Números 34
34
Israel nacionpa lindërunkuna maypa kananpaq tantiyatsishqan
1Moiséstami Tayta Dios kayno nirqan: 2<<Israel runakunata kayno niy: <Canaánman chayaptikiqa qamkunapaqmi tsay parti kanqa. Lindërunkuna kaynömi kanqa:
3<< <Sur kaq läduman tinkuranqa Zin nishqan chunyaq jirkapita Edom nacionyaq. Inti jeqamunan kaq lädupitami lindërun qalaykunqa Kachi Lamarpa ura lädun kuchunyaq. 4Tsaypita sur kaq lädupa lindëru aywaranqa Acrabim cuestayaq. Zin partipa pasar chayanqa Cades-barnea nishqanyaq. Tsaypitana Hasar-adarpa pasar chayanqa Asmón partiyaq. 5Asmónpa pasar chayanqa Egipto raqrayaq. Tsaypitana lindëru chayanqa Mediterráneo Lamaryaq.
6<< <Inti jeqanan kaq lädupaqa lindëru kanqa Mediterráneo Lamar kuchunpa.
7<< <Norti kaq lädupanami lindëru kanqa Mediterráneo Lamarpita Hor puntayaq. 8Hor puntapitanami lindëru chayanqa Hamat partiman yaykunayaq y tsaypitana chayanqa Zedad partiyaq. 9Zedad partipitana chayanqa Zifrón partiyaq. Nirkurnami norti kaq lindëru ushanqa Hazar-enán particho.
10<< <Inti jeqamunan kaq lädupanami lindëru kanqa Hazar-enánpita qalaykur Sefam partiyaq. 11Sefampa pasarnami chayanqa Ribla partiyaq. Riblaqa Aínpita inti jeqamunan kaq läduchömi kaykan. Tsaypitanami lindëru pasanqa Cineret qocha inti jeqamunan kaq lädupa. 12Nirkur lindëru pasanqa Jordán mayupa Kachi Lamarman chayananyaq.
<< <Tsaynömi Israel runakuna tänanpaq kaykaq nacionpa lindërunkuna kanqa> >>.
Chakrata aypunakushqan
13Tsaypitami Israel mayinkunata Moisés kayno nirqan: <<Tsay naciontami isqun trïbu runakuna y pulan Manasés trïbu runakuna chaskinanpaq Tayta Dios nimashqantsi. Tsaymi tsay nacioncho chakrakunata suertita jitaypa aypunakärinki.#Núm. 26.52-56.
14<<Rubén trïbu runakuna, Gad trïbu runakuna y pulan Manasés trïbu runakuna chakrankunata maynami chaskishqa.#Jos. 14.1-5. 15Tsay chakrakunaqa kaykan Jericó y Jordán mayu tsimpan inti jeqamunan kaq lädupami>>.
16Moisésta Tayta Dios kayno nirqan: 17<<Chakrakunataqa cüra Eleazarwan Nunpa tsurin Josuémi aypupäkunqa. 18Tsaynöpis cada trïbupa mandaqninta churanki aypüshinanpaq. 19Tsay aypüshiqkunaqa kaykunami kanqa:
Judá trïbupita Jefonipa tsurin Caleb,
20Simeón trïbupita Amiudpa tsurin Semuel,
21Benjamín trïbupita Quislónpa tsurin Elidad,
22Dan trïbupita Joglipa tsurin mandaq Buqui,
23Josépa tsurin Manasés trïbupita Efodpa tsurin mandaq Haniel,
24Efraín trïbupita Siftánpa tsurin mandaq Kemuel,
25Zabulón trïbupita Parnacpa tsurin mandaq Elizafán,
26Isacar trïbupita Azánpa tsurin mandaq Paltiel,
27Aser trïbupita Selomipa tsurin mandaq Ahiud,
28Neftalí trïbupita Amiudpa tsurin mandaq Pedael>>.
29Tsay mandaqkunatami Tayta Dios churarqan Canaáncho Israel runakunata posisionta aypupäkunanpaq.
Kasalukuyang Napili:
Números 34: qvmB
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2003, Wycliffe Bible Translators, Inc. All rights reserved.