1 Mga Hari 20
20
Nilusob ni Ben-hadad ang Samaria
1Ngayon, tinipon ni Haring Ben-hadad ng Aram#20:1 Aram: O Siria. ang lahat ng sundalo niya upang makipaglaban. Sumama sa kanila ang tatlumpuʼt dalawang hari na kakampi ni Ben-hadad na may mga kabayo at mga karwahe. Pumunta sila sa lungsod ng Samaria at kinubkob ito upang lusubin. 2Nagsugo si Ben-hadad ng mga mensahero sa loob ng lungsod upang iparating ang mensaheng ito kay Haring Ahab ng Israel, “Ito ang ipinasasabi ni Ben-hadad: 3‘Ang iyong mga pilak at ginto ay akin, pati ang mga pinakamagaganda mong mga asawa at mga anak ay akin din.’ ”
4Sinagot siya ni Haring Ahab ng Israel, “Ayon nga sa sinabi mo, Mahal na Hari, ako at ang lahat ng akin ay iyo.”
5Bumalik kay Ahab ang mga mensahero at sinabi, “Ito ang ipinasasabi ni Ben-hadad: ‘Sinabi ko na sa iyo na ibigay mo sa akin ang iyong mga pilak, ginto, mga asawaʼt anak. 6Ngunit bukas sa ganito ring oras, papupuntahin ko diyan ang mga opisyal ko para maghalughog sa palasyo mo at sa mga bahay ng iyong mga opisyal. Kukunin nila ang lahat ng itinuturing mong mahalaga.’ ”
7Ipinatawag ng hari ng Israel ang lahat ng tagapamahala ng Israel, at sinabi, “Naghahanap talaga ng paraan si Ben-hadad na wasakin tayo. Pumayag na nga ako nang hilingin niya ang aking mga asawa, mga anak, mga pilak at ginto.”
8Sumagot ang mga tagapamahala at ang mga tao, “Huwag po kayong papayag sa mga hinihiling niya.”
9Kaya sinabihan niya ang mga mensahero ni Ben-hadad, “Sabihin ninyo sa mahal na hari na ibibigay ko ang kanyang unang kahilingan, ngunit ang ikalawa ay hindi ko na papayagan.” Bumalik kay Ben-hadad ang mga mensahero at sinabi nila ang sagot ni Ahab.
10Nagpadala muli si Ben-hadad ng mensahe kay Ahab, “Lubos sana akong parusahan ng mga diyos, kung hindi ko mawawasak nang lubos ang Samaria. Titiyakin kong kahit alikabok ay walang maiiwan na madadakot ang mga sundalo ko.”
11Sumagot ang hari ng Israel, “Sabihan nʼyo siya na ang sundalong naghahanda pa lang sa pakikipaglaban ay hindi dapat magmayabang tulad ng sundalong tapos nang makipaglaban.”
12Natanggap ni Ben-hadad ang sagot ni Ahab habang nag-iinuman sila ng mga kasama niyang hari sa kanilang mga tolda. Agad niyang inutusan ang kanyang mga tauhan, sinabi niya, “Humanda kayong lumusob.” Kaya naghanda silang lusubin ang lungsod.
Tinalo ni Ahab si Ben-hadad
13Samantala, may dumating na isang propeta kay Ahab na hari ng Israel, at sinabi, “Ito ang sinasabi ng Panginoon: Nakikita mo ba ang napakaraming sundalo ni Ben-hadad? Ipapatalo ko sila sa iyo sa araw na ito, at malalaman mong ako ang Panginoon.”
14Nagtanong si Ahab, “Pero sino ang tatalo sa kanila?”
Sumagot ang propeta, “Ito ang sinasabi ng Panginoon: Ang mga binatang sundalo na nasa ilalim ng kapangyarihan ng mga gobernador ng mga probinsya ang siyang tatalo sa kanila.”
Nagtanong si Ahab, “Sino ang unang lulusob?”
