ኻወርየታኒዙ ሰቭ 26
26
ፈወነ 26
ባውሎስ ኣግሪባት በዊል ኣቕ ዊግተው ዊገድ
1ኣግሪባም ባውሎስት፦ «ክቕምት ማጥን ዊግትራንስ ፊቅድሽኩ» ዩ፤ ባውሎስም ጝናንጣንድ ዘርጋቕ እንት ያ ዊግትጠ ኪርሙ። 2«ንጕስ ኣግሪባወ! ኣይዅዳንድ ይት ኪስጘዊዙ ዊገድ እጝቅትቅ ዝርዝርዝ ክጭስ ድቈነው እድል ችጛንስቅ ጭቕጘ ዲስ የርኩን። 3ምላሰንድም ክት ኣይዅዳኒዙ ስረቲዝመ ክርክሪዝ ቐናዝር ኣርቕረር ኣራንስቅ የጝ፤ ኣቓንስቅም ዊግጣንድ ኣቕልዝ ወሽተ ማጥን ጨወኵን።
4«ገነ መሉሲጝቀ ኪርም እየሩስሳሌምስም ኣነ ይዊግኒዝ ማኽሊል ዊነው ይፅብጘድቅ ጛይ ቐናዝጝ ኣርቕጘኵ። 5እማንተውድ ዊግጥጘ በነቍ ኣጝሽ ይናኻማነውቲዙ ስረቲዝ ጣጝቅቅሸቍ ፈሪሳነ ዅሊዝጘ ኣቕ ፅበጘ በውጊስ ኪርምጝ ኣርቕጘኵ።#ኻወ. 23፡6፤ ፍልብ. 3፡5። 6ነንም እንል ኪስጭ ኣልጠውድ እደረ ይናኣቅሊዝ ይወው ቃል ኪዳኒዙ ቲስፈይዝቍዝ የጝ። 7እኒን ቃል ኪዳኒል ችጝጥጘ፣ ፅጭ ሊጘ ይናዊግንድ ኻር ጊርቅ እደረት ኣምልክጛ ቲስፈዝ ሊሚድጛ ዊን፤ ያንም ኣይዅዳኒዝ ኪስጨውድ እኒን ቲስፈይዝቍዝ የጝ። 8እደረ ክረቍድዛት ጒሰው ኣቐጘ ክታት ኣምንሰቅ የውድ ወረጘ የጝ?
9«ያን ይቕምም ናዝሪትቱ እየሱስት ሽድ ቐናዝ ተቃውምጭጨ ጥውሸኵ የር ኣምን ዊኑን።#ኻወ. 8፡3፤ 22፡4-5። 10እየሩሳልየምስም እኒንት ፃቩን፤ ካኽነጣነ ኻልቅጢስም ስልጣን ለምጥ ንቕፀቍ ቅዱሳን እፁስኩን፤ ጛት ቁጛንድም ቍወቊጅቅ ቲስመምኩን። 11እክሰው ግርየም ምኵራቭዝ ምኵራቭ ጅልዋ ቐፃሳ ጝታምንትድ ኻዲጥጘ ፃቭኩን፤ ጭቕጘም ቈጣጫ እለ ቢዘ ኻግራኒዝ ኻትምጢልቅ ቲክንክን ፊጣ ሲድሳ ዊኑን።
12«እን ውላይዝም ላው ግርየ ካኽነጣነ ኻልቅጢስ ስልጣንዝመ ትዛዝ ለምጥ ደማስቈ ትጐ ፊጣ ዊኑን። 13ኰረ ግቨሪዝም ጒደነይል ፅባ ንጕስወ! ይስመ ይጅቅ ዊነቊዝ ማኽሊል ኰረይስቅ ጭቕጘ ኣቭርቅርቀው ብርኻን ሲመይስ ምርቓንድ ቓሉን። 14ይንም እጝቅቅ ዝቨይል ሊቭን ፅብና እቭራይስጥ ቋቈዝ፦ ‹ሳውል! ሳውል! ውር ቃጥ የጝ ይት ሲድስረውድ? ቲክልሸው ሰለድ ደድር ችብትራን ክቕምስ ወስጡዋ!› የው ድመ ወጩን። 15ያንም፦ ‹ኣደረወ! ክት ኣው የጝ› ዩን፤ ጘጝም፦ ‹ያን ክት ሲድስረው እየሱስ የጝ። 16ነንም ጕር ክልኲዝ ችብጭ፤ ነን ይት ቓልደዊዝመ እንዝ ግረም ቓሊሰው ዊገይዝቅ ሚዝርድረር ኣገልጋይ ኣተ ማጥን ይምጨ በን የጝ ንጭ ክጭስ እትለውድ። 17እስራየልት ኽዝቪስመ ጝታጐ እፃጨ በነቍ ኣኽዛቫነ ናኒስቅ ቓዝጭር። 18ክትም ጝታእልጣንድ ብዝር ጥመይስ ብርኻኒዝጐ ፊስትር፤ ሲጣንዝ ቅምሸነዊስም እደረ ትጐ ዊስትር፤ ጛይም ጝታኽጥያቲስ ይቅር ይሽጥቍ፤ ይት ኣምነነውዝም ቅዱሳኒጅቅ ርስት ችጝጥቍ።›
