Mga Popular na Bersikulo sa Biblia mula sa San Mateo 10

Ibahagi

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Li ani naxra lix yuꞌam arin saꞌ ruchichꞌochꞌ, aꞌan tixsach li junelic yuꞌam. Ut li ani tixsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Li ani tixcuy inta̱kenquil usta tixcꞌul li camsi̱c saꞌ incꞌabaꞌ, li jun aꞌan xcꞌulub nak tincꞌul chokꞌ cualal. Abanan li ani incꞌaꞌ tixcuy inta̱kenquil, li jun aꞌan moco xcꞌulub ta nak tincꞌul chokꞌ cualal.

Li ani naxye chiruheb li tenamit nak niquinixpa̱b, la̱in tinye chiru lin Yucuaꞌ cuan saꞌ choxa nak aꞌan li cualal. Ut li ani ta̱tzꞌekta̱na̱nk cue chiruheb li tenamit, la̱in tintzꞌekta̱na ajcuiꞌ aꞌan chiru lin Yucuaꞌ cuan saꞌ choxa.

Cheqꞌuirtesiheb li yaj, checuaclesiheb cuiꞌchic chi yoꞌyo li camenak. Cheqꞌuirtesiheb li saklep rix ut cherisiheb li ma̱us aj musikꞌej. Chi ma̱tan xecꞌul le̱ cuanquil ut chi ma̱tan ajcuiꞌ te̱ba̱nu li usilal.

Joꞌcan nak mexxucuac chiruheb li xicꞌ nequeꞌiloc e̱re xban nak la̱ex kꞌaxal terto e̱tzꞌak chiruheb nabal chi tzentzeyul.

Me̱cꞌoxla nak xinchal ta chixqꞌuebal li tuktu̱quil usilal saꞌ ruchichꞌochꞌ. Xinchal ban chixchꞌolobanquil lix ya̱lal; ut xban lix ya̱lal li nachꞌoloba̱c, nacuan li chꞌaꞌajquilal.