Sumagot ang propeta, “Kayo.”#20:14 Sino ang unang … Kayo: O Sino ang mangunguna sa kanila sa pakikipaglaban? Sumagot ang propeta, “Ikaw.”
15Kaya ipinatawag ni Ahab ang mga binatang sundalo na nasa ilalim ng kapangyarihan ng mga gobernador ng mga probinsya; 232 silang lahat. At tinipon din niya ang iba pang mga Israelita; pitong libo silang lahat. 16Tanghali nang lumusob sila, habang si Ben-hadad at ang tatlumpuʼt dalawang haring kakampi niya ay naglalasing sa mga tolda nila. 17Ang unang lumusob ay ang mga binatang sundalo na nasa ilalim ng kapangyarihan ng mga gobernador.
Ngayon, ang mga espiyang ipinadala ni Ben-hadad sa Samaria ay nagsabi sa kanya, “May mga sundalo pong papunta rito mula sa Samaria.”
18Sinabi ni Ben-hadad, “Hulihin nʼyo sila! Kapayapaan man ang pakay nila rito o pakikipaglaban, hulihin nʼyo sila nang buhay.”
19Ang mga binatang sundalo ang nangunguna sa mga sundalo ng Israel. 20Ang bawat isaʼy pinatay ang kanyang kalaban. Kaya tumakas ang ibang mga sundalo ng Aram, at hinabol sila ng mga Israelita. Ngunit si Ben-hadad na hari ng Aram at ang iba pa niyang mga kasama ay tumakas na nakasakay sa kabayo. 21Ganoon ang paglusob nina Haring Ahab ng Israel. Marami silang pinatay na Arameo at pinagkukuha#20:21 pinagkukuha: Ganito sa isang lumang teksto. Sa Hebreo, pinagsisira. nila ang mga kabayo at mga karwahe ng mga ito.
22Pagkatapos nito, lumapit ang propeta sa hari ng Israel, at sinabi, “Maghanda kayo at magplano nang mabuti, dahil lulusob pong muli ang hari ng Aram sa susunod na taon.”
23Samantala, sinabi ng mga opisyal ng hari ng Aram sa kanya, “Ang diyos ng mga Israelita ay diyos ng mga bundok; iyan ang dahilan ng kanilang pagwawagi. Ngunit kung makikipaglaban tayo sa kanila sa kapatagan, siguradong matatalo natin sila. 24Ito ang kailangan ninyong gawin: Alisin ninyo ang tatlumpuʼt dalawang hari sa kanilang katungkulan, at ipalit sa kanila ang mga opisyal. 25Pagkatapos, magtipon kayo ng mga sundalo, mga kabayo, at mga karwahe na kasindami ng mga nawala noon. Makipaglaban tayo sa mga Israelita sa kapatagan, at tiyak na matatalo natin sila.” Pumayag si Ben-hadad, at ginawa niya ito.
26Nang sumunod na taon, tinipon ni Ben-hadad ang mga Arameo, at pumunta sila sa bayan ng Afek para makipaglaban sa mga Israelita. 27Nagtipon din ang mga Israelita, naghanda ng kanilang mga pangangailangan, at lumabas upang makipaglaban sa mga Arameo. Nagkampo sila paharap sa kampo ng mga Arameo. Ngunit katulad lang sila ng dalawang maliliit na pulutong ng mga kambing kung ikukumpara sa mga Arameo na nakakalat sa kapatagan.
28Pumunta ang lingkod ng Diyos sa hari ng Israel, at sinabi, “Ito po ang sinasabi ng Panginoon: Inaakala ng mga Arameo na diyos ako ng mga bundok at hindi diyos ng mga lambak, kaya ipapatalo ko sa iyo ang napakarami nilang sundalo upang malaman ninyo na ako ang siyang Panginoon.”
