അപ്പൊസലല 27
27
പവുലോസ്‌ണ റോമ പട്ടണാക്ക് കൂട്ടി പോരാര്
1റോമ ണാഡ് അദിഗാരിഗ എമാണ കപ്പാല്‌ക്ക് ഏ്റ്‌സി ഇ്റ്റാലിക്ക് എ്ഡ്‌ത്ത് പോഡൊ എന്ത് മുഡിവെ്ഡ്‌ത്താര്. അക്കുളെ അവാര് പവുലോസ്‌ണാമ് ജെയില്‌ക്ക് ഇക്കി ബെത്തിര്‌ന്ത ബേ്റെ ലേസ ആള്‌ഗണാമ് ണൂറ് പഡെയാളിഗാക്ക് തലെവനാന ജൂല്യാസ് കയ്യിക്ക് കാക്ക്യ ഒപ്പഡിത്താര്. റോമ ണാഡ് റാജാവുദ് കാര്യഗണ ണോഡി ണഡാത്ത്‌റ പഡെഗാളിദി ഒരുത്താ്ത്തെ ജൂല്യാസ്. 2അച്ചെ എമ്മ അദ്‌റമുത്ത് എങ്ക കഡാലോരാത്തിലിര്‌ന്ത് ബര കപ്പാല്‌ക്ക് ഏ്റി പോനേര്. അയ്യി കപ്പാല് ആസ്യ ണാഡ്‌ദ് ഒരൊരു കഡാലോര മേലെ പോര കപ്പാല് ആയിര്‌ന്ത്‌ദ്. മക്കദോനി ണാഡില്യ തെസ്‌ലോനിക്ക്യ പട്ടണാത്തിലി പെ്ളേക്ക അരിത്ത്‌റെഗോസ് എങ്ക ഒരുത്താന്‌മ് എമ്മ്‌ദൊപ്പ ഇര്‌ന്താ്.
3മറ് ണേര എമ്മ സീദോന് പട്ടണാക്ക് പോയി എജ്ജിനേര്. ജൂല്യാസ്‌ക്ക് പവുലോസോഡെ ബേ്റ്‌വെന്താദ്‌ണാലെ പവുലോസ് തന്ന് എ്ണേവുക്കാറാര്‌ണ പോയി കാണ്യാമ്, അവാര് അയാള്‌ക്ക് ബേ്ഡു എങ്കാദ് എന്താഗൊ അദ്‌ഗെല്ല സെയ്‌ദ് കൊഡുക്ക്യാമ് ബ്‌ട്ടാ്. 4പ്‌റ എമ്മ അദിലി ഇര്‌ന്ത് പോനേര്. ആന കപ്പാല്‌ക്ക് ണേരെ കാറ്റഡിത്ത്‌ദ് അദ്‌ണാലെ എമ്മ കാറ്റ് കമ്മ്യായി അഡിക്ക തണ്ണി സുറ്റീല്‌മ് ഇര്‌ക്ക കുപുറോസ് ണാഡ്‌ദ് ഒരു ഓരമേലെതാനെ പോനേര്. 5കിലിക്ക്യാദ്‌മ് പമ്പുല്യേദ്‌മ് അര്‌ഗെ ഇര്‌ക്ക കഡാല് മേലെ ലുക്ക്യായിലിര്‌ക്ക മുറ എങ്ക പട്ടണാക്ക് പോയി എജ്ജിനേര്. 6അദിലി ബെത്ത് അലക്ക്‌സാന്ത്‌റി പട്ടണാത്തിലിര്‌ന്ത് ഇ്റ്റാലി ണാഡ്‌ക്ക് പോര ഒരു കപ്പാല്‌ണ പഡെതലെവാ് കണ്ടാ്. അയാള് എമാണ അദ്‌ക്കെ ഏ്റ്‌സിനാ്. 7പ്‌റ എമ്മ എത്തിന്യൊ ണാള് കപ്പാല്‌ണ മെന്ന ഓട്ടി പോനേര്. എമ്മ റമ്പ കജട്ടപട്ട് കഡേസി കിനിദോസ് എങ്ക കഡാലോര പട്ടണാക്ക് പോയി എജ്ജിനേര്. ആന കാറ്റ് റമ്പ ബീസ്‌റാദ്‌ണാലെ എമാക്ക് അദ്‌മേലെ അത്തറ ദൂര പോയ മുഡ്യാലെ. അദ്‌ണാലെ എമ്മ സുറ്റുമ് തണ്ണിര്‌ക്ക ക്‌റേത്തെ എങ്ക എ്ഡേദ് തെക്ക് സാരി ഇര്‌ക്ക സല്‌മോന് എങ്ക ണൂഞ്ച്‌ദ് ഓരമേലെതാനെ പോഗാമ് സെയ്‌ദേര്. അദിലി കാറ്റ് കമ്മ്യായിത്തെ അഡിത്തിര്‌ന്ത്‌ദ്. 8അച്ചെ എമ്മ കഡാല്‌ദ് ഓരമേലെതാനെ കപ്പാല്‌ണ ബ്‌ട്ടേര്. റമ്പ ബുദ്ദിമുട്ടിമാഡി എമ്മ ലാസയ്യ പട്ടണാദ് അര്‌ഗെ ഇര്‌ക്ക സുബ എങ്ക കഡാലോര പട്ട്‌ക്ക് എജ്ജിനേര്. അദ് കപ്പാല്‌ഗണെല്ല പാദ്‌ഗാപ്പോഡ ണില്ലിസി ബെക്ക്യ മുഡിര പട്ട് ആയിര്‌ന്ത്‌ദ്.