19«ንጕስ ኣግሪባወ! እንዝ ማጥን ያንም ሲመይስ እትለውድየን ኣዛንድ እምቢ ዪይቀርም። 20ዊገድ ግን በዊል ደማስቈ ፅበቍ እቅድ፥ እግረም እየሩሳልየምስመ ይዅዳት ኻግሪል ፅበቍድቅ ቈሽም ኣኽዛቫንድዛይቅ ንስኻ ጥውጝ እደረ ትጐ ዋጥርጥጘ ማጥን ክንሱን፤ ንስኻ ጥውጘጘ ቓሊሰው ሰቭ ፃቭጥጘ ማጥንም ድቁን።#ኻወ. 9፡20፤28-29። 21እንዝቍዝም ኣይዅዳንድ መቅደስ ጝኒል ፅባ ፃይጝ ቁጥጘ በን። 22እደረት ከቨድ ግን ነን ኣሽ ይጊስ ቲቲየውም፤ ኣቓንስቅም ኽየቊዝም መልቊዝም ሚዝርጣ ችብጥዅን፤ ነቭያታኒዝመ ሙሴስ፦ ‹ኣጡ! ፋፅምሽጡ!› ይጝ ዊግትጘዊዝለ ላየ ዊገ ዊግጢቀርም። 23ጛይም፦ ‹ክርስቶስ ሚከረ ለምርጡ፣ ክርጘይስ ጐነውዝም በወትረ ኣቕ ጕ ቓድትዙ ብርኻንድ እስራየልት ኽዝቪዝመ ኣኽዛቫኒዝ ሲቭክጡ› ይጝ ዊግትጝ ዊን።»
24ባውሎስም እኒንት ዊግታ ሲጝቀ ፊስጠውስ ዊገድየንት ቀቭ ማኽሊል ጥው፦ «እፈ ባውሎስ! ነንስ ጕቝትሩ፤ ክክንድጚዙ ንቕፀድ ጕቝረነውል ችጝዝኩ» ዩ። 25ባውሎስም እንት ዩ፦ «ኪብርደር ፊስጠውስወ! ያን እማንዝመ ትክክልኘ ዊገዝ ዊግጠኵንጚ ጕቝርትስ እጀርም። 26እኒን ያን ዊግጠው ዊገድየንት ንጕስድ ኣርቘኵ፤ ኣቓንስቅም ጝበዊል ኣቕ ይእዘንድ እቻዝ ዊግጠኵን፤ ቈሽም እን ዊገድ ስውርዝ ፃቪነው ኣቓንስቅ ንጕሲስ ሲውርሽጡ የር ኻስቨቅም። 27ንጕስ ኣግሪባወ! ነቭያታንድ ኣምንደኵ ኣየውመ? ኣምንደር ኣረጘ ኣርቐኵን» ዩ። 28ኣግሪባም ባውሎስት፦ «እነሽር ይት ዊቱዝ ክርስቲያን ፃቭተ በንርመ?» ዩ። 29ባውሎስም፦ «ዊቱዝም ኣነ ንቕፀቍዝ ክት ጭቝ ኣዪጝቀ ንጭ ይዊገድ ወሸቍድቅ እኒን ይእፅወድ ኣየት፣ ይጘ ኣጥጘ ማጥን እደረት ጨወኵን» ዩ።
30እንዝ ግረ ንጕስድ፣ ኻግር ቅመተ ፊስጠውስስመ በርኒቅየስ ጛጅቅ ጐይጝ ዊነቍድም እጝቅቅ ጐይጘዊስ ጕ። 31ጝጊስ ጕጝ ፊርጛንድም ጛስ ጛይ፦ «እን እጅርድ እኳንስ ክረነውላ እፁሸነውል ችጝዘው ዊገም እጀው» ይ። 32ኣግሪባም ፊስጠውስት፦ «እን እጅርድ ቂሳርትል ይግቫኝ ዪየው ኣቓን ኻርነይዝ ሊቅሽትጠ ዊኑ» ዩ።
Kasalukuyang Napili:
ኻወርየታኒዙ ሰቭ 26: ኽምጣኣኪ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
