လုကာ 7
7
အခန်း (၇)
တပ်မှူးလော့အရွမ်အွမ်နောက်ကဟော့
(မဿဲ ၈.၅-၁၃)
1ကိုယ်တော်ယေရှုဟော့ ချောင်ထုပရိတ်သတ်ဟော့ နီအကြောင်းအရာ အားလုံးအစုပ်ဟောက်ပုန်ပိစလော့ ကပေရနောင်မြို့ဝါအစိ။ 2အနီမြို့ဝါ ရောမ တပ်မှူး#7.2 တပ်သားချဝေါတ် အုပ်ချုပ်လငဟော့ တပ်မှု ပေန်းနောတ်အုံးလော့တဲ့ ယဝါကီးကယ်အနှိုးနောက်လဝဟော့ အစေခံပေန်းနောတ်အမွက်။ အနီ အစေခံပေန်းနောတ် ကြီးကယ်ကောလော့သဲ့ အဒူးဝေါ့လောက် ကာအဖြစ်။ 3ဟောနီတပ်မှုလော့ ကိုယ်တော်ယေရှုအကြောင်းအရောက်ပိစလော့ ဂျူးချောင်မျိုးအကြီးအကဲခေါင်းဆောင်ငဲ့ ကိုယ်တော်ငှာလှို့လော့သဲ့ ကာန်းငှားဟော့ချောင်အကုပိတ်ကိုင်းတောက် အဖိတ်အိပ်ရှောက်။ 4ဂျုးအကြီးအကဲငဟော့ ကိုယ်တော်ငွါလူးလော့တဲ့ "နီတပ်မှူးငဟော့ ကိုယ်တော် အကူညီငဟော့ ခေါင်းထိုက်ဟော့ချောင်အဖြစ်။ 5ဘယ်သိမ်ကြောင်းငိုဝေါနိုးပုဝါ ယလော့ ကနိချောင်ဗုန်းငဟော့ မေတ္တာ တောက်လော့သဲ့ ကေ့နိတောက် ဓမ္မာရုံဟော ဆောက်လော့သဲ့ အလှူဟော့ချောင်အဖြစ်" သိမ်လျှောက်တင်လော့တဲ့ ကြီးကယ်အတောင်းပန်အံတို့။ 6အနီကြောင်းငို ကိုယ်တော်ယေရှုဝဟော့ ယနိဟွေး အစိပိ။ အနီတပ်မှူးအင်းနို မလှမ်းမကမ်းနာအဖိုးလူးပိစ တပ်မှူးလော့ ယမိတ်ဆွေရဲ့ လှို့လော့သဲ့ ကိုယ်တော်ဝါ "အရှင်နော ကေ့နိအင်းဝါ အရှင်အကြွလူးဝဲတောက် ကေ့ဝိုထိုက်တန်နဟူကြောင်းငို အရှင်အပြင်ပန်းခေါင်းနဲ့သိ။ 7နီကြောင်းငို အရှင့်ငှာလူးဟလော့သဲ့ ကခွန်းအွမ်နိုင်ဟော ကေ့ရိုထိုက်တန်အမ်နာ့ငှူ ကခင်းအင်းမိ။ အရှင်မော့နောက်ဒုန်းနေရာဝါဟော့စထူးလော့ အမိန့်နပိတ်ရုံငို ကေ့အစေခံနဟော့ ရောဂါအကျုပ်ကိုင်။ 8တစ်လောက်ကာကဟောက်လချင်းငဟော့ ကေ့လော့ဟော အထက်အရာရှိလက်အောက်ကာအမော့လောက်ကာ ကေ့လက်အောက်တောက်ဟော စစ်သားအနည်းအမော့။ ကေ့လော့ စစ်သားပေန်းနောတ်တာ 'စိရဲ့' သိမ် အမိန့် ကပိတ်ကနို အနီစစ် သားအစိလာ့။ အရာစစ်သား ပေန်းနောတ်တာ 'လူးဝဲ့' သိမ်ကဟောက်ကနို ယအလူးလာ့။ ကေ့လော့ ကေ့အစေခံနဲ့ငါ 'ယစိုင်းရဲ့' သိမ်ကဟောက်ကနိုဟော ယလော့အစိုင်းလာ့" သိမ်အလျှောက်တင်ကနို။
9ထိုဟောက်ခူငဟော့ ကိုယ်တော်ယေရှေုလော့ အရောက်ပိစ ကီးကယ်အံ့ဩလော့သဲ့ ယဟွေးတူလူးပိဟော့ ချောင်ငဲ့ယာ ကေ့နောင်နိယာကဟောက်ဝိုင့်ယဟော့ "နောင်နိဝါကေ့ကဟော့ အစ္စရေးတစ်ခွင်နာ နီလှောက်ကာ ယုံကြည်မှုအလင်းငဟော့ ကွင်းဖူးဝငှူ" သိမ်အမိန့်တော်မူတို့။ 10တပ်မှုလော့ အလှို့ငဟော့ချောင်ငဟော့ အင်းနာအပြန်ပြီးစလော့ တပ်မှု အစေခံငဟော့ဟော အကန်းငဟော့ ယနိခွင်းလတို့။
မုဆိုးမပေန်းနောတ်စိုးငဟော့ကိုယ်တော်ယေရှုလော့ အရှောက်ပြန်လော့အဟိုင်ရှောက်ဘော်ဝဟော့
11အရာနှုတ်တောတ်တာကိုယ်တော်ယေရှုလော့ ယတပည့်တော်ဝဲ့ဝိုအတွက်တူဝါ နာဣနမြို့ ဝါ အစိဟနို ချောင်ပုရိတ်သတ်သဲ့ဟော ကိုယ်တော်ဝိုတွက်တူဝါယနိလူးပိတို့။ 12ကိုယ်တော်ယေရှု မြို့ဝါအဝေါင်းနောက်ဒွန်းဒိုင်ဆွတ်တာအဖိုးပိစ အရုတ် ယနိချု့ဝိုင့်သိမ် ချောင်စုဝတ်လော့ အလောင်းမကို့နောက်ဒွန်းနို ကို့အလို့ မြို့အကြောင်ငါယနိလူး။ ဒူးဟော့ချောင်ငဟော့ဟော မုဆိုးမပေန်းနောတ်လော့ပေန်းနောတ်လိုက်ဖြစ်လော့တဲ့ ယစိုးအနီမြို့ဝါဟော့ချောင်ငဲ့လော့ဟော့ အနီနှတိုးဟွေးတူ ရုတ်ယနိထို့ပိ။ 13အရှင်လော့ အနီနှတိုးနူး မှူးလော့သဲ့ အနိနှတိုးနူးဝါ ကီးကယ်အဟင်းရှေလော့သဲ့ "ကာ့ဝိုင့်သိ" သိမ်အမိန့်တော်မှုတို့။ 14အနီပုန်ပိ ကိုယ်တော်လော့ အရုပ်စိမ်း ငါစိလော့တဲ့ အရုပ် ကဟော့ အကွတ်တို့အထိ ပြီးစလော့ချောင်ငဲ့လော့ အရုပ်စင်ငဟော့ အလောင်းစင်ကို့လူးဟော့ ချောင်ဟော့ ရပ်အလော့တဲ့။ ကိုယ်တော်လော့ "ချောင်ဆမီးစအောင်ဝိုး နောင်းငါကဟောက်ဝိုင့် ထောန်ဝဲ့" သိမ်အမိန့်တော်မူတို့။ 15အနီလှောက်ကာအဟောက်ပုန်ပိစ ချက်ချင်းပ ဒူဟော့ချောင်ငဟော့ ထောန်လော့တဲ့ စလော့သဲ့အသက်အက်။ အနီပုန်ပိ ကိုယ်တော်ယေရှုလော့ အနီဆမီးစအောင်ဝဟော့ ယနူအူဝါအအွတ်ဘော်။ 16ချောင်မနည်းလော့ဟော အံ့သြလော့အလစ်လစ်အက်မာက်အလော့ "ကနိကြားဝါ မြင့်မြတ်ဟော့ပရောဖက်ပါးဝတ် အပေါင်လူး။ ဘုရားရှင်လော့ ယချောင်ငဲ့ အကယ်ဝဲ့တောက်အဖိုးဟီ" သိမ်ဟောက်အလော့ ဘုရားရှင်ဂုဏ်တော် ယနိချီးမွန်းတို့။ 17ကိုယ်တော်ယေရှုအစိုင်းယဟော့ နီသတင်းနဟော့ ယုဒပြည်နယ်လော့နာဣနမြို့ တစ်ခွင်လုံးလော့ အစိမ်းငါမွက်ဟော့ပတ်ဝန်းကျင်ဒေသအားလုံးဝါ အပြန့်နှံ့တို့။
ရေနှစ်မင်္ဂလာဆရာယောဟန်အကောင်းအမိန့်ဆိုငဟော့
(မဿဲ ၁၁.၂-၁၉)