9ആന എമാക്ക് അദിലിതാനെ മൊത്തന ണാള് തങ്ക്യ ബേ്ണ്ടി ബന്ത്‌ദ്. അക്കുളെല്ല പാവഗാക്ക് പൊറിമെ കെ്ഡേക്കാദ്‌ക്കുള്ള എഗുദാര് ണോമ്പി ഗള്യെ തീന്ത് എക്കിര്‌ന്ത്‌ദ്. അയ്യി ഗള്യേലി കാറ്റ്‌മ് സളിമ് ഇര്‌ന്താദ്‌ണാലെ കപ്പാല് ഓട്ടി പോരാദ് റമ്പ ബുദ്ദിമുട്ടു ആയിര്‌ന്ത്‌ദ്. അദ്‌ണാലെ പവുലോസ് ഇച്ചെ സൊന്നാ്: 10<<ഇദാ ഇദ്‌ണ കേ്ളിരി, ഇദിലിര്‌ന്ത് പോരദാനാക്കി റമ്പ അവങ്കേ്ഡ് ഇര്‌ക്ക്‌ദ് എന്ത് എനാക്ക് തെരിദ്. കപ്പാല്‌ക്ക്‌മ് കപ്പാലിലിര്‌ക്ക സാമാനഗാക്ക്‌മ് കേ്ഡ്‌പാഡ് ബരു. അദ്‌താനെമല്ല ണമാക്ക്‌മ് ണമ്മ് ഉജുറുക്ക്‌മ് അവങ്കേ്ഡ്‌മ് ബരു.>> 11ആന പഡെതലെവാ് പവുലോസ് സൊന്നാദ്‌ണ ബെലെ ബെക്കാലെ. അയ്യി കപ്പാലില്യ ബേലെക്കാറാര്‌ദ്‌മ് തലെവാന്‌ദ്‌മ് കപ്പാല്‌ക്കാറാന്‌ദ്‌മ് പേസ്‌ണാത്തെ ണമ്പിനാ്. 12കപ്പാല് ഇപ്പ് ബെത്തിര്‌ക്ക പട്ടിലി സളി ഗള്യേലി ഇര്‌ക്ക്യ മുഡ്യമാട്ട അദ്‌ണാലെ അദിലിര്‌ന്ത് എമ്മ പോനേര്. മുഡിരദാനാക്കി പൊയിനിക്ക്യാക്കെ പോയി എജ്ജ്യ ണോഡുഡൊ എന്ത് സൊന്നാദ്‌ക്ക് അദിലിര്‌ന്ത മുക്കബാസി ആള്‌ഗാമ് സെരി എന്ത് സൊന്നാര്. ക്‌റേത്തേലി കപ്പാല് ണില്ല്‌സ്‌റ എ്ഡേത്തെ പൊയിന്‌സ്. തെക്ക് മേക്ക്‌ക്ക്‌മ്, ബഡാക്ക് മേക്ക്‌ക്ക്‌മ് ണേരെത്തെ പൊയിന്‌സ് ഇര്‌ക്കാദ്. അദ്‌ക്കെ പോയി സളി ഗള്യേന തീത്തെക്കില എന്ത്‌ത്തെ അവാര് ണെനേപ്പ്.
ബെല്ല്യൊരു കാറ്റഡിക്ക്‌ദ്
13അക്കുളെ തെക്ക് സാരിര്‌ന്ത് മെന്ന മെന്ന കാറ്റ് ബീസ്യ പ്‌ഡിത്ത്‌ദ്. അവാര് ണെനേത്ത പാസെ പൊയിന്‌സ്‌ക്കെ പോയി എജ്ജ്യ മുഡ്യു എന്ത് ണെനേത്ത് ണങ്കൂരണ ബലിത്തേ്റ്‌സിന പ്‌റ കപ്പാല്‌ണ ഓട്ടിനാര്. എമ്മ ക്‌റേത്തെ എങ്ക എ്ഡേദ് കാറ്റ് കമ്മ്യായി ഇര്‌ക്ക ഓരമേലെതാനെ പോനേര്. 14ആന ദ്‌ഡീരെന്ത് ക്‌റേത്തേലിര്‌ന്ത് ബെല്ല്യ ഒരു കാറ്റഡിക്ക്യ പ്‌ഡിത്ത്‌ദ്. അയ്യി കാറ്റ് ബന്താദ് ബഡാക്ക്‌ദ്‌മ് ക്‌ളാക്ക്‌ദ്‌മ് ണഡ്‌ക്കിര്‌ന്ത്‌ത്തെ. 15കാറ്റ് അഡിക്കാദ്‌ണാലെ മുന്തുക്ക് പോയ മുഡ്യാലെ, അക്കുളെ എമ്മ അയ്യി സാരി പോരാദ്‌ണ തള്ളിനേര്. ആന കാറ്റ് ഏദ് സാരി അഡിക്കുദൊ അദേ സാരിതാനെ പോനേര്. 16അച്ചെ എമ്മ കാറ്റ് കമ്മ്യായി അഡിത്തിര്‌ന്ത സുറ്റുമ് തണ്ണിര്‌ക്ക കവുദ എങ്ക എ്ഡേദ് തെക്ക് സാരി എജ്ജിന പ്‌റ, അദിലി ബെത്ത് എമ്മ കപ്പാല്‌ദ് പിന്ന് സാരി കെ്ട്ടി ബെത്തിര്‌ന്ത തോണിന ഒഡെഗാദെ ഓരാഡി മാഡി കയ്യിക്ക് കെ്ഡേസിനേര്. 17അദ്‌ണ ബലിത്ത് കപ്പാല്‌ദ് ഉദ്ദാക്കെത്ത തട്ട്‌ക്ക് ഏ്റ്‌സിനേര്. പ്‌റ കപ്പാല്‌ണ ബെല്ല്യ കണ്ണിക്ക് ബര്‌ജ്ജി കെ്ട്ടി ഒറേപ്പാക്കിനേര്. ആന കപ്പാല് ലിബ്യ കഡാലോരാത്തില്യ മണാല്‌ക്കെ പോയി ഏ്റി കൊഡുക്കു എന്ത് ണെനേത്ത് അവാര്‌ക്ക് കോവെ പ്‌ഡിത്ത്‌ദ്. അദ്‌ക്ക് അവാര് കപ്പാല് പായിന ലേസ ഇ്റാക്കി കെ്ട്ടി ബെത്താര്. അച്ചെ കാറ്റ് ഊദി എ്ഡ്‌ത്ത്‌കൊണ്ട് പോര സാരിതാനെ കപ്പാല് പോയി കൊണ്ടിര്‌ന്ത്‌ദ്. 18ഒരേമൂട്ട് ബെല്ല്യ കാറ്റ് അഡിക്കാക്ക് കപ്പാല് ദൂരി ആട്ട്‌റ പാസെ ആഡി കൊണ്ടെ ഇര്‌ന്ത്‌ദ്. അദ്‌ക്ക് എമ്മ മറ് ണേര കപ്പാലിലി ഇര്‌ന്ത സാമാന മൂട്ടെഗണ കഡാല്‌ക്കെ എ്റ്യ പ്‌ഡിത്തേര്. 19അച്ചെ മറ് ണാള് ആഗാട്ടി കപ്പാലില്യ പായി, കണ്ണിഗ, കപ്പാലിലി ണാട്ടിര്‌ന്ത കമ്പ്, അച്ചെ ഇര്‌ക്കാദ്‌ഗണെല്ല അവാര് താനെ കഡാല്‌ക്കെ എ്റിന്താര്. 20എത്തിന്യൊ ണാള് എമ്മ ണേരകാലൊ, ബെ്ള്ളിഗണാഗൊ കാണാഗെ ഇല്ലെ. ബെല്ല്യ കാറ്റ് മൂട്ടില്ലാദെ അഡിത്ത്‌കൊണ്ടെ ഇര്‌ന്ത്‌ദ്. കഡേസിലി എമ്മ പെ്ളേക്കുവേര് എന്ത് ണെനേത്തിര്‌ന്ത ആസെഗെല്ല അറ്റ് പോറ്റു.
