Oze 6
6
1A na ɩ à ŋá a, nyɩ yere na:
«Nyɩ wa, nyɩ ɩ tɩ lɛb cen a Sore zie.
Ʋlɛ n'ʋ ƴãw tɩ a bàalʋ, ʋ na sanɩ tɩ na.
Ʋ ŋmɛ tɩ na, ɛ́ ʋlɛ n'ʋ na pɛ́w a tɩ natɩɛ,
2ɛ́ lɛb kʋ̀ tɩ a nyɔ-vʋʋrʋ.
Bibie ayi, bibie ata ƴãw,
ʋ na ɩ na tɩ lɛb ìr, be a ʋ zie vʋʋrɛ.
3Nyɩ ɩ tɩ ƴãw fãw bãw a Sore.
A ʋ waa bɛ tɛr bʋnʋ mɛ̃ zi-wɛl-paala a ɩ,
ʋ na wa n a tɩ zie mɛ̃ a saa a,
mɛ̃ a sɩ̃ɛ-kpɛ-paala saa na mɩ́ wa bur a tẽw a.»
4Ɛcɛ a Sore sɔwr nyɩ na:
«Ɩ̃ ɩ fʋ ŋmɩn, Efarayim i?
Ɩ̃ ɩ fʋ ŋmɩn, Zuda a?
A nɔ̃wfʋ nyɩ na tɛr a ɩ̃ ƴãw a
ɩ na mɛ̃ biɓaara ulu a,
mɛ̃ biɓaara ɓɩɛlʋ na mɩ́ zor fɔ̃wlɛ a.
5Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ,
a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ.
Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.
6Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ#6:6 Nyɛ̃ Mat 9.13, 12.7.,
ɛ́ nyɩ na bãw k'ɩ̃ɩ ɩ n Naaŋmɩn a
vɩɛl'a zuo a nyɩw-a-za-bàwr.»
Yele na bɛ maal'ɩ wob a Ɩsɩrayɛl tẽw pʋɔ a
7«Ɛcɛ nyɩɩm a, nyɩ sãw nɩ a wõ-taa bɛr
a Adam#6:7 Adam: Tẽ-kpɛ̃ɛ n'ʋ, ʋ pɩɛl'ɩ a Yabɔkɩ bà-fʋɔla. Nyɛ̃ Zoz 3.16. tẽ-kpɛ̃ɛ́. Be n'a nyɩ zawrɩ mɛ̃ bɛr.
8Galaadɩ ɩ n yel-fa-maalbɛ tẽw,
zɩ̃ɩ n'a be a ziir za.
9A bàwr-maalbɛ bɛ mɩnɛ
kʋrɛ nɩ nɩbɛ a Sɩsɛm sɔ́r zu,
mɛ̃ nyãnyu-nɩ-kʋrbɛ na mɩ́ sɔwlɩ gù nɩbɛ a.
Yele na bɛ maal'ɩ wob a, alɛ n'a bɛ ɩrɛ.
10A Ɩsɩrayɛl yir pʋɔ a,
ɩ̃ nyɛ̃ nɩ yele na bɛ maal'ɩ wob a:
a Efarayim nɩ-fa-ɩb mar'ɩ a Ɩsɩrayɛl.»
11«Zuda a, a fʋ̃ʋ ƴãw mɩ̀ a, ɩ̃ cɔbrɛ nɩ a ci-cɛb#6:11 Ci-cɛb: A ƴɛ̀rʋ-dɩb'a bɛ yere à à ŋá..
A na ɩ n a lɛn daar ɩ̃ nãà wa lɛb maalɩ a ɩ̃ nɩ-bʋʋrɛ
bɛ ŋmɛ̃ mɛ̃ a bɛ dãwdãw a.»
Kasalukuyang Napili:
Oze 6: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.