Mga Popular na Bersikulo sa Biblia mula sa انجیلِ مَرقُس 5

Ibahagi

عیسی وَش گُت: «ای دویَر، ایمونِت تِنَه شفا دایِه. وَ سلامت بِرَه وُ وَ ای بلا آزاد بُو!»

مِنِه او بین، زنی بی که دُوازَه سال گرفتارِ خینریزی بی. وِّ زِرِ دَوا دَرمونِ دکتِرَلِ زیادی، مَهلی عذاب کشییَه بی وِ تَمومِ داراییشَه خرج کِردَه بی؛ امّا وَ جِی یِکِه خوب وابو، بَتَر وابی‌یَه بی.

هَمو دَقَه خینریزیش بَند اومَه وِ خُوش فَمِس وَ او بلا شفا گِرُتِه.

اوسِه دَسِ دویَرَ گِرُت وِ وَش گُت: «تالیتا کوم!» یعنی: «ای دُویَرِ کُشکِلو، وَ تِ ایگُم وَری!»

عیسی هَنی گَپ ایزَه که عِدِه‌ای وَ حونِی یایروس، رئیس کنیسَه، اومَن وِ گُتِن: «دویَرت مُرد! دَ سیچه استادَ زَحمَت ایئی؟» عیسی وختی گَپَلِ اونگَلَه اِشنُفت، وَ رئیس کَنیسَه گُت: «زَلَت مَرَه! فقط ایمون داشتَه بو.»

سی‌یِکِه عیسی وَش گُتَه بی: «ای روحِ ناپاک، وَ ای مِرد بِزَه وَدَر!» اوسِه عیسی وَش پُرسی: «نومِت چِنِه؟» جواب دا: «نومُم قِشونِه؛ سی‌یِکِه یِکِلی یِیم.»