21കപ്പാലിലി ഇര്‌ന്തവാര് തീനിതണ്ണി തിന്നാദെ എത്തിന്യൊ ണാള് ആറ്റ്. അക്കുളെ പവുലോസ് അവാര്‌ദ് ണഡ്‌ക്കെ ണിന്റിര്‌ന്ത് ഇച്ചെ സൊന്നാ്: <<ഇദ്‌ണ കേ്ളിരി, ണിമ്മ ണാന് സൊന്നാദ്‌ണ കേ്ട്ട് ക്‌റേത്തേലിര്‌ന്ത് ബരാദെ ഇര്‌ന്തിര്‌ന്ത ഈ കജട്ട ണജട്ട ബന്തിര്‌ക്കമാട്ട. 22ആന ഇപ്പ് ണാന് ണിമാക്കെ സൊല്ലുറെ, അഞ്ചാദി, ണിമ്മ്‌ദ് ഉജുറുക്ക് ഒന്റുമ് ആഗമാട്ട, ആന കപ്പാല് ഒഡേന്തെക്കു. 23ണിഗാറ്റ് അന്തിലി ണാന് കുമ്മുഡി ണഡാക്ക സാമിദ് ദൂദാ് എന്ന് പട്ട്‌ക്ക് ബന്താ്. അയ്യി സാമിദ് സൊന്താത്തെ ണാന്. 24<പവുലോസെ, അഞ്ച ബേ്ഡ! ണീ റോമ ണാഡ് റാജാവു മുന്തുക്ക് ണില്ലുഡൊ. സാമിക്ക് ണിന്നോഡെ ബേ്റ്‌വായി ബെന്താദ്‌ണാലെ കപ്പാലിലി ണിന്ന്‌ദൊപ്പ ഇര്‌ക്ക മുച്ചുഡ ആള്‌ഗാദ് ഉജുറുക്ക്‌മ് കേ്ഡ്‌പാഡ് ഒന്റുമ് ബരമാട്ട> എന്ത് സൊല്ലിറ്റ്. 25അദ്‌ണാലെ ആള്‌ഗാളെ, ണിമ്മ അഞ്ച ബേ്ഡ! എനാക്ക് സൊന്ന പാസെതാനെ ണഡാക്കു എങ്ക ണമ്പിക്കെ എനാക്ക് സാമ്യോഡെ ഇര്‌ക്ക്‌ദ്. 26ആനാല്‌മ് ണമ്മ സുറ്റുമ് തണ്ണിര്‌ക്ക ഒരു എ്ഡേക്ക് പോയി സിക്കില.>>
27അച്ചെ കാറ്റ് അഡിക്ക്യ പ്‌ഡിത്ത് പദിണാല് ണാള് ആറ്റ്. കാറ്റ്‌ണാലെ എമ്മ അദ്‌റ്യ കഡാലിലിതാനെ അലേന്ത് പലേന്തേര്. അയ്യി ണാള് ണഡുഗൂറ് ജാമ ഗള്യേലി ഏ്ട്ടിക്കെത്ത്യ ഇനി സെറ്റെത്തെ ഇര്‌ക്ക്‌ദ് എന്ത് കപ്പാലില്യ ബേലെക്കാറാര്‌ക്ക് സന്തേഗ ബന്ത്‌ദ്. 28അദ്‌ണാലെ അവാര് ഇയ്യ കട്ടിന കണ്ണിക്ക് കെ്ട്ടി കഡാല് തണ്ണി എമ്മാട്ട് ഉജാര ഇര്‌ക്ക്‌ദ് എന്ത് അളാന്ത് ണോഡിനാര്. ഏദൊ ണാപ്പദ് തോള് ഉജാര ഇര്‌ക്ക്‌ദ് എന്ത് അവാര്‌ക്ക് തെരിന്ത്‌ദ്. ലേസ അക്കോസ പോയി ഒന്റുഗൂഡി ണോഡിനാര്. അക്കുളെ മുപ്പദ് മാര് എന്ത് തെരിന്ത്‌ദ്. 29കപ്പാല് കല്ല്‌ഗാക്ക് പോയി ഇഡിക്കു എന്ത് ണെനേത്ത് അവാര്‌ക്ക് കോവെ പ്‌ഡിത്ത്‌ദ്. അക്കുളെ അവാര് കപ്പാല് പിന്ന് സാരി പോയി ണാല് ണങ്കൂര കഡാല്‌ക്കെ ഇക്കിനാര്. അച്ചെ അവാര് ബെ്ഡ്യ പരേസി കൊണ്ട് കാത്തിര്‌ന്താര്. 30ആന കപ്പാലിലി ബേലെ സെയ്‌രവാര് തപ്പിസി കഡാക്ക്യ ബേ്ണ്ടി അവാര് കപ്പാല് മുന്ന്‌സാരി പോയി ണങ്കൂര ഇക്ക്‌റ പാസെ, കപ്പാലിലി ഇര്‌ന്ത് തോണിന ഇ്റാക്കി അദിലിര്‌ന്ത് തള്ള്യെക്കി പോയ ണോഡിനാര്. 31അക്കുളെ പവുലോസ് പഡെതലെവാന്‌ക്ക്‌മ് പഡെയാളിഗാക്ക്‌മ് സൊന്നാ്: <<ഇവാര് ഇദിലിര്‌ന്ത് പോനാക്കി ണിമ്മ്‌ദ് ഉജുറു മിഞ്ച മാട്ട.>> 32അദ്‌ക്ക് പഡെയാളിഗ തോണിന കെ്ട്ടി ഇ്റാക്കിന കണ്ണിന അറ്‌ത്ത് ബ്‌ട്ടാര്.
33ബെ്ഡ്യാകാല ആഗാട്ടി അവാര്‌ഗണെല്ല പവുലോസ് കഞ്ചി തിന്ന്യ ണത്തിനാ്: <<ണിമ്മ തീനി ഒന്റുമ് തിന്നാദെ പദിണാല് ണാള് ആറ്റല്ല. 34അദ്‌ണാലെ ണിമ്മ എന്താറ്റ് എന്താല് തിന്നുഡൊ എന്ത് ണാന് സൊല്ലുറെ. ഇപ്പ് ണിമ്മ് ഉജുറു ണെലേത്തിര്‌ക്കുഡൊ എന്ത സാപാഡ് ബേ്ഡു. ണിമാക്ക് ഒന്റുമ് ആഗമാട്ട.>> 35ഇച്ചെല്ല സൊന്ന പ്‌റ പവുലോസ് അവാര് ണോഡി ഇര്‌ക്കാട്ടി താനെ അഡേന എ്ഡ്‌ത്ത് സാമിക്ക് ണണ്ണി സൊല്ലി മുറുത്ത് തിന്ന്യ പ്‌ഡിത്താ്. 36അക്കുളെ അവാര് എല്ലാര്‌ക്ക്‌മ് ദയ്യിര ബന്ത്‌ദ്. പ്‌റ എല്ലാര്‌മ് സാപാഡ് തിന്താര്. 37എമ്മ മൊത്ത അയ്യി കപ്പാലിലി ഇര്‌ന്താദ് ഇര്‌ന്നൂറ്റി എ്ള്‌വത്തി ആറ്#27:37ഇര്‌ന്നൂറ്റി എ്ള്‌വത്തി ആറ്മുദ എ്ള്‌ദി ബെത്തിര്‌ന്താദ്‌ണ ണോഡി എ്ള്‌ദിന പഗ്‌ദി കായിദാത്തിലി <<ഇര്‌ന്നൂറ്റി എ്ള്‌വത്തി അഞ്ച്>> എന്ത് എ്ള്‌ദി ഇര്‌ക്ക്‌ദ്. ആള്. 38അവാര് ആള്‌ക്കാള്‌ക്ക് ബേ്റ് തുമ്പ തിന്ത പ്‌റ കപ്പാല്‌ദ് കന കൊറേക്ക്യ ഗോദിമ്പേന കഡാല്‌ക്കെ കൊട്ടിനാര്.
കപ്പാല് ഒഡേന്ത് എക്ക്‌ദ്
39ബെ്ഡിന്ത പ്‌റ കപ്പാല് ബേലെക്കാറാര് ഒരു ഏ്ട്ടിന കണ്ടാര്. ആന അദ് ഏദ് പട്ടെന്ത് അവാര്‌ക്ക് തെര്യാലെ. അദ് ഒരു കഡാല് ദോമ്പ് എന്ത്‌മ് മണാല് തുമ്പ ഇര്‌ക്ക ഏ്ട്ടി സാരി എന്ത്‌മ് അവാര്‌ക്ക് തെരിന്ത്‌ദ്. മുഡിരദാനാക്കി കപ്പാല്‌ണ അദ്‌ക്കെ എ്ഡ്‌ത്ത് പോയി ഏ്റ്‌സുഡൊ എന്ത് അവാര് മുഡിവെ്ഡ്‌ത്താര്. 40അവാര് ണങ്കൂരാക്കെ കെ്ട്ടിര്‌ന്ത കണ്ണിന അറ്‌ത്തെ്ഡ്‌ത്ത് ബ്‌ട്ടാര്. കപ്പാല്‌ണ ഓട്ടുഗാട്ടി അദ്‌ണ ആങ്കീങ്ക് തിരിക്ക്യ ബേ്ണ്ടി കപ്പാല് പിന്ന്‌ക്ക് കെ്ട്ടി ബെത്തിര്‌ന്ത മൊളേന കെ്ട്ടി ഇര്‌ന്ത കണ്ണിന ഉക്ക്യെ്ഡ്‌ത്ത് ബ്‌ട്ടാര്. കാറ്റ് കപ്പാല്‌ണ എ്ഡ്‌ത്ത് പോയ കപ്പാല്‌ദ് മുന്ന്‌സാരി ഇര്‌ക്ക കപ്പാല് പായിന അവാര് ഉജാത്തി ബെത്താര്. പ്‌റ ഏ്ട്ടി സാരി കപ്പാല് പോറ്റു. 41ആന കപ്പാല് പോയി മണാല് ദ്‌ട്ട്‌ക്കെ കുത്തി മുന്ന്‌സാരി പൂന്തിയെക്കിറ്റ്. അദ്‌ക്ക് പ്‌റ കപ്പാല്‌ക്ക് അല്‌ങ്ക്യ മുഡ്യാദാറ്റ്. കപ്പാല്‌ദ് പിന്ന് സാരി ബെല്ല്യൊരു തെരെ ബന്ത് അഡിത്താദ്‌മ് കപ്പാല് ഒഡേന്തെക്കിറ്റ്.
42കുറ്റവാളിഗ ഏ്ട്ടിക്ക് ണീഞ്ചി തപ്പിസി കഡാക്കുവാര് എന്ത് ണെനേത്ത് പഡെയാളിഗ അവാര്‌ണ കൊല്ല്യ സട്ടകെ്ട്ടിനാര്. 43ആന പഡെതലെവാന്‌ക്ക് പവുലോസ്‌ണ കാപാറ്റുഡൊ എന്ത് ആസെ ഇര്‌ന്താദ്‌ണാലെ പഡെയാളിഗണ അച്ചെ സെയ്യ ബ്‌ഡാലെ. അദ്‌ക്ക് അയാള് ഇച്ചെ സൊന്നാ്: <<ണീഞ്ച്യ തെരിരവാരെല്ല തണ്ണിക്ക് ഗുദിത്ത് ഏ്ട്ടിക്ക് മുദ ണീഞ്ചി കഡായിരി. 44ണീഞ്ച്യ തെര്യാത്തവാര് പലാഗെഗൊ കപ്പാല്‌ദ് ഒഡേന്ത എന്താറ്റ്‌ണാഗൊ എ്ഡ്‌ത്ത് ഏ്ട്ടിക്ക് ഏ്റിരി.>> അച്ചെ എമ്മ എല്ലാര്‌മ് ഒരു കേ്ഡ്‌പാഡില്ലാദെ ഏ്ട്ടിക്കേ്റിണേര്.
