Éxodo 35
35
Samana p'unchawpaq kamachikuykunamanta
(Ex 31.12-17)
1Moisesmi llapallan Israelpa miraynin runakunata huñuspa khaynata niran:
—Llapallaykichis kasukunaykichispaqmi Señor Dios khaynata kamachikamun:
2Qankunaqa soqta p'unchawmi llank'ankichis. Ichaqa qanchis kaq p'unchawpiqa samanaykichismi, noqa Señor Diospaq sapaqchasqa sábado p'unchaw kasqanrayku. Sichus pipas kay kamachikuyta mana kasukuspa, chay p'unchawpi llank'anqa chayqa, wañuchisqan kanqa. 3Maypiña chaypiña tiyaspaykichispas, chay samana sábado p'unchawpiqa aman ninatapas ratachinkichishchu, nispa.
Tabernáculo templota ruwanankupaq ofrendasqankumanta
(Ex 25.1-9)
4Moisesmi Israelpa miraynin llapallan runakunata nillarantaq khaynata:
—Señor Diosmi khaynata kamachikamun:
5“Noqa Señor Diosta yupaychawanaykichis *tabernáculo templopaq voluntariamente kapusuqniykichisman hina tukuy sonqomanta *ofrendaykichista apamuychis. Chay ofrendakunataqa kaykunatan apamunkichis: qorita, qolqeta, bronceta, 6azul q'aytuta, morado q'aytuta, nina sansa hina puka q'aytuta, fino lino q'aytuta, cabrakunapa pelonta, 7carneropa qaranta pukawan teñisqata, sumaq llamp'u qarakunata, acacia nisqa sach'apa k'aspinta, 8lamparinkuna k'anchananpaq aceiteta, ch'uyanchana aceitepaq perfumekunata, incienso q'oshñichinapaq mishk'i q'apaqkunata, 9*ónice nisqa alhaja rumita hinallataq huk clase sumaq alhaja rumikunatapas. Chay rumikunaqa sacerdotepa *efod nisqa chaleco p'achanman churanankupaqmi kanqa hinallataq *pectoral nisqa pecheranman adornota churanankupaq ima”, nispa.
Tolderamanta ruwasqa tabernáculo templopi serviciokunamanta
(Ex 39.32-43)
10Moisesqa Israelpa miraynin runakunatan nillarantaq khaynata:
—Qankuna ukhumanta llapallan yachayniyoq artesano runakuna hamuchunku, Señor Diospa tukuy ima kamachikusqanta ruwanankupaq. Paykunan kaykunata ruwanqaku:
11Tolderamanta ruwasqa *tabernáculo templota patiopa muyuriqninpi cercontinta, templota tapanankupaq tolderata, ganchonkunata, tablankunata, varillankunata, postenkunata, tiyananpaq basenkunata, 12tablamanta ruwasqa baúl hina *arcata, arcapa varillankunata, arcapa tapanta, cuartota ishkayman rakinanpaq cortinata, 13mesata, mesapa varillankunata, llapallan serviciokunata, Señor Diosman presentanapaq t'antata, 14k'anchananpaq mechero hina *candelabrota serviciokunantinta, lamparakunata, lamparakuna k'anchananpaq aceiteta, 15incienso k'ananapaq altarta varillakunantinta, ch'uyanchana aceiteta, sumaq q'apaq inciensota, tabernáculo templo haykuna punkupi cortinata, 16*sacrificio *ofrenda k'ananapaq *altarta broncemanta rejillantinta, varillankunata, llapallan servicionkunata, mayllikunapaq lavatoriota basentinta, 17Tabernáculo templopa pationpaq cortinakunata, postekunata, postekuna tiyananpaq basekunata, patioman haykuna punkupa cortinanta, 18tabernáculo templopaq hinallataq pationpaq estacakunata, washk'akunata, 19tabernáculo templopi servinankupaq awasqa p'achata, *sacerdote Aaronpaq sapaqchasqa p'achata hinallataq Aaronpa wawankunapaq sacerdote p'achakunatawan ima, nispa.
