انجیلِ مَرقُس 7
7
چه چیئی آیَمَه نجس ایکِنِه
1اوسو، موقِی که عالِمَلِ فرقۀ فَریسی بِی یِه‌پاره‌ای وَ معلملِ تورات که وَ اورشلیم اومَیَه بییِن، جَم وابی‌یِن طِی عیسی، 2اونگَل دییِن یِه‌پاره‌ای وَ شاگردَلِ عیسی بِی دَسَلِ نجس، یعنی نَشُسَه، غذا ایخَردِن. 3سی‌یِکِه فَریسی‌یَل وِ تَمومِ یَهودی‌یَل، وَ رَسمِ شیخَلِ خِشون پابَندِن وِ تا دَسَلِشونَه طبقِ رسمِ رسومِ تطهیر نَشورِن، غذا نیخَرِن. 4وختی وَ بازار ایان، تا خِشونَه خوب نَشورِن چیئی نیخَرِن. وِ یِکِلی وَ رَسمَلِ دَ نَه هَم وَجا ایارِن، مِی شُسَنِ پیاله‌یَل، فاتیلَل، ظرفَلِ مسی وِ میز وُ صندلی‌یَل. 5پَ عالِمَلِ فرقۀ فَریسی وِ معلملِ تورات وَ عیسی پُرسییِن: «سیچِه شاگردَلِ تو، طبقِ رَسمِ شیخَل رفتار نیکِنِن، وِ بِی دَسَلِ نجس غذا ایخَرِن؟» 6عیسی وَشون جواب دا: «اِشعیایِ پیغَمبَر درموردِ ایشا ریاکارَل چه خوب گُتِه! هَموطو که نوشتَه وابی‌یِه،
«"ای قوم بِی لُویَلِشون مِنَه حرمت ایکِنِن،
امّا دِلِشون وَ مِ دیرِه.
7اونگَل بی‌فِیدَه مِنَه عبادت ایکِنِن،
وِ تعلیمِشون چیئی غیرَ حُکمَلِ بشری نی."
8ایشا حُکمَلِ خدا نَه نَهِیتِه اوبال وِ رَسمَلِ بشری نَه وَجا ایاریت.»
9اوسِه وَشون گُت: «ایشا بِی زِرِنگی حکمِ خدا نَه اینیت اوبال تا رَسمِ خِتونَه پاوَرجا کِنیت! 10سی‌یِکِه موسی گُت: " دِی‌بُو خِتَه احترام کُ " وِ هَمیطو "هرکه وَ بو یا دِیش دِشمون بییِه، باید کشتَه وابو." 11امّا ایشا ایگیت آیَم ایتَرِه وَ بو یا دِیش بِگُ: "هر چیئی که قرارِه وَ مِ بِرَسِه وَ ایشا، وقفِه، یعنی وَ خدا دایَه وابی‌یِه" 12اوسِه دَ نیلیت هیچ کاری سی بو یا دِیش کِنِه. 13ایشا ایطو بِی رَسمَلِ خِتون، که اونگَلَه وَ بقیَه هَم یای ایئیت، کلامِ خدا نَه باطل ایکِنیت وِ یِکِلی وَ ایطو کارَل ایکِنیت.»
14عیسی یِه دَف‌دَه او جماعَتَه خواس طِی خُوش وِ گُت: «همۀ ایشا وَ مِ گوش کِنیت وِ یِنَه بِفَمیت: 15هیچ چیئی وَدَر وَ آیَم نی که بِتَرِه بِی رَتَن مِنِه وُّ، وِّ نَه نجس کِنِه، بلکم اوچیئی که وَ مِنِه آیَمی ایا وَدَر، وِه نِه که آیَمَه نجس ایکِنِه. 16هرکه گوش شنوا دارِه، بِشنِفِه!»
