Biblica, The International Bible Society, provides God’s Word to people through Bible translation, Bible publishing and Bible engagement in Africa, East Asia Pacific, Europe, Latin America, Middle East, North America and South Asia. Through its worldwide reach, Biblica engages people with God’s Word so that their lives are transformed through a relationship with Jesus Christ.

Tagalog New Contemporary Version™, Audio Edition (Ang Salita Ng Dios Biblia™) Audio Copyright ℗ 2016, 2019 by Biblica, Inc. Used by permission. All rights reserved worldwide. Tagalog Contemporary Bible™ (Ang Salita ng Dios™)  Copyright © 2009, 2011, 2014 by Biblica, Inc.  All rights reserved worldwide.

Ang Salita ng Dios 2014, Audio Edition

<div class="version vid1264 iso6393tgl" data-vid="1264" data-iso6393="tgl">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s1">Ang Pagtukso kay Jesus</div><div class="r">(Mar. 1:12-13; Luc. 4:1-13)</div><div class="p"> 1Pagkatapos nito, dinala ng Banal na Espiritu si Jesus sa ilang upang tuksuhin ng diyablo. 2Doon ay nag-ayuno si Jesus ng 40 araw at 40 gabi, kaya nagutom siya. 3Dumating ang Manunukso at sinabi sa kanya, &#8220;Kung ikaw nga ang Anak ng Dios, gawin mong tinapay ang mga batong ito.&#8221; 4Pero sumagot si Jesus, &#8220;Sinasabi sa Kasulatan, &#8216;Hindi lang sa pagkain nabubuhay ang tao kundi sa bawat salita ng Dios.&#8217;&#8198;&#8221;#4:4 Deu. 8:3.</div><div class="p"> 5Dinala naman siya ng diyablo sa Jerusalem, ang banal na lungsod, doon sa pinakamataas na bahagi ng templo. 6At sinabi niya kay Jesus, &#8220;Kung ikaw nga ang Anak ng Dios, tumalon ka. Sapagkat sinasabi sa Kasulatan, &#8216;Uutusan ng Dios ang kanyang mga anghel na ingatan ka. At aalalayan ka nila upang hindi tumama ang iyong mga paa sa bato.&#8217;&#8198;&#8221;#4:6 Salmo 91:11-12. 7Pero sinagot siya ni Jesus, &#8220;Sinasabi sa Kasulatan, &#8216;Huwag mong subukin ang Panginoon mong Dios.&#8217;&#8198;&#8221;#4:7 Deu. 6:16.</div><div class="p"> 8Pagkatapos, dinala pa siya ng diyablo sa isang napakataas na bundok, at ipinakita sa kanya ang lahat ng kaharian sa mundo at ang kayamanan at kadakilaan ng mga ito. 9At sinabi ng diyablo kay Jesus, &#8220;Ang lahat ng iyan ay ibibigay ko sa iyo, kung luluhod ka at sasamba sa akin.&#8221; 10Pero sinagot siya ni Jesus, &#8220;Lumayas ka, Satanas! Sapagkat sinasabi sa Kasulatan, &#8216;Sambahin mo ang Panginoon mong Dios at siya lamang ang iyong paglingkuran.&#8217;&#8198;&#8221;#4:10 Deu. 6:13.</div><div class="p"> 11Pagkatapos nito, iniwan na siya ng diyablo. Dumating naman ang mga anghel ng Dios at naglingkod sa kanya.