Israelpa miraynin runakuna ofrendata apamusqankumanta
20Israelpa miraynin runakunaqa llapallankun Moisespa ñawpaqninmanta ripuranku. 21Hinaspan paykunamanta ashka runakunaqa voluntariamente hamuranku *ofrendankuta apayukuspanku, tukuy sonqonkumanta Señor Diosman qonankupaq, chay ofrenda apamusqankuwan *tabernáculo templota hinallataq llapallan serviciokunatapas ruwanankupaq, saynallataq *sacerdotekunapa p'achanta ruwanankupaqpas. 22Hinaqtinmi Israelpa mirayninmanta ashka runakunaqa qarikuna hinallataq warmikunapas, tukuy sonqonkumanta ofrendankuta apamuranku qorimanta tukuy clase alhajakunata: Prendedorkunata, aretekunata, anillokunata hinallataq brazaletekunatawan ima. Sapankamankun qorimanta tukuy claseta ofrendataqa apamuranku, Señor Diosman ofrecekusqankuman hina. 23Hinaspapas paykunapa kapusqanman hinan kaykunata apamuranku: Azul q'aytuta, morado q'aytuta, nina sansa hina puka q'aytuta, fino *linota, cabrapa pelonkunata, carneropa qarankunata pukawan teñisqata hinallataq llamp'uy-llamp'u qarakunatapas. 24Pipas qolqeyoq otaq bronceyoq kaqkunaqa Señor Diosmanmi ofrendankuta apamuranku qolqeta hinallataq broncetawan ima. Saynallataqmi acacia k'aspiyoq kaqkunapas, acacia k'aspita ofrendankuta apamuranku, tabernáculo templopi imatapas ruwanankupaq. 25Saynallataqmi llapallan pushkay yachaq warmikunapas pushkasqanku q'aytuta apamuranku kay colorkunata: Azulta, moradota, nina sansa hina puka q'aytuta hinallataq lino fino q'aytutapas. 26Hinaspapas chay pushkay yachaq warmikunaqa voluntadninkuman hinan cabrapa pelonmanta pushkaranku. 27Israelpa miraynin runakunapa lidernin runakunan apamuranku, *ónice alhaja rumikunata hinallataq huk clase alhaja rumikunatapas, sacerdotepa churakunan *efodpi hinallataq *pectoralpi hap'ichinankupaq. 28Saynallataqmi apamullarankutaq mishk'i q'apaq perfumekunata, lamparapaq aceiteta, ch'uyanchana aceiteta hinallataq q'apaq inciensotawan ima. 29Israelpa miraynin runakunamantan ashka qaripas warmipas voluntadninkuman hina, tukuy clase ofrendankuta tukuy sonqonkumanta Moisesman apamuranku, saynapi Señor Diospa kamachisqanman hina tabernáculo templota ruwanankupaq.
Bezaleelmanta Aholiabmantawan
(Ex 31.1-11)
30Moisesmi Israelpa miraynin runakunata khaynata niran:
—Señor Diosmi Judá ayllumanta akllan Uri sutiyoq runapa wawan Bezaleelta. Payqa Hur sutiyoq runapa nietonmi. 31Paytan Señor Diosqa Espiritunwan hunt'aykun, saynapi yachaywan, inteligenciawan hinallataq allin yuyaywan tukuy imatapas ruwananpaq. 32Saynapin payqa qorimanta, qolqemanta hinallataq broncemanta tukuy imakunatapas sumaqta ruwanqa. 33Saynallataqmi paymanqa yachayta qoykun alhaja rumikunata kuchuspa tallananpaq hinallataq k'aspipipas tukuy clase fino trabajokunata ruwananpaq ima. 34Hinaspapas Señor Diosqa Bezaleelman hinallataq Aholiabmanwan iman yachayta qoran, saynapi yachachiq runakuna kanankupaq. Aholiabqa Dan ayllumanta Ahisamac sutiyoq runapa wawanmi. 35Señor Diosmi paykunaman yachayta qoykun, tukuy clase artesaniata ruwanankupaq, dibujokunata ruwanankupaq hinallataq kay color q'aytukunawanpas bordanankupaq: azul q'aytuwan, morado q'aytuwan, nina sansa hina puka q'aytuwan hinallataq fino linowan ima. Señor Diosqa paykunamanmi yachayta qoykuran, tukuy clase artesaniakunata inventaspa ruwanankupaq hinallataq dibujokunapatas, fino trabajokunatapas ruwanankupaq ima. Saynallataqmi paykunaqa karanku tukuyta allin awaqkuna.
Kasalukuyang Napili:
Éxodo 35: QEAÑT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Éxodo 35
35
Samana p'unchawpaq kamachikuykunamanta
(Ex 31.12-17)
1Moisesmi llapallan Israelpa miraynin runakunata huñuspa khaynata niran:
—Llapallaykichis kasukunaykichispaqmi Señor Dios khaynata kamachikamun:
2Qankunaqa soqta p'unchawmi llank'ankichis. Ichaqa qanchis kaq p'unchawpiqa samanaykichismi, noqa Señor Diospaq sapaqchasqa sábado p'unchaw kasqanrayku. Sichus pipas kay kamachikuyta mana kasukuspa, chay p'unchawpi llank'anqa chayqa, wañuchisqan kanqa. 3Maypiña chaypiña tiyaspaykichispas, chay samana sábado p'unchawpiqa aman ninatapas ratachinkichishchu, nispa.
Tabernáculo templota ruwanankupaq ofrendasqankumanta
(Ex 25.1-9)
4Moisesmi Israelpa miraynin llapallan runakunata nillarantaq khaynata:
—Señor Diosmi khaynata kamachikamun:
5“Noqa Señor Diosta yupaychawanaykichis *tabernáculo templopaq voluntariamente kapusuqniykichisman hina tukuy sonqomanta *ofrendaykichista apamuychis. Chay ofrendakunataqa kaykunatan apamunkichis: qorita, qolqeta, bronceta, 6azul q'aytuta, morado q'aytuta, nina sansa hina puka q'aytuta, fino lino q'aytuta, cabrakunapa pelonta, 7carneropa qaranta pukawan teñisqata, sumaq llamp'u qarakunata, acacia nisqa sach'apa k'aspinta, 8lamparinkuna k'anchananpaq aceiteta, ch'uyanchana aceitepaq perfumekunata, incienso q'oshñichinapaq mishk'i q'apaqkunata, 9*ónice nisqa alhaja rumita hinallataq huk clase sumaq alhaja rumikunatapas. Chay rumikunaqa sacerdotepa *efod nisqa chaleco p'achanman churanankupaqmi kanqa hinallataq *pectoral nisqa pecheranman adornota churanankupaq ima”, nispa.
Tolderamanta ruwasqa tabernáculo templopi serviciokunamanta
(Ex 39.32-43)
10Moisesqa Israelpa miraynin runakunatan nillarantaq khaynata:
—Qankuna ukhumanta llapallan yachayniyoq artesano runakuna hamuchunku, Señor Diospa tukuy ima kamachikusqanta ruwanankupaq. Paykunan kaykunata ruwanqaku:
11Tolderamanta ruwasqa *tabernáculo templota patiopa muyuriqninpi cercontinta, templota tapanankupaq tolderata, ganchonkunata, tablankunata, varillankunata, postenkunata, tiyananpaq basenkunata, 12tablamanta ruwasqa baúl hina *arcata, arcapa varillankunata, arcapa tapanta, cuartota ishkayman rakinanpaq cortinata, 13mesata, mesapa varillankunata, llapallan serviciokunata, Señor Diosman presentanapaq t'antata, 14k'anchananpaq mechero hina *candelabrota serviciokunantinta, lamparakunata, lamparakuna k'anchananpaq aceiteta, 15incienso k'ananapaq altarta varillakunantinta, ch'uyanchana aceiteta, sumaq q'apaq inciensota, tabernáculo templo haykuna punkupi cortinata, 16*sacrificio *ofrenda k'ananapaq *altarta broncemanta rejillantinta, varillankunata, llapallan servicionkunata, mayllikunapaq lavatoriota basentinta, 17Tabernáculo templopa pationpaq cortinakunata, postekunata, postekuna tiyananpaq basekunata, patioman haykuna punkupa cortinanta, 18tabernáculo templopaq hinallataq pationpaq estacakunata, washk'akunata, 19tabernáculo templopi servinankupaq awasqa p'achata, *sacerdote Aaronpaq sapaqchasqa p'achata hinallataq Aaronpa wawankunapaq sacerdote p'achakunatawan ima, nispa.
