Першы ліст да Карынцянаў Раздзел 5
Раздзел 5
1 #
Паўт. Зак. 22:30
Ходзяць чуткі аб распуснасці ў вас, ды аб такой распуснасці, аб якой нават не чуваць і ў паганаў, а менавіта, каб хто жыў з жонкай свайго бацькі.
2 #
2Кар. 12:21
А вы заганарыліся і не плакалі больш, каб выгнаны быў з вашага асяроддзя той, хто ўчыніў такую справу.
3 #
Клс. 2:5
Я, хоць не прысутны целам, але прысутны духам, ужо вынес прысуд, як прысутны, на таго, хто гэтак робіць,
4 #
Мц. 16:19; Ян. 20:23 сабраўшыся разам з вамі ў імя Госпада нашага Ісуса Хрыста і з духам маім, моцаю Госпада нашага Ісуса Хрыста
5 #
Лк. 22:31
аддаць такога шатану на загубу цела, каб дух быў збаўлены ў дзень нашага Госпада Ісуса Хрыста.
6Дык не добрая пахвальба ваша. Ці не ведаеце, што крошка кіслі ўсё цеста квасіць?
7 #
Вых. 12:15; Ян. 1:29; 1Пёт. 1:18 Дык ачысціце старую кіслю, каб сталіся новай рошчынай, бо вы прэсныя. Бо, вось, Пасха наша, Хрыстос, ахвяраваны за нас!
8 #
Вых. 13:7; Паўт. Зак. 16:3; Мц. 16:6 Дык будзем святкаваць святы не са старой кісляй і не з кісляй зла і нягоднасці, але з праснакамі чысціні і праўды.
9 #
2Кар. 6:14; Эф. 5:11; 2Тэс. 3:6 У лісце пісаў я вам: «Не майце зносін з распуснікамі».
10 #
Ян. 17:15; 1Ян. 5:19; Плп. 2:15 Зразумела, не з усімі распуснікамі гэтага свету, або хціўцамі, або рабаўнікамі, або балванапаклоннікамі, бо давялося б хіба вам сысці з гэтага свету.
11 #
Мц. 18:17
Але я пісаў вам, каб вы не мелі лучнасці з тым, хто называецца братам, а ў сапраўднасці ёсць распуснікам, або хціўцам, або балванапаклоннікам, або зламоўным, або п’яніцам, або рабаўніком; з такімі нават не есці разам.
12 #
Клс. 4:5
Бо што ж мне судзіць тых, што навонкі? Ці ж не тых, што пасярод вас, судзіце вы?
13 #
Паўт. Зак. 13:5; 17:7 Тых жа, што навонкі, судзіць Бог. Дык выкіньце распуснага спаміж сябе!
Kasalukuyang Napili:
Першы ліст да Карынцянаў Раздзел 5: ББЧ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© МХРБ «Біблейскае таварыства ў Рэспубліцы Беларусь», 2017