Mga Popular na Bersikulo sa Biblia mula sa Isaias 51

Ibahagi

“Ako ang nagpapalakas at nagpapaligaya sa inyo. Kaya bakit kayo matatakot sa mga taong katulad ninyo na mamamatay din lang na parang damo?

Itinuro ko sa inyo ang ipinasasabi ko, at ipinagtatanggol ko kayo sa pamamagitan ng aking kapangyarihan. Ako ang naglagay ng langit at ng pundasyon ng mundo, at ako ang nagsabi sa Zion, ‘Ikaw ang aking mamamayan.’ ”

“Makinig kayo sa akin, kayong mga nakakaalam kung ano ang tama at sumusunod sa aking kautusan! Huwag kayong matatakot sa mga panghihiya at pangungutya ng mga tao sa inyo.

Aaliwin ko ang Jerusalem at kahahabagan ko ang pagkawasak nito. Ang mga disyerto nito ay gagawin kong parang halamanan ng Eden. Maghahari sa Jerusalem ang kagalakan, pasasalamat at pag-aawitan.

Ang mga tinubos ng PANGINOON ay babalik sa Zion na nag-aawitan at may kagalakan magpawalang hanggan. Mapapawi na ang kanilang mga kalungkutan, at mag-uumapaw ang kanilang kaligayahan.