Mga Popular na Bersikulo sa Biblia mula sa Deuteronomio 6

Ibahagi

Mahalin ninyo ang PANGINOON na inyong Diyos nang buong puso, nang buong kaluluwa, at nang buo ninyong lakas.

Ituro ninyo ito sa inyong mga anak. Pag-usapan ninyo ito kapag kayoʼy nasa inyong mga bahay at kapag naglalakad, kapag nakahiga, at kapag babangon kayo.

Huwag ninyong kalilimutan ang mga utos na ito na ibinigay ko sa inyo ngayon.

Makinig kayo, mga mamamayan ng Israel: Ang PANGINOON na ating Diyos ay iisang PANGINOON lang.

Itali ninyo ito sa inyong mga braso o ilagay sa inyong mga noo bilang paalala sa inyo.

Isulat ninyo ito sa mga hamba ng inyong bahay at sa bukana ng pintuan ng inyong mga lungsod.

Magkaroon kayo ng takot sa PANGINOON na inyong Diyos; siya lang ang inyong paglingkuran at mangako kayo sa pangalan lang niya.

Dadalhin kayo ng PANGINOON na inyong Diyos doon sa lupaing ipinangako niya sa inyong mga ninuno na sina Abraham, Isaac, at Jacob. Malaki ang lupaing ito at may maunlad na mga lungsod na hindi kayo ang nagtayo. May mga bahay din ito na puno ng mabubuting bagay na hindi kayo ang naghirap, may mga balon na hindi kayo ang naghukay, at mga ubasan at mga puno ng olibo na hindi kayo ang nagtanim. At kung makakain na kayo at mabusog, tiyakin ninyong hindi ninyo makakalimutan ang PANGINOON na naglabas sa inyo sa Ehipto kung saan kayo inalipin.

Ito ang mga utos, katuruan at tuntunin na iniutos ng PANGINOON na inyong Diyos sa akin na ituro sa inyo. Sundin ninyo ito sa lupaing inyong sasakupin doon sa kabila ng Jordan, upang kayo pati ang mga anak at mga apo ninyo ay magkaroon ng takot sa PANGINOON na inyong Diyos habang nabubuhay kayo. Kung susundin ninyo ang lahat ng utos niya at mga tuntunin na ibinigay ko sa inyo, mabubuhay kayo nang matagal.

Gawin ninyo ang tama at mabuti sa paningin ng PANGINOON para maging mabuti ang inyong kalagayan at maangkin ninyo ang magandang lupaing ipinangako niya sa inyong mga ninuno.

dahil ang PANGINOON na inyong Diyos na kasama ninyo ay mapanibughuin. Kung susunod kayo sa ibang diyos, ipadarama ng PANGINOON ang kanyang galit sa inyo at lilipulin niya kayo sa mundo.

Huwag kayong susunod sa ibang mga diyos, ang mga diyos ng mga mamamayan sa inyong paligid

Huwag ninyong susubukin ang PANGINOON na inyong Diyos kagaya ng ginawa ninyo sa Masa.