Israelfɔ Ɩlʋ 113
113
Ilehian Ánɩ́ Bɛ́kanfʋ Nana Bulu Ɩda
1Mlɩkanfʋ Nana Bulu!
Nana Bulu asumpʋ, mlɩkanfʋ mʋ.
Mlɩkanfʋ Nana Bulu ɩda.
2Mlɩkanfʋ Nana Bulu ɩda,
tsu sei pʋya brɛ fɛ́ɛ́.
3Ilehian ánɩ́ bɛ́kanfʋ Nana Bulu ɩda,
tsu owi ɔdalɩkpa yeyi mʋ́ ɔkplɩwiekpa.
4Nana Bulu lɔfʋa dʋn ɔmá fɛ́ɛ́,
mʋ numnyam lɛdafa ɔsʋsʋ.
5Ma gyi fɛ anɩ Bulu, Nana Bulu,
otsie mʋ owie-obiasʋ ɔsʋsʋʋsʋ.
6Alaba nwun asɩ ɔdɛ ɔsʋ mʋ́a asɩ kɩ.
7Ototsu ɔha ánɩ́ ɔma tɔtɔ kʋsʋ ɔsʋlʋtɔ,
ɔtɛlɛ ohiani tsu wunasʋ,
8pʋ amʋ́ yaɩ wulu ahandɛ otsiakpa,
Amʋ́gyi wulu ahandɛá bʋbʋ mʋ ahatɔ.
9Mʋtɛha ɔtsɩá ɔma opuni tɔkwɩɩ,
ansɩ tegyi mʋ mʋ woyitɔ.
Mlɩkanfʋ Nana Bulu!
ที่ได้เลือกล่าสุด:
Israelfɔ Ɩlʋ 113: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation