Israelfɔ Ɩlʋ 115
115
Atunku Bʋbʋ Ɔnɔ Bʋtamatɔɩ
1Megyi anɩ o. Oo Nana Bulu, megyi anɩ bɔ́wa numnyam.
Fʋ ɩda lɛkana ánɩ́ bɔ́wa numnyam,
tsufɛ fʋ ɔdwɛ ɩma ɔka, fʋbʋ ɔnɔkwalɩ.
2Ntogyi sʋ ɔmá-ɔmá bɛ́fɩtɛ anɩ bɛɛ,
“Nkʋnʋ mlɩ Bulu bʋ?”
3Anɩ Bulu bʋ ɔsʋsʋ,
togyitɔá odekle ɔtɔbwɛ,
4tamɛ amʋ́ atunku mʋ́ a,
anyankpʋsa lɔpʋ sika fututu mʋ́a pɛpɛ bwɛ amʋ́.
5Bʋbʋ ɔnɔ, bʋtamatɔɩ.
Bʋbʋ ansibi, bʋtamawun atɔ.
6Bʋbʋ asʋ, bʋtamanu asʋn.
Bʋbʋ ɔwɔntɩ, bʋtamahɔ atɔ afu.
7Bʋbʋ ɩbɩ, bʋtamakɩta atɔ,
Bʋbʋ ayabi, bʋtamanatɩ,
amʋ́ ɔmɛ ɛ tamalɩn.
8Atunku amʋ abwɛpʋ,
pʋ́ aha ánɩ́ bʋtɔpʋ ansɩ dɩnka amʋ́sʋ bʋbwɛ fɛ atunku amʋ.
9Israelfɔ, mlɩpʋ ansɩ dɩnka Nana Bulusʋ.
Mʋtegyi mlɩ bʋalɛ, otegyi ɩban wa mlɩ.
10Aaron woyi, mlɩpʋ ansɩ dɩnka Nana Bulusʋ.
Mʋtegyi mlɩ bʋalɛ, otegyi ɩban wa mlɩ.
11Nana Bulu ifu anyapʋ, mlɩpʋ ansɩ dɩnka mʋsʋ.
Mʋtegyi mlɩ bʋalɛ, otegyi ɩban wa mlɩ.
12Nana Bulu ansɩ dɩn anɩsʋ, obóyula anɩ.
Obóyula Israel woyi,
obóyula Aaron woyi.
13Obóyula akpʋnkpʋ-akaka fɛ́ɛ́á
bʋtenya mʋ ifu.
14Nana Bulu ɔha mlɩa mlɩ abi-aná amlɩhɩɛ klɛɩ.
15Nana Bulu, ɔsʋ mʋ́a asɩ Ɔbwɛpʋ
amʋ oyula mlɩ.
16Nana Bulu bʋ ɔsʋsʋ,
ɔlɔpʋ ɔsʋlʋ ha anyankpʋsa.
17Awupʋ bʋtamakanfʋ Nana Bulu,
amʋ́ mʋ́ bʋbʋ ɔtɩnɛá ɔha tamatɔɩ.
18Tamɛ anɩ akɩankpapʋ mʋ́ abɛ́kanfʋ Nana Bulu,
tsu sei pʋya brɛ fɛ́ɛ́.
Mlɩkanfʋ Nana Bulu!
ที่ได้เลือกล่าสุด:
Israelfɔ Ɩlʋ 115: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation