رِسَالَةْ أَفَسُسْ 2
2
الْفَصْلْ التَّانِي
الْحَيَاةْ الجّْدِيدَة فْالْمَسِيحْ
1وْنْتُمَ كْنْتُو مْيّْتِينْ بْالدّْنُوبْ وْالْمَعْصِيَّاتْ دْيَالْكُمْ،#كولوسي 2:13 2اللِّي كْنْتُو عَايْشِينْ فِيهُمْ مْنْ قْبَلْ فْهَادْ الدّْنْيَا، مْلِّي كْنْتُو تَابْعِينْ رَئِيسْ قُوَّاتْ الشَّرّْ الرُّوحِيَّة اللِّي بِينْ السّْمَا وْالْأَرْضْ، وْرَاهْ هُوَ الرُّوحْ اللِّي دَابَا كَيْتّْحَكّْمْ فْالنَّاسْ اللِّي مَا كَيْطِيعُوشْ اللَّهْ. 3وْحْتَّى حْنَا كَامْلِينْ كْنَّا كَنْعِيشُو بْحَالْهُمْ عْلَى حْسَابْ الشَّهَوَاتْ دْيَالْ الدَّاتْ دْيَالْنَا، وْكَنْدِيرُو دَاكْشِّي اللِّي كَتْبْغِيهْ الدَّاتْ وْالْأَفْكَارْ دْيَالْنَا. وْبْالطّْبِيعَة دْيَالْنَا كْنَّا كَنْسْتَاهْلُو الْغَضَبْ دْيَالْ اللَّهْ بْحَالْ لْخْرِينْ. 4وَلَكِنْ الرَّحْمَة دْيَالْ اللَّهْ كْتِيرَة، وْبْسْبَابْ الْمْحَبَّة دْيَالُه الْكْبِيرَة اللِّي بْغَانَا بِيهَا، 5وْحْتَّى مْلِّي كْنَّا مْيّْتِينْ فْالدّْنُوبْ دْيَالْنَا، حْيَانَا مْعَ الْمَسِيحْ، وْهَكَّا بْالنِّعْمَة دْيَالْ اللَّهْ نْجِيتُو. 6وْفْالْمَسِيحْ يَسُوعْ، بْعَتْنَا مْنْ الْمُوتْ وْݣَلّْسْنَا مْعَاهْ فْالسّْمَا. 7بَاشْ يْبَيّْنْ فْالزّْمَانْ اللِّي جَايْ، النِّعْمَة دْيَالُه الْكْبِيرَة بْزَّافْ بْاللُّطْفْ دْيَالُه لِينَا فْالْمَسِيحْ يَسُوعْ. 8حِيتْ بْالنِّعْمَة دْيَالْ اللَّهْ نْجِيتُو بْالْإِيمَانْ، وْهَادْشِّي مَاشِي مْنّْكُمْ وَلَكِنْ رَاهْ اللَّهْ نْعَمْ عْلِيكُمْ بِيهْ. 9مَاشِي بْالْأَعْمَالْ دْيَالْكُمْ بَاشْ حْتَّى وَاحْدْ مَا يْفْتَخْرْ. 10حِيتْ حْنَا الْخَلِيقَة دْيَالُه، مْخْلُوقِينْ فْالْمَسِيحْ يَسُوعْ بَاشْ نْدِيرُو الْأَعْمَالْ الْمْزْيَانَة، اللِّي وَجّْدْهَا لِينَا اللَّهْ مْنْ قْبَلْ.
فْالْمَسِيحْ كَيْتَّاحْدْ كُلّْشِي
11عْلَى دَاكْشِّي تْفَكّْرُو نْتُمَ آ اللِّي مَاشِي يْهُودْ فْالْأَصْلْ، كِيفَاشْ كَانْتْ حَالْتْكُمْ مْنْ قْبَلْ! رَاهْ لِيهُودْ كَانُو كَيْسَمِّيوْكُمْ مَا مْخَتّْنِينْشْ وْكَيْسَمِّيوْ رَاسْهُمْ مْخَتّْنِينْ، الْخْتَانَة اللِّي كَتْدَارْ فْالدَّاتْ بْالْيْدّْ. 12وْتّْفَكّْرُو بْلِّي فْدَاكْ الْوَقْتْ كْنْتُو بْلَا الْمَسِيحْ، بْرَّانِيِّينْ عْلَى شَعْبْ إِسْرَائِيلْ، وْبْرَّانِيِّينْ عْلَى الْعُهُودْ اللِّي مْبْنِيِّينْ عْلَى الْوَعْدْ دْ اللَّهْ، وْمَا كَانْ عَنْدْكُمْ لَا رْجَا وَلَا إِلَاهْ فْهَادْ الدّْنْيَا. 13وَلَكِنْ دَابَا فْالْمَسِيحْ يَسُوعْ، نْتُمَ اللِّي كْنْتُو مْنْ قْبَلْ بْعَادْ، وْلِّيتُو قْرَابْ بْدْمّْ الْمَسِيحْ. 14حِيتْ هُوَ الْهْنَا دْيَالْنَا، اللِّي رَدّْ لِيهُودْ وْالشّْعُوبْ اللِّي مَاشِي يْهُودْ شَعْبْ وَاحْدْ، وْرَيّْبْ الْحِيطْ دْيَالْ الْعْدَاوَة اللِّي كَانْ كَيْفَرّْقْ بِينَاتْهُمْ. 15وْلْغَى الْوْصِيَّاتْ وْالْفْرَايْضْ دْيَالْ الشّْرَعْ، بَاشْ يْدِيرْ مْنّْهُمْ بْجُوجْ شَعْبْ وَاحْدْ جْدِيدْ، وْدَارْ الْهْنَا بِينَاتْهُمْ.#كولوسي 2:14 16وْهَكَّا صَالْحْهُمْ بْجُوجْ مْعَ اللَّهْ فْدَاتْ وَحْدَة بْالصّْلِيبْ، اللِّي بِيهْ قْتَلْ الْعْدَاوَة.#كولوسي 1:20 17وْجَا وْبَشّْرْكُمْ بْالْهْنَا، نْتُمَ اللِّي بْعَادْ وْحْتَّى نْتُمَ اللِّي قْرَابْ. 18عْلَاحْقَّاشْ بْالْمَسِيحْ نْقَدْرُو نْجِيوْ كُلّْنَا عَنْدْ الْآبْ بْرُوحْ وَاحْدْ. 19إِيوَا رَاكُمْ مَا بْقِيتُوشْ غْرَابْ وْبْرَّانِيِّينْ، وَلَكِنْ وْلِّيتُو مُوَاطِنِينْ مْعَ النَّاسْ الْمْقَدّْسِينْ وْوْلِّيتُو مْنْ شَعْبْ اللَّهْ، 20مْبْنِيِّينْ عْلَى السَّاسْ دْيَالْ الرُّسُلْ وْالْأَنْبِيَا، وْالْمَسِيحْ يَسُوعْ بْرَاسُه هُوَ الْحَجْرَة دْيَالْ السَّاسْ، 21اللِّي فِيهْ كَيْطْلَعْ الْبْنِي كُلُّه مْعَ بْعْضِيَّاتُه وْكَيْعْلَى، بَاشْ يْوَلِّي بِيتْ اللَّهْ الْمْقَدّْسْ لْلرَّبّْ، 22اللِّي فِيهْ حْتَّى نْتُمَ تّْبْنِيتُو مْعَ بْعْضِيَّاتْكُمْ بَاشْ تْوَلِّيوْ السُّكْنَى دْ اللَّهْ بْالرُّوحْ دْيَالُه.
