Mga Popular na Bersikulo sa Biblia mula sa അപ്പോസുത്തലാര് 1

Ibahagi

ആന സാമിനിഗാല് നിമാക്ക് ഏ്റ്‌മ്. അന്നാപ്പ് നിമാക്ക് ബില കെ്ഡേക്കുവു. അത്തെ മുദാല് നിമ്മ എര്‌സലേമ്‌ഗാറാര്‌ക്ക്‌മ് എഗുദ നാഡ്‌ല് ഒട്ടുക്കുമു സമര്യ ദേസഗാറാര്‌ക്ക്‌മ് എനാന പറ്റി സൊല്ലുവുറു. അദ്‌ക്ക് പ്‌റ ഉലഗാത്ത്‌ല് എല്ലാ സാരിമ് ഇര്‌ക്കുവ ആള്‌ഗാള്‌ക്ക്‌മ് എനാന പറ്റി സൊല്ലുവുറു.>>

ഏസ്സ് അവാര്‌ക്ക് ഇത്തെ സൊന്നാന്: <<അയി കാല നേരന, എന്ന് അപ്പാന് സാമി സൊന്ത അദിഗരാത്ത്‌ല് ഒരിക്കി ബെത്ത്‌റ്‌ന്റാന്. അദെല്ല നിമ്മ തെരിന്ത്‌റ്‌ക്കുവാദല്ല.

അത്തെ അവാര് ഒന്റായി കൂഡി ഇര്‌ക്കാട്ടി ഏസ്സ് അവാര്‌ക്ക് ഇത്തെ സൊന്നാന്: <<നിമ്മ എര്‌സലേമ്‌ലിന്ത് പോഗ ബേ്ഡ, എന്ന് അപ്പാന് നിമാക്ക് തന്റെ എന്റ് ബാക്ക് തന്തിന്താദ്‌ന കെ്ഡേക്ക്യ അദ്‌ല് താനെ കാത്ത്‌റ്‌ക്കുഡൊ. അദ്‌ന പറ്റി നാന് നിമാക്ക് സൊല്ലിര്‌ന്റേനല്ല. ഓഗന്നാന് ആള്‌ഗാള്‌ന നീര്‌ല് മുളുഗുസ്‌നാന്, ആന ലേസ നാള് കളിന്ത പ്‌റ നിമാന സാമിനിഗാല്‌ല് മുളുഗുസുവാന്.>>

ഏസ്സ് സത്ത പ്‌റ അയാള് നാപ്പദ് നാള് കുളാക്ക് ഏസ്സ് സൊല്ലുപഡി നഡാക്ക്‌ന്റവാര്‌ക്ക് എഞ്ചോ ഗളിഗെ ബെ്ളിപട്ടാന്. താന് ഉജുരോഡ ഇര്‌ക്ക്‌ന്റേനെന്റ് അവാര്‌ക്ക് സന്തേഗപഡാത്ത ദിന്‌സ്‌ല് സൊക്കാന കാട്ടി കൊഡുത്താന്. അത്തെ അവാര് ഏസ്സ്‌ന കണ്ടാര്. അയാള് അവാരോഡ സാമി ആള്യ പോവാദ്‌ന പറ്റി നായ നൊഡിന്താന്.

ഇദെല്ല സൊല്ലി തീന്ത പ്‌റസാരി അവാര് ഏസ്സ്‌ന നോഡിര്‌ക്കാട്ടി താനെ അവാന്‌ന സാമി മേലോഗാക്ക് എ്ഡ്‌ത്താന്. അപ്പോസുത്തലാര് ഏസ്സ് പോവാദ്‌ന നോഡികൊണ്ടിന്താര്. ഏസ്സ് മഞ്ച്‌കുളാക്ക് മറേന്ത് അവാര്‌ക്ക് കാട്ടദ്യാനാന്.

ഏസ്സ് പോഗാട്ടി അപ്പോസുത്തലാര് ബാന്‌ന സൊക്കാന നോഡിന്താര്. അദുക്കുള ബെ്ള്ളെ ഉഡുപ്പു ഇക്കിര്‌ക്കുവ റാഡ് ഗണ്ടാള് ദ്‌ഡീരന അവാര് മുന്നുക്കു ബന്ത് നിന്റ് ഇത്തെ സൊന്നാര്: <<അല, ഗലീലഗാറാരെ, നിമ്മ ബാന്‌ല് എന്ത്‌ന നോഡി നിന്റ് ഇര്‌ക്ക്‌ന്റ്‌റ്? നിമ്മ് പട്ട്‌ലിന്ത് ഏസ്സ്‌ന മേലോഗാക്ക് എ്ഡ്‌ത്താര്. അയാള് മേലോഗാക്ക് പോവാദ്‌ന നിമ്മ കണ്ട പാസെ അയാള് തിരിഗിമ് ബരുവാന്.>>