Israelfɔ Ɩlʋ 108
108
Bulu, Fʋ Nkʋlɛsʋ Mɩ Ansɩ Dɩn
(Israelfɔ Ɩlʋ 57:7-11; 60:5-12)
Dawid kanfʋ-ɩlʋ mʋ́a ɩlʋ wahɛ.
1Oo Bulu, fʋ nkʋlɛsʋ mɩ ansɩ dɩn.
Mɩ ɔkla dɩn fʋsʋ.
Nɔ́wa ɩlʋ, ee nɔ́wa ɩlʋ kanfʋ fʋ.
2Akwɛ mʋ́a nsankuo, mlɩtsinki.
Nétsinki bakɛ.
3Nana Bulu, nɛ́da fʋ ɩpan ahatɔ.
Nɔ́wa ɩlʋ kanfʋ fʋ ɔmá-ɔmátɔ.
4Tsufɛ fʋ ɔdwɛá ɩma ɔka lɔfʋa dafa ɔsʋsʋ.
Fʋ ɔnɔkwalɩ lɔfʋa wɔ nwʋlʋta.
5Oo Bulu, bʋtsu fʋ fʋa dafa ɔsʋsʋ,
fʋ numnyam ɩbʋla ɔsʋlʋsʋ fɛ́ɛ́!
6Pʋ fʋ tumi ha anɩ agyi ɩsʋ, afʋsɔ anɩ ɔnɔ,
mɛnɩ fɛ́lɛ fʋ adwɛpʋ.
7Bulu latɔɩ tsu mʋ otsiakpa ɔbɛɛ,
“Néye Sekem wulutɔ ansigyisʋ.
Nósusu Sukot tsonkoli, ye mʋ́tɔ.
8Mɩbʋ Gilead pʋ́ Manase.
Efraim gyi mɩ kʋtʋpa.
Yuda ɛ gyi mɩ akɔnfra.
9Tamɛ Moab gyi mɩ atɔ ɔfwɩkpa.
Edom gyi mɩ ntʋkʋta ɔwɔɩtswɩkpa.
Filistifɔsʋ ntɔwa ɔkpayi.”
10Oo Bulu, ma ɔbɔ́pʋ wulu bɔpwɛ abunti kpekple fʋahɛ wa mʋ́ anfɩ wa mɩ ɩbɩtɔ?
Ma ɔbɛ́kpa mɩ négyi Edomsʋ?
11Bulu, megyi fʋlasi anɩ wa ɔkpa?
Fasi anɩ akɔpʋ kpa.
12Tsa anɩ agyi anɩ alupʋsʋ.
Nyankpʋsa mbʋa mʋ́ kpalɩ igyi.
13Anɩ hayinhɛbwɛ itsu Bulu wa,
tsufɛ mʋ ɔbɛ́tsatsa anɩ alupʋsʋ.
ที่ได้เลือกล่าสุด:
Israelfɔ Ɩlʋ 108: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation