မဿဲ 4
4
ဖြားယောင်းသွေးဆောင်ခြင်းကို ခံတော်မူခြင်း
1ထို့နောက် ကိုယ်တော်ယေရှုသည် မာရ်နတ်၏ဖြားယောင်းသွေးဆောင်ခြင်းကို ခံယူရန်အတွက် ဥာဏ်အလင်းတော်သည် ကိုယ်တော်အား တောကန္တာရထဲသို့ ခေါ်ဆောင်တော်မူ၏။ 2ကိုယ်တော်ယေရှုသည် ထိုအရပ်၌ ရက်ပေါင်းလေးဆယ်တိုင် အစာရှောင်ပြီးနောက် ဆာလောင်တော်မူလေ၏။ 3ထိုအခါ မာရ်နတ်သည် ကိုယ်တော့်ထံလာ၍ “သင်သည် ဘုရားရှင်၏သားတော်မှန်လျှင် ဤကျောက်တုံးတို့ကို မုန့်ဖြစ်စေရန်အမိန့်ပေးလိုက်ပါ” ဟုဆိုလေ၏။
4ကိုယ်တော်ကလည်း “လူသည် အစားအစာတစ်ခုတည်းဖြင့်သာ အသက်ရှင်ရမည်မဟုတ်၊ ဘုရားရှင်၏နှုတ်ကပတ်တော်နှင့် အသက်ရှင်ရမည်ဟု ကျမ်းစာ၌ ဖော်ပြထားသည်” ဟူ၍ပြန်လည်ဖြေကြား၏။
5ထို့နောက် မာရ်နတ်သည် ကိုယ်တော်ကို ဂျေရုဆလင်မြို့ရှိ ဗိမာန်တော်၏အမြင့်ဆုံးသောနေရာသို့ ခေါ်ဆောင်ကာ 6“သင်သည် ဘုရားရှင်၏သားတော်မှန်လျှင် ဤနေရာမှ ခုန်ချပြလော့။ အကြောင်းမူကား ကျမ်းစာ၌
‘ဘုရားရှင်သည် သင့်ကိုစောင့်ရှောက်ရန် နတ်ဒေဝါတို့ကို မိန့်မှာထားသည့်အတွက်
သင်၏ခြေကို ကျောက်နှင့် မထိမခိုက်စေရန် နတ်ဒေဝါတို့သည် သင့်ကို
သူတို့၏လက်ဖြင့် ချီပင့်ကြလိမ့်မည်’
ဟူ၍ဖော်ပြထားသည်မဟုတ်လော” ဟုဆိုလေ၏။
7ကိုယ်တော်ကလည်း “ကျမ်းစာ၌ ‘သင်၏အရှင်သခင်ဖြစ်တော်မူသော ဘုရားရှင်ကို စမ်းသပ်ခြင်းမပြုရ’ ဟုလည်း ဖော်ပြထား၏” ဟုပြန်လည်မိန့်ဆိုလေ၏။
8တဖန် မာရ်နတ်သည် ကိုယ်တော်အား အလွန်မြင့်မားသော တောင်ထိပ်ပေါ်သို့ ခေါ်ဆောင်၍ ကမ္ဘာပေါ်ရှိ တိုင်းနိုင်ငံများအားလုံးနှင့် ၎င်းတို့၏တန်ခိုးအာဏာစည်းစိမ်တို့ကို ပြသပြီး 9ကိုယ်တော်အား “ငါ့အား ဝတ်ပြုရှိခိုးလျှင် ဤတိုင်းပြည်များအားလုံးနှင့် တန်ခိုးအာဏာစည်းစိမ်များအားလုံးကို သင့်အား ငါပေးမည်” ဟုဆိုလေ၏။
10ထိုအခါ ကိုယ်တော်က “မာရ်နတ်၊ ငါ့ထံမှထွက်သွားလော့။ ကျမ်းစာ၌ သင်၏အရှင်သခင်ဖြစ်တော်မူသည့် ဘုရားရှင်တစ်ပါးတည်းကိုသာလျှင် ဝတ်ပြုရှိခိုး၍ သူ၏အမှုတော်ကိုသာ ထမ်းဆောင်ရမည်ဟုဖော်ပြထား၏” ဟူ၍ ပြန်လည်မိန့်ဆိုတော်မူ၏။
11ထိုအခါ မာရ်နတ်သည် ကိုယ်တော်ထံမှထွက်ခွာသွားပြီး နတ်ဒေဝါများသည်လည်း ချက်ချင်းရောက်လာ၍ ကိုယ်တော့်အား ပြုစုစောင့်ရှောက်ကြလေ၏။