ኻወርየታኒዙ ሰቭ 26
26
ፈወነ 26
ባውሎስ ኣግሪባት በዊል ኣቕ ዊግተው ዊገድ
1ኣግሪባም ባውሎስት፦ «ክቕምት ማጥን ዊግትራንስ ፊቅድሽኩ» ዩ፤ ባውሎስም ጝናንጣንድ ዘርጋቕ እንት ያ ዊግትጠ ኪርሙ። 2«ንጕስ ኣግሪባወ! ኣይዅዳንድ ይት ኪስጘዊዙ ዊገድ እጝቅትቅ ዝርዝርዝ ክጭስ ድቈነው እድል ችጛንስቅ ጭቕጘ ዲስ የርኩን። 3ምላሰንድም ክት ኣይዅዳኒዙ ስረቲዝመ ክርክሪዝ ቐናዝር ኣርቕረር ኣራንስቅ የጝ፤ ኣቓንስቅም ዊግጣንድ ኣቕልዝ ወሽተ ማጥን ጨወኵን።
4«ገነ መሉሲጝቀ ኪርም እየሩስሳሌምስም ኣነ ይዊግኒዝ ማኽሊል ዊነው ይፅብጘድቅ ጛይ ቐናዝጝ ኣርቕጘኵ። 5እማንተውድ ዊግጥጘ በነቍ ኣጝሽ ይናኻማነውቲዙ ስረቲዝ ጣጝቅቅሸቍ ፈሪሳነ ዅሊዝጘ ኣቕ ፅበጘ በውጊስ ኪርምጝ ኣርቕጘኵ።#ኻወ. 23፡6፤ ፍልብ. 3፡5። 6ነንም እንል ኪስጭ ኣልጠውድ እደረ ይናኣቅሊዝ ይወው ቃል ኪዳኒዙ ቲስፈይዝቍዝ የጝ። 7እኒን ቃል ኪዳኒል ችጝጥጘ፣ ፅጭ ሊጘ ይናዊግንድ ኻር ጊርቅ እደረት ኣምልክጛ ቲስፈዝ ሊሚድጛ ዊን፤ ያንም ኣይዅዳኒዝ ኪስጨውድ እኒን ቲስፈይዝቍዝ የጝ። 8እደረ ክረቍድዛት ጒሰው ኣቐጘ ክታት ኣምንሰቅ የውድ ወረጘ የጝ?
9«ያን ይቕምም ናዝሪትቱ እየሱስት ሽድ ቐናዝ ተቃውምጭጨ ጥውሸኵ የር ኣምን ዊኑን።#ኻወ. 8፡3፤ 22፡4-5። 10እየሩሳልየምስም እኒንት ፃቩን፤ ካኽነጣነ ኻልቅጢስም ስልጣን ለምጥ ንቕፀቍ ቅዱሳን እፁስኩን፤ ጛት ቁጛንድም ቍወቊጅቅ ቲስመምኩን። 11እክሰው ግርየም ምኵራቭዝ ምኵራቭ ጅልዋ ቐፃሳ ጝታምንትድ ኻዲጥጘ ፃቭኩን፤ ጭቕጘም ቈጣጫ እለ ቢዘ ኻግራኒዝ ኻትምጢልቅ ቲክንክን ፊጣ ሲድሳ ዊኑን።
12«እን ውላይዝም ላው ግርየ ካኽነጣነ ኻልቅጢስ ስልጣንዝመ ትዛዝ ለምጥ ደማስቈ ትጐ ፊጣ ዊኑን። 13ኰረ ግቨሪዝም ጒደነይል ፅባ ንጕስወ! ይስመ ይጅቅ ዊነቊዝ ማኽሊል ኰረይስቅ ጭቕጘ ኣቭርቅርቀው ብርኻን ሲመይስ ምርቓንድ ቓሉን። 14ይንም እጝቅቅ ዝቨይል ሊቭን ፅብና እቭራይስጥ ቋቈዝ፦ ‹ሳውል! ሳውል! ውር ቃጥ የጝ ይት ሲድስረውድ? ቲክልሸው ሰለድ ደድር ችብትራን ክቕምስ ወስጡዋ!› የው ድመ ወጩን። 15ያንም፦ ‹ኣደረወ! ክት ኣው የጝ› ዩን፤ ጘጝም፦ ‹ያን ክት ሲድስረው እየሱስ የጝ። 16ነንም ጕር ክልኲዝ ችብጭ፤ ነን ይት ቓልደዊዝመ እንዝ ግረም ቓሊሰው ዊገይዝቅ ሚዝርድረር ኣገልጋይ ኣተ ማጥን ይምጨ በን የጝ ንጭ ክጭስ እትለውድ። 17እስራየልት ኽዝቪስመ ጝታጐ እፃጨ በነቍ ኣኽዛቫነ ናኒስቅ ቓዝጭር። 18ክትም ጝታእልጣንድ ብዝር ጥመይስ ብርኻኒዝጐ ፊስትር፤ ሲጣንዝ ቅምሸነዊስም እደረ ትጐ ዊስትር፤ ጛይም ጝታኽጥያቲስ ይቅር ይሽጥቍ፤ ይት ኣምነነውዝም ቅዱሳኒጅቅ ርስት ችጝጥቍ።›
19«ንጕስ ኣግሪባወ! እንዝ ማጥን ያንም ሲመይስ እትለውድየን ኣዛንድ እምቢ ዪይቀርም። 20ዊገድ ግን በዊል ደማስቈ ፅበቍ እቅድ፥ እግረም እየሩሳልየምስመ ይዅዳት ኻግሪል ፅበቍድቅ ቈሽም ኣኽዛቫንድዛይቅ ንስኻ ጥውጝ እደረ ትጐ ዋጥርጥጘ ማጥን ክንሱን፤ ንስኻ ጥውጘጘ ቓሊሰው ሰቭ ፃቭጥጘ ማጥንም ድቁን።#ኻወ. 9፡20፤28-29። 21እንዝቍዝም ኣይዅዳንድ መቅደስ ጝኒል ፅባ ፃይጝ ቁጥጘ በን። 22እደረት ከቨድ ግን ነን ኣሽ ይጊስ ቲቲየውም፤ ኣቓንስቅም ኽየቊዝም መልቊዝም ሚዝርጣ ችብጥዅን፤ ነቭያታኒዝመ ሙሴስ፦ ‹ኣጡ! ፋፅምሽጡ!› ይጝ ዊግትጘዊዝለ ላየ ዊገ ዊግጢቀርም። 23ጛይም፦ ‹ክርስቶስ ሚከረ ለምርጡ፣ ክርጘይስ ጐነውዝም በወትረ ኣቕ ጕ ቓድትዙ ብርኻንድ እስራየልት ኽዝቪዝመ ኣኽዛቫኒዝ ሲቭክጡ› ይጝ ዊግትጝ ዊን።»
24ባውሎስም እኒንት ዊግታ ሲጝቀ ፊስጠውስ ዊገድየንት ቀቭ ማኽሊል ጥው፦ «እፈ ባውሎስ! ነንስ ጕቝትሩ፤ ክክንድጚዙ ንቕፀድ ጕቝረነውል ችጝዝኩ» ዩ። 25ባውሎስም እንት ዩ፦ «ኪብርደር ፊስጠውስወ! ያን እማንዝመ ትክክልኘ ዊገዝ ዊግጠኵንጚ ጕቝርትስ እጀርም። 26እኒን ያን ዊግጠው ዊገድየንት ንጕስድ ኣርቘኵ፤ ኣቓንስቅም ጝበዊል ኣቕ ይእዘንድ እቻዝ ዊግጠኵን፤ ቈሽም እን ዊገድ ስውርዝ ፃቪነው ኣቓንስቅ ንጕሲስ ሲውርሽጡ የር ኻስቨቅም። 27ንጕስ ኣግሪባወ! ነቭያታንድ ኣምንደኵ ኣየውመ? ኣምንደር ኣረጘ ኣርቐኵን» ዩ። 28ኣግሪባም ባውሎስት፦ «እነሽር ይት ዊቱዝ ክርስቲያን ፃቭተ በንርመ?» ዩ። 29ባውሎስም፦ «ዊቱዝም ኣነ ንቕፀቍዝ ክት ጭቝ ኣዪጝቀ ንጭ ይዊገድ ወሸቍድቅ እኒን ይእፅወድ ኣየት፣ ይጘ ኣጥጘ ማጥን እደረት ጨወኵን» ዩ።
30እንዝ ግረ ንጕስድ፣ ኻግር ቅመተ ፊስጠውስስመ በርኒቅየስ ጛጅቅ ጐይጝ ዊነቍድም እጝቅቅ ጐይጘዊስ ጕ። 31ጝጊስ ጕጝ ፊርጛንድም ጛስ ጛይ፦ «እን እጅርድ እኳንስ ክረነውላ እፁሸነውል ችጝዘው ዊገም እጀው» ይ። 32ኣግሪባም ፊስጠውስት፦ «እን እጅርድ ቂሳርትል ይግቫኝ ዪየው ኣቓን ኻርነይዝ ሊቅሽትጠ ዊኑ» ዩ።
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in