Israelpa miraynin runakuna ofrendata apamusqankumanta
20Israelpa miraynin runakunaqa llapallankun Moisespa ñawpaqninmanta ripuranku. 21Hinaspan paykunamanta ashka runakunaqa voluntariamente hamuranku *ofrendankuta apayukuspanku, tukuy sonqonkumanta Señor Diosman qonankupaq, chay ofrenda apamusqankuwan *tabernáculo templota hinallataq llapallan serviciokunatapas ruwanankupaq, saynallataq *sacerdotekunapa p'achanta ruwanankupaqpas. 22Hinaqtinmi Israelpa mirayninmanta ashka runakunaqa qarikuna hinallataq warmikunapas, tukuy sonqonkumanta ofrendankuta apamuranku qorimanta tukuy clase alhajakunata: Prendedorkunata, aretekunata, anillokunata hinallataq brazaletekunatawan ima. Sapankamankun qorimanta tukuy claseta ofrendataqa apamuranku, Señor Diosman ofrecekusqankuman hina. 23Hinaspapas paykunapa kapusqanman hinan kaykunata apamuranku: Azul q'aytuta, morado q'aytuta, nina sansa hina puka q'aytuta, fino *linota, cabrapa pelonkunata, carneropa qarankunata pukawan teñisqata hinallataq llamp'uy-llamp'u qarakunatapas. 24Pipas qolqeyoq otaq bronceyoq kaqkunaqa Señor Diosmanmi ofrendankuta apamuranku qolqeta hinallataq broncetawan ima. Saynallataqmi acacia k'aspiyoq kaqkunapas, acacia k'aspita ofrendankuta apamuranku, tabernáculo templopi imatapas ruwanankupaq. 25Saynallataqmi llapallan pushkay yachaq warmikunapas pushkasqanku q'aytuta apamuranku kay colorkunata: Azulta, moradota, nina sansa hina puka q'aytuta hinallataq lino fino q'aytutapas. 26Hinaspapas chay pushkay yachaq warmikunaqa voluntadninkuman hinan cabrapa pelonmanta pushkaranku. 27Israelpa miraynin runakunapa lidernin runakunan apamuranku, *ónice alhaja rumikunata hinallataq huk clase alhaja rumikunatapas, sacerdotepa churakunan *efodpi hinallataq *pectoralpi hap'ichinankupaq. 28Saynallataqmi apamullarankutaq mishk'i q'apaq perfumekunata, lamparapaq aceiteta, ch'uyanchana aceiteta hinallataq q'apaq inciensotawan ima. 29Israelpa miraynin runakunamantan ashka qaripas warmipas voluntadninkuman hina, tukuy clase ofrendankuta tukuy sonqonkumanta Moisesman apamuranku, saynapi Señor Diospa kamachisqanman hina tabernáculo templota ruwanankupaq.
Bezaleelmanta Aholiabmantawan
(Ex 31.1-11)
30Moisesmi Israelpa miraynin runakunata khaynata niran:
—Señor Diosmi Judá ayllumanta akllan Uri sutiyoq runapa wawan Bezaleelta. Payqa Hur sutiyoq runapa nietonmi. 31Paytan Señor Diosqa Espiritunwan hunt'aykun, saynapi yachaywan, inteligenciawan hinallataq allin yuyaywan tukuy imatapas ruwananpaq. 32Saynapin payqa qorimanta, qolqemanta hinallataq broncemanta tukuy imakunatapas sumaqta ruwanqa. 33Saynallataqmi paymanqa yachayta qoykun alhaja rumikunata kuchuspa tallananpaq hinallataq k'aspipipas tukuy clase fino trabajokunata ruwananpaq ima. 34Hinaspapas Señor Diosqa Bezaleelman hinallataq Aholiabmanwan iman yachayta qoran, saynapi yachachiq runakuna kanankupaq. Aholiabqa Dan ayllumanta Ahisamac sutiyoq runapa wawanmi. 35Señor Diosmi paykunaman yachayta qoykun, tukuy clase artesaniata ruwanankupaq, dibujokunata ruwanankupaq hinallataq kay color q'aytukunawanpas bordanankupaq: azul q'aytuwan, morado q'aytuwan, nina sansa hina puka q'aytuwan hinallataq fino linowan ima. Señor Diosqa paykunamanmi yachayta qoykuran, tukuy clase artesaniakunata inventaspa ruwanankupaq hinallataq dibujokunapatas, fino trabajokunatapas ruwanankupaq ima. Saynallataqmi paykunaqa karanku tukuyta allin awaqkuna.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional