Oze 1
1
A OZE KUL-TAA YELE
1—3
1Ƴɛ̀rʋ ŋa n'ʋ a Sore ƴɛ̀r kʋ̀ a Beeri bidɛb Oze. A Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar tɩ n'a, ɛ́ a Ɩsɩrayɛl tẽw, a tɩ ɩ a Zowasɩ bidɛb, Zerobowam, naalʋ daar#1:1 Ɩsɩrayɛl: A Saa-pɛrɩ́-gʋba-lowr naalʋ-tẽw n'ʋ. Zerobowam dãw-niwn sob'ʋ tɩ ŋmãa ʋ a nãà Salomɔ̃ kũu pùorí. Nyɛ̃ 1Na 12.16-20. — Zerobowam: A Zerobowam ayi sob'ʋ. Ʋ tɩ dɩ n a naalʋ a Ɩsɩrayɛl tẽw a Yeezu Kɩrɩta na bɛ tɩ wa sɛr a yome 787 tɩ tɔ 747. Nyɛ̃ 2Na 14.23-29.— Ozɩasɩ: Nyɛ̃ Am 1.1 nɩ a manʋ. — Yotam: Nyɛ̃ 2Na 15.32-38, 2Bi-yel 27.1-3.— Ezekɩasɩ: Nyɛ̃ 2Na 18—20..
A Sore ƴãw na a Oze kul pɔw-yɛm
2A ƴɛ̀rʋ a Sore na ƴãw a Oze ƴɛ̀r kʋ̀ a ʋ nɩ-bʋʋrɛ a tib zie n'ɩ a ka. A Sore tɩ yel'ɩ a Oze:
«Cen tɩ de ŋmɩmɛ maalʋ-ziir pɔw-yɛm#1:2 Ŋmɩmɛ maalʋ-ziir pɔw-yɛm: A ŋmɩmɛ maalʋ-ziir pɔw-yɛm mɩ́ tɩ gã nɩ nɩ a nɩbɛ na mɩ́ cen tɩ puori a ŋmɩn Báàl nɩ a ŋmɩn-pɔw Asɩtarte a. A bɛlɩ dem na tɩ puore a ŋmɩmɛ á ŋá a, tɩ tɩɛrɛ na k'aa tɩrɛ nɩ dɔwfʋ, kukur, nɩ guolu.,
dɔw nɩ ŋmɩmɛ maalʋ-ziir pɔw-yɛm bibiir.
Bʋ̃ʋ n'ʋ vɛ̃, a tẽw nɩbɛ na zawrɩ a mãa Sore bɛr a,
pɔw-yɛm ɩ-ɩrɩ tɛɛ za n'a bɛ ɩrɛ.»
3Lɛ n'a a Oze tɩ cen tɩ de Divilayim pɔwyaa Gomɛɛr. Ʋ tɩ tɛr'ɩ pʋɔ dɔw dɛble kʋ̀ ʋ, 4ɛ́ a Sore tɩ yel a Oze:
«Por ʋ a yúor kɛ́ Izireyɛl,
bʋ̃ʋ n'ʋ vɛ̃, ka nɩ blã a,
ɩ̃ na wa n a Zeyi yir dem ƴãw,
a nɩbɛ bɛ na kʋ a Izireyɛl#1:4 Izireyɛl: A zie ŋa pʋɔ n'a a Yehu tɩ kʋ a nãà Akab yir nɩbɛ za. Nyɛ̃ 2Na 9—10. a ƴãw.
Ɩ̃ na ɩ na a Ɩsɩrayɛl yir naalʋ-dɩb nʋɔr kʋ.
5A ʋlɩ bibir nɛ, ɩ̃ na ɩ n a Ɩsɩrayɛl kpɛnʋ baarɩ
a Izireyɛl bà-fʋɔla pʋɔ.»
6A Gomɛɛr tɩ lɛb'a tɛr pʋɔ dɔw powle, ɛ́ a Sore tɩ yel a Oze:
«Por ʋ a yúor kɛ́ Lo-Uruhama,
a pɛr lɛ kɛ́: Ɩ̃ bɛ nɔ̃w ʋ ɛ.
Bʋ̃ʋ n'ʋ vɛ̃, ɩ̃ kʋ̃ lɛb wul
a ɩ̃ nɔ̃wfʋ a Ɩsɩrayɛl yir nɩbɛ ɩ.
Ɩ̃ kʋ̃ lɛb nɔ̃w bɛ towtow ɛ.
7Ɛcɛ a Zuda yir nɩbɛ a, ɩ̃ na nɔnɛ bɛ na. A mãa Sore bɛ Naaŋmɩn, ɩ̃ na faa bɛ na, ɛ́ a bɛ faafʋ ƴãw a, ɩ̃ kʋ̃ tɛr tam nɩ zɛbr-sɔ-kpɛ̃ɛ yel-ɩra ɩ, ɩ̃ kʋ̃ tɛr zɛbr nɩ wie nɩ wi-zɔmnbɛ yel-ɩra ɩ.»
8A Gomɛɛr tɩ kpɩr'ɩ a Lo-Uruhama, ɛ́ tɛr pʋɔ dɔw dɛble. 9Ɛ́ a Sore tɩ yel a Oze:
«Por ʋ a yúor kɛ́ Lo-Ami,
a pɛr lɛ kɛ́: Bɛ-bɛ-ɩ-ɩ̃-nɩ-bʋʋrɛ-ɩ.
Bʋ̃ʋ n'ʋ vɛ̃, a nyɩɩm Ɩsɩrayɛl nɩbɛ,
nyɩ bɛ ɩ ɩ̃ nɩ-bʋʋrɛ ɩ, ɛ́ a nyɩ zie a, ɩ̃ bɛ be ɩ.»
Kasalukuyang Napili:
Oze 1: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.