Kasalukuyang Napili:
അപ്പൊസലല 27: സാമിദ് സേദി
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
New Life Literature
അപ്പൊസലല 27
27
പവുലോസ്‌ണ റോമ പട്ടണാക്ക് കൂട്ടി പോരാര്
1റോമ ണാഡ് അദിഗാരിഗ എമാണ കപ്പാല്‌ക്ക് ഏ്റ്‌സി ഇ്റ്റാലിക്ക് എ്ഡ്‌ത്ത് പോഡൊ എന്ത് മുഡിവെ്ഡ്‌ത്താര്. അക്കുളെ അവാര് പവുലോസ്‌ണാമ് ജെയില്‌ക്ക് ഇക്കി ബെത്തിര്‌ന്ത ബേ്റെ ലേസ ആള്‌ഗണാമ് ണൂറ് പഡെയാളിഗാക്ക് തലെവനാന ജൂല്യാസ് കയ്യിക്ക് കാക്ക്യ ഒപ്പഡിത്താര്. റോമ ണാഡ് റാജാവുദ് കാര്യഗണ ണോഡി ണഡാത്ത്‌റ പഡെഗാളിദി ഒരുത്താ്ത്തെ ജൂല്യാസ്. 2അച്ചെ എമ്മ അദ്‌റമുത്ത് എങ്ക കഡാലോരാത്തിലിര്‌ന്ത് ബര കപ്പാല്‌ക്ക് ഏ്റി പോനേര്. അയ്യി കപ്പാല് ആസ്യ ണാഡ്‌ദ് ഒരൊരു കഡാലോര മേലെ പോര കപ്പാല് ആയിര്‌ന്ത്‌ദ്. മക്കദോനി ണാഡില്യ തെസ്‌ലോനിക്ക്യ പട്ടണാത്തിലി പെ്ളേക്ക അരിത്ത്‌റെഗോസ് എങ്ക ഒരുത്താന്‌മ് എമ്മ്‌ദൊപ്പ ഇര്‌ന്താ്.
3മറ് ണേര എമ്മ സീദോന് പട്ടണാക്ക് പോയി എജ്ജിനേര്. ജൂല്യാസ്‌ക്ക് പവുലോസോഡെ ബേ്റ്‌വെന്താദ്‌ണാലെ പവുലോസ് തന്ന് എ്ണേവുക്കാറാര്‌ണ പോയി കാണ്യാമ്, അവാര് അയാള്‌ക്ക് ബേ്ഡു എങ്കാദ് എന്താഗൊ അദ്‌ഗെല്ല സെയ്‌ദ് കൊഡുക്ക്യാമ് ബ്‌ട്ടാ്. 4പ്‌റ എമ്മ അദിലി ഇര്‌ന്ത് പോനേര്. ആന കപ്പാല്‌ക്ക് ണേരെ കാറ്റഡിത്ത്‌ദ് അദ്‌ണാലെ എമ്മ കാറ്റ് കമ്മ്യായി അഡിക്ക തണ്ണി സുറ്റീല്‌മ് ഇര്‌ക്ക കുപുറോസ് ണാഡ്‌ദ് ഒരു ഓരമേലെതാനെ പോനേര്. 5കിലിക്ക്യാദ്‌മ് പമ്പുല്യേദ്‌മ് അര്‌ഗെ ഇര്‌ക്ക കഡാല് മേലെ ലുക്ക്യായിലിര്‌ക്ക മുറ എങ്ക പട്ടണാക്ക് പോയി എജ്ജിനേര്. 6അദിലി ബെത്ത് അലക്ക്‌സാന്ത്‌റി പട്ടണാത്തിലിര്‌ന്ത് ഇ്റ്റാലി ണാഡ്‌ക്ക് പോര ഒരു കപ്പാല്‌ണ പഡെതലെവാ് കണ്ടാ്. അയാള് എമാണ അദ്‌ക്കെ ഏ്റ്‌സിനാ്. 7പ്‌റ എമ്മ എത്തിന്യൊ ണാള് കപ്പാല്‌ണ മെന്ന ഓട്ടി പോനേര്. എമ്മ റമ്പ കജട്ടപട്ട് കഡേസി കിനിദോസ് എങ്ക കഡാലോര പട്ടണാക്ക് പോയി എജ്ജിനേര്. ആന കാറ്റ് റമ്പ ബീസ്‌റാദ്‌ണാലെ എമാക്ക് അദ്‌മേലെ അത്തറ ദൂര പോയ മുഡ്യാലെ. അദ്‌ണാലെ എമ്മ സുറ്റുമ് തണ്ണിര്‌ക്ക ക്‌റേത്തെ എങ്ക എ്ഡേദ് തെക്ക് സാരി ഇര്‌ക്ക സല്‌മോന് എങ്ക ണൂഞ്ച്‌ദ് ഓരമേലെതാനെ പോഗാമ് സെയ്‌ദേര്. അദിലി കാറ്റ് കമ്മ്യായിത്തെ അഡിത്തിര്‌ന്ത്‌ദ്. 8അച്ചെ എമ്മ കഡാല്‌ദ് ഓരമേലെതാനെ കപ്പാല്‌ണ ബ്‌ട്ടേര്. റമ്പ ബുദ്ദിമുട്ടിമാഡി എമ്മ ലാസയ്യ പട്ടണാദ് അര്‌ഗെ ഇര്‌ക്ക സുബ എങ്ക കഡാലോര പട്ട്‌ക്ക് എജ്ജിനേര്. അദ് കപ്പാല്‌ഗണെല്ല പാദ്‌ഗാപ്പോഡ ണില്ലിസി ബെക്ക്യ മുഡിര പട്ട് ആയിര്‌ന്ത്‌ദ്.
9ആന എമാക്ക് അദിലിതാനെ മൊത്തന ണാള് തങ്ക്യ ബേ്ണ്ടി ബന്ത്‌ദ്. അക്കുളെല്ല പാവഗാക്ക് പൊറിമെ കെ്ഡേക്കാദ്‌ക്കുള്ള എഗുദാര് ണോമ്പി ഗള്യെ തീന്ത് എക്കിര്‌ന്ത്‌ദ്. അയ്യി ഗള്യേലി കാറ്റ്‌മ് സളിമ് ഇര്‌ന്താദ്‌ണാലെ കപ്പാല് ഓട്ടി പോരാദ് റമ്പ ബുദ്ദിമുട്ടു ആയിര്‌ന്ത്‌ദ്. അദ്‌ണാലെ പവുലോസ് ഇച്ചെ സൊന്നാ്: 10<<ഇദാ ഇദ്‌ണ കേ്ളിരി, ഇദിലിര്‌ന്ത് പോരദാനാക്കി റമ്പ അവങ്കേ്ഡ് ഇര്‌ക്ക്‌ദ് എന്ത് എനാക്ക് തെരിദ്. കപ്പാല്‌ക്ക്‌മ് കപ്പാലിലിര്‌ക്ക സാമാനഗാക്ക്‌മ് കേ്ഡ്‌പാഡ് ബരു. അദ്‌താനെമല്ല ണമാക്ക്‌മ് ണമ്മ് ഉജുറുക്ക്‌മ് അവങ്കേ്ഡ്‌മ് ബരു.>> 11ആന പഡെതലെവാ് പവുലോസ് സൊന്നാദ്‌ണ ബെലെ ബെക്കാലെ. അയ്യി കപ്പാലില്യ ബേലെക്കാറാര്‌ദ്‌മ് തലെവാന്‌ദ്‌മ് കപ്പാല്‌ക്കാറാന്‌ദ്‌മ് പേസ്‌ണാത്തെ ണമ്പിനാ്. 12കപ്പാല് ഇപ്പ് ബെത്തിര്‌ക്ക പട്ടിലി സളി ഗള്യേലി ഇര്‌ക്ക്യ മുഡ്യമാട്ട അദ്‌ണാലെ അദിലിര്‌ന്ത് എമ്മ പോനേര്. മുഡിരദാനാക്കി പൊയിനിക്ക്യാക്കെ പോയി എജ്ജ്യ ണോഡുഡൊ എന്ത് സൊന്നാദ്‌ക്ക് അദിലിര്‌ന്ത മുക്കബാസി ആള്‌ഗാമ് സെരി എന്ത് സൊന്നാര്. ക്‌റേത്തേലി കപ്പാല് ണില്ല്‌സ്‌റ എ്ഡേത്തെ പൊയിന്‌സ്. തെക്ക് മേക്ക്‌ക്ക്‌മ്, ബഡാക്ക് മേക്ക്‌ക്ക്‌മ് ണേരെത്തെ പൊയിന്‌സ് ഇര്‌ക്കാദ്. അദ്‌ക്കെ പോയി സളി ഗള്യേന തീത്തെക്കില എന്ത്‌ത്തെ അവാര് ണെനേപ്പ്.
ബെല്ല്യൊരു കാറ്റഡിക്ക്‌ദ്
13അക്കുളെ തെക്ക് സാരിര്‌ന്ത് മെന്ന മെന്ന കാറ്റ് ബീസ്യ പ്‌ഡിത്ത്‌ദ്. അവാര് ണെനേത്ത പാസെ പൊയിന്‌സ്‌ക്കെ പോയി എജ്ജ്യ മുഡ്യു എന്ത് ണെനേത്ത് ണങ്കൂരണ ബലിത്തേ്റ്‌സിന പ്‌റ കപ്പാല്‌ണ ഓട്ടിനാര്. എമ്മ ക്‌റേത്തെ എങ്ക എ്ഡേദ് കാറ്റ് കമ്മ്യായി ഇര്‌ക്ക ഓരമേലെതാനെ പോനേര്. 14ആന ദ്‌ഡീരെന്ത് ക്‌റേത്തേലിര്‌ന്ത് ബെല്ല്യ ഒരു കാറ്റഡിക്ക്യ പ്‌ഡിത്ത്‌ദ്. അയ്യി കാറ്റ് ബന്താദ് ബഡാക്ക്‌ദ്‌മ് ക്‌ളാക്ക്‌ദ്‌മ് ണഡ്‌ക്കിര്‌ന്ത്‌ത്തെ. 15കാറ്റ് അഡിക്കാദ്‌ണാലെ മുന്തുക്ക് പോയ മുഡ്യാലെ, അക്കുളെ എമ്മ അയ്യി സാരി പോരാദ്‌ണ തള്ളിനേര്. ആന കാറ്റ് ഏദ് സാരി അഡിക്കുദൊ അദേ സാരിതാനെ പോനേര്. 16അച്ചെ എമ്മ കാറ്റ് കമ്മ്യായി അഡിത്തിര്‌ന്ത സുറ്റുമ് തണ്ണിര്‌ക്ക കവുദ എങ്ക എ്ഡേദ് തെക്ക് സാരി എജ്ജിന പ്‌റ, അദിലി ബെത്ത് എമ്മ കപ്പാല്‌ദ് പിന്ന് സാരി കെ്ട്ടി ബെത്തിര്‌ന്ത തോണിന ഒഡെഗാദെ ഓരാഡി മാഡി കയ്യിക്ക് കെ്ഡേസിനേര്. 17അദ്‌ണ ബലിത്ത് കപ്പാല്‌ദ് ഉദ്ദാക്കെത്ത തട്ട്‌ക്ക് ഏ്റ്‌സിനേര്. പ്‌റ കപ്പാല്‌ണ ബെല്ല്യ കണ്ണിക്ക് ബര്‌ജ്ജി കെ്ട്ടി ഒറേപ്പാക്കിനേര്. ആന കപ്പാല് ലിബ്യ കഡാലോരാത്തില്യ മണാല്‌ക്കെ പോയി ഏ്റി കൊഡുക്കു എന്ത് ണെനേത്ത് അവാര്‌ക്ക് കോവെ പ്‌ഡിത്ത്‌ദ്. അദ്‌ക്ക് അവാര് കപ്പാല് പായിന ലേസ ഇ്റാക്കി കെ്ട്ടി ബെത്താര്. അച്ചെ കാറ്റ് ഊദി എ്ഡ്‌ത്ത്‌കൊണ്ട് പോര സാരിതാനെ കപ്പാല് പോയി കൊണ്ടിര്‌ന്ത്‌ദ്. 18ഒരേമൂട്ട് ബെല്ല്യ കാറ്റ് അഡിക്കാക്ക് കപ്പാല് ദൂരി ആട്ട്‌റ പാസെ ആഡി കൊണ്ടെ ഇര്‌ന്ത്‌ദ്. അദ്‌ക്ക് എമ്മ മറ് ണേര കപ്പാലിലി ഇര്‌ന്ത സാമാന മൂട്ടെഗണ കഡാല്‌ക്കെ എ്റ്യ പ്‌ഡിത്തേര്. 19അച്ചെ മറ് ണാള് ആഗാട്ടി കപ്പാലില്യ പായി, കണ്ണിഗ, കപ്പാലിലി ണാട്ടിര്‌ന്ത കമ്പ്, അച്ചെ ഇര്‌ക്കാദ്‌ഗണെല്ല അവാര് താനെ കഡാല്‌ക്കെ എ്റിന്താര്. 20എത്തിന്യൊ ണാള് എമ്മ ണേരകാലൊ, ബെ്ള്ളിഗണാഗൊ കാണാഗെ ഇല്ലെ. ബെല്ല്യ കാറ്റ് മൂട്ടില്ലാദെ അഡിത്ത്‌കൊണ്ടെ ഇര്‌ന്ത്‌ദ്. കഡേസിലി എമ്മ പെ്ളേക്കുവേര് എന്ത് ണെനേത്തിര്‌ന്ത ആസെഗെല്ല അറ്റ് പോറ്റു.
