YEƁ ZAPEE 16
16
Timoteus kal ne Paulus ne Silas
1Paulus ge yaŋ Derbe, so kal ge yaŋ Listra. Dǝɓ syee mor Yesu no gŋ a ɗii ne Timoteus, mam mǝlaŋ Yahuduen yo, nyiŋ ɓǝ Yesu ɓo, amma pam dǝɓ Grek yo. 2Wee pam ma yaŋ Listra ne Ikonium daŋ a faara ɓǝ sãh tǝl ah pǝlli. 3Paulus tǝ 'yah ka ga kyãh ne ki, so ɓaŋ ko daakan nyi mor ɓǝ Yahuduen ma no pǝ cok ah ra, mor ara daŋ tǝra ɓe, pam dǝɓ Grek yo. 4Yaŋ mai mo tǝ kyãhra ga gŋ daŋ a cuura ɓǝ mai zapee ne zaluu eklesia yaŋ Jerusalem mo zyeɓra ɓo nyi za ma iŋni, tǝkine faa nyi ra ka mo syeera mor ɓǝ ahe. 5So eklesia gera pel pǝswah pǝ iŋni, pãa ɓǝǝ ɓoo ge pel zah'nan daŋ.
Paulus lolom ne dǝɓ sǝr Makedonia yaŋ Troas
6Tǝ'yak Matǝdaŋdaŋ yee zah ɓǝǝ ne ga cuu ɓǝ Masǝŋ sǝr Asia, so pǝ̃ǝra sǝr Frigia ne Galatia. 7Ne cok mo ge daira kah sǝr Misia gwari, kyeɓra kǝnah ka ga sǝr Bitinia, amma Tǝ'yak Yesu nyi fahlii ah nyi ra ya. 8So pǝ̃ǝra sǝr Misia gera zah dah yaŋ Troas. 9Paulus lolom ne suŋni, pǝ lom ah kwo dǝɓ sǝr Makedonia uu ɓo tǝ syea ko faa: Oseni mo yee ge sǝr Makedonia ka mo gbah jol ɓuu sa. 10Ne cok Paulus mo lolom ahe, fahfal ah gwari sǝ ru kyeɓ fahlii ka ga sǝr Makedonia. Mor ru tǝ belbel, Masǝŋ ye ɗii ru ɓo ka ga cuu Ɓǝ'nyah nyi za sǝr ahe.
Lidia nyiŋ ɓǝ Dǝɓlii yaŋ Filipi
11Ru yee dah yaŋ Troas ru syee njaŋ sǝ, kal ge pǝ kyo Samotrake. So tǝ'nan ah ru ge yaŋ Neapolis. 12Ru ur gin gŋ ru kal ge yaŋ Filipi, ako ye yaŋ malii ah pǝ sǝr Makedonia mo ɗeara ɓo, sǝr Romanen yo. Ru nǝn yaŋ ah zah'nan pǝpãare. 13Ne com 'yak ru pǝ̃ǝ gin tǝgǝǝ yaŋ ru kal ge zahbii, mor ru lǝŋ ru ga lwaa cok juupel Yahuduen gŋ. Ru so hai ge sǝŋ kah ŋwǝǝ mai mo taira ɓo gŋ, ru cuu ɓǝ nyi ra. 14Mawin ki no kǝsyil ɓǝǝ a ɗii ne Lidia gee yaŋ Tiatira ge ɓo gŋ, a lea fan ne zyim mayǝk ahe, mai bii ah moo yea pǝsyẽ, mawin ah a ɗuu Masǝŋ, syii sok laa ɓǝ faa ɓuuru, Dǝɓlii gbǝr yella ah ka mo fooko ɓǝ mai Paulus mo tǝ faani. 15So nyiŋ baptisma ne za yaŋ ah daŋ, so ɗii ru faa: We kwo me ɓo na mawin mai mo nyiŋ Dǝɓlii ɓo goŋga ɓe, we ge kaa yaŋ ɓe. Ŋhaa swǝ̃ǝ mor ɓuu ru zyii gbal ɗǝ.