தற்சமயம் தேர்ந்தெடுக்கப்பட்டது:
رِسَالَةْ أَفَسُسْ 2: MSTD
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved
رِسَالَةْ أَفَسُسْ 2
2
الْفَصْلْ التَّانِي
الْحَيَاةْ الجّْدِيدَة فْالْمَسِيحْ
1وْنْتُمَ كْنْتُو مْيّْتِينْ بْالدّْنُوبْ وْالْمَعْصِيَّاتْ دْيَالْكُمْ،#كولوسي 2:13 2اللِّي كْنْتُو عَايْشِينْ فِيهُمْ مْنْ قْبَلْ فْهَادْ الدّْنْيَا، مْلِّي كْنْتُو تَابْعِينْ رَئِيسْ قُوَّاتْ الشَّرّْ الرُّوحِيَّة اللِّي بِينْ السّْمَا وْالْأَرْضْ، وْرَاهْ هُوَ الرُّوحْ اللِّي دَابَا كَيْتّْحَكّْمْ فْالنَّاسْ اللِّي مَا كَيْطِيعُوشْ اللَّهْ. 3وْحْتَّى حْنَا كَامْلِينْ كْنَّا كَنْعِيشُو بْحَالْهُمْ عْلَى حْسَابْ الشَّهَوَاتْ دْيَالْ الدَّاتْ دْيَالْنَا، وْكَنْدِيرُو دَاكْشِّي اللِّي كَتْبْغِيهْ الدَّاتْ وْالْأَفْكَارْ دْيَالْنَا. وْبْالطّْبِيعَة دْيَالْنَا كْنَّا كَنْسْتَاهْلُو الْغَضَبْ دْيَالْ اللَّهْ بْحَالْ لْخْرِينْ. 4وَلَكِنْ الرَّحْمَة دْيَالْ اللَّهْ كْتِيرَة، وْبْسْبَابْ الْمْحَبَّة دْيَالُه الْكْبِيرَة اللِّي بْغَانَا بِيهَا، 5وْحْتَّى مْلِّي كْنَّا مْيّْتِينْ فْالدّْنُوبْ دْيَالْنَا، حْيَانَا مْعَ الْمَسِيحْ، وْهَكَّا بْالنِّعْمَة دْيَالْ اللَّهْ نْجِيتُو. 6وْفْالْمَسِيحْ يَسُوعْ، بْعَتْنَا مْنْ الْمُوتْ وْݣَلّْسْنَا مْعَاهْ فْالسّْمَا. 7بَاشْ يْبَيّْنْ فْالزّْمَانْ اللِّي جَايْ، النِّعْمَة دْيَالُه الْكْبِيرَة بْزَّافْ بْاللُّطْفْ دْيَالُه لِينَا فْالْمَسِيحْ يَسُوعْ. 8حِيتْ بْالنِّعْمَة دْيَالْ اللَّهْ نْجِيتُو بْالْإِيمَانْ، وْهَادْشِّي مَاشِي مْنّْكُمْ وَلَكِنْ رَاهْ اللَّهْ نْعَمْ عْلِيكُمْ بِيهْ. 9مَاشِي بْالْأَعْمَالْ دْيَالْكُمْ بَاشْ حْتَّى وَاحْدْ مَا يْفْتَخْرْ. 10حِيتْ حْنَا الْخَلِيقَة دْيَالُه، مْخْلُوقِينْ فْالْمَسِيحْ يَسُوعْ بَاشْ نْدِيرُو الْأَعْمَالْ الْمْزْيَانَة، اللِّي وَجّْدْهَا لِينَا اللَّهْ مْنْ قْبَلْ.
