ข้อพระคัมภีร์ยอดนิยมจาก YAWSHU 10

แบ่งปัน

Dai hte maren, “Dai amyu gaw masha hpyen ni hpe ari jaw lu ai du hkra, Jan gaw ala nga nna, shata gaw hkring nga mat ai. Dai lam hpe shing nga Yashara laika hta ka da nga ai n rai ni? Shing rai ajan gaw lamu ka-ang e hkring nan nga nna, lani jan mi daram na hkra lau n shang mat ai.

Yehowa, Amori masha ni hpe Israela kashu kasha ni a man e ap kau ai shani hta, Yawshu gaw Yehowa kaw tsun nna, “Jan e, Gibeon ntsa e naw la u, Shata e, Aiyalon kadit e naw hkring u,” nga nna Israela masha ni a man e tsun wu ai.

Yehowa masha a ga madat ya nna, dai zawn re ai nhtoi lani mi muk shawng de hpang de n byin yu ai: kaning rai nme law, Yehowa gaw Israela hpang maga gasat nga ai.

Yehowa mung, Shanhte hpe “hkum hkrit et; na a lata de ngai shanhte hpe ap ya sade ai; nang hpe kadai mung hkap daw lu na n rai,” ngu nna Yawshu hpe shalan wu ai.

Shing rai Yawshu gaw, “Nanhte gasat ai hpyen ni nlang hpe Yehowa ning di na wu ai rai nna, hkum hkrit myit, myit hkum kaji myit; n-gun da ting nna n-gun shaja mu,” ngu nna shanhte hpe shalan wu ai.