Mga Popular na Bersikulo sa Biblia mula sa Marcos 4

Ibahagi

Kaya bumangon siya at inutusan ang hangin, “Tigil!” at sinabihan ang lawa, “Kumalma ka!” Tumigil nga ang hangin at kumalma ang mga alon. Tinanong niya ang mga alagad niya, “Bakit kayo natatakot? Wala pa rin ba kayong pananampalataya sa akin?”

Takot na takot silang nag-usap-usap, “Sino ang taong ito? Kahit ang hangin at mga alon ay sumusunod sa kanya!”

Si Hesus ay nasa hulihan ng bangka at natutulog nang nakaunan. Ginising siya ng mga alagad niya at sinabi sa kanya, “Guro, malulunod na tayo! Balewala lang ba ito sa inyo?”

“Makinig kayong mabuti sa sinasabi ko,” dagdag pa niya. “Dahil kung paano kayo makinig, gayundin ang pang-unawang ibibigay ng Diyos sa inyo, at dadagdagan pa niya ito.

Sinabi pa ni Hesus, “Ang paghahari ng Diyos ay maihahalintulad dito: May isang taong naghasik ng binhi sa kanyang bukid. Habang nagtatrabaho siya sa araw at natutulog sa gabi, ang mga binhing inihasik niya ay tumutubo at lumalago, ngunit hindi niya alam kung paano ito nangyayari.

Makinig ang sinumang may pandinig!”