ข้อพระคัมภีร์ยอดนิยมจาก Yaubada a wogeletana 11

แบ่งปัน

Ega yaka tu winoyanoya wisebenina a himogo i huweni, po hoi yada ponahi i lata ma hi ibaabani hi pa, ‘Geka hougana hipuli taniwagana apo a manini ina kokoe ma Guyau a Besinana lawana mitehi u nimahi e memae. Tauhi apo houga magomagouna hina tanitaniwaga.’

Tauhi tu meuputa hi luuyogigai duma tamogi om luuyogigai a houga amaka i geleta, yaka tu hilage lawahi hi towolo meme po una luhetalehi ma om tu bagibagi naka om tu bahapiko hai meiha una welehi po om lawa waiwoyawahi muhomuhohi po balubaluhi po tauhi iyawoi tu wiyateyatem hai meiha una welehi. Ma hipuli tu wiapapoena tauhi apo una wiapapoenihi.’

U tu limoina luwaga a himilihi hai luilui ani galenahi mei hiwahiwape ma tamogi apo u bahapiko hina bahebaheya u wipoyagei bolima magouna tonuga ma tupona u hinehi.’

Tamogi iyeta tonuga ma tupona hi kokoe ma Yaubada yautu i wele mehi po hi luyagohana meme, po anai yautuhi hi towotowolo ma lawa boluhi hi gagalehi po hi matouta duma.

Geka hai luwagahi hai wipoya emoemotana po gadiwewe hoi yada hina guduya ipa hougana apo Yaubada a baha hina ipaliweleneya apega ina atuna. Ma hai wipoya emoemotana hina baha po goila hina witala. Ma hai wipoya emoemotana apo inapa wiyuwa houga awai nugonugohi po ina geleta apo ina geletai.

Tu limoinahi naka mayau oliweta luwaga, ma lampa luwaga, he towotowolo hipuli a Guyau u matana. Ma inapa iyai ina towolo po tu limoinahi ina wigawiya uyahihi, yaka apo gamohiyei mayau ebebalana ina geleta po ihalahi ina wiapapoeya po ina lihilageni.