ဂါလိလဲပြည်၌ စတင်၍ဟောပြောခြင်း
12ထို့နောက် ယောဟန်ဖမ်းဆီးထောင်ချခြင်းခံရကြောင်းကို ကြားသိသောအခါ ကိုယ်တော်ယေရှုသည် ဂါလိလဲပြည်သို့ ကြွတော်မူ၏။ 13ထို့နောက် ကိုယ်တော်သည် နာဇရက်မြို့မှ ထွက်ခွာ၍ ဂါလိလဲအိုင်ကမ်းစပ်ရှိ ကပေရနောင်မြို့သို့ သွားရောက်နေထိုင်တော်မူ၏။ ထိုမြို့သည် ဇာဗုလုန်ပြည်နှင့် နဿလိပြည်ပိုင်နက်ထဲတွင်တည်ရှိ၏။ 14ဤသည်ကား အရိယာသူတော်စင် ဟေရှာယမိန့်ဆိုခဲ့သော
15“ဇာဗုလုန်ပြည်၊ နဿလိပြည်နှင့် ဂျော်ဒန်မြစ်အလွန်၊
ဂျူးမဟုတ်သူ လူမျိုးခြားများတို့၏ဂါလိလဲပြည်တို့ရှိ
16လူများအားလုံးသည် အမှောင်ထဲတွင်နေကြသော်လည်း အလင်းရောင်ကို မြင်ကြရတော့မည်ဖြစ်၏။
ထိုသူတို့သည် သေခြင်းတရားဟူသည့် အရိပ်အောက်တွင် နေထိုင်ကြသော်လည်း
သူတို့၏အပေါ်သို့ အလင်းရောင်သည် ထွန်းလင်းတောက်ပလာလိမ့်မည်ဖြစ်၏”
ဟူသောကျမ်းချက်သည် ပြည့်စုံမှန်ကန်လေ၏။
17ထိုအချိန်မှစ၍ ကိုယ်တော်ယေရှုသည် “ရွှေမြို့တော်၏သာသနာတော်သည် ပေါ်ထွန်းလုနီးပြီဖြစ်၍ နောင်တသံဝေဂရကြလော့” ဟုစတင်ဟောပြောတော်မူ၏။
ပထမဦးဆုံးတပည့်တော်များ
18တစ်နေ့သ၌ ကိုယ်တော်ယေရှုသည် ဂါလိလဲအိုင်ကမ်းစပ်၌ ကြွတော်မူစဉ် တံငါသည်ညီအစ်ကိုနှစ်ဦးဖြစ်သည့် ပေတရုဟုခေါ်သောရှိမုန်နှင့် အန္ဒြေတို့သည် ငါးဖမ်းရန်အတွက် ရေအိုင်ထဲသို့ ပိုက်ကွန်များကို ချနေကြသည်ကို မြင်လေ၏။ 19ထိုအခါ ကိုယ်တော်က သူတို့အား “ငါ့နောက်သို့လိုက်ကြလော့။ သင်တို့သည် ငါးဖမ်းမည့်အစား လူတို့ကို စုဝေးစေပြီး ငါ၏နောက်လိုက်တပည့်တော်များ ဖြစ်စေဖို့ရန် ဆောင်ရွက်ကြရမည်”ဟု မိန့်တော်မူ၏။ 20ထိုအခါ သူတို့သည်လည်း ချက်ချင်းပင် ငါးဖမ်းပိုက်ကွန်များကို ပစ်ချထား၍ ကိုယ်တော်၏နောက်သို့ လိုက်ကြလေ၏။
21တစ်ဖန် ကိုယ်တော်သည် ထိုနေရာမှ ဆက်၍ကြွတော်မူရာ အခြားညီအစ်ကိုနှစ်ဦးဖြစ်သော ယာကုပ်နှင့်သူ၏ညီယောဟန်တို့သည် သူတို့၏ဖခင်ဇေဗေဒဲနှင့်အတူ လှေထဲ၌ မိမိတို့၏ပိုက်ကွန်များအား ဖာထေးနေကြသည်ကိုမြင်၍ သူတို့ကိုခေါ်တော်မူသောအခါ 22ယာကုပ်နှင့်ယောဟန်တို့ နှစ်ဦးသည်လည်း လှေနှင့်တကွ သူတို့၏ဖခင်အား ထားခဲ့ကြပြီး ကိုယ်တော်ယေရှု၏နောက်သို့ ချက်ချင်းပင် လိုက်လာကြ၏။
