ข้อพระคัมภีร์ยอดนิยมจาก MAŨNDŨ MA ALAWII 26

แบ่งปัน

Ningĩ ngathiaga ndĩ thĩinĩ wanyu, nduĩke Ngai wanyu, na inyuĩ mũtuĩke andũ akwa.

nĩngamuuragĩria mbura imera ciayo ciakinya, nayo thĩ nĩĩrĩciaraga irio ciayo na ciongererekage, o nayo mĩtĩ ya mĩgũnda yanyu ĩciarage maciaro mayo.

Mũngĩrũmĩrĩra irĩra cia watho wakwa wa kũrũmĩrĩrũo, na mũmenyagĩrĩre maathani makwa, na mwĩkage o ta ũrĩa matariĩ-rĩ

Naguo bũrũri wanyu nĩngatũma ũgĩe na thayũ, na mũkomage mũtarĩ mũndũ ũkũmũguoyohia; ningĩ ndũme nyamũ iria njũru ihuke bũrũri wanyu, na mbaara ciage gũcoka kuoneka kũndũ guothe bũrũri ũcio wanyu.

Ningĩ nĩngamwĩhũgũragĩra ngenete, na ndũme mũthaathare mũno, ndĩmũingĩhie; nakĩo kĩrĩkanĩro giitũ na inyuĩ ndũme gĩtũũre kĩrũmĩte mũno.

Niĩ nĩ niĩ Jehova, Ngai wanyu, ũrĩa wamũrutire bũrũri wa Misiri mũtige gũtuĩka ngombo ciao; naguo mũtĩ wanyu ũrĩa mũritũ wa ngingo nĩ niĩ ndĩuunangĩte, ngatũma mũthiage mwĩhandĩte wega.

Gĩikaro gĩakwa ngakĩiga thĩinĩ wanyu, na ngoro yakwa ndĩkamũthũũra.

Mũtikanethondekere mĩhianano ĩtarĩ kĩene ya kũhoyũo, kana mwĩ handĩre mũhianano mwacũhie, kana gĩtugĩ gĩa kũhoyũo, kana mwĩigĩre ihiga o na rĩrĩkũ bũrũri wanyu rĩkururĩtwo mũhianano, atĩ nĩguo mũciinamagĩrĩre; nĩ gũkorũo niĩ nĩ niĩ Jehova Ngai wanyu.

Na nĩmũkarĩaga mũthithũ wanyu ũrĩa ũtũire hĩndĩ ndaya ũigĩtwo, nacio irio iria ngũrũ mũcirutage makũmbĩ nĩguo muone ha gũita cia mũgethano.

Andũ atano anyu makahang’a-hang’agia andũ igana, o nao andũ anyu igana mahang’ahang’agie andũ ngiri ikũmi; nacio thũ cianyu igũe ciũragĩtwo nĩ inyuĩ na hiũ cia njora.

Nacio irio cianyu nĩmũrĩcihuhagĩra kĩhuhĩro-inĩ igakinyĩrĩra o hĩndĩ ya magetha ma thabibu, namo magetha ma thabibu magakinyĩrĩra o hĩndĩ ya mahanda; nacio irio cianyu mũcirĩage o nginya mũkahũna, na mũtũũre bũrũri wanyu mũtarĩ na ũgwati.

Thũ cianyu-rĩ, mũgacihang’ahang’agia ikagũe ciũragĩtwo nĩ inyuĩ na hiũ cia njora.

Menyagĩrĩrai thabatũ ciakwa, na mũtĩage handũ hakwa harĩa haamũre; niĩ nĩ niĩ Jehova.