Mathāi 2
2
Suolam Tianga Mihian ngāi
1 #
Lk 1:5; 2:4-7 Rēng Herod hunlāia, Zudāi rama Betlehem-a Isuo chu a hong ānzir suona han, entā, mihian ngāi#2:1 mihian ngāi: Ārsīentheipū ngāi tīna a ni thei. chu suolam tiang ātā Zerusalem-a a hong u na. 2#Zer 23:5; Mk 15:2; Lk 23:38; Zn 1:49Amānī'n: “Zehudi ngāi rēng anzir ha hovan mo ei om? Asik chu ama ārsī chu suolam tianga na mū na. Hasikhan ama ānmōk ranga nei hong a ni,” a ti u na. 3Hava ha rēng Herod-in a riat a, rathatāk ansak a. Ama bila Zerusalem khopuia mi ngāi dōrā'm rathatāk ansak u na. 4Amā'n chāizūng ulian ngāi lē dānmīnchūpū ngāi dōra chu munkhata a būm a, Khristā ei ānzirna rang mun a rakel a. 5#Zn 7:42Amānī'n a kōma, “Zudāi rama Betlehem-a, asik chu dearī'n hintin hin a lei maziak a:
6 #
2Sa 5:2
“ ‘O nang Zuda rama Betlehem,
Zuda āvongpū ngāi bila sīn khīt mak chē.
Asik chu na sūng ātā āvongpū khat hong suokin tia,
Amā'n ka mi Israel ngāi chu maruoi in ti,’ ” (Mik 5:2)
a ti u na.
7Hankēng, Herod-in mihian ngāi chu maruktēna a kōma a pāi a. Amāni kōm ātā ārsī ei ānlangna hun chu asadima a thūn a. 8Amāni chu Betlehem-a a tīr a, “Sē u tānla, nāitetē chu asadima va thūn u ro. Koi um kei sēna kei vā mōk theina ranga, na va mū u le na hong manthei u ro,” a tī na. 9Rēng chong a rangāi suo u le, amāni chu a sē u na. Entā, suolam tianga ārsī ei mū u ha, nāite omna radīn chunga ei hong tung a, a hong āngīr māseng chu, a maton una a sē tir a. 10Ārsī a mū u le chu a rāi asān sabak u na. 11#Sām 72:10; Isa 60:3ina a vā lūt u le, nāitē chu a nū Mari bila a va mu u na, anbok laka a vā mōk u na. A puokkhur u ngāi chu a rasuo u na, a kōma rāngkachak, berō lē mura phāmpēk ngāi chu a pēk u na. 12#Heb 11:7Hatuka Herod a kōma ākīr rēt lāi nōk ranga a ramang una Pathianin a ril a. Hasikhan amāni chu lam atei tianga a ram una a kīr u na.
Āiguptā-na Rotna
13 #
Kui 5:19; Anl 12:4 Mihian ngāi chu anphet suo u le, entā, Puma vānpalāi khat chu Zosef a kōma ramanga a hong anlang a, “Anthui tānla, nāitē lē a nū chu ruoi tānla, Āigupta rama va rotpui ro. Ka na manthei rēt māseng chu sovā son va ompui ro. Herod-in nāitē chu āthat ranga ārok in ti,” a tī na. 14Hatuka Zosef chu anthui a, zān lena nāitē lē a nū chu a ruoi a, Āigupta ram tiang a suokpui a. 15#Ant 4:22-23Herod a thi māseng chu hava han a vā ompui a. Hantin han deari amanga Puma chongril, “Ka nāipasal chu Āigupta ram ātā ka lei pāi masuok a,” (Hos 11:1) tī chu a hong ākip a.
Pasal Nāitē ngāi ei Ānthatna
16Herod chu mihian ngāiin ei huong u kēng tī a riat suole han achālaka a tak asī na. Hasikhan chong a pēk a, mihian ngāi kōm ātā ahun ei riat anga, Betlehem khuo lē a ravēla nāitē pasal kum anni lē athuoia mī dōra chu a that zit a. 17#Mt 1:22Hantin han deari Zeremia'n chong a lei hong ril ngāi chu a hong ākip a:
18 #
Aph 35:19
“Rama-na rōl chu anriat a,
Chapanngūina, chapna lē chapchān sabakna chu.
Rahel chu a nāi ngāi achāna a chap a,
Ātāi rang zōt mak a, asik chu amāni chu om u lāi mak a,” (Zer 31:15)
tīna a lei ril chu.
Nazaret-a Kīrna
Lk 2:39-40
19 #
Kui 5:19
Herod chu a thi suole, entā, Puma vānpalāi khat chu Āiguptā-na Zosef a kōma ramanga a hong anlang a, 20#Ant 4:19“Anthui tānla, nāitē lē a nū chu ruoi tānla, Israel rama kīr rēt ro. Asik chu nāitē āthat ranga āval ngāi chu a thi suo u zei,” a tī na. 21Hatuka ama chu anthui a, nāitē lē a nū chu a ruoi a, Israel rama a kīrpui a. 22#Lk 2:39Tenchu Arkela chu a pā Herod a rathūla Zudāi rama lei vong tī ei riat sika han, hava han āsē ranga āchī na. Pathianin a ramanga anrēngna ei pēk sika Galili rama pan u na. 23#Isa 11:1; 13:10; Mk 1:24; Lk 1:26; Zn 1:45Hatuka Nazaret ei ti u khopuia a hong u na, hava han a hong āom u na. Hantin han, “Ama chu Nazaret mi antī'n ti,” tīna deari ngāi chongril chu a hong ākip a.
Bible in Ranglong, © Bibles International, the Bible society of Baptist Mid-Missions, 2024.