21കപ്പാലിലി ഇര്‌ന്തവാര് തീനിതണ്ണി തിന്നാദെ എത്തിന്യൊ ണാള് ആറ്റ്. അക്കുളെ പവുലോസ് അവാര്‌ദ് ണഡ്‌ക്കെ ണിന്റിര്‌ന്ത് ഇച്ചെ സൊന്നാ്: <<ഇദ്‌ണ കേ്ളിരി, ണിമ്മ ണാന് സൊന്നാദ്‌ണ കേ്ട്ട് ക്‌റേത്തേലിര്‌ന്ത് ബരാദെ ഇര്‌ന്തിര്‌ന്ത ഈ കജട്ട ണജട്ട ബന്തിര്‌ക്കമാട്ട. 22ആന ഇപ്പ് ണാന് ണിമാക്കെ സൊല്ലുറെ, അഞ്ചാദി, ണിമ്മ്‌ദ് ഉജുറുക്ക് ഒന്റുമ് ആഗമാട്ട, ആന കപ്പാല് ഒഡേന്തെക്കു. 23ണിഗാറ്റ് അന്തിലി ണാന് കുമ്മുഡി ണഡാക്ക സാമിദ് ദൂദാ് എന്ന് പട്ട്‌ക്ക് ബന്താ്. അയ്യി സാമിദ് സൊന്താത്തെ ണാന്. 24<പവുലോസെ, അഞ്ച ബേ്ഡ! ണീ റോമ ണാഡ് റാജാവു മുന്തുക്ക് ണില്ലുഡൊ. സാമിക്ക് ണിന്നോഡെ ബേ്റ്‌വായി ബെന്താദ്‌ണാലെ കപ്പാലിലി ണിന്ന്‌ദൊപ്പ ഇര്‌ക്ക മുച്ചുഡ ആള്‌ഗാദ് ഉജുറുക്ക്‌മ് കേ്ഡ്‌പാഡ് ഒന്റുമ് ബരമാട്ട> എന്ത് സൊല്ലിറ്റ്. 25അദ്‌ണാലെ ആള്‌ഗാളെ, ണിമ്മ അഞ്ച ബേ്ഡ! എനാക്ക് സൊന്ന പാസെതാനെ ണഡാക്കു എങ്ക ണമ്പിക്കെ എനാക്ക് സാമ്യോഡെ ഇര്‌ക്ക്‌ദ്. 26ആനാല്‌മ് ണമ്മ സുറ്റുമ് തണ്ണിര്‌ക്ക ഒരു എ്ഡേക്ക് പോയി സിക്കില.>>
27അച്ചെ കാറ്റ് അഡിക്ക്യ പ്‌ഡിത്ത് പദിണാല് ണാള് ആറ്റ്. കാറ്റ്‌ണാലെ എമ്മ അദ്‌റ്യ കഡാലിലിതാനെ അലേന്ത് പലേന്തേര്. അയ്യി ണാള് ണഡുഗൂറ് ജാമ ഗള്യേലി ഏ്ട്ടിക്കെത്ത്യ ഇനി സെറ്റെത്തെ ഇര്‌ക്ക്‌ദ് എന്ത് കപ്പാലില്യ ബേലെക്കാറാര്‌ക്ക് സന്തേഗ ബന്ത്‌ദ്. 28അദ്‌ണാലെ അവാര് ഇയ്യ കട്ടിന കണ്ണിക്ക് കെ്ട്ടി കഡാല് തണ്ണി എമ്മാട്ട് ഉജാര ഇര്‌ക്ക്‌ദ് എന്ത് അളാന്ത് ണോഡിനാര്. ഏദൊ ണാപ്പദ് തോള് ഉജാര ഇര്‌ക്ക്‌ദ് എന്ത് അവാര്‌ക്ക് തെരിന്ത്‌ദ്. ലേസ അക്കോസ പോയി ഒന്റുഗൂഡി ണോഡിനാര്. അക്കുളെ മുപ്പദ് മാര് എന്ത് തെരിന്ത്‌ദ്. 29കപ്പാല് കല്ല്‌ഗാക്ക് പോയി ഇഡിക്കു എന്ത് ണെനേത്ത് അവാര്‌ക്ക് കോവെ പ്‌ഡിത്ത്‌ദ്. അക്കുളെ അവാര് കപ്പാല് പിന്ന് സാരി പോയി ണാല് ണങ്കൂര കഡാല്‌ക്കെ ഇക്കിനാര്. അച്ചെ അവാര് ബെ്ഡ്യ പരേസി കൊണ്ട് കാത്തിര്‌ന്താര്. 30ആന കപ്പാലിലി ബേലെ സെയ്‌രവാര് തപ്പിസി കഡാക്ക്യ ബേ്ണ്ടി അവാര് കപ്പാല് മുന്ന്‌സാരി പോയി ണങ്കൂര ഇക്ക്‌റ പാസെ, കപ്പാലിലി ഇര്‌ന്ത് തോണിന ഇ്റാക്കി അദിലിര്‌ന്ത് തള്ള്യെക്കി പോയ ണോഡിനാര്. 31അക്കുളെ പവുലോസ് പഡെതലെവാന്‌ക്ക്‌മ് പഡെയാളിഗാക്ക്‌മ് സൊന്നാ്: <<ഇവാര് ഇദിലിര്‌ന്ത് പോനാക്കി ണിമ്മ്‌ദ് ഉജുറു മിഞ്ച മാട്ട.>> 32അദ്‌ക്ക് പഡെയാളിഗ തോണിന കെ്ട്ടി ഇ്റാക്കിന കണ്ണിന അറ്‌ത്ത് ബ്‌ട്ടാര്.
