Romans 1
1
1Mai ia Paul, te seka a Jesus Christ, ma te kau fai fekau ne faka tonusia ma ne karangatia e Tupua ke tuufaki ko na Rongo Laoi.
2Te Rongo Laoi ne tongisaki ria i mua e Tupua i ana ʻprophetʼ ma ne tusia riaina i te Pepa Tapu. 3E araara faki ko tana Tama, tatou Ariki ko Jesus Christ, ki na rau tangata ne faanau te afu o David. 4Kae ki na rau Tupua tapu, koia ne faka aria ma te makeke sapa rei, koia ke fai te Tama a Tupua mai na faka masike mai ranga mai i te mate. 5Ia koia, Tupua ne sori mai kia kuou ko te tonu ke kau fai fekauakina ma Christ, ke taki ko te kano fenua o nga turaurau katoa ki te laoi ke fakattonu ma ke tautari. 6Teinei fokia e taanaki atu kia kotou e fare i Rome ne karangatia e Tupua mo Jesus Christ.
7Ta kuou fokia e tusi atu kia kotou kaatoa i Rome, iei ku karanga tiaina i te fakapere a Tupua ke fai ko na kee kanofenua ia.
Ko Tupua tatou Mmana ma te Ariki Jesus Christ, ke sori atu kia kotou te roto laoi ma te roto mafora.
Te rotu o te faka ue ue
8Mataki ngangea, kuou e faka ue ue ki toku Tupua ia Jesus Christ kia kotou kaatoa, faina koa taangata kaatoa nei e fakarongo ki otou fakatonu. 9Tupua toku faka tonu ranga kae pe nia ma aku e muna kiei e tonu; Tupua e kau fai fekauakina i toku roto fatu manava kaatoa rei, ia tuufaki ranga o te Rongo Laoi o tana Tama. Tupua e nai iroa ina maori rei, kuou e faka maanatu mau kotou 10i nga vasia katoa kuou e rotu. Kuou e kaisi ki Tupua i na laoi ka ke faingaofia kia kuou ke kau faka saa atu kia kotou i vasia nei. 11Maina kuou e maatea rei toku fifia ke kau ono kia kotou, ke kau soakina kotou ia fakatapu ranga mai Tupua ke faka makeke kotou. 12Kuou e atamai kotatou kaatoa ke fesoaki i vasia sokotasi, kotou i taku fakatonu ma kuou i otou fakatonu.
13 #
Act 19.21. Taina ma ee, kotou ke faka maanatu oku vasia e rava rei, kuou noko maanatu rei ke kau faka ati atu kia kotou, kae mo ngangea e faka visi mai i toku riu ara ka see kau fenatu. Kae kuou e fifia rei ke kau soakina kotou ke siaki rake faoa ia kotou, pe ne fai fokia ki rake Gentile. 14I taku maanatu rei, kuou ke fai fekau ki te kano fenua kaatoa rei, ki te kano fenua poto ma ki te kano fenua sasaeaki, ki te kano fenua ne akona ma ki te kano fenua kausi. 15Teinei arei kuou e fifia rei ke tuufaki fokia ko te Rongo Laoi kia kotou e fare i Rome.
Te manuu o te Rongo Laoi
16 #
Mak 8.38. Kuou e fakatonu katoa rei ki te Rongo Laoi, faina te Rongo Laoi ko te makeke o Tupua ke faka sao katoa rei koratou kaatoa e fakatonu, e faka mua ko nga Jew ma nga Gentile fokia. 17Fakkau te Rongo Laoi e faka ari ko Tupua tana fai e tuku tonu nga taangata ma koia fuarei: i te fakatonu anga mai te tafito ki te faka suku suku, fakapera pe te Pepa Tapu e muna:
“Pe koai ku tukuna tonu ki Tupua, ka ora i te fakatonu.”
Te tokaa faka tangata
18Te teke o Tupua e faka aria ina mai te vaerangi e teke kia sara katoa, ma ki te kano fenua pouri aratou fai tukunga pouri e ratou mono monotia te tonu ke iroa ina. 19Tupua e nai faka kiroa koratou, faina pe nia a nga taangata e ma fai ke ratou iroa ina ko Tupua e faingaofia kia ratou, faina ko Tupua maso koia ne fai rei ke faingaofia kia ratou. 20Faka tafito mai rei vasia o Tupua ne faka tupu ea koia koa taangata nei, na ora see ravea ina: na mana e seke suku suku ma na ora faka tupua ne ravea ina atetea rei, faina ku ratou iroa ina mai a nea a Tupua ne fai. Tera siei rei pe koai ke muna ki pe nia fokia. 21#Eph 4.17,18.E ratou iroa ina ko Tupua, kae koratou si see fakaturou kiei pe Tupua, ma si see faka ue ue kiei. Kae tonu ia, a ratou maanatu e faka seke atamai, ma ratou fai seke atamai e pouri ngiti rei. 22Koratou e mmuna koratou e poto, kae koratou e seke atamai. 23Koratou si see fakaturou tonu ki te Tupua Ora, kae fakaturou rei koratou kia aata ne pena ke fai pe nga taangata maori, pe kia manu o te vaerangi, pe kia manu o te kere, o pe ki nga vao.
24Ta teinei arei ko Tupua ne nai soria ina koratou ke fai a nea pariki tautari ki aratou fatu manava e maanatu, ma koratou e fai koa nea e fakaruru faka maa kia ratou ia. 25Ratou siakina te tonu ki Tupua maori ki te loi; koratou e fakaturou kia poponga rima o Tupua kae siei rei kia koia te Faka tupu ranga. Koia ke rausapai riaina i nga vasia katoa! E tonu.
26Maina koratou e fai nei, Tupua ne nai soria koratou ki te fakamata nonoa. Moa rei nga maatua faafine ku tuku ko aratou riu ara i te avanga, kae fai avanga rei ko nga faafine maso koratou. 27Ia riu ara sokotasi, ko nga taangata ku see fia avanga ia riu ara o te avanga ki nga maatua faafine, ma ku fai pariki rei kia ratou ia. Nga taangata ku fai koa nea e fakaruru faka maa kia ratou ia, na faka suku suku ne ratou aumai ina te fakkiro kia ratou i aratou sara sara anga noko fai.
28Maina koratou ku see tuku i aratou atamai te araara fanga tonu ki Tupua, koia ku tuku atu arei ki aratou atamai toka roto, tera koratou ke fai koa nea si see fetau fangatasi ke fai ea ratou. 29Koratou e maatea rei ia tukunga pariki kaatoa, faka pariki, totomatua, ma riu ara pariki. Koratou e maatea rei ratou maakau, taa tangata, featu, tataangutu kaiaa, ma maanatu pariki. Koratou e fatu fatu, 30ma e mmuna pariki fatu fatu ki roto, koratou see fifia ki Tupua, seke faka epa, fia paasaki, ma e tara fuarei kia ratou ia. Koratou e maanatu sapa rei ke fai ko ni riu ara pariki ke rava. Ratou saeakina ko aratou maatua. 31See ratou raua pe koai, ratou si see maanatu ki aratou tongi sanga, e seke fakapere ma e seke manava arofa ki rake faoa. 32E ratou iroa ina koa fono a Tupua e munakina te kano fenua e fare ia fai riu ara nei e faka suku suku ki te mate. Siei fuarei koratou e fai arei koa nea nei, kae koratou e faka tonu fokia ki rake faoa ke fai fekauaki koa nea nei.
தற்சமயம் தேர்ந்தெடுக்கப்பட்டது:
Romans 1: TKP
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2025 Wycliffe Bible Translators, Inc.