</div><div class="s1">Sinimulan ni Jesus ang Kanyang Gawain</div><div class="r">(Mar. 1:14-15; Luc. 4:14-15)</div><div class="p"> 12Nang mabalitaan ni Jesus na nakulong si Juan, bumalik siya sa Galilea. 13Pero hindi na siya nanirahan sa Nazaret kundi sa Capernaum, isang bayan sa tabi ng lawa ng Galilea at sakop ng Zabulon at Naftali. 14Sa ganitong paraan ay natupad ang sinabi ni Propeta Isaias:</div><div class="q1"> 15&#8220;Ang lupain ng Zabulon at Naftali ay daanan patungo sa lawa#4:15 daanan patungo sa lawa: o, malapit sa lawa. at nasa kabila ng Ilog ng Jordan.</div><div class="q2">Ang mga lugar na ito&#700;y sakop ng Galilea at tinitirhan ng mga hindi Judio.</div><div class="q1"> 16Nabubuhay sa kadiliman ang mga tao roon, ngunit makakakita sila ng matinding liwanag.</div><div class="q2">Kahit nasa kadiliman sila at natatakot mamatay, maliliwanagan sila.&#8221;#4:16 Isa. 9:1-2.</div><div class="m"> 17Simula noon, nangaral na si Jesus. At ito ang kanyang mensahe: &#8220;Pagsisihan na ninyo ang inyong mga kasalanan, dahil malapit na#4:17 malapit na: o, dumating na. ang paghahari ng Dios.&#8221;</div><div class="s1">Tinawag ni Jesus ang Apat na Mangingisda</div><div class="r">(Mar. 1:16-20; Luc. 5:1-11)</div><div class="p"> 18Habang naglalakad si Jesus sa tabi ng Lawa ng Galilea, nakita niya ang magkapatid na mangingisdang sina Simon (na tinatawag na Pedro) at Andres na naghahagis ng lambat. 19Sinabi ni Jesus sa kanila, &#8220;Sumunod kayo sa akin at gagawin ko kayong mangingisda ng mga tao.&#8221;#4:19 mangingisda ng mga tao: Ang ibig sabihin, tagahikayat ng mga tao na lumapit sa Dios. 20Iniwan nila agad ang kanilang mga lambat at sumunod sa kanya.</div><div class="p"> 21At habang patuloy sa paglalakad si Jesus, nakita niya ang magkapatid na sina Santiago at Juan, na mga anak ni Zebedee. Nakaupo sila sa bangka kasama ng kanilang ama at nag-aayos ng lambat. Tinawag din ni Jesus ang magkapatid. 22Iniwan nila agad ang bangka at ang kanilang ama, at sumunod kay Jesus.</div><div class="s1">Nangaral at Nagpagaling ng mga May Sakit si Jesus</div><div class="r">(Luc. 6:17-19)</div><div class="p"> 23Nilibot ni Jesus ang buong Galilea. Nangaral siya sa mga sambahan ng mga Judio at ipinangaral niya ang Magandang Balita tungkol sa paghahari ng Dios. Pinagaling din niya ang iba&#700;t ibang uri ng sakit at karamdaman ng mga tao. 24Naging tanyag siya sa buong Syria, at dinala sa kanya ng mga tao ang lahat ng may sakit, mga naghihirap dahil sa matinding karamdaman, mga sinaniban ng masamang espiritu, mga may epilepsya at mga paralitiko. Pinagaling niya silang lahat. 25Sinundan siya ng napakaraming tao na galing sa Galilea, Decapolis, Jerusalem, at iba pang mga bayan sa Judea, at maging sa kabila ng Ilog ng Jordan.</div>
 </div>
 </div>
</div>

Pagkatapos nito, dinala ng Banal na Espiritu si Jesus sa ilang upang tuksuhin ng diyablo. Doon ay nag-ayuno si Jesus ng 40 araw at 40 gabi, kaya nagutom siya. Dumating ang Manunukso at sinabi sa kanya, “Kung ikaw nga ang Anak ng Dios, gawin mong tinapay ang mga batong ito.” Pero sumagot si Jesus, “Sinasabi sa Kasulatan, ‘Hindi lang sa pagkain nabubuhay ang tao kundi sa bawat salita ng Dios.’ ”
Dinala naman siya ng diyablo sa Jerusalem, ang banal na lungsod, doon sa pinakamataas na bahagi ng templo. At sinabi niya kay Jesus, “Kung ikaw nga ang Anak ng Dios, tumalon ka. Sapagkat sinasabi sa Kasulatan, ‘Uutusan ng Dios ang kanyang mga anghel na ingatan ka. At aalalayan ka nila upang hindi tumama ang iyong mga paa sa bato.’ ” Pero sinagot siya ni Jesus, “Sinasabi sa Kasulatan, ‘Huwag mong subukin ang Panginoon mong Dios.’ ”
Pagkatapos, dinala pa siya ng diyablo sa isang napakataas na bundok, at ipinakita sa kanya ang lahat ng kaharian sa mundo at ang kayamanan at kadakilaan ng mga ito. At sinabi ng diyablo kay Jesus, “Ang lahat ng iyan ay ibibigay ko sa iyo, kung luluhod ka at sasamba sa akin.” Pero sinagot siya ni Jesus, “Lumayas ka, Satanas! Sapagkat sinasabi sa Kasulatan, ‘Sambahin mo ang Panginoon mong Dios at siya lamang ang iyong paglingkuran.’ ”
Pagkatapos nito, iniwan na siya ng diyablo. Dumating naman ang mga anghel ng Dios at naglingkod sa kanya.


Nang mabalitaan ni Jesus na nakulong si Juan, bumalik siya sa Galilea. Pero hindi na siya nanirahan sa Nazaret kundi sa Capernaum, isang bayan sa tabi ng lawa ng Galilea at sakop ng Zabulon at Naftali. Sa ganitong paraan ay natupad ang sinabi ni Propeta Isaias:
“Ang lupain ng Zabulon at Naftali ay daanan patungo sa lawa at nasa kabila ng Ilog ng Jordan.
Ang mga lugar na itoʼy sakop ng Galilea at tinitirhan ng mga hindi Judio.
Nabubuhay sa kadiliman ang mga tao roon, ngunit makakakita sila ng matinding liwanag.
Kahit nasa kadiliman sila at natatakot mamatay, maliliwanagan sila.”
Simula noon, nangaral na si Jesus. At ito ang kanyang mensahe: “Pagsisihan na ninyo ang inyong mga kasalanan, dahil malapit na ang paghahari ng Dios.”


Habang naglalakad si Jesus sa tabi ng Lawa ng Galilea, nakita niya ang magkapatid na mangingisdang sina Simon (na tinatawag na Pedro) at Andres na naghahagis ng lambat. Sinabi ni Jesus sa kanila, “Sumunod kayo sa akin at gagawin ko kayong mangingisda ng mga tao.” Iniwan nila agad ang kanilang mga lambat at sumunod sa kanya.
At habang patuloy sa paglalakad si Jesus, nakita niya ang magkapatid na sina Santiago at Juan, na mga anak ni Zebedee. Nakaupo sila sa bangka kasama ng kanilang ama at nag-aayos ng lambat. Tinawag din ni Jesus ang magkapatid. Iniwan nila agad ang bangka at ang kanilang ama, at sumunod kay Jesus.


Nilibot ni Jesus ang buong Galilea. Nangaral siya sa mga sambahan ng mga Judio at ipinangaral niya ang Magandang Balita tungkol sa paghahari ng Dios. Pinagaling din niya ang ibaʼt ibang uri ng sakit at karamdaman ng mga tao. Naging tanyag siya sa buong Syria, at dinala sa kanya ng mga tao ang lahat ng may sakit, mga naghihirap dahil sa matinding karamdaman, mga sinaniban ng masamang espiritu, mga may epilepsya at mga paralitiko. Pinagaling niya silang lahat. Sinundan siya ng napakaraming tao na galing sa Galilea, Decapolis, Jerusalem, at iba pang mga bayan sa Judea, at maging sa kabila ng Ilog ng Jordan.

Makinig sa Mateo 4