18နီပေါင်ပိ ရေနှစ်မင်္ဂလာဆရာယောဟန်တပည့်တော်ဝဲ့လော့ ကိုယ်တော်ယေရှုအကြောင်းငဟော့ ယောဟန်နာ အစုံအလင်ယနိဟောက်ပိတ်ပိ ယလော့တပည့်ပေန်းဟိ အဘိက်အိပ်လော့ 19ယောဟန်လော့ယတပည့်တော်ပေန်းဟိရာ အရှင်ငွါအလှို့ပြီးစလော့ "ကိုယ်တော်ဝဟော့ အကြွလူးဝိုင်ဟီ သိမ် အဟော့ဝဟော့ ချောင်အဆိတ်မိုး၊ ဆိတ်ငှားဝါ အရာချောင်ပေန်းနောတ် ကနိစုန်းလာ့ဟိုင်မိုး" သိမ်အစက်သိုင်သိမ် ကိုယ်တော်ငှာအလှို့။ 20အနီချောင်ဟွေ့ဟော့ကိုယ်တော်ယေရှုငှာအဖိုးလူးပိစလော့ "ရေနှစ် မင်္ဂလာဆရာကြီး ယောဟန် လော့ကေ့နိငဟော့ ကိုယ်တော်ငှာအလှို့လော့သဲ့ 'ကိုယ်တော်ငဟော့အကြွလူးငဝဲ့သိမ်အဟောက်ငဟော့ နဆိတ်မိုး ဆိတ်ငှားဝါ အရာချောင်ပေန်းနောတ် ကစုန်းလာဟိုင်မိုး' သိမ်အစက်သိုင် အလှို့သိမ်" အရှင်ငွါအလှို့နိုးအဖြစ်။ 21အနီချိန်ငါ ကိုယ်တော်ယေရှုဟော့ အနာရောဂါ၊ ကောဟော့ချောင်ငဲ့ငဟောလော့ပွယ်ငှားဟော့ခွက်ရိုင်းပူးအူလော့ ချောင်ငဲ့နိုး ကုသပိတ် လော့တဲ့ အမိတ်မှူးအူငှားဟော့ချောင်ငဲ့ဟော့ အမိက်လော့ ပြန်လော့မှုပေါ်အုံ ပြန်လော့အစိုင်းပေါ်တို့။ 22ကိုယ်တော်လော့ ယောဟန်တပည့်ဝဲ့ရာ "နောင်နိမှု့လဟော့ အမှုလငဟော့လော့ အရောက်လငဟော့ ယောဟန်ငှာစိသလော့ တဲ့ ဟောက်ပိတ်ပေါ်ဘွေ့" အမိတ်မှူးငှားဟော့ချောင်ငဲ့ အမိတ်ပြန်လော့အမှု့လာ့ဘော်ဟီ၊ အကွတ် ခူးပွယ်ငှားဟော့ချောင်ငဲ့ဟော့ ပြန်လော့လွန်းယနိစိခုဘော်ဟီ၊ အနာကြီးရောဂါသည်ရဲ့ဟော့ ရောဂါ အကျုပ်ဘော်ဟီ၊ အနှိုပွယ်ငှားဟော့ ချောင်ဟော ပြန်လို့ပွယ်ဘော်ဟီ၊ ဒူးဟော့ချောင်ဟော ပြန်လော့ အဟိုင်ဘော်ဟီ၊ ဆင်းရဲသားမနည်းလော့ဟော့ မင်္ဂလာသတင်းပေါလ် ယနိယောက်လဘော်ဟီ။ 23ကေ့ကစိုင်းယဟော့အရာဝဲ့ ဆန့်ကျင်ငှားလော့သဲ့ ညာန်းငှားဟော့ချောင်ငဲ့ယဟော့ ဘုရားရှင်လော့ မျက်နှာသာအပိတ်ငဟော့ သိမ်အမိန့်တော်မူတို့။ 24ယောဟန်လော့အလှို့ဟော့ ချောင်ငဲ့အပြန်ဘော်ပိစ ကိုယ်တော်လော့ ယောဟန်အကြောင်း ချောင်ပုရိသတ်သဲ့ဝါ အဟောပြောတို့။ "နောင်နိယဟော့ တောကန္တာရ ဒိက်ကာစိသလို့သဲ့ ဘောင်းနောင်နိသိုင်းငိုင်းသိမ် နောင်နိသိုင်းငိုင်သိမ် နောင်နိစိ ရိုး ခီလောသောက်လှောက်ကာ စအာက်ဟော့ ကျူပ်ရုံးဆောင်ငဟော့ နေင်နိုတိုင်နှုးကြောင်း နောင်နိတိုင်းငဟော့မိုး။ 25နောင်နိယဟော့ အကြောင်ငါဆုတလို့သဲ့ ဘောင်းနောင်နိမှုဝိုင့်ရိုး။ အောင်းကျီထာ ရှို့အို့ဟော့ ချောင်ငဲ့ နောင်နိမှုဝိုင့်မိုး။ တန်ဖိုးမွက်ဟော့ အောင်းကျီရဲ့ ရှို့အို့လော့ စည်းစိမ်လွေ့လွေ့ ခံစားဟော့ချောင်ငဲ့ ရှုန်ပလာန်းနန်းတော်ဒိက်ကာနော နောင်နိမှု