Mga Popular na Bersikulo sa Biblia mula sa Exodus 7

Ibahagi

Sinabi ng PANGINOON kay Moises, “Makinig ka! Gagawin kitang parang Diyos sa Faraon at si Aaron naman ay magiging parang propeta mo.

Ngunit patitigasin ko ang puso ng Faraon at kahit na gumawa pa ako ng maraming tanda at kababalaghan sa Ehipto, hindi siya makikinig sa iyo. Pagkatapos, parurusahan ko nang matindi ang Ehipto, at palalayain ko ang bawat lahi ng Israel na aking mga mamamayan.

Kapag naparusahan ko na ang mga Ehipsiyo at napalabas na ang mga Israelita sa kanilang bansa, malalaman nilang ako ang PANGINOON.”

Ipinatawag naman ng Faraon ang kanyang matatalinong tao at mga salamangkero. Sa pamamagitan ng kanilang salamangka, nagawa rin nila ang ganoong himala. Inihagis ng bawat isa sa kanila ang mga tungkod nila at naging ahas din ang mga ito. Ngunit nilunok ng ahas ni Aaron ang mga ahas nila.

Ito nga sinasabi ng PANGINOON: Sa pamamagitan ng aking gagawin, malalaman mo na ako ang PANGINOON. Sa pamamagitan ng tungkod na ito, hahampasin ko ang tubig ng Nilo at magiging dugo ang tubig.

“Kapag sinabi ng Faraon na gumawa kayo ng himala, sabihin mo Moises kay Aaron, ‘Ihagis mo ang tungkod sa harap ng Faraon,’ at magiging ahas ito.” Kaya pumunta sina Moises at Aaron sa Faraon at ginawa ang sinabi ng PANGINOON. Inihagis ni Aaron ang tungkod niya sa harap ng Faraon at ng kanyang mga opisyal, at naging ahas ito.