रोम वळख
वळख
रोमकरसले पत्र जवळजवळ प्रेषित पौलनी ५४-५८ सालमा येशु ख्रिस्तना जन्मनंतर लिखेल शे. पौलनी अजुन पावत रोमना प्रवास करेल नव्हता. यामुये त्यानी हाई पत्र रोममा ख्रिस्ती लोकसले माहिती देवाकरता धाडात. त्यानी यहूदी अनं गैरयहूदी या दोन्हीसले करिंथ शहरमाईन पत्र लिखेल व्हतं. त्या येळले तो तठे राही राहिंता. पौलनी लिखा त्यामुये पुरा राष्ट्र येशु ख्रिस्तवर१६:२६ विश्वास अनी आज्ञा पाळु शकतीन.
रोमनं पुस्तक प्रत्येक ठिकाणी अनं प्रत्येक येळले ख्रिस्ती लोकसकरता एक महत्वपुर्ण पुस्तक शे, कारण पौल स्पष्टपणतीन अनं चांगलाप्रकारतीन समजावस की, आम्हीन येशु ख्रिस्तना उध्दारनाविषयी सांगु शकतस, पौलनी येशु ख्रिस्तनं शुभवर्तमानले जुना नियमासले बी जोडात, काही विद्वानासना मत शे की, पुस्तकमा सर्वासमा महत्वपुर्ण पुस्तक शे. १:१६ जे सांगस, “माले शुभवर्तमाननी काहीच लाज नही, कारण हाई सर्वासना उध्दारकरता परमेश्वरनी शक्ती शे, ज्या मानतस; पहिले यहूदीकरता, मंग त्यासनाकरता ज्या गैरयहूदी शेतस. रोम १–१२ पहिला भाग धर्मशास्त्री शे, अनी दुसरा भाग १३–१५ मा ख्रिस्ती जिवनाकरता व्यावहारिक निर्देश शे.”
रूपरेषा
१. पौल सामान्य रूपतीन आपला परिचय दिसन आपला पत्रना सुरवात करस अनी सांगस की, तो कोणाकरता लिखी राहिना शे. १:१-१५
२. त्यानंतर तो येशु ख्रिस्तनाद्वारा मानवजातीनी स्थिती अनी उध्दारनाविषयमा लिखस १:१६–११:३६
३. त्यानानंतर पौल ख्रिस्ती जिवन जगाकरता व्यावहारिक निर्देश देस. १२:१–१५:१३
४. तो रोमना १६ अध्यायमा लोकसले बराच शुभेच्छा दिसन रोमनी शेवट करस.
ที่ได้เลือกล่าสุด:
रोम वळख: Aii25
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
The Ahirani Bible © The Word for the World International and Ahirani Christi Iswari Mandli, Sakri, Dhule, Maharashtra 2025