Mga Popular na Bersikulo sa Biblia mula sa ငဝ်ႈၵမ်ႇၽႃႇ 11

Ibahagi

ထႃႇဝရႃႉ​ၽြႃး​ၵေႃႈ​ဝႃႈ၊ တူၺ်း​လူး၊ ၶဝ်​ပဵၼ်​ၵူၼ်း​မဵဝ်း​ဢၼ်​လဵဝ်​ၵၼ်၊ ၵႂၢမ်း​ဢၼ်​လဵဝ်​ၵၼ်​လႄႈ ၸင်ႇ​ၸႃႉ​ႁဵတ်း​လွင်ႈ​တၢင်း​ၼႆႉ​ဢွၼ်​တၢင်း​ဢေႃႈ။ တေႃႈ​လဵဝ်​ၼႆႉ ဢၼ်​ႁႄႉ​ဢၼ်​ၶႅၼ်​လွင်ႈ​တၢင်း​ၵႃႈ​ဢၼ်​ၶဝ်​တၵ်း​ၵျၢမ်ႇ​ပွင်​ၼၼ်ႉ​ဢမ်ႇ​မီး​လႄႈ ၶဝ်​တၵ်း​ႁဵတ်း​လူး​ၵွၼ်ႇ​ဢေႃႈ။- မႃး​မႃး​ဢိူၺ်း၊ လူင်း​ၵႂႃႇ​တႃႉ​ႁဝ်း။ ၼင်ႇ​ႁိုဝ်​ၶဝ်​ၼင်ႇ​ၵၼ်​ၵၼ်​တၵ်း​ဢမ်ႇ​ႁူႉ​ၵၼ်​ၸိုင်၊ ႁဵတ်း​ႁႂ်ႈ​ၵႂၢမ်း​ၶဝ်​သုၵ်ႉ​သၵ်ႉ​သူၼ်​သၢၼ်​ၵၼ်​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။

သမ်ႉ​လၢတ်ႈ​ၵၼ်​လႄႈ​ဝႃႈ၊ မႃး​မႃး​ဢိူၺ်း၊ ၵွပ်ႈ​ပိူဝ်ႈ​ဢၼ် ၵူဝ်​ႁဝ်း​တၵ်း​ၽၢတ်ႇ​ၽႄ​ၵၼ်​ၵႂႃႇ​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ၊ ဢွၼ်​ၵၼ်​တႄႇ​ႁဵတ်း​ဝဵင်း ဢိၵ်ႇ​တင်း​ထဵင်​လၢင်း​ဢၼ်​တၵ်း​သုင်​ၶိုၼ်ႈ​ၶိုတ်း​ထိုင်​ၼိူဝ်​ၽႃႉ​ၵၢင်​ႁၢဝ်​ပုၼ်ႉ​လႄႈ ႁဵတ်း​ႁႂ်ႈ​ၸိုဝ်ႈ​ႁဝ်း​သဵင်​ႁဝ်း​ဢွၵ်ႇ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။

ၵွပ်ႈ​ႁွႆး​ၼႆႉ၊ ၵွပ်ႈ​ပိူဝ်ႈ​ဢၼ်​ထႃႇဝရႃႉ​ၽြႃး​ႁႂ်ႈ​ၵႂၢမ်း​လုၵ်ႈ​ၵူၼ်း​တင်း​သဵင်ႈ​တင်း​လူင်​ၵႃႈ​ဢၼ်​မီး​ၵႃႈ​ၼိူဝ်​လိၼ်​မိူင်း​သုၵ်ႉ​သၵ်ႉ​သူၼ်​သၢၼ်​သေ​လႄႈ ၽၢတ်ႇ​ၽႄ​ၵၼ်​သေ​ၵႃႈ​တီႈ​ၼၼ်ႈ​ၵႂႃႇ​ၵူႈ​တီႈ​ၵူႈ​လႅၼ် ၵႃႈ​ၼိူဝ်​လိၼ်​မိူင်း​ၼၼ်ႉ​လႄႈ ဝဵင်း​ၼၼ်ႉ​လႆႈ​ၸိုဝ်ႈ​ဝဵင်း​ ပႃႇပေႇလႃႉ ​ဢေႃႈ။

ၵူၼ်း​ၼိူဝ်​လိၼ်​မိူင်း​တင်း​သဵင်ႈ​တင်း​လူင် ပဵၼ်​ၽႃႇသႃႇ​ဢၼ်​လဵဝ်​ၵၼ်၊ ၵႂၢမ်း​ဢၼ်​လဵဝ်​ၵၼ်​လႄႈ၊

ထႃႇဝရႃႉ​ၽြႃး​လူင်း​မႃး​ႁႂ်ႈ​လႆႈ​လူ​တူၺ်း​ဝဵင်း ဢိၵ်ႇ​တင်း​ထဵင်​လၢင်း​ဢၼ်​လုၵ်ႈ​ၵူၼ်း​တႄႇ​ႁဵတ်း​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။

ၼင်ႇ​ၼၼ်​လႄႈ ထႃႇဝရႃႉ​ၽြႃး​ႁႂ်ႈ​ၶဝ်​ၽၢတ်ႇ​ၽႄ​ၵၼ်​ၵႃႈ​ၼိူဝ်​လိၼ်​မိူင်း​ၵူႈ​တီႈ​ၵူႈ​လႅၼ်​လႄႈ ၶဝ်​ၼၼ်ႉ​ၸင်ႇ​ဢမ်ႇ​တႄႇ​ႁဵတ်း​ဝဵင်း​ၼၼ်ႉ​လႄႈ​ယူႇ​ဢေႃႈ။