29Nagkampo ang mga Israelita at ang mga Arameo na magkaharap sa loob ng pitong araw. At naglaban sila noong ikapitong araw. Sa isang araw lang, nakapatay ang mga Israelita ng isandaang libong sundalong Arameo. 30Ang mga natirang Arameo ay nagsitakas sa lungsod ng Afek, kung saan ang 27,000 sa kanila ay nabagsakan ng pader ng lungsod. Tumakas din doon si Ben-hadad at nagtago sa kasuluk-sulukang kuwarto ng bahay.
31Sinabi sa kanya ng kanyang mga opisyal, “Narinig po namin na maawain daw ang mga hari ng Israel. Kaya pupunta kami sa hari ng Israel, magsusuot ng sako at magtatali ng lubid sa aming mga ulo. Baka sakaling hindi ka niya patayin.”
32Kaya nagsuot sila ng sako at tinalian nila ng lubid ang kanilang ulo. Pagkatapos, pumunta sila sa hari ng Israel, at sinabi, “Ang inyo pong lingkod na si Ben-hadad ay humihiling na kung maaari, huwag nʼyo siyang patayin.” Sumagot ang hari, “Buhay pa pala siya? Para ko na siyang kapatid.”
33Itinuring ng mga opisyal ang sagot ng hari na isang palatandaan na may pag-asa sila, kaya agad naman nilang sinabi, “Opo, si Ben-hadad ay para na ninyong kapatid.” Sinabi ng hari, “Dalhin ninyo siya sa akin.”
Pagdating ni Ben-hadad, pinasakay siya ni Ahab sa kanyang karwahe.
34Sinabi ni Ben-hadad kay Ahab, “Isasauli ko sa iyo ang mga lungsod na inagaw ng aking ama sa iyong ama. At maaari kang magpatayo ng mga tindahan sa Damasco, tulad ng ginawa ng aking ama sa Samaria.”
Tumugon si Ahab, “Sa alok mong ito, pakakawalan kita.” Kaya gumawa sila ng kasunduan, at pinaalis siya ni Ahab.
35Samantala, may isang taong kabilang sa samahan ng mga propeta ang inutusan ng Panginoon upang sabihin ito sa kasama niya, “Sige saktan mo ako.” Pero tumanggi ang kasama niya na saktan siya.
36Kaya sinabi niya sa kanyang kasama, “Dahil hindi mo sinunod ang Panginoon, papatayin ka ng leon pag-alis mo rito.” Pag-alis nga ng kasama niya, nakita siya ng isang leon at pinatay.
37May nakita namang isang tao ang propeta at sinabi niya, “Saktan mo ako.” Kaya sinaktan siya nito at nasugatan siya. 38Pagkatapos, lumakad ang propeta at tumayo sa daan upang hintayin ang pagdaan ng hari ng Israel. Nagbalat-kayo siya sa pamamagitan ng paglalagay ng piring sa mata upang hindi siya makilala. 39Pagdaan ng hari, sumigaw ang propeta sa kanya, “Mahal na hari, sumáma po ako sa labanan, at doon ay may taong nagdala sa akin ng bihag at sinabi, ‘Bantayan mo ang taong ito. Kapag nakatakas siya, ikaw ang papatayin o pagbabayarin ng 35 kilong pilak.’ 40Ngunit naging abala po ako sa ibang mga gawain kaya nakatakas ang bihag.”
Sinabi ng hari, “Dapat ka ngang parusahan ayon sa sinabi mo.”
41Tinanggal ng propeta ang piring sa kanyang mga mata, at nakilala siya ng hari ng Israel na isa siyang propeta. 42Sinabi niya sa hari, “Ito ang sinasabi ng Panginoon: Dahil sa pinakawalan mo ang taong sinasabi ko na dapat patayin, ikaw ang papatayin bilang kapalit niya at papatayin din ang iyong mga tauhan bilang kapalit ng kanyang mga tauhan.” 43Umuwing malungkot at galit ang hari ng Israel sa palasyo niya sa Samaria.
