Mga Popular na Bersikulo sa Biblia mula sa Иак 4

Ibahagi

Седӹндон Йымым колыштда, диаволлан тореш шагалда, дӓ тӹдӹ тӓ гӹцдӓ шӹлӹн кыргыжеш.

Йымы докы лишемдӓ, дӓ Тӹдӹ тӓ докыда лишемеш, сулыканвлӓ, киддӓм мышда, кок семӹнь шанышывлӓ, йӓнгдӓм ирӹктӹдӓ.

Господь анзылны ӹшкӹмдӓм лапемдӹдӓ, дӓ Тӹдӹ тӓмдӓм лӱктӓлеш.

Но Йымы утларак кого благодатьым пуа, седӹндонок келесӹмӹ: «Йымы когоэшнӹшӹвлӓлӓн тореш ылеш, а смирнӓвлӓлӓн благодатьым пуа».

Тенге, кӱ пурым ӹштӓш пӓлӓ, дӓ ак ӹштӹ, тӹдӹлӓн сулык лиэш.

Ядыда дӓ ада нӓл, вет тӓ пурылан агыл, а ӹшке кымыл шыпшмашда семӹнь кычылт пӹтӓрӓш ядыда.

Йымы гӹц карангшывлӓ, шӓхӓрвлӓ! Сӓндӓлӹкӹн тӓнгжӹ лимӓш Йымылан тышман лимӹм ада пӓлӹ ма? Седӹндон, кӱ сӓндӓлӹкӹн тӓнг линежӹ гӹнь, тӹдӹ Йымын тышманжы лиэш.

Тӓ иргодым ма лишӓшлыкым ада пӓлӹ: вет ма техень тӓмдӓн ӹлӹмӓшдӓ? Кӹтӹк веремӓэш кайшы, а вара шӓлӓнӹшӹ тӹтӹрӓ.