فْالْمَسِيحْ كَيْتَّاحْدْ كُلّْشِي
11عْلَى دَاكْشِّي تْفَكّْرُو نْتُمَ آ اللِّي مَاشِي يْهُودْ فْالْأَصْلْ، كِيفَاشْ كَانْتْ حَالْتْكُمْ مْنْ قْبَلْ! رَاهْ لِيهُودْ كَانُو كَيْسَمِّيوْكُمْ مَا مْخَتّْنِينْشْ وْكَيْسَمِّيوْ رَاسْهُمْ مْخَتّْنِينْ، الْخْتَانَة اللِّي كَتْدَارْ فْالدَّاتْ بْالْيْدّْ. 12وْتّْفَكّْرُو بْلِّي فْدَاكْ الْوَقْتْ كْنْتُو بْلَا الْمَسِيحْ، بْرَّانِيِّينْ عْلَى شَعْبْ إِسْرَائِيلْ، وْبْرَّانِيِّينْ عْلَى الْعُهُودْ اللِّي مْبْنِيِّينْ عْلَى الْوَعْدْ دْ اللَّهْ، وْمَا كَانْ عَنْدْكُمْ لَا رْجَا وَلَا إِلَاهْ فْهَادْ الدّْنْيَا. 13وَلَكِنْ دَابَا فْالْمَسِيحْ يَسُوعْ، نْتُمَ اللِّي كْنْتُو مْنْ قْبَلْ بْعَادْ، وْلِّيتُو قْرَابْ بْدْمّْ الْمَسِيحْ. 14حِيتْ هُوَ الْهْنَا دْيَالْنَا، اللِّي رَدّْ لِيهُودْ وْالشّْعُوبْ اللِّي مَاشِي يْهُودْ شَعْبْ وَاحْدْ، وْرَيّْبْ الْحِيطْ دْيَالْ الْعْدَاوَة اللِّي كَانْ كَيْفَرّْقْ بِينَاتْهُمْ. 15وْلْغَى الْوْصِيَّاتْ وْالْفْرَايْضْ دْيَالْ الشّْرَعْ، بَاشْ يْدِيرْ مْنّْهُمْ بْجُوجْ شَعْبْ وَاحْدْ جْدِيدْ، وْدَارْ الْهْنَا بِينَاتْهُمْ.#كولوسي 2:14 16وْهَكَّا صَالْحْهُمْ بْجُوجْ مْعَ اللَّهْ فْدَاتْ وَحْدَة بْالصّْلِيبْ، اللِّي بِيهْ قْتَلْ الْعْدَاوَة.#كولوسي 1:20 17وْجَا وْبَشّْرْكُمْ بْالْهْنَا، نْتُمَ اللِّي بْعَادْ وْحْتَّى نْتُمَ اللِّي قْرَابْ. 18عْلَاحْقَّاشْ بْالْمَسِيحْ نْقَدْرُو نْجِيوْ كُلّْنَا عَنْدْ الْآبْ بْرُوحْ وَاحْدْ. 19إِيوَا رَاكُمْ مَا بْقِيتُوشْ غْرَابْ وْبْرَّانِيِّينْ، وَلَكِنْ وْلِّيتُو مُوَاطِنِينْ مْعَ النَّاسْ الْمْقَدّْسِينْ وْوْلِّيتُو مْنْ شَعْبْ اللَّهْ، 20مْبْنِيِّينْ عْلَى السَّاسْ دْيَالْ الرُّسُلْ وْالْأَنْبِيَا، وْالْمَسِيحْ يَسُوعْ بْرَاسُه هُوَ الْحَجْرَة دْيَالْ السَّاسْ، 21اللِّي فِيهْ كَيْطْلَعْ الْبْنِي كُلُّه مْعَ بْعْضِيَّاتُه وْكَيْعْلَى، بَاشْ يْوَلِّي بِيتْ اللَّهْ الْمْقَدّْسْ لْلرَّبّْ، 22اللِّي فِيهْ حْتَّى نْتُمَ تّْبْنِيتُو مْعَ بْعْضِيَّاتْكُمْ بَاشْ تْوَلِّيوْ السُّكْنَى دْ اللَّهْ بْالرُّوحْ دْيَالُه.
தற்சமயம் தேர்ந்தெடுக்கப்பட்டது:
:
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved