်စဒီၣ် ယ့ၣ်ရှူး, “နသၱာ် ဟဲတပွဲၤအယဳၤတစီာ် ဒီၣ်တၤနဲၢ်နဳၤဧါ.”
ယ့ၣ်ရှူးဒီၣ်က့ၤစဲာ်တစီာ်, “ယသၱာ်ဟဲဟဳ. သံတဖး ဘဲာ်ကဲၤတဲၤအယဳၤတစီာ်ထဲၢ်, ‘နမဲၤကဲၤအပံၤစဖဳး ကၱာ်အအီနူၤတစီာ်အလီၤမီၤဒီၣ်ထာ် တဲၤထါထာ်အံာ်’ နဳၤနီးဧါ.”
17ကၱာ်ဒီစဟဲးသံဝံၢ်ဝှါလၢ်ဝၤတစီာ်, စဟဲးထာ် အူးအချဳကၱာ် စလ့ၤဆီးဒဲကဲၤဒဳဘ့ၤသနံအဒဳပူၤသဒဲနဲၤဒဳး.
ယ့ၣ်ရှူးဝှိးကၱကဲာ်သဳာ်ဓဳၤထံသဲာ်အမူၤ
(မၢ် ၁၁:၁၂-၁၄,၂၀-၂၄)
18ကၱာ်ဒီဘ့လူၤမူၤဂီၤနဳၤ, စက့ၤဘးအူးပူၤဒဳၣ် စသးဝံာ်ထာ် ကဲၤ. 19ကၱာ်ဒီစစာ်ထၱးသဳာ်ဓဳၤထံမူၤ အီၣ်ကျဲးခဳတမူၤဒဳၣ်, စလ့ၤ ဝဲၢ်အလီၤ, ပရၤဆါ စတစာ်ထၱးအသဲာ်တမဲနီး. မၱာ်ထ့အလှဲာ်လီၤ. ကၱာ်စဒီၣ်ကဲၤသဳာ်ကယဳၤ, “ခဳနူၤယဳၤဖျီအလှီမီၢ် နကတသဲာ်ဘဲာ်ဒီဧဲၤတပျါ နီး.” ကၱာ်ဒီသဳာ်ဓဳၤထံမူၤနှီသံ တနၢ်ကဲၤ.
20အပျဲၢ်အဘီၣ်တစီာ်လ့ၤစာ်ဒဳၣ်, စထဲးတမိၢ် တမှါကၱာ်ဒီၣ်, “သဳာ်ဓဳၤထံမူၤတမူၤနဳၤ အနှီသံတနၢ်မၤ ကဲၤနဲၢ်.”
21ကၱာ်ဒီယ့ၣ်ရှူးဒီၣ်က့ၤစဲာ်တစီာ်, “ယဒီဆးသံ အတၱၢ်အမှး, သံတဲၤဘူၣ်ကအီၣ် ကၱာ်အတကျ့ၤကျၢ် မၤနီးဒဳၣ်, သံကမဲၤကဲာ် ထာ်ဒဳၣ်လံကီယမဲၤ သဳာ်ဓဳၤထံ မူၤအယဳၤနဳၤ. မၱာ်သံကဒီၣ်ခီးလီအယဳၤ တမဲ, ‘ဝဲၢ်ထဳး ကၱာ်ထၱးလၤဓ့ၢ်နန့ၤပဲာ်လဲာ်ပူၤ’ ဒဳၣ်အကဖၱထာ်တပွဲး. 22ကၱာ်ဒီသံကတၤတဲၤအရါတဲၤသဘဲအပူၤကၱာ် သံကဘူၣ်ဒဳၣ်, သံကနံၤဘဲာ်တပွဲး.”
တဲၤဒဲအဘဲာ်ကၠးယ့ၣ်ရှူးအဖျူသရ့ာ်
(မၢ် ၁၁:၂၇-၃၃, လူၤ ၂၀:၁-၈)
23ကၱာ်ဒီစလ့ၤနံၢ်ဝှါတဲၤလှူၣ်ၡံၣ်ပူၤစဒီၣ်အူဒီ ဆးသဗ့တဲၤဒဳၣ်, ပၠၤလှူၣ်တဲၤအဓဳၤကၱာ်ပၠၤအန့ၤဓဳၤ တစီာ်လ့ၤထၱးစဲာ်ကၱာ်စဒီၣ်, “နမဲၤတဲၤ အယဳၤတစီာ် တၤအဖျူသရ့ာ်အပူၤနဲၤ. ကၱာ်ဒီပီၢ်ပွဲၤအံာ်လၤနဲၤတဲၤဖျူ တဲၤသရ့ာ်ယဳၤပွဲၤ.”
24ယ့ၣ်ရှူးဒီၣ်စဲာ်တစီာ်, “ယဲၤယဲၤ, ယကဒဲသံ တဲၤယၱၢ်ဘဲာ် တမှိ, သံကဒီဆးယဲၤဒဳၣ်, ယဒီဆးကီသံ ယမဲၤတဲၤအယဳၤတၤအဖျူသရ့ာ်အပူၤနဲၤနဳၤနဳၤ. 25စီၤယိၤဟၣ်အတဲၤဖဳးစူထံအကါထၱးမၱာ်ကဲၤ ဒီၣ်လဲၢ်. မၱာ် ကဲၤမီၢ်ခဳးအဲဧါ, မၱတမၱာ်နီးပၠၤအဲဧါ.”
မၱာ်ပၠၤတစီာ်ဒီၣ်လှဲးဟူၣ်ဇီၤလၢ်ဝၤ, “‘မီၢ်ခဳးအဲ’ ဝၤကဒီၣ်မၤစဲာ်ဒဳးဒဳၣ်, စကဒီၣ်ဝၤ, ‘သံတဘူၣ်မၤစဲာ် နီးနဲၢ်.’ 26ကၱာ်ဒီဝၤကဒီၣ်, ‘ပၠၤအဲ’ ဒဳၣ်, ဝၤၡံးဆါ နံၤကဒီပၠၤအပဳၤအဟီးအလ့ၤ, မၤနဲၢ်ကဒီၣ်ဓဳၤဒဳၣ်, ပၠၤလဳ စါစဲးပဲၢ်စီၤယိၤဟၣ်အစာ်ဘိဝံတပွဲၤနဳၤ.” 27မဲၤကနဳၤစဒီၣ်က့ၤ ယ့ၣ်ရှူး, “ဝၤတသၱာ်ဟဲနီး.”
ယ့ၣ်ရှူးတခီဒီၣ်စဲာ်, “ယဲၤယဲၤ, ယတဒီဆး သံယမဲၤတဲၤအယဳၤတၤ အဖျူသရ့ာ်အပူၤနဲၤနီးနီး.”
ဖဳးခဳကၠံၢ်ပွဲၤအကလဲၤ
28“မၱာ်သံကမဳၤစာ်တဲၢ်, ပၠၤတပွဲၤအဖဳးခဳအီၣ် ကၠံၢ်ပွဲၤ, ကၱာ်ဒီ စလ့ၤထၱးအအူဆူးတပွဲၤဒဳၣ် စဒီၣ် လၢ်ဝၤ. ‘အဖဳး, ခိတနံၤလ့ၤမဲၤပီၢ် တဲၤဒဳယသဳာ်ပၡံး က့ၤပူၤနဳၤ.’ 29မၱာ်စဒီၣ်က့ၤကယဳၤ, ‘ယတလ့ၤ နီး.’ ပရၤဆါအလ့ၤကါ စပၤယၤလၤက့ၤစန့ၤ ကၱာ် စလ့ၤတပွဲး. 30စလ့ၤထၱးဒီအလဝ့ၤတပွဲၤဒဳၣ်, ကၱာ်စဒီၣ်လၢ်ဝၤကနဳၤနဳၤ. ကၱာ်ဒီစဒီၣ်က့ၤ လၢ်ဝၤ, ‘ယလ့ၤဟဳ, အပာ်.’ ပရၤဆါစတလ့ၤနီး. 31အယဳၤကၠံၢ် ပွဲၤအကျဲအမဲၤအစာ်ဘိအပာ်အတဲၤသးအဲး နံၤအီၣ်နဳၤမၱာ်ဒီၣ်လဲၢ်တပွဲၤ ပွဲၤ.”
“မၱာ်အအူဆူးတပွဲၤနဳၤ,” စဒီၣ်ယ့ၣ်ရှူးဓဳၤ.
ယ့ၣ်ရှူးဒီၣ်စဲာ်တစီာ်, “ယဒီဆးသံအတၱၢ်အမှး, အတၤတဲၤမှူကၱာ် မဳၤမၤရဲၤတစီာ် ကလ့ၤနံၢ်အူဆူး ကီသံဒဳကဘၱာ်စဲာ်အထံအက့ၤအပူၤနဳၤ. 32မၤနဲၢ်ကဒီၣ်ဓဳၤဒဳၣ်, စီၤယိၤဟၣ်လ့ၤထၱးအူဆူးသံ, စခဲကိာ်တဲၤ တၱၢ်တဲၤမှးအကျဲး, ပရၤဆါသံတဘူၣ် စဲာ်နီး. မၱာ်အတၤတဲၤမှူတစီာ် ကၱာ် မဳၤမၤရဲၤတစီာ် ဘူၣ်တပွဲးစဲာ်. ကၱာ်ဒီသံကဲာ်ထၱးနီၣ်သီတဲၤအယဳၤနှီနူၤ, အလ့ၤကါ သံတပၤယၤလၤက့ၤသံန့ၤနီး, သံတဘူၣ် စဲာ်နီးနီး.
ပွဲၤခွဲးအံာ်သဳာ်ပရှံးမူၤအကလဲၤ
(မၢ် ၁၂:၁-၁၂, လူၤ ၂၀:၉-၁၉)
33“ဆီးခ့န့းပီၢ်တဲၤကလဲၤအလဝ့ၤတဓဲပ့ၤ. ပၠၤတပွဲၤထဲၢ်တကမူၤအပာ်နဳၤဆဳးလၤကဲၤ သဳာ်ပၡံးမူၤ တက့ၤ. စဆဳးခွဲဘးသရာ်, စခူး တဲၤၡံးလၤသဳာ်ပၡံး ထံအလ့ၤ, စပြးထာ်လီးလဲခဲးတဲၤတိၤအံာ်အလ့ၤတမဲ, ကၱာ်စအံာ်လၤဝှါတဲၤမဲၤဖဳးတစီာ်မဲၤအၣ်အံာ်ဒဳၣ်, စဟဲးပိာ်ဒဳကဲၤဒဳထံ က့ၤအလဝ့ၤနဳၤ. 34ဘ့အမီၤဒ့းသဳာ်ပရှံးသဲာ်အခၠၱးဘိးထၱးနဳၤ, စနှး လ့ၤစဇိၤ ဖဳးဒဳအမဲၤအၣ်အံာ်က့ၤတစီာ်အီၣ်, စာ်ဘိထဲၢ်စကဖၱး က့ၤတဲၤ သဲာ်အသွဲနဳၤ. 35မၱာ်အမဲၤအၣ်အံာ်က့ၤ တစီာ်ပိာ်ဝှါလၢ်ဝၤအဇိၤ ဖဳး, စမူၢ်တပွဲၤ, မဲၤသံတပွဲၤ ကၱာ်ဝှ့ကဲၤစဲာ်လဳၤတပွဲၤ. 36တပျာ်ပ့ၤ စနှးလ့ၤ စဇိၤဖဳးအလဝ့ၤတစီာ်အအီၣ်အဲးဒဳၣ်လံအအူဆူး တဖဳး နဳၤ. ပရၤဆါပၠၤမဲၤတပွဲးစဲာ်ကနဳၤလီၤလီၤ. 37အကဓူၤလါစနှးကဲၤစဖဳး ခဳ ဒဳလၢ်ဝၤတစီာ်အီၣ်ကၱာ် စဒီၣ်, ‘စကဒဳဘဲာ်ယးဘဲာ်ကီယဖဳးခဳ.’ 38ပရၤဆါ ဘ့အမဲၤအၣ်အံာ်က့ၤတစီာ်စာ်ထၱးလၢ်ဝၤအဖဳခဳနဳၤ, စဒီၣ်လှဲးလၢ် ဝၤကယဳၤ, ‘အယဳၤတပွဲၤမၱာ်အကထာ် အပာ်အလ့ၤ. လ့ၤ, ကမဲၤသံစဲာ် ခး, ကၱာ်ဒီကနံၤဘဲာ်ကီ စအဲတဲၤအံာ်လၤ.’ 39စပိာ်ဝှါလၢ်ဝၤ, စဆးဖျီးမံ လၢ်ဝၤသဳာ်ပၡံးက့ၤအချဳကၱာ်စမဲၤသံတပွဲးလၢ်ဝၤ.
40“မဲၤကနဳၤဒဳၣ်, ဘ့သဳာ်ပၡံးသဲာ်အဘၱာ်စဲာ် ကဓဳၤက့ၤနဳၤ, စကမဲၤကီအမဲၤအၣ်အံာ်က့ၤတစီာ် စာ်တဲၢ်.”
41စဲာ်တစီာ်ဒီၣ်လၢ်ဝၤ, “စကမဲၤသံမဲၤလှဲမဲၢ်ကီ ပၠၤအကၱကဲး အနဳၤတစီာ်ကၱာ်စကအံာ်လၤကီပၠၤအလဝ့ၤ တစီာ်မဲၤအၣ်အံာ်သဳာ်ပၡံး က့ၤ, ထဲၢ်ဘ့အခၠၱးအကျၤ ဘဲာ်, အကအံာ်ကီစဲာ်တဲၤသဲာ်အသွဲတစီာ်နဳၤ.”
42ယ့ၣ်ရှူးဒီၣ်စဲာ်တစီာ်, “သံတဖးဘဲာ် စဲာ်စါထံ အပူၤတဲၤ ယၱၢ်ဘဲာ်အယဳၤတပျါနီးဧါ.
‘လဳၤထဲၢ်အဘီာ်ထာ်ရှံၣ်တစီာ်ထၱးဖျီးမံတဒဳနဳၤ,
ဖၱထာ်ကဲၤရှံၣ်အန့ၤပူၤအကါဒီ.
ဘၱာ်စဲာ်မဲၤကဲၤတဲၤအယဳၤ,
ကၱာ်ဒီအမၱာ်တဲၤအမီၤထဲးတမိၢ်တမှါဒဳဝၤကၢ်ဓူ ပူၤနဳၤတမံၤ,’ အတဒီၣ်ဓဳၤနီးဧါ.
43“မဲၤကနဳၤဒဳၣ်, ယဒီဆးသံ, ကဘၱာ်စဲာ်အထံ အက့ၤကဘဲာ်ဖၱးသံဝံၢ်ကီသံအီၣ်, ကၱာ် အကဘဲာ်အံာ် လၤကီပၠၤတသရး, ထဲၢ်အအံာ်က့ၤတဲၤအသွဲတစီာ်နဳၤ.
44“ကၱာ်ဒီပၠၤအလၤခူးလဳၤတဒဳအခဳးတပွဲၤ အခွံး ကထဲဓူၢ် အၱးကျိးအၱးကျဲးကီ, ကၱာ်လဳၤအယဳၤကလၤ တ့ၢ်အခဳးတပွဲၤအကမဲၤ ပြၱး မၤပြိးကီစဲာ်.” 45ကၱာ်ဒီဘ့ပၠၤလှူၣ်တဲၤအဓဳၤ, ဖၤရံၤၡဲဖဳးတစီာ်သၱာ် ဟဲ ဘဲာ်ဝှါစတဲၤကလဲၤတစီာ်နဳၤ, စနံၤကူၤဖျီကဲၤထဲၢ် ယ့ၣ်ရှူးဒီၣ်စဲာ်တစီာ်လီၤနဳၤ. 46ကၱာ်ဒီ စဲာ်တစီာ်ကဳထာ်ကၠးလၤစာ်ဘိထဲၢ် စကဖီး လၢ်ဝၤနဳၤ, ပရၤဆါ စၡံးဆါနံၤပၠၤအပဳၤအဟီးအလ့ၤ, မၤနဲၢ်ကဒီၣ်ဓဳၤ ဒဳၣ်, ပၠၤလဲၢ်ယ့ၣ်ရှူးအစာ်ဘိဝံတပွဲၤအခဳး အစဲနဳၤ.
Kasalukuyang Napili:
မးသဲ 21: GBA
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Geba Roman New Testament © Bible Society of Myanmar, 2021.
မးသဲ 21
21
တဲၤလ့ၤနံၢ်ဒဳယရူၤၡလ့ၣ်အူး
(မၢ် ၁၁:၁-၁၁, လူၤ ၁၉:၂၈-၄၀, ယိၤ ၁၂:၁၂-၁၉)
1ကၱာ်ဒီဘ့စဓဳၤဘိးထၱးယရူၤၡလ့ၣ်အူး, ကၱာ်စဓဳၤ လ့ၤဘ့ၤသဖၤက့ဒဳနဳၤ, ထဲၢ်အအီၣ်သဳာ်စၤယံၤခီးလီ အကါထၱးတဒဳးဆီနဳၤဒဳၣ်, ယ့ၣ် ရှူးသဓဳလ့ၤကဲၤ စပျဲၢ် စဘီၣ်ကၠံၢ်ပွဲၤ, 2စဒီၣ်လၢ်ဝၤ, “လ့ၤပီၢ်ဒဳအအီၣ် သံလှီမီၢ်တဒဳးဆီအပူၤ, ကၱာ်သံကပးထၱးတနၢ်ကီ သရၱာ်ဒဳအမဳၤ အီၣ်စဳဝဲၢ်ကျဳၤ, အဖဳးအီၣ်ကိာ်အကါတဒဳ, ဘါပျဲးအပံၤကၱာ်က့ၤ စွံးအံာ်ပီၢ် ဒဳယအီၣ်ယဳၤ. 3ကၱာ်ဒီပၠၤကဒီၣ်သံတမံၤမံၤဒဳၣ်, ‘ဘၱာ်စဲာ်သး အဲး မဲၤအံာ်, ဒီၣ်ပီၢ်စဲာ်ဓဳၤ,’ ကၱာ်ဒီတပျာ်ခါလီၤစကအံာ်ကီသံ ဟဲး အံာ်.”
4တဲၤအယဳၤဖၱထာ်လဳကဲၤစာ်ဘိထဲၢ် ဝံအတဲၤဒီၣ်တီၤလီၤကပ့ထာ်ပီၢ်နဳၤ, ထဲၢ်အဒီၣ်, 5“ဒီၣ်ဘၱဆးစံယိၣ်အဖဳးမူၤကယဳၤ, ‘စာ် ပီၢ်, နဆးဖြး လ့ၤထၱးနဲၤ, စဘၱာ်စယူၢ်ကၱာ်စဒီၣ်သရၱာ်ဒဳအမဳၤထဲၢ် ပၠၤတဒီၣ် နဲၤနီၤနှၱနီးတဒဳကၱာ်အဖဳး.’”
6ကၱာ်ဒီစပျဲၢ်စဘီၣ်တစီာ် လ့ၤကၱာ်မဲၤတပွဲး အစာ်ဘိ ယ့ၣ်ရှူးမှဲးလၤစဲာ်အဓ့နဳၤ 7စက့ၤအံာ် ကဲၤသရၱာ်ဒဳအသဲမဳၤတွဲၤဘ့နဳၤ, စဒဲလါကဲၤတဲၤကိ တဲၤသီးအခဳးကၱာ်ယ့ၣ်ရှူးထာ်ဒီၣ်ကဲၤ. 8ပၠၤအပဳၤ အဟီးဒဲလါကဲၤအတဲၤကိတဲၤသီးတစီာ်ဒဳကျဲးပူၤ. တစီာ်စီာ်ဖၱးဝှါသဳာ် လှဲာ်သဳာ်ဖါ, စဘဲလါကဲၤဒဳကျဲးပူၤ. 9စလ့ၤဒဳယ့ၣ်ရှူးအလှီမီၢ် တစီာ်စီာ်, ဒဳလၢ်ဝၤအလ့ၤကါ တစီာ်စီာ်, ကၱာ်ကဲာ်ဧဳၤဒီလ့ၢ်ကဲၤ, “စီၤဒၤဝံး အဖဳး. အဘဲာ်ဟိးဝၱၤမၱာ်ပၠၤအလ့ၤဒဳဘၱာ်စဲာ်အမံၤအပူၤတပွဲၤ နဳၤ. ဟိၣ်စဲ နၣ်, ဒဳအထာ်ယၱၤကဓူၤ.”
10ဘ့စဓဳၤနံၢ်ယရူၤၡလ့ၣ်အူးပူၤနဳၤ, ပၠၤအအီၣ် အူးပူၤတစီာ် ဟဲးထာ်ပဳၤကလၢ်ကဲၤကၱာ်စထိးစာ်ဒဲစာ်လှဲး လၢ်ဝၤတစီာ်, “ပၠၤအယဳၤတပွဲၤမၱာ်ကဲၤပီၢ်ပွဲၤ.”
11ပၠၤအပဳၤအဟီးဒီၣ်ရှံက့ၤစဲာ်တစီာ်, “အယဳၤ တပွဲၤမၱာ် ယ့ၣ်ရှူး, ဝံထဲၢ်အအီၣ်ဒဳနစၤရ့းအူး, ကၤလံၤလဲအက့ၤတပွဲၤနဳၤ.”
ယ့ၣ်ရှူးမဲၤပျၱမဲၤစါက့ၤတဲၤလှူၣ်ရှံၣ်
(မၢ် ၁၁:၁၅-၁၉, လူၤ ၁၉:၄၅-၄၈, ယိၤ ၂:၁၃-၂၂)
12ယ့ၣ်ရှူးလ့ၤနံၢ်တဲၤလှူၣ်ၡံၣ်အပူၤ, ကၱာ်စနှး ဟဲးထာ်ကဲၤ ပၠၤအပွၱၤအဆဲတဲၤဒဳတဲၤလှူၣ်ၡံၣ်ပူၤတစီာ် နဳၤ, ကၱာ် စဘးတကီးလၤခူးအဘါ ချဲး ဝှိတစီာ်အစူးဒဲးခဳးကၱာ်အဆဲသကဳတြူၤတစီာ်အကါတီး. 13ကၱာ်ဒီစဒီၣ်လၢ်ဝၤတစီာ်ကယဳၤ, “ယတဲၤလှူၣ်ရှံၣ်ကဘဲာ်ယဳၤကီတဲၤသဘဲအရှံၣ်, အအီၣ်စဲာ်ပူၤဓဳၤ. မၱာ် သံမဲၤဖၱထာ်ကဲၤတ့ၤဝှ့အပီၤ.”
14ပၠၤအမ့ၢ်ခံးကၱာ်အခၣ်ဒ့းတစီာ်လ့ၤထၱးစဲာ် တဲၤလှူၣ်ၡံၣ်ပူၤ ကၱာ်စမဲၤမှးက့ၤတပွဲးလၢ်ဝၤ. 15ကၱာ်ဒီပၠၤလှူၣ်တဲၤအဓဳၤကၱာ် အသဲာ်ယူဒၤအတဲၤသိာ် တဲၤသီတစီာ်စာ်ထၱးတဲၤပီၤတဲၤပၤစမဲၤတစီာ်နဳၤ ကၱာ်အပံၤ စဖဳးတစီာ်ကဲာ်ဧဳၤတဲၤလှူၣ်ၡံၣ်ပူၤ, စဒီၣ်, “ဟိၣ်ဇဲနၣ်စီၤဒၤဝံး အဖဳး,” ဒဳၣ်, စသဲးထဲးကဲၤတစီာ်. 16ကၱာ်စဒီၣ် ယ့ၣ်ရှူး, “နသၱာ် ဟဲတပွဲၤအယဳၤတစီာ် ဒီၣ်တၤနဲၢ်နဳၤဧါ.”
ယ့ၣ်ရှူးဒီၣ်က့ၤစဲာ်တစီာ်, “ယသၱာ်ဟဲဟဳ. သံတဖး ဘဲာ်ကဲၤတဲၤအယဳၤတစီာ်ထဲၢ်, ‘နမဲၤကဲၤအပံၤစဖဳး ကၱာ်အအီနူၤတစီာ်အလီၤမီၤဒီၣ်ထာ် တဲၤထါထာ်အံာ်’ နဳၤနီးဧါ.”
17ကၱာ်ဒီစဟဲးသံဝံၢ်ဝှါလၢ်ဝၤတစီာ်, စဟဲးထာ် အူးအချဳကၱာ် စလ့ၤဆီးဒဲကဲၤဒဳဘ့ၤသနံအဒဳပူၤသဒဲနဲၤဒဳး.
ယ့ၣ်ရှူးဝှိးကၱကဲာ်သဳာ်ဓဳၤထံသဲာ်အမူၤ
(မၢ် ၁၁:၁၂-၁၄,၂၀-၂၄)
18ကၱာ်ဒီဘ့လူၤမူၤဂီၤနဳၤ, စက့ၤဘးအူးပူၤဒဳၣ် စသးဝံာ်ထာ် ကဲၤ. 19ကၱာ်ဒီစစာ်ထၱးသဳာ်ဓဳၤထံမူၤ အီၣ်ကျဲးခဳတမူၤဒဳၣ်, စလ့ၤ ဝဲၢ်အလီၤ, ပရၤဆါ စတစာ်ထၱးအသဲာ်တမဲနီး. မၱာ်ထ့အလှဲာ်လီၤ. ကၱာ်စဒီၣ်ကဲၤသဳာ်ကယဳၤ, “ခဳနူၤယဳၤဖျီအလှီမီၢ် နကတသဲာ်ဘဲာ်ဒီဧဲၤတပျါ နီး.” ကၱာ်ဒီသဳာ်ဓဳၤထံမူၤနှီသံ တနၢ်ကဲၤ.
20အပျဲၢ်အဘီၣ်တစီာ်လ့ၤစာ်ဒဳၣ်, စထဲးတမိၢ် တမှါကၱာ်ဒီၣ်, “သဳာ်ဓဳၤထံမူၤတမူၤနဳၤ အနှီသံတနၢ်မၤ ကဲၤနဲၢ်.”
21ကၱာ်ဒီယ့ၣ်ရှူးဒီၣ်က့ၤစဲာ်တစီာ်, “ယဒီဆးသံ အတၱၢ်အမှး, သံတဲၤဘူၣ်ကအီၣ် ကၱာ်အတကျ့ၤကျၢ် မၤနီးဒဳၣ်, သံကမဲၤကဲာ် ထာ်ဒဳၣ်လံကီယမဲၤ သဳာ်ဓဳၤထံ မူၤအယဳၤနဳၤ. မၱာ်သံကဒီၣ်ခီးလီအယဳၤ တမဲ, ‘ဝဲၢ်ထဳး ကၱာ်ထၱးလၤဓ့ၢ်နန့ၤပဲာ်လဲာ်ပူၤ’ ဒဳၣ်အကဖၱထာ်တပွဲး. 22ကၱာ်ဒီသံကတၤတဲၤအရါတဲၤသဘဲအပူၤကၱာ် သံကဘူၣ်ဒဳၣ်, သံကနံၤဘဲာ်တပွဲး.”
တဲၤဒဲအဘဲာ်ကၠးယ့ၣ်ရှူးအဖျူသရ့ာ်
(မၢ် ၁၁:၂၇-၃၃, လူၤ ၂၀:၁-၈)
23ကၱာ်ဒီစလ့ၤနံၢ်ဝှါတဲၤလှူၣ်ၡံၣ်ပူၤစဒီၣ်အူဒီ ဆးသဗ့တဲၤဒဳၣ်, ပၠၤလှူၣ်တဲၤအဓဳၤကၱာ်ပၠၤအန့ၤဓဳၤ တစီာ်လ့ၤထၱးစဲာ်ကၱာ်စဒီၣ်, “နမဲၤတဲၤ အယဳၤတစီာ် တၤအဖျူသရ့ာ်အပူၤနဲၤ. ကၱာ်ဒီပီၢ်ပွဲၤအံာ်လၤနဲၤတဲၤဖျူ တဲၤသရ့ာ်ယဳၤပွဲၤ.”
24ယ့ၣ်ရှူးဒီၣ်စဲာ်တစီာ်, “ယဲၤယဲၤ, ယကဒဲသံ တဲၤယၱၢ်ဘဲာ် တမှိ, သံကဒီဆးယဲၤဒဳၣ်, ယဒီဆးကီသံ ယမဲၤတဲၤအယဳၤတၤအဖျူသရ့ာ်အပူၤနဲၤနဳၤနဳၤ. 25စီၤယိၤဟၣ်အတဲၤဖဳးစူထံအကါထၱးမၱာ်ကဲၤ ဒီၣ်လဲၢ်. မၱာ် ကဲၤမီၢ်ခဳးအဲဧါ, မၱတမၱာ်နီးပၠၤအဲဧါ.”
မၱာ်ပၠၤတစီာ်ဒီၣ်လှဲးဟူၣ်ဇီၤလၢ်ဝၤ, “‘မီၢ်ခဳးအဲ’ ဝၤကဒီၣ်မၤစဲာ်ဒဳးဒဳၣ်, စကဒီၣ်ဝၤ, ‘သံတဘူၣ်မၤစဲာ် နီးနဲၢ်.’ 26ကၱာ်ဒီဝၤကဒီၣ်, ‘ပၠၤအဲ’ ဒဳၣ်, ဝၤၡံးဆါ နံၤကဒီပၠၤအပဳၤအဟီးအလ့ၤ, မၤနဲၢ်ကဒီၣ်ဓဳၤဒဳၣ်, ပၠၤလဳ စါစဲးပဲၢ်စီၤယိၤဟၣ်အစာ်ဘိဝံတပွဲၤနဳၤ.” 27မဲၤကနဳၤစဒီၣ်က့ၤ ယ့ၣ်ရှူး, “ဝၤတသၱာ်ဟဲနီး.”
ယ့ၣ်ရှူးတခီဒီၣ်စဲာ်, “ယဲၤယဲၤ, ယတဒီဆး သံယမဲၤတဲၤအယဳၤတၤ အဖျူသရ့ာ်အပူၤနဲၤနီးနီး.”
ဖဳးခဳကၠံၢ်ပွဲၤအကလဲၤ
28“မၱာ်သံကမဳၤစာ်တဲၢ်, ပၠၤတပွဲၤအဖဳးခဳအီၣ် ကၠံၢ်ပွဲၤ, ကၱာ်ဒီ စလ့ၤထၱးအအူဆူးတပွဲၤဒဳၣ် စဒီၣ် လၢ်ဝၤ. ‘အဖဳး, ခိတနံၤလ့ၤမဲၤပီၢ် တဲၤဒဳယသဳာ်ပၡံး က့ၤပူၤနဳၤ.’ 29မၱာ်စဒီၣ်က့ၤကယဳၤ, ‘ယတလ့ၤ နီး.’ ပရၤဆါအလ့ၤကါ စပၤယၤလၤက့ၤစန့ၤ ကၱာ် စလ့ၤတပွဲး. 30စလ့ၤထၱးဒီအလဝ့ၤတပွဲၤဒဳၣ်, ကၱာ်စဒီၣ်လၢ်ဝၤကနဳၤနဳၤ. ကၱာ်ဒီစဒီၣ်က့ၤ လၢ်ဝၤ, ‘ယလ့ၤဟဳ, အပာ်.’ ပရၤဆါစတလ့ၤနီး. 31အယဳၤကၠံၢ် ပွဲၤအကျဲအမဲၤအစာ်ဘိအပာ်အတဲၤသးအဲး နံၤအီၣ်နဳၤမၱာ်ဒီၣ်လဲၢ်တပွဲၤ ပွဲၤ.”
“မၱာ်အအူဆူးတပွဲၤနဳၤ,” စဒီၣ်ယ့ၣ်ရှူးဓဳၤ.
ယ့ၣ်ရှူးဒီၣ်စဲာ်တစီာ်, “ယဒီဆးသံအတၱၢ်အမှး, အတၤတဲၤမှူကၱာ် မဳၤမၤရဲၤတစီာ် ကလ့ၤနံၢ်အူဆူး ကီသံဒဳကဘၱာ်စဲာ်အထံအက့ၤအပူၤနဳၤ. 32မၤနဲၢ်ကဒီၣ်ဓဳၤဒဳၣ်, စီၤယိၤဟၣ်လ့ၤထၱးအူဆူးသံ, စခဲကိာ်တဲၤ တၱၢ်တဲၤမှးအကျဲး, ပရၤဆါသံတဘူၣ် စဲာ်နီး. မၱာ်အတၤတဲၤမှူတစီာ် ကၱာ် မဳၤမၤရဲၤတစီာ် ဘူၣ်တပွဲးစဲာ်. ကၱာ်ဒီသံကဲာ်ထၱးနီၣ်သီတဲၤအယဳၤနှီနူၤ, အလ့ၤကါ သံတပၤယၤလၤက့ၤသံန့ၤနီး, သံတဘူၣ် စဲာ်နီးနီး.
ပွဲၤခွဲးအံာ်သဳာ်ပရှံးမူၤအကလဲၤ
(မၢ် ၁၂:၁-၁၂, လူၤ ၂၀:၉-၁၉)
33“ဆီးခ့န့းပီၢ်တဲၤကလဲၤအလဝ့ၤတဓဲပ့ၤ. ပၠၤတပွဲၤထဲၢ်တကမူၤအပာ်နဳၤဆဳးလၤကဲၤ သဳာ်ပၡံးမူၤ တက့ၤ. စဆဳးခွဲဘးသရာ်, စခူး တဲၤၡံးလၤသဳာ်ပၡံး ထံအလ့ၤ, စပြးထာ်လီးလဲခဲးတဲၤတိၤအံာ်အလ့ၤတမဲ, ကၱာ်စအံာ်လၤဝှါတဲၤမဲၤဖဳးတစီာ်မဲၤအၣ်အံာ်ဒဳၣ်, စဟဲးပိာ်ဒဳကဲၤဒဳထံ က့ၤအလဝ့ၤနဳၤ. 34ဘ့အမီၤဒ့းသဳာ်ပရှံးသဲာ်အခၠၱးဘိးထၱးနဳၤ, စနှး လ့ၤစဇိၤ ဖဳးဒဳအမဲၤအၣ်အံာ်က့ၤတစီာ်အီၣ်, စာ်ဘိထဲၢ်စကဖၱး က့ၤတဲၤ သဲာ်အသွဲနဳၤ. 35မၱာ်အမဲၤအၣ်အံာ်က့ၤ တစီာ်ပိာ်ဝှါလၢ်ဝၤအဇိၤ ဖဳး, စမူၢ်တပွဲၤ, မဲၤသံတပွဲၤ ကၱာ်ဝှ့ကဲၤစဲာ်လဳၤတပွဲၤ. 36တပျာ်ပ့ၤ စနှးလ့ၤ စဇိၤဖဳးအလဝ့ၤတစီာ်အအီၣ်အဲးဒဳၣ်လံအအူဆူး တဖဳး နဳၤ. ပရၤဆါပၠၤမဲၤတပွဲးစဲာ်ကနဳၤလီၤလီၤ. 37အကဓူၤလါစနှးကဲၤစဖဳး ခဳ ဒဳလၢ်ဝၤတစီာ်အီၣ်ကၱာ် စဒီၣ်, ‘စကဒဳဘဲာ်ယးဘဲာ်ကီယဖဳးခဳ.’ 38ပရၤဆါ ဘ့အမဲၤအၣ်အံာ်က့ၤတစီာ်စာ်ထၱးလၢ်ဝၤအဖဳခဳနဳၤ, စဒီၣ်လှဲးလၢ် ဝၤကယဳၤ, ‘အယဳၤတပွဲၤမၱာ်အကထာ် အပာ်အလ့ၤ. လ့ၤ, ကမဲၤသံစဲာ် ခး, ကၱာ်ဒီကနံၤဘဲာ်ကီ စအဲတဲၤအံာ်လၤ.’ 39စပိာ်ဝှါလၢ်ဝၤ, စဆးဖျီးမံ လၢ်ဝၤသဳာ်ပၡံးက့ၤအချဳကၱာ်စမဲၤသံတပွဲးလၢ်ဝၤ.
40“မဲၤကနဳၤဒဳၣ်, ဘ့သဳာ်ပၡံးသဲာ်အဘၱာ်စဲာ် ကဓဳၤက့ၤနဳၤ, စကမဲၤကီအမဲၤအၣ်အံာ်က့ၤတစီာ် စာ်တဲၢ်.”
41စဲာ်တစီာ်ဒီၣ်လၢ်ဝၤ, “စကမဲၤသံမဲၤလှဲမဲၢ်ကီ ပၠၤအကၱကဲး အနဳၤတစီာ်ကၱာ်စကအံာ်လၤကီပၠၤအလဝ့ၤ တစီာ်မဲၤအၣ်အံာ်သဳာ်ပၡံး က့ၤ, ထဲၢ်ဘ့အခၠၱးအကျၤ ဘဲာ်, အကအံာ်ကီစဲာ်တဲၤသဲာ်အသွဲတစီာ်နဳၤ.”
42ယ့ၣ်ရှူးဒီၣ်စဲာ်တစီာ်, “သံတဖးဘဲာ် စဲာ်စါထံ အပူၤတဲၤ ယၱၢ်ဘဲာ်အယဳၤတပျါနီးဧါ.
‘လဳၤထဲၢ်အဘီာ်ထာ်ရှံၣ်တစီာ်ထၱးဖျီးမံတဒဳနဳၤ,
ဖၱထာ်ကဲၤရှံၣ်အန့ၤပူၤအကါဒီ.
ဘၱာ်စဲာ်မဲၤကဲၤတဲၤအယဳၤ,
ကၱာ်ဒီအမၱာ်တဲၤအမီၤထဲးတမိၢ်တမှါဒဳဝၤကၢ်ဓူ ပူၤနဳၤတမံၤ,’ အတဒီၣ်ဓဳၤနီးဧါ.
43“မဲၤကနဳၤဒဳၣ်, ယဒီဆးသံ, ကဘၱာ်စဲာ်အထံ အက့ၤကဘဲာ်ဖၱးသံဝံၢ်ကီသံအီၣ်, ကၱာ် အကဘဲာ်အံာ် လၤကီပၠၤတသရး, ထဲၢ်အအံာ်က့ၤတဲၤအသွဲတစီာ်နဳၤ.
44“ကၱာ်ဒီပၠၤအလၤခူးလဳၤတဒဳအခဳးတပွဲၤ အခွံး ကထဲဓူၢ် အၱးကျိးအၱးကျဲးကီ, ကၱာ်လဳၤအယဳၤကလၤ တ့ၢ်အခဳးတပွဲၤအကမဲၤ ပြၱး မၤပြိးကီစဲာ်.” 45ကၱာ်ဒီဘ့ပၠၤလှူၣ်တဲၤအဓဳၤ, ဖၤရံၤၡဲဖဳးတစီာ်သၱာ် ဟဲ ဘဲာ်ဝှါစတဲၤကလဲၤတစီာ်နဳၤ, စနံၤကူၤဖျီကဲၤထဲၢ် ယ့ၣ်ရှူးဒီၣ်စဲာ်တစီာ်လီၤနဳၤ. 46ကၱာ်ဒီ စဲာ်တစီာ်ကဳထာ်ကၠးလၤစာ်ဘိထဲၢ် စကဖီး လၢ်ဝၤနဳၤ, ပရၤဆါ စၡံးဆါနံၤပၠၤအပဳၤအဟီးအလ့ၤ, မၤနဲၢ်ကဒီၣ်ဓဳၤ ဒဳၣ်, ပၠၤလဲၢ်ယ့ၣ်ရှူးအစာ်ဘိဝံတပွဲၤအခဳး အစဲနဳၤ.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Geba Roman New Testament © Bible Society of Myanmar, 2021.