33ബെ്ഡ്യാകാല ആഗാട്ടി അവാര്‌ഗണെല്ല പവുലോസ് കഞ്ചി തിന്ന്യ ണത്തിനാ്: <<ണിമ്മ തീനി ഒന്റുമ് തിന്നാദെ പദിണാല് ണാള് ആറ്റല്ല. 34അദ്‌ണാലെ ണിമ്മ എന്താറ്റ് എന്താല് തിന്നുഡൊ എന്ത് ണാന് സൊല്ലുറെ. ഇപ്പ് ണിമ്മ് ഉജുറു ണെലേത്തിര്‌ക്കുഡൊ എന്ത സാപാഡ് ബേ്ഡു. ണിമാക്ക് ഒന്റുമ് ആഗമാട്ട.>> 35ഇച്ചെല്ല സൊന്ന പ്‌റ പവുലോസ് അവാര് ണോഡി ഇര്‌ക്കാട്ടി താനെ അഡേന എ്ഡ്‌ത്ത് സാമിക്ക് ണണ്ണി സൊല്ലി മുറുത്ത് തിന്ന്യ പ്‌ഡിത്താ്. 36അക്കുളെ അവാര് എല്ലാര്‌ക്ക്‌മ് ദയ്യിര ബന്ത്‌ദ്. പ്‌റ എല്ലാര്‌മ് സാപാഡ് തിന്താര്. 37എമ്മ മൊത്ത അയ്യി കപ്പാലിലി ഇര്‌ന്താദ് ഇര്‌ന്നൂറ്റി എ്ള്‌വത്തി ആറ്#27:37ഇര്‌ന്നൂറ്റി എ്ള്‌വത്തി ആറ്മുദ എ്ള്‌ദി ബെത്തിര്‌ന്താദ്‌ണ ണോഡി എ്ള്‌ദിന പഗ്‌ദി കായിദാത്തിലി <<ഇര്‌ന്നൂറ്റി എ്ള്‌വത്തി അഞ്ച്>> എന്ത് എ്ള്‌ദി ഇര്‌ക്ക്‌ദ്. ആള്. 38അവാര് ആള്‌ക്കാള്‌ക്ക് ബേ്റ് തുമ്പ തിന്ത പ്‌റ കപ്പാല്‌ദ് കന കൊറേക്ക്യ ഗോദിമ്പേന കഡാല്‌ക്കെ കൊട്ടിനാര്.
കപ്പാല് ഒഡേന്ത് എക്ക്‌ദ്
39ബെ്ഡിന്ത പ്‌റ കപ്പാല് ബേലെക്കാറാര് ഒരു ഏ്ട്ടിന കണ്ടാര്. ആന അദ് ഏദ് പട്ടെന്ത് അവാര്‌ക്ക് തെര്യാലെ. അദ് ഒരു കഡാല് ദോമ്പ് എന്ത്‌മ് മണാല് തുമ്പ ഇര്‌ക്ക ഏ്ട്ടി സാരി എന്ത്‌മ് അവാര്‌ക്ക് തെരിന്ത്‌ദ്. മുഡിരദാനാക്കി കപ്പാല്‌ണ അദ്‌ക്കെ എ്ഡ്‌ത്ത് പോയി ഏ്റ്‌സുഡൊ എന്ത് അവാര് മുഡിവെ്ഡ്‌ത്താര്. 40അവാര് ണങ്കൂരാക്കെ കെ്ട്ടിര്‌ന്ത കണ്ണിന അറ്‌ത്തെ്ഡ്‌ത്ത് ബ്‌ട്ടാര്. കപ്പാല്‌ണ ഓട്ടുഗാട്ടി അദ്‌ണ ആങ്കീങ്ക് തിരിക്ക്യ ബേ്ണ്ടി കപ്പാല് പിന്ന്‌ക്ക് കെ്ട്ടി ബെത്തിര്‌ന്ത മൊളേന കെ്ട്ടി ഇര്‌ന്ത കണ്ണിന ഉക്ക്യെ്ഡ്‌ത്ത് ബ്‌ട്ടാര്. കാറ്റ് കപ്പാല്‌ണ എ്ഡ്‌ത്ത് പോയ കപ്പാല്‌ദ് മുന്ന്‌സാരി ഇര്‌ക്ക കപ്പാല് പായിന അവാര് ഉജാത്തി ബെത്താര്. പ്‌റ ഏ്ട്ടി സാരി കപ്പാല് പോറ്റു. 41ആന കപ്പാല് പോയി മണാല് ദ്‌ട്ട്‌ക്കെ കുത്തി മുന്ന്‌സാരി പൂന്തിയെക്കിറ്റ്. അദ്‌ക്ക് പ്‌റ കപ്പാല്‌ക്ക് അല്‌ങ്ക്യ മുഡ്യാദാറ്റ്. കപ്പാല്‌ദ് പിന്ന് സാരി ബെല്ല്യൊരു തെരെ ബന്ത് അഡിത്താദ്‌മ് കപ്പാല് ഒഡേന്തെക്കിറ്റ്.
42കുറ്റവാളിഗ ഏ്ട്ടിക്ക് ണീഞ്ചി തപ്പിസി കഡാക്കുവാര് എന്ത് ണെനേത്ത് പഡെയാളിഗ അവാര്‌ണ കൊല്ല്യ സട്ടകെ്ട്ടിനാര്. 43ആന പഡെതലെവാന്‌ക്ക് പവുലോസ്‌ണ കാപാറ്റുഡൊ എന്ത് ആസെ ഇര്‌ന്താദ്‌ണാലെ പഡെയാളിഗണ അച്ചെ സെയ്യ ബ്‌ഡാലെ. അദ്‌ക്ക് അയാള് ഇച്ചെ സൊന്നാ്: <<ണീഞ്ച്യ തെരിരവാരെല്ല തണ്ണിക്ക് ഗുദിത്ത് ഏ്ട്ടിക്ക് മുദ ണീഞ്ചി കഡായിരി. 44ണീഞ്ച്യ തെര്യാത്തവാര് പലാഗെഗൊ കപ്പാല്‌ദ് ഒഡേന്ത എന്താറ്റ്‌ണാഗൊ എ്ഡ്‌ത്ത് ഏ്ട്ടിക്ക് ഏ്റിരി.>> അച്ചെ എമ്മ എല്ലാര്‌മ് ഒരു കേ്ഡ്‌പാഡില്ലാദെ ഏ്ട്ടിക്കേ്റിണേര്.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
New Life Literature