လူနာများကို ကျန်းမာစေတော်မူခြင်း
23ထို့နောက် ကိုယ်တော်ယေရှုသည် ဂါလိလဲပြည်တစ်ဝှမ်းလုံးသို့ လှည့်လည်သွားလာ၍ ဓမ္မာရုံများတွင် လူတို့အား သာသနာတော်နှင့်သက်ဆိုင်သည့် မင်္ဂလာသတင်းကောင်းများကို ဟောပြောတော်မူ၏။ ထို့ပြင် လူတို့၌စွဲကပ်လျက်ရှိသော အနာရောဂါအမျိုးမျိုးနှင့် ဖျားနာခြင်းများကိုလည်း ပျောက်ကင်းစေတော်မူ၏။ 24ထို့ကြောင့် ကိုယ်တော်ယေရှု၏သတင်းသည် ဆီးရီးယားပြည်တစ်ခွင်လုံးသို့ ပျံ့နှံ့သွားသဖြင့် လူတို့သည် ရောဂါအမျိုးမျိုးစွဲကပ်၍ ဝေဒနာခံစားနေရသူများ၊ မကောင်းဆိုးဝါးပူးကပ်ခံနေကြရသူများ၊ ဝက်ရူးပြန်နေကြသူများနှင့် လေဖြတ်နေကြသူများကို ကိုယ်တော့်ထံသို့ ခေါ်ဆောင်လာကြရာ ကိုယ်တော်သည် ထိုသူများအား ကျန်းမာစေတော်မူ၏။ 25သို့ဖြစ်၍ ဂါလိလဲပြည်၊ ဒေကာပေါလိပြည်၊ ဂျေရုဆလင်မြို့၊ ယုဒပြည်နှင့် ဂျော်ဒန်မြစ်တစ်ဖက်ကမ်းတို့မှ များစွာသောလူတို့သည် ကိုယ်တော်ယေရှုနောက်သို့ လိုက်လာကြ၏။
Kasalukuyang Napili:
မဿဲ 4: TPV-RV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
မဿဲ 4
4
ဖြားယောင်းသွေးဆောင်ခြင်းကို ခံတော်မူခြင်း
1ထို့နောက် ကိုယ်တော်ယေရှုသည် မာရ်နတ်၏ဖြားယောင်းသွေးဆောင်ခြင်းကို ခံယူရန်အတွက် ဥာဏ်အလင်းတော်သည် ကိုယ်တော်အား တောကန္တာရထဲသို့ ခေါ်ဆောင်တော်မူ၏။ 2ကိုယ်တော်ယေရှုသည် ထိုအရပ်၌ ရက်ပေါင်းလေးဆယ်တိုင် အစာရှောင်ပြီးနောက် ဆာလောင်တော်မူလေ၏။ 3ထိုအခါ မာရ်နတ်သည် ကိုယ်တော့်ထံလာ၍ “သင်သည် ဘုရားရှင်၏သားတော်မှန်လျှင် ဤကျောက်တုံးတို့ကို မုန့်ဖြစ်စေရန်အမိန့်ပေးလိုက်ပါ” ဟုဆိုလေ၏။
4ကိုယ်တော်ကလည်း “လူသည် အစားအစာတစ်ခုတည်းဖြင့်သာ အသက်ရှင်ရမည်မဟုတ်၊ ဘုရားရှင်၏နှုတ်ကပတ်တော်နှင့် အသက်ရှင်ရမည်ဟု ကျမ်းစာ၌ ဖော်ပြထားသည်” ဟူ၍ပြန်လည်ဖြေကြား၏။
5ထို့နောက် မာရ်နတ်သည် ကိုယ်တော်ကို ဂျေရုဆလင်မြို့ရှိ ဗိမာန်တော်၏အမြင့်ဆုံးသောနေရာသို့ ခေါ်ဆောင်ကာ 6“သင်သည် ဘုရားရှင်၏သားတော်မှန်လျှင် ဤနေရာမှ ခုန်ချပြလော့။ အကြောင်းမူကား ကျမ်းစာ၌
‘ဘုရားရှင်သည် သင့်ကိုစောင့်ရှောက်ရန် နတ်ဒေဝါတို့ကို မိန့်မှာထားသည့်အတွက်
သင်၏ခြေကို ကျောက်နှင့် မထိမခိုက်စေရန် နတ်ဒေဝါတို့သည် သင့်ကို
သူတို့၏လက်ဖြင့် ချီပင့်ကြလိမ့်မည်’
ဟူ၍ဖော်ပြထားသည်မဟုတ်လော” ဟုဆိုလေ၏။
7ကိုယ်တော်ကလည်း “ကျမ်းစာ၌ ‘သင်၏အရှင်သခင်ဖြစ်တော်မူသော ဘုရားရှင်ကို စမ်းသပ်ခြင်းမပြုရ’ ဟုလည်း ဖော်ပြထား၏” ဟုပြန်လည်မိန့်ဆိုလေ၏။
8တဖန် မာရ်နတ်သည် ကိုယ်တော်အား အလွန်မြင့်မားသော တောင်ထိပ်ပေါ်သို့ ခေါ်ဆောင်၍ ကမ္ဘာပေါ်ရှိ တိုင်းနိုင်ငံများအားလုံးနှင့် ၎င်းတို့၏တန်ခိုးအာဏာစည်းစိမ်တို့ကို ပြသပြီး 9ကိုယ်တော်အား “ငါ့အား ဝတ်ပြုရှိခိုးလျှင် ဤတိုင်းပြည်များအားလုံးနှင့် တန်ခိုးအာဏာစည်းစိမ်များအားလုံးကို သင့်အား ငါပေးမည်” ဟုဆိုလေ၏။
10ထိုအခါ ကိုယ်တော်က “မာရ်နတ်၊ ငါ့ထံမှထွက်သွားလော့။ ကျမ်းစာ၌ သင်၏အရှင်သခင်ဖြစ်တော်မူသည့် ဘုရားရှင်တစ်ပါးတည်းကိုသာလျှင် ဝတ်ပြုရှိခိုး၍ သူ၏အမှုတော်ကိုသာ ထမ်းဆောင်ရမည်ဟုဖော်ပြထား၏” ဟူ၍ ပြန်လည်မိန့်ဆိုတော်မူ၏။
11ထိုအခါ မာရ်နတ်သည် ကိုယ်တော်ထံမှထွက်ခွာသွားပြီး နတ်ဒေဝါများသည်လည်း ချက်ချင်းရောက်လာ၍ ကိုယ်တော့်အား ပြုစုစောင့်ရှောက်ကြလေ၏။
ဂါလိလဲပြည်၌ စတင်၍ဟောပြောခြင်း
12ထို့နောက် ယောဟန်ဖမ်းဆီးထောင်ချခြင်းခံရကြောင်းကို ကြားသိသောအခါ ကိုယ်တော်ယေရှုသည် ဂါလိလဲပြည်သို့ ကြွတော်မူ၏။ 13ထို့နောက် ကိုယ်တော်သည် နာဇရက်မြို့မှ ထွက်ခွာ၍ ဂါလိလဲအိုင်ကမ်းစပ်ရှိ ကပေရနောင်မြို့သို့ သွားရောက်နေထိုင်တော်မူ၏။ ထိုမြို့သည် ဇာဗုလုန်ပြည်နှင့် နဿလိပြည်ပိုင်နက်ထဲတွင်တည်ရှိ၏။ 14ဤသည်ကား အရိယာသူတော်စင် ဟေရှာယမိန့်ဆိုခဲ့သော
15“ဇာဗုလုန်ပြည်၊ နဿလိပြည်နှင့် ဂျော်ဒန်မြစ်အလွန်၊
ဂျူးမဟုတ်သူ လူမျိုးခြားများတို့၏ဂါလိလဲပြည်တို့ရှိ
16လူများအားလုံးသည် အမှောင်ထဲတွင်နေကြသော်လည်း အလင်းရောင်ကို မြင်ကြရတော့မည်ဖြစ်၏။
ထိုသူတို့သည် သေခြင်းတရားဟူသည့် အရိပ်အောက်တွင် နေထိုင်ကြသော်လည်း
သူတို့၏အပေါ်သို့ အလင်းရောင်သည် ထွန်းလင်းတောက်ပလာလိမ့်မည်ဖြစ်၏”
ဟူသောကျမ်းချက်သည် ပြည့်စုံမှန်ကန်လေ၏။
17ထိုအချိန်မှစ၍ ကိုယ်တော်ယေရှုသည် “ရွှေမြို့တော်၏သာသနာတော်သည် ပေါ်ထွန်းလုနီးပြီဖြစ်၍ နောင်တသံဝေဂရကြလော့” ဟုစတင်ဟောပြောတော်မူ၏။
ပထမဦးဆုံးတပည့်တော်များ
18တစ်နေ့သ၌ ကိုယ်တော်ယေရှုသည် ဂါလိလဲအိုင်ကမ်းစပ်၌ ကြွတော်မူစဉ် တံငါသည်ညီအစ်ကိုနှစ်ဦးဖြစ်သည့် ပေတရုဟုခေါ်သောရှိမုန်နှင့် အန္ဒြေတို့သည် ငါးဖမ်းရန်အတွက် ရေအိုင်ထဲသို့ ပိုက်ကွန်များကို ချနေကြသည်ကို မြင်လေ၏။ 19ထိုအခါ ကိုယ်တော်က သူတို့အား “ငါ့နောက်သို့လိုက်ကြလော့။ သင်တို့သည် ငါးဖမ်းမည့်အစား လူတို့ကို စုဝေးစေပြီး ငါ၏နောက်လိုက်တပည့်တော်များ ဖြစ်စေဖို့ရန် ဆောင်ရွက်ကြရမည်”ဟု မိန့်တော်မူ၏။ 20ထိုအခါ သူတို့သည်လည်း ချက်ချင်းပင် ငါးဖမ်းပိုက်ကွန်များကို ပစ်ချထား၍ ကိုယ်တော်၏နောက်သို့ လိုက်ကြလေ၏။
21တစ်ဖန် ကိုယ်တော်သည် ထိုနေရာမှ ဆက်၍ကြွတော်မူရာ အခြားညီအစ်ကိုနှစ်ဦးဖြစ်သော ယာကုပ်နှင့်သူ၏ညီယောဟန်တို့သည် သူတို့၏ဖခင်ဇေဗေဒဲနှင့်အတူ လှေထဲ၌ မိမိတို့၏ပိုက်ကွန်များအား ဖာထေးနေကြသည်ကိုမြင်၍ သူတို့ကိုခေါ်တော်မူသောအခါ 22ယာကုပ်နှင့်ယောဟန်တို့ နှစ်ဦးသည်လည်း လှေနှင့်တကွ သူတို့၏ဖခင်အား ထားခဲ့ကြပြီး ကိုယ်တော်ယေရှု၏နောက်သို့ ချက်ချင်းပင် လိုက်လာကြ၏။
လူနာများကို ကျန်းမာစေတော်မူခြင်း
23ထို့နောက် ကိုယ်တော်ယေရှုသည် ဂါလိလဲပြည်တစ်ဝှမ်းလုံးသို့ လှည့်လည်သွားလာ၍ ဓမ္မာရုံများတွင် လူတို့အား သာသနာတော်နှင့်သက်ဆိုင်သည့် မင်္ဂလာသတင်းကောင်းများကို ဟောပြောတော်မူ၏။ ထို့ပြင် လူတို့၌စွဲကပ်လျက်ရှိသော အနာရောဂါအမျိုးမျိုးနှင့် ဖျားနာခြင်းများကိုလည်း ပျောက်ကင်းစေတော်မူ၏။ 24ထို့ကြောင့် ကိုယ်တော်ယေရှု၏သတင်းသည် ဆီးရီးယားပြည်တစ်ခွင်လုံးသို့ ပျံ့နှံ့သွားသဖြင့် လူတို့သည် ရောဂါအမျိုးမျိုးစွဲကပ်၍ ဝေဒနာခံစားနေရသူများ၊ မကောင်းဆိုးဝါးပူးကပ်ခံနေကြရသူများ၊ ဝက်ရူးပြန်နေကြသူများနှင့် လေဖြတ်နေကြသူများကို ကိုယ်တော့်ထံသို့ ခေါ်ဆောင်လာကြရာ ကိုယ်တော်သည် ထိုသူများအား ကျန်းမာစေတော်မူ၏။ 25သို့ဖြစ်၍ ဂါလိလဲပြည်၊ ဒေကာပေါလိပြည်၊ ဂျေရုဆလင်မြို့၊ ယုဒပြည်နှင့် ဂျော်ဒန်မြစ်တစ်ဖက်ကမ်းတို့မှ များစွာသောလူတို့သည် ကိုယ်တော်ယေရှုနောက်သို့ လိုက်လာကြ၏။
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.