ข้อพระคัมภีร์ยอดนิยมจาก Malakai 3

แบ่งปัน

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa. Eghẹ nii, emwa ẹvbo hia ghi gha tie uwa uhunmwu ne ọ maa rhunmwuda, ẹvbo uwa gha khian ehe ne ọ maa ne ọ gia yin.

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe. Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”