Kasalukuyang Napili:
1 Mga Hari 20: ASD
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
1 Mga Hari 20
20
Nilusob ni Ben-hadad ang Samaria
1Ngayon, tinipon ni Haring Ben-hadad ng Aram#20:1 Aram: O Siria. ang lahat ng sundalo niya upang makipaglaban. Sumama sa kanila ang tatlumpuʼt dalawang hari na kakampi ni Ben-hadad na may mga kabayo at mga karwahe. Pumunta sila sa lungsod ng Samaria at kinubkob ito upang lusubin. 2Nagsugo si Ben-hadad ng mga mensahero sa loob ng lungsod upang iparating ang mensaheng ito kay Haring Ahab ng Israel, “Ito ang ipinasasabi ni Ben-hadad: 3‘Ang iyong mga pilak at ginto ay akin, pati ang mga pinakamagaganda mong mga asawa at mga anak ay akin din.’ ”
4Sinagot siya ni Haring Ahab ng Israel, “Ayon nga sa sinabi mo, Mahal na Hari, ako at ang lahat ng akin ay iyo.”
5Bumalik kay Ahab ang mga mensahero at sinabi, “Ito ang ipinasasabi ni Ben-hadad: ‘Sinabi ko na sa iyo na ibigay mo sa akin ang iyong mga pilak, ginto, mga asawaʼt anak. 6Ngunit bukas sa ganito ring oras, papupuntahin ko diyan ang mga opisyal ko para maghalughog sa palasyo mo at sa mga bahay ng iyong mga opisyal. Kukunin nila ang lahat ng itinuturing mong mahalaga.’ ”
7Ipinatawag ng hari ng Israel ang lahat ng tagapamahala ng Israel, at sinabi, “Naghahanap talaga ng paraan si Ben-hadad na wasakin tayo. Pumayag na nga ako nang hilingin niya ang aking mga asawa, mga anak, mga pilak at ginto.”
8Sumagot ang mga tagapamahala at ang mga tao, “Huwag po kayong papayag sa mga hinihiling niya.”
9Kaya sinabihan niya ang mga mensahero ni Ben-hadad, “Sabihin ninyo sa mahal na hari na ibibigay ko ang kanyang unang kahilingan, ngunit ang ikalawa ay hindi ko na papayagan.” Bumalik kay Ben-hadad ang mga mensahero at sinabi nila ang sagot ni Ahab.
10Nagpadala muli si Ben-hadad ng mensahe kay Ahab, “Lubos sana akong parusahan ng mga diyos, kung hindi ko mawawasak nang lubos ang Samaria. Titiyakin kong kahit alikabok ay walang maiiwan na madadakot ang mga sundalo ko.”
11Sumagot ang hari ng Israel, “Sabihan nʼyo siya na ang sundalong naghahanda pa lang sa pakikipaglaban ay hindi dapat magmayabang tulad ng sundalong tapos nang makipaglaban.”
12Natanggap ni Ben-hadad ang sagot ni Ahab habang nag-iinuman sila ng mga kasama niyang hari sa kanilang mga tolda. Agad niyang inutusan ang kanyang mga tauhan, sinabi niya, “Humanda kayong lumusob.” Kaya naghanda silang lusubin ang lungsod.
Tinalo ni Ahab si Ben-hadad
13Samantala, may dumating na isang propeta kay Ahab na hari ng Israel, at sinabi, “Ito ang sinasabi ng Panginoon: Nakikita mo ba ang napakaraming sundalo ni Ben-hadad? Ipapatalo ko sila sa iyo sa araw na ito, at malalaman mong ako ang Panginoon.”
14Nagtanong si Ahab, “Pero sino ang tatalo sa kanila?”
Sumagot ang propeta, “Ito ang sinasabi ng Panginoon: Ang mga binatang sundalo na nasa ilalim ng kapangyarihan ng mga gobernador ng mga probinsya ang siyang tatalo sa kanila.”
Nagtanong si Ahab, “Sino ang unang lulusob?”
Sumagot ang propeta, “Kayo.”#20:14 Sino ang unang … Kayo: O Sino ang mangunguna sa kanila sa pakikipaglaban? Sumagot ang propeta, “Ikaw.”
15Kaya ipinatawag ni Ahab ang mga binatang sundalo na nasa ilalim ng kapangyarihan ng mga gobernador ng mga probinsya; 232 silang lahat. At tinipon din niya ang iba pang mga Israelita; pitong libo silang lahat. 16Tanghali nang lumusob sila, habang si Ben-hadad at ang tatlumpuʼt dalawang haring kakampi niya ay naglalasing sa mga tolda nila. 17Ang unang lumusob ay ang mga binatang sundalo na nasa ilalim ng kapangyarihan ng mga gobernador.
Ngayon, ang mga espiyang ipinadala ni Ben-hadad sa Samaria ay nagsabi sa kanya, “May mga sundalo pong papunta rito mula sa Samaria.”
18Sinabi ni Ben-hadad, “Hulihin nʼyo sila! Kapayapaan man ang pakay nila rito o pakikipaglaban, hulihin nʼyo sila nang buhay.”
19Ang mga binatang sundalo ang nangunguna sa mga sundalo ng Israel. 20Ang bawat isaʼy pinatay ang kanyang kalaban. Kaya tumakas ang ibang mga sundalo ng Aram, at hinabol sila ng mga Israelita. Ngunit si Ben-hadad na hari ng Aram at ang iba pa niyang mga kasama ay tumakas na nakasakay sa kabayo. 21Ganoon ang paglusob nina Haring Ahab ng Israel. Marami silang pinatay na Arameo at pinagkukuha#20:21 pinagkukuha: Ganito sa isang lumang teksto. Sa Hebreo, pinagsisira. nila ang mga kabayo at mga karwahe ng mga ito.
22Pagkatapos nito, lumapit ang propeta sa hari ng Israel, at sinabi, “Maghanda kayo at magplano nang mabuti, dahil lulusob pong muli ang hari ng Aram sa susunod na taon.”
23Samantala, sinabi ng mga opisyal ng hari ng Aram sa kanya, “Ang diyos ng mga Israelita ay diyos ng mga bundok; iyan ang dahilan ng kanilang pagwawagi. Ngunit kung makikipaglaban tayo sa kanila sa kapatagan, siguradong matatalo natin sila. 24Ito ang kailangan ninyong gawin: Alisin ninyo ang tatlumpuʼt dalawang hari sa kanilang katungkulan, at ipalit sa kanila ang mga opisyal. 25Pagkatapos, magtipon kayo ng mga sundalo, mga kabayo, at mga karwahe na kasindami ng mga nawala noon. Makipaglaban tayo sa mga Israelita sa kapatagan, at tiyak na matatalo natin sila.” Pumayag si Ben-hadad, at ginawa niya ito.
26Nang sumunod na taon, tinipon ni Ben-hadad ang mga Arameo, at pumunta sila sa bayan ng Afek para makipaglaban sa mga Israelita. 27Nagtipon din ang mga Israelita, naghanda ng kanilang mga pangangailangan, at lumabas upang makipaglaban sa mga Arameo. Nagkampo sila paharap sa kampo ng mga Arameo. Ngunit katulad lang sila ng dalawang maliliit na pulutong ng mga kambing kung ikukumpara sa mga Arameo na nakakalat sa kapatagan.
28Pumunta ang lingkod ng Diyos sa hari ng Israel, at sinabi, “Ito po ang sinasabi ng Panginoon: Inaakala ng mga Arameo na diyos ako ng mga bundok at hindi diyos ng mga lambak, kaya ipapatalo ko sa iyo ang napakarami nilang sundalo upang malaman ninyo na ako ang siyang Panginoon.”
29Nagkampo ang mga Israelita at ang mga Arameo na magkaharap sa loob ng pitong araw. At naglaban sila noong ikapitong araw. Sa isang araw lang, nakapatay ang mga Israelita ng isandaang libong sundalong Arameo. 30Ang mga natirang Arameo ay nagsitakas sa lungsod ng Afek, kung saan ang 27,000 sa kanila ay nabagsakan ng pader ng lungsod. Tumakas din doon si Ben-hadad at nagtago sa kasuluk-sulukang kuwarto ng bahay.
31Sinabi sa kanya ng kanyang mga opisyal, “Narinig po namin na maawain daw ang mga hari ng Israel. Kaya pupunta kami sa hari ng Israel, magsusuot ng sako at magtatali ng lubid sa aming mga ulo. Baka sakaling hindi ka niya patayin.”
32Kaya nagsuot sila ng sako at tinalian nila ng lubid ang kanilang ulo. Pagkatapos, pumunta sila sa hari ng Israel, at sinabi, “Ang inyo pong lingkod na si Ben-hadad ay humihiling na kung maaari, huwag nʼyo siyang patayin.” Sumagot ang hari, “Buhay pa pala siya? Para ko na siyang kapatid.”
33Itinuring ng mga opisyal ang sagot ng hari na isang palatandaan na may pag-asa sila, kaya agad naman nilang sinabi, “Opo, si Ben-hadad ay para na ninyong kapatid.” Sinabi ng hari, “Dalhin ninyo siya sa akin.”
Pagdating ni Ben-hadad, pinasakay siya ni Ahab sa kanyang karwahe.
34Sinabi ni Ben-hadad kay Ahab, “Isasauli ko sa iyo ang mga lungsod na inagaw ng aking ama sa iyong ama. At maaari kang magpatayo ng mga tindahan sa Damasco, tulad ng ginawa ng aking ama sa Samaria.”
Tumugon si Ahab, “Sa alok mong ito, pakakawalan kita.” Kaya gumawa sila ng kasunduan, at pinaalis siya ni Ahab.
35Samantala, may isang taong kabilang sa samahan ng mga propeta ang inutusan ng Panginoon upang sabihin ito sa kasama niya, “Sige saktan mo ako.” Pero tumanggi ang kasama niya na saktan siya.
36Kaya sinabi niya sa kanyang kasama, “Dahil hindi mo sinunod ang Panginoon, papatayin ka ng leon pag-alis mo rito.” Pag-alis nga ng kasama niya, nakita siya ng isang leon at pinatay.
37May nakita namang isang tao ang propeta at sinabi niya, “Saktan mo ako.” Kaya sinaktan siya nito at nasugatan siya. 38Pagkatapos, lumakad ang propeta at tumayo sa daan upang hintayin ang pagdaan ng hari ng Israel. Nagbalat-kayo siya sa pamamagitan ng paglalagay ng piring sa mata upang hindi siya makilala. 39Pagdaan ng hari, sumigaw ang propeta sa kanya, “Mahal na hari, sumáma po ako sa labanan, at doon ay may taong nagdala sa akin ng bihag at sinabi, ‘Bantayan mo ang taong ito. Kapag nakatakas siya, ikaw ang papatayin o pagbabayarin ng 35 kilong pilak.’ 40Ngunit naging abala po ako sa ibang mga gawain kaya nakatakas ang bihag.”
Sinabi ng hari, “Dapat ka ngang parusahan ayon sa sinabi mo.”
41Tinanggal ng propeta ang piring sa kanyang mga mata, at nakilala siya ng hari ng Israel na isa siyang propeta. 42Sinabi niya sa hari, “Ito ang sinasabi ng Panginoon: Dahil sa pinakawalan mo ang taong sinasabi ko na dapat patayin, ikaw ang papatayin bilang kapalit niya at papatayin din ang iyong mga tauhan bilang kapalit ng kanyang mga tauhan.” 43Umuwing malungkot at galit ang hari ng Israel sa palasyo niya sa Samaria.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.