ข้อพระคัมภีร์ยอดนิยมจาก Matai 2

แบ่งปัน

Kwi lalasu la mudaane, si la drele ki lrulai si tinaini ka Malria, la pidruru sukubu kwini ki lrulai, la mucaebe kudra tinukucingaalrane ka lrulrui, si malra kudra acebe lini ku kingi, sapasangulrelremane, sasulravane ka lasaceacebe si patarumara kwini ki lrulai.

Saka talialalai ku Hirudi, kiatulalake ikai Yuda ka cekele Bithelrihime ku Yesu. La ikai ku latarakinkinkiu pangukai ki tariau ku twalai tali talrawane si kela mu Yerusalrime; kwini lalasu la kivaga iya kai, “Yainu kitulalake kudra lri atalialalai ki swa Yuda? Wadrele nai ku tariauini ikai tali talrawane, lakamani ku tukucingalre nai si kela sukubu iniane.”

Kwi lalasu sadrele kwini ki tariau, kiararaagai turamuru.

Ikai ki sipi lini, ku Twaumase peaelaela liniane madha siwlriwlringa kidrele ki Hirudi, kwi lalasu la ngukai talidrumane ki kadalranane si katuasenga mwa ki cekele lini. Kwi lalasu sa katwasenga, ku sasiakawlu ki Tamatama piakai ki sipi pelaela ki Yusepe, iya kai, “Ngidrakala! La iluku ki lrulai si tinaini papia Izipiti mubere, si ikai kwini, pakeela ku katwasa taiyaaneli muswane; asi lwiyane ku Hirudi wasilasilape kai ki lrulai, lri papacai iniane.”