ข้อพระคัมภีร์ยอดนิยมจาก Matayo 24

แบ่งปัน

Urukundo ruzacogora muri benshi kubera ko ubugome buzaba bwiganje. Ariko uzakomera kugeza ku ndunduro, uwo ni we uzarokoka.

Iyi Nkuru Nziza y’Ingoma izamamazwe ku isi yose, kugira ngo ibere gihamya amahanga yose. Ubwo ni ho iherezo rizagera.

Muzumva bavuga intambara, mwumve n’impuha zayo. Ariko ntimuzakuke umutima, kuko bigomba kuba; nyamara si byo herezo.

Igihugu kizahagurukira ikindi, ingoma ishyamirane n’indi. Hirya no hino hazatera inzara n’imitingito y’isi. Ibyo byose bizamera nk’intangiriro y’ububabare bw’umugore wenda kubyara.

Ijuru n’isi bizashira, ariko amagambo yanjye ntazashira.

Kuko hazaduka benshi biyita izina ryanjye, bavuga ngo ’Ni jyewe Kristu’, maze bakayobya benshi.

Ubwo bazabagabiza ababababaza, bakanabica; muzangwa n’amahanga yose kubera izina ryanjye. Benshi bazaboneraho ibibagusha, maze bazasubiranemo bangane. Hazaduka n’abahanurabinyoma batabarika, maze bayobye abantu benshi.

Nuko Yezu arabasubiza ati «Muramenye ntihazagire ubayobya!

Namwe rero nimube maso, kuko Umwana w’umuntu azaza igihe mudakeka.

Nuko rero murabe maso, kuko mutazi umunsi Umwami wanyu azaziraho.

Naho umunsi n’isaha ibyo bizabera nta we ubizi, ari abamalayika bo mu ijuru, ari Mwana, keretse Data wenyine.

Koko hazaduka abiyita Kristu, haze n’abahanuzi b’ibinyoma; bazerekana ibimenyetso bikomeye, bakore n’ibitangaza, byayobya ndetse n’abatowe bibaye ibishoboka.

Mu gihe cy’ukuza k’Umwana w’umuntu bizamera nko mu minsi ya Nowa. Muri iyo minsi yabanjirije umwuzure, bararyaga kandi baranywaga, bashakaga abagore cyangwa abagabo, kugeza umunsi Nowa yinjiriye mu bwato, nuko abantu ntibagira icyo bamenya, kugera igihe umwuzure uziye ukabahitana bose. Nguko uko bizamera mu gihe cy’ukuza k’Umwana w’umuntu.