Gbahra Paulus ne Silas ge daŋgai yaŋ Filipi
16Comki ru tǝ ga cok juupelle, ru zyaŋ ne mǝlaŋ ki no byak yo, fan ɓaŋ ko ɓaŋ, a joŋ kǝndaŋ ne faɓaŋ ah a tai lak nyi zan ah ra ne pǝlli. 17So mǝlaŋ ah kal tǝ syee mor Paulus tǝkine ru, a ɓyaŋ ɓǝ faa: Za mai za yeɓ Masǝŋ ma tǝlǝǝ sǝŋ yo, tǝ cuura fahlii ǝ̃ǝ nyi we. 18Joŋ nai zah'nan pǝpãare, amma fahfal ah Paulus ɓaŋ kpãh cii suu ah faa nyi fan mai mo tǝl ahe: Me faa nyi mo pǝ tǝɗii Yesu Kristu mo pǝ̃ǝ gin tǝl ahe. So faɓaŋ ah pǝ̃ǝ gin tǝl ah ne cok ah sǝ ta.
19Ne cok zan ah mo kwora mǝlaŋ ah ka tǝ yah tai lak nyi ra yao, ge gbǝra Paulus ne Silas kal ge pǝ luma pel zaluu ne ko. 20So mo gera pel zaluu Romanen ne ra faara: Za mai tǝ ɓeɓra yaŋ nyi ru, ara ye Yahuduen. 21So tǝ cuura zah fan joŋ mai ɓǝ lai ɓuu Romanen mo cak ɓo nyi ru, ka ru so nyiŋ ru syee mor ahe.
22Za taira ki urra ne ra. Zaluu so wǝǝra mbǝro wo suu Paulus ne Silas, so faara mo loɓra ra ne bǝrǝǝ. 23Loɓra ra pǝlli, fahfal ah so rǝkra ra ge daŋgai, faara nyi pa byak zah daŋgai mo byakko ra pǝsãhe. 24Ne cok pa byak zah daŋgai mo laa ɓǝ ah naiko, so rǝk ra ge pǝ sululu ɓǝr daŋgai pǝɗǝkki, maa ɓal ɓǝǝ ge tǝgǝǝ kpuu.
25Ne kǝsyisuŋni, Paulus ne Silas tǝ juura pel tǝkine ɗǝǝ lǝŋ yii Masǝŋ ne ko, za daŋgai daŋ syiira sok ɓo tǝ laara. 26Ne cok ah sǝ, sǝr kal tǝ coo pǝ'manne, ŋhaa yaŋ daŋgai daŋ laŋni. Ne cok ah sǝ ta, zahfah daŋgai gbǝrri, celeelu za daŋgai daŋ wǝǝre. 27Pa byak zah daŋgai kpiŋ, ne cok mo kwo zah daŋgai daŋ gbǝr ɓo, nǝǝ kafahe ah ka cen suu ah ne pǝ wulli, mor lǝŋ za daŋgai daŋ ɗuura kal ɓe. 28Amma Paulus ɓyaŋ ɓǝ faa: Mo juu suu ɓo ka! Aru daŋ ru no nyeeko! 29Pa byak zah daŋgai so fii wii, ɗuu kal ge pǝ sululu, suu ah daŋ a cocoo jol gal mo re ko ɓo, kea ge sǝŋ mor ɓal Paulus ne Silas. 30So soɓ ra pǝ̃ǝ ge lalle, fii ra: Zaluu ɓe, me ga joŋ ɗii ka me ǝ̃ǝ ne? 31Zyiira faa nyi ko: Mo nyiŋ Dǝɓlii Yesu mo ga ǝ̃ǝ, amo tǝkine za yaŋ ɓo daŋ. 32So cuura ɓǝ Dǝɓlii nyi ko tǝkine za yaŋ ah daŋ. 33Pa byak daŋgai so woo ra ne cok com ah ne suŋ moo vãh nwãh bǝrǝǝ ɓǝǝ nyi ra. So nyiŋ baptisma tǝkine za yaŋ ah daŋ. 34So zaŋ Paulus ne Silas ge yaŋ ah ne nyi farel nyi ra. Dǝɓ ah ne za yaŋ ah daŋ laara pǝ'nyah pǝlli, mor nyiŋra ɓǝ Masǝŋ ɓe.
35Ne cok zah'nan mo ceeni, zaluu Romanen peera pee wo swah sooje, faara: We wǝǝ zao myah o. 36So pa byak zah daŋgai ge faa nyi Paulus: Zaluu peera pee ge faa me wǝǝ we myahe. We pǝ̃ǝ o, we ge jam o la. 37Amma Paulus faa nyi swah sooje ra: Loɓra ru ne nahnǝn za daŋ bai mo ŋgoŋra kiita tǝ ɓuuru, so rǝkra ru ge daŋgai, aru laŋ ru ye Romanen, so zǝzǝ̃ǝ a 'yahra ka wǝǝ ru myah pǝ muŋni, mai ka joŋ ya. Mo 'yahra ɓe, mo ge wǝǝra ru ne suu ɓǝǝra. 38Swah sooje kalra ge kee ɓǝ ah nyi zaluuri. Ne cok mo laara Paulus ne Silas Romanen ye ra ta, gal re ra pǝlli. 39So gera wo Paulus ne Silas fiira ra ka mo rõm ra, so wǝǝra ra gin daŋgai, fahfal ah pǝǝra ra ka mo zolra gin yaŋ ahe. 40Ne cok Paulus ne Silas mo pǝ̃ǝra pǝ daŋgai ge lalle, so kalra ge yaŋ Lidia, ẽera wee pa ɓǝǝra, swaara zahzyil nyi ra ne ɓǝ, fahfal ah zolra kalle.
தற்சமயம் தேர்ந்தெடுக்கப்பட்டது:
YEƁ ZAPEE 16: MUAR
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bible Moundang © Alliance Biblique du Tchad, 1996.
YEƁ ZAPEE 16
16
Timoteus kal ne Paulus ne Silas
1Paulus ge yaŋ Derbe, so kal ge yaŋ Listra. Dǝɓ syee mor Yesu no gŋ a ɗii ne Timoteus, mam mǝlaŋ Yahuduen yo, nyiŋ ɓǝ Yesu ɓo, amma pam dǝɓ Grek yo. 2Wee pam ma yaŋ Listra ne Ikonium daŋ a faara ɓǝ sãh tǝl ah pǝlli. 3Paulus tǝ 'yah ka ga kyãh ne ki, so ɓaŋ ko daakan nyi mor ɓǝ Yahuduen ma no pǝ cok ah ra, mor ara daŋ tǝra ɓe, pam dǝɓ Grek yo. 4Yaŋ mai mo tǝ kyãhra ga gŋ daŋ a cuura ɓǝ mai zapee ne zaluu eklesia yaŋ Jerusalem mo zyeɓra ɓo nyi za ma iŋni, tǝkine faa nyi ra ka mo syeera mor ɓǝ ahe. 5So eklesia gera pel pǝswah pǝ iŋni, pãa ɓǝǝ ɓoo ge pel zah'nan daŋ.
Paulus lolom ne dǝɓ sǝr Makedonia yaŋ Troas
6Tǝ'yak Matǝdaŋdaŋ yee zah ɓǝǝ ne ga cuu ɓǝ Masǝŋ sǝr Asia, so pǝ̃ǝra sǝr Frigia ne Galatia. 7Ne cok mo ge daira kah sǝr Misia gwari, kyeɓra kǝnah ka ga sǝr Bitinia, amma Tǝ'yak Yesu nyi fahlii ah nyi ra ya. 8So pǝ̃ǝra sǝr Misia gera zah dah yaŋ Troas. 9Paulus lolom ne suŋni, pǝ lom ah kwo dǝɓ sǝr Makedonia uu ɓo tǝ syea ko faa: Oseni mo yee ge sǝr Makedonia ka mo gbah jol ɓuu sa. 10Ne cok Paulus mo lolom ahe, fahfal ah gwari sǝ ru kyeɓ fahlii ka ga sǝr Makedonia. Mor ru tǝ belbel, Masǝŋ ye ɗii ru ɓo ka ga cuu Ɓǝ'nyah nyi za sǝr ahe.
Lidia nyiŋ ɓǝ Dǝɓlii yaŋ Filipi
11Ru yee dah yaŋ Troas ru syee njaŋ sǝ, kal ge pǝ kyo Samotrake. So tǝ'nan ah ru ge yaŋ Neapolis. 12Ru ur gin gŋ ru kal ge yaŋ Filipi, ako ye yaŋ malii ah pǝ sǝr Makedonia mo ɗeara ɓo, sǝr Romanen yo. Ru nǝn yaŋ ah zah'nan pǝpãare. 13Ne com 'yak ru pǝ̃ǝ gin tǝgǝǝ yaŋ ru kal ge zahbii, mor ru lǝŋ ru ga lwaa cok juupel Yahuduen gŋ. Ru so hai ge sǝŋ kah ŋwǝǝ mai mo taira ɓo gŋ, ru cuu ɓǝ nyi ra. 14Mawin ki no kǝsyil ɓǝǝ a ɗii ne Lidia gee yaŋ Tiatira ge ɓo gŋ, a lea fan ne zyim mayǝk ahe, mai bii ah moo yea pǝsyẽ, mawin ah a ɗuu Masǝŋ, syii sok laa ɓǝ faa ɓuuru, Dǝɓlii gbǝr yella ah ka mo fooko ɓǝ mai Paulus mo tǝ faani. 15So nyiŋ baptisma ne za yaŋ ah daŋ, so ɗii ru faa: We kwo me ɓo na mawin mai mo nyiŋ Dǝɓlii ɓo goŋga ɓe, we ge kaa yaŋ ɓe. Ŋhaa swǝ̃ǝ mor ɓuu ru zyii gbal ɗǝ.
Gbahra Paulus ne Silas ge daŋgai yaŋ Filipi
16Comki ru tǝ ga cok juupelle, ru zyaŋ ne mǝlaŋ ki no byak yo, fan ɓaŋ ko ɓaŋ, a joŋ kǝndaŋ ne faɓaŋ ah a tai lak nyi zan ah ra ne pǝlli. 17So mǝlaŋ ah kal tǝ syee mor Paulus tǝkine ru, a ɓyaŋ ɓǝ faa: Za mai za yeɓ Masǝŋ ma tǝlǝǝ sǝŋ yo, tǝ cuura fahlii ǝ̃ǝ nyi we. 18Joŋ nai zah'nan pǝpãare, amma fahfal ah Paulus ɓaŋ kpãh cii suu ah faa nyi fan mai mo tǝl ahe: Me faa nyi mo pǝ tǝɗii Yesu Kristu mo pǝ̃ǝ gin tǝl ahe. So faɓaŋ ah pǝ̃ǝ gin tǝl ah ne cok ah sǝ ta.
19Ne cok zan ah mo kwora mǝlaŋ ah ka tǝ yah tai lak nyi ra yao, ge gbǝra Paulus ne Silas kal ge pǝ luma pel zaluu ne ko. 20So mo gera pel zaluu Romanen ne ra faara: Za mai tǝ ɓeɓra yaŋ nyi ru, ara ye Yahuduen. 21So tǝ cuura zah fan joŋ mai ɓǝ lai ɓuu Romanen mo cak ɓo nyi ru, ka ru so nyiŋ ru syee mor ahe.
22Za taira ki urra ne ra. Zaluu so wǝǝra mbǝro wo suu Paulus ne Silas, so faara mo loɓra ra ne bǝrǝǝ. 23Loɓra ra pǝlli, fahfal ah so rǝkra ra ge daŋgai, faara nyi pa byak zah daŋgai mo byakko ra pǝsãhe. 24Ne cok pa byak zah daŋgai mo laa ɓǝ ah naiko, so rǝk ra ge pǝ sululu ɓǝr daŋgai pǝɗǝkki, maa ɓal ɓǝǝ ge tǝgǝǝ kpuu.
25Ne kǝsyisuŋni, Paulus ne Silas tǝ juura pel tǝkine ɗǝǝ lǝŋ yii Masǝŋ ne ko, za daŋgai daŋ syiira sok ɓo tǝ laara. 26Ne cok ah sǝ, sǝr kal tǝ coo pǝ'manne, ŋhaa yaŋ daŋgai daŋ laŋni. Ne cok ah sǝ ta, zahfah daŋgai gbǝrri, celeelu za daŋgai daŋ wǝǝre. 27Pa byak zah daŋgai kpiŋ, ne cok mo kwo zah daŋgai daŋ gbǝr ɓo, nǝǝ kafahe ah ka cen suu ah ne pǝ wulli, mor lǝŋ za daŋgai daŋ ɗuura kal ɓe. 28Amma Paulus ɓyaŋ ɓǝ faa: Mo juu suu ɓo ka! Aru daŋ ru no nyeeko! 29Pa byak zah daŋgai so fii wii, ɗuu kal ge pǝ sululu, suu ah daŋ a cocoo jol gal mo re ko ɓo, kea ge sǝŋ mor ɓal Paulus ne Silas. 30So soɓ ra pǝ̃ǝ ge lalle, fii ra: Zaluu ɓe, me ga joŋ ɗii ka me ǝ̃ǝ ne? 31Zyiira faa nyi ko: Mo nyiŋ Dǝɓlii Yesu mo ga ǝ̃ǝ, amo tǝkine za yaŋ ɓo daŋ. 32So cuura ɓǝ Dǝɓlii nyi ko tǝkine za yaŋ ah daŋ. 33Pa byak daŋgai so woo ra ne cok com ah ne suŋ moo vãh nwãh bǝrǝǝ ɓǝǝ nyi ra. So nyiŋ baptisma tǝkine za yaŋ ah daŋ. 34So zaŋ Paulus ne Silas ge yaŋ ah ne nyi farel nyi ra. Dǝɓ ah ne za yaŋ ah daŋ laara pǝ'nyah pǝlli, mor nyiŋra ɓǝ Masǝŋ ɓe.
35Ne cok zah'nan mo ceeni, zaluu Romanen peera pee wo swah sooje, faara: We wǝǝ zao myah o. 36So pa byak zah daŋgai ge faa nyi Paulus: Zaluu peera pee ge faa me wǝǝ we myahe. We pǝ̃ǝ o, we ge jam o la. 37Amma Paulus faa nyi swah sooje ra: Loɓra ru ne nahnǝn za daŋ bai mo ŋgoŋra kiita tǝ ɓuuru, so rǝkra ru ge daŋgai, aru laŋ ru ye Romanen, so zǝzǝ̃ǝ a 'yahra ka wǝǝ ru myah pǝ muŋni, mai ka joŋ ya. Mo 'yahra ɓe, mo ge wǝǝra ru ne suu ɓǝǝra. 38Swah sooje kalra ge kee ɓǝ ah nyi zaluuri. Ne cok mo laara Paulus ne Silas Romanen ye ra ta, gal re ra pǝlli. 39So gera wo Paulus ne Silas fiira ra ka mo rõm ra, so wǝǝra ra gin daŋgai, fahfal ah pǝǝra ra ka mo zolra gin yaŋ ahe. 40Ne cok Paulus ne Silas mo pǝ̃ǝra pǝ daŋgai ge lalle, so kalra ge yaŋ Lidia, ẽera wee pa ɓǝǝra, swaara zahzyil nyi ra ne ɓǝ, fahfal ah zolra kalle.
தற்சமயம் தேர்ந்தெடுக்கப்பட்டது:
:
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bible Moundang © Alliance Biblique du Tchad, 1996.