17بعدَ یِکِه عیسی وَ مردم جیا وابی وِ رَت وَ حونَه، شاگردَلِش معنیِ مَثَلَه وَش پُرسییِن. 18عیسی وَشون گُت: «مَه ایشا هَم نیفَمیت؟ مَه نُونیت که اوچیئی که ایخَریت نیتَرِه آیَمَه نجس کِنِه؟ 19سی‌یِکِه غذا بِی قلب وُ جونِتون کاری نَیارِه، بلکم ایرَه مِنِه کُم وِ اوسِه دفع ایابو.» عیسی بِی ای گَپ، تَمومِ خَردَنی‌یَلَه پاک اعلام کِه. 20وِّ دِنداش گُت: «اوچیئی که وَ دل آیَمی ایا وَدَر، وِه نِه که آیَمَه نجس ایکِنِه. 21سی‌یِکِه اینگَل اوچییَلی یَه که وَ وجود وُ دِلِ آیَم ایا وَدَر: فکرَلِ گَند، بی‌عفتی، دِزی، قتل، زنا، 22طمع، شرارت، حیلَه، هرزه‌ای، حسودی، بهتون، غِدی وِ حماقت. 23تَمومِ ای بَدی‌یَل وَ دلِ آیَم ایا وَدَر وُ وِّ نَه نجس ایکِنِه.»
ایمونِ زنی که یهودی نَبی
24عیسی وَ وُچِه زَه وَدَر وِ رَت وَ منطقۀ صور وِ صِیدون. رَت مِنِه حونه‌ای؛ امّا نیخواس کسی باخَوَر وابو. وا ای حال نَتَرِس خِشَه قایِم کِنِه. 25زنی که دُویَرِ کِچِلوش روحِ ناپاک داشت، وختی اِشنُفت عیسی وُچِنِه، زی اومَه وِ اُفتا وَ پایَلِش. 26او زن که یَهودی نَبی وُ وَ مَردِمونِ فینیقیۀ سوریَه بی، وَ عیسی التماس کِه دیوَ وَ دُویَرِش کِنِه وَدَر. 27عیسی وَش گُت: «بِل اَوَل اولادَل سیر وابون، سی‌یِکِه رَوا نی، نونِ اولادَلَه بِسونی وُ وِرِش بِیی طِی سَگَل.» 28امّا زن جواب دا: «بَلِه، ای آقا، وا ای حال حتی سَگَل هَم وَ پِی سُفرَه وَ خُردَه‌نونَلِ اولادَل ایخَرِن.» 29عیسی وَش گُت: «وَ خاطرِ ای گَپِت، بِرَه که دیو وَ دُویَرِت اومَه وَدَر!» 30او زن وختی رَسی وَ حونَه، دی که دُویَرِش مِنِه جاش دِراز وابی‌یِه وِ دیو وَش رَتِه وَدَر.
عیسی یِه مِردِ کَرَ شَفا اییِه
31عیسی وَ منطقۀ صور وَرگشت وُ وَ رَه صیدون رَت وَ طرفِ دریاچۀ جلیل، وَ مابینِ منطقۀ دِکاپولیس رَی ایابی. 32وُچِه مِردی نَه آوُردِن طِیش که هم کَر بی وِ هَم زُوونِش ایگِرُت. وَ عیسی التماس کِردِن دَسِشَه بِنِه وَ ریش. 33عیسی او مِردَ وَ مِلِی جمعیت آوُرد وَدَر، بُردِش اوبال وِ پِنجه‌یَلِشَه نَها وَ گوشَلِ او مِرد. اوسِه تُفکَشَه وِردا زُوونِ او مِردَ لَمس کِه. 34اوسِه سِیل کِه وَ طرفِ آسمون، حِناسَه‌ای کَشی وِ گُت: «اِفاتاح!» - یعنی «واز وابو!» 35گوشَلِ او مِرد واز وابی وِ گِرُتِگی زُوونِش خوب وابی وِ تَرِس وَ راحتی گَپ بِزَنِه. 36عیسی وَشون قَدَقَن کِه که ای جریانَه وَ کسی نَگُن. امّا هر چه بیشتر قَدَقَنَشون ایکِه، بیشتر وَ ای جریان گَپ ایزَن. 37مردم مَهلی حیرت‌زَیَه ایگُتِن: «هرچه وِّ کِردِه، خوبِه؛ کاری کِردِه حتی کَرَل ایشنِفِن وِ گُنگَل گَپ ایزَنِن!»
Kasalukuyang Napili:
انجیلِ مَرقُس 7: SLB
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@ 2024 Korpu Company
انجیلِ مَرقُس 7
7
چه چیئی آیَمَه نجس ایکِنِه
1اوسو، موقِی که عالِمَلِ فرقۀ فَریسی بِی یِه‌پاره‌ای وَ معلملِ تورات که وَ اورشلیم اومَیَه بییِن، جَم وابی‌یِن طِی عیسی، 2اونگَل دییِن یِه‌پاره‌ای وَ شاگردَلِ عیسی بِی دَسَلِ نجس، یعنی نَشُسَه، غذا ایخَردِن. 3سی‌یِکِه فَریسی‌یَل وِ تَمومِ یَهودی‌یَل، وَ رَسمِ شیخَلِ خِشون پابَندِن وِ تا دَسَلِشونَه طبقِ رسمِ رسومِ تطهیر نَشورِن، غذا نیخَرِن. 4وختی وَ بازار ایان، تا خِشونَه خوب نَشورِن چیئی نیخَرِن. وِ یِکِلی وَ رَسمَلِ دَ نَه هَم وَجا ایارِن، مِی شُسَنِ پیاله‌یَل، فاتیلَل، ظرفَلِ مسی وِ میز وُ صندلی‌یَل. 5پَ عالِمَلِ فرقۀ فَریسی وِ معلملِ تورات وَ عیسی پُرسییِن: «سیچِه شاگردَلِ تو، طبقِ رَسمِ شیخَل رفتار نیکِنِن، وِ بِی دَسَلِ نجس غذا ایخَرِن؟» 6عیسی وَشون جواب دا: «اِشعیایِ پیغَمبَر درموردِ ایشا ریاکارَل چه خوب گُتِه! هَموطو که نوشتَه وابی‌یِه،
«"ای قوم بِی لُویَلِشون مِنَه حرمت ایکِنِن،
امّا دِلِشون وَ مِ دیرِه.
7اونگَل بی‌فِیدَه مِنَه عبادت ایکِنِن،
وِ تعلیمِشون چیئی غیرَ حُکمَلِ بشری نی."
8ایشا حُکمَلِ خدا نَه نَهِیتِه اوبال وِ رَسمَلِ بشری نَه وَجا ایاریت.»
9اوسِه وَشون گُت: «ایشا بِی زِرِنگی حکمِ خدا نَه اینیت اوبال تا رَسمِ خِتونَه پاوَرجا کِنیت! 10سی‌یِکِه موسی گُت: " دِی‌بُو خِتَه احترام کُ " وِ هَمیطو "هرکه وَ بو یا دِیش دِشمون بییِه، باید کشتَه وابو." 11امّا ایشا ایگیت آیَم ایتَرِه وَ بو یا دِیش بِگُ: "هر چیئی که قرارِه وَ مِ بِرَسِه وَ ایشا، وقفِه، یعنی وَ خدا دایَه وابی‌یِه" 12اوسِه دَ نیلیت هیچ کاری سی بو یا دِیش کِنِه. 13ایشا ایطو بِی رَسمَلِ خِتون، که اونگَلَه وَ بقیَه هَم یای ایئیت، کلامِ خدا نَه باطل ایکِنیت وِ یِکِلی وَ ایطو کارَل ایکِنیت.»
14عیسی یِه دَف‌دَه او جماعَتَه خواس طِی خُوش وِ گُت: «همۀ ایشا وَ مِ گوش کِنیت وِ یِنَه بِفَمیت: 15هیچ چیئی وَدَر وَ آیَم نی که بِتَرِه بِی رَتَن مِنِه وُّ، وِّ نَه نجس کِنِه، بلکم اوچیئی که وَ مِنِه آیَمی ایا وَدَر، وِه نِه که آیَمَه نجس ایکِنِه. 16هرکه گوش شنوا دارِه، بِشنِفِه!»
17بعدَ یِکِه عیسی وَ مردم جیا وابی وِ رَت وَ حونَه، شاگردَلِش معنیِ مَثَلَه وَش پُرسییِن. 18عیسی وَشون گُت: «مَه ایشا هَم نیفَمیت؟ مَه نُونیت که اوچیئی که ایخَریت نیتَرِه آیَمَه نجس کِنِه؟ 19سی‌یِکِه غذا بِی قلب وُ جونِتون کاری نَیارِه، بلکم ایرَه مِنِه کُم وِ اوسِه دفع ایابو.» عیسی بِی ای گَپ، تَمومِ خَردَنی‌یَلَه پاک اعلام کِه. 20وِّ دِنداش گُت: «اوچیئی که وَ دل آیَمی ایا وَدَر، وِه نِه که آیَمَه نجس ایکِنِه. 21سی‌یِکِه اینگَل اوچییَلی یَه که وَ وجود وُ دِلِ آیَم ایا وَدَر: فکرَلِ گَند، بی‌عفتی، دِزی، قتل، زنا، 22طمع، شرارت، حیلَه، هرزه‌ای، حسودی، بهتون، غِدی وِ حماقت. 23تَمومِ ای بَدی‌یَل وَ دلِ آیَم ایا وَدَر وُ وِّ نَه نجس ایکِنِه.»
ایمونِ زنی که یهودی نَبی
24عیسی وَ وُچِه زَه وَدَر وِ رَت وَ منطقۀ صور وِ صِیدون. رَت مِنِه حونه‌ای؛ امّا نیخواس کسی باخَوَر وابو. وا ای حال نَتَرِس خِشَه قایِم کِنِه. 25زنی که دُویَرِ کِچِلوش روحِ ناپاک داشت، وختی اِشنُفت عیسی وُچِنِه، زی اومَه وِ اُفتا وَ پایَلِش. 26او زن که یَهودی نَبی وُ وَ مَردِمونِ فینیقیۀ سوریَه بی، وَ عیسی التماس کِه دیوَ وَ دُویَرِش کِنِه وَدَر. 27عیسی وَش گُت: «بِل اَوَل اولادَل سیر وابون، سی‌یِکِه رَوا نی، نونِ اولادَلَه بِسونی وُ وِرِش بِیی طِی سَگَل.» 28امّا زن جواب دا: «بَلِه، ای آقا، وا ای حال حتی سَگَل هَم وَ پِی سُفرَه وَ خُردَه‌نونَلِ اولادَل ایخَرِن.» 29عیسی وَش گُت: «وَ خاطرِ ای گَپِت، بِرَه که دیو وَ دُویَرِت اومَه وَدَر!» 30او زن وختی رَسی وَ حونَه، دی که دُویَرِش مِنِه جاش دِراز وابی‌یِه وِ دیو وَش رَتِه وَدَر.
عیسی یِه مِردِ کَرَ شَفا اییِه
31عیسی وَ منطقۀ صور وَرگشت وُ وَ رَه صیدون رَت وَ طرفِ دریاچۀ جلیل، وَ مابینِ منطقۀ دِکاپولیس رَی ایابی. 32وُچِه مِردی نَه آوُردِن طِیش که هم کَر بی وِ هَم زُوونِش ایگِرُت. وَ عیسی التماس کِردِن دَسِشَه بِنِه وَ ریش. 33عیسی او مِردَ وَ مِلِی جمعیت آوُرد وَدَر، بُردِش اوبال وِ پِنجه‌یَلِشَه نَها وَ گوشَلِ او مِرد. اوسِه تُفکَشَه وِردا زُوونِ او مِردَ لَمس کِه. 34اوسِه سِیل کِه وَ طرفِ آسمون، حِناسَه‌ای کَشی وِ گُت: «اِفاتاح!» - یعنی «واز وابو!» 35گوشَلِ او مِرد واز وابی وِ گِرُتِگی زُوونِش خوب وابی وِ تَرِس وَ راحتی گَپ بِزَنِه. 36عیسی وَشون قَدَقَن کِه که ای جریانَه وَ کسی نَگُن. امّا هر چه بیشتر قَدَقَنَشون ایکِه، بیشتر وَ ای جریان گَپ ایزَن. 37مردم مَهلی حیرت‌زَیَه ایگُتِن: «هرچه وِّ کِردِه، خوبِه؛ کاری کِردِه حتی کَرَل ایشنِفِن وِ گُنگَل گَپ ایزَنِن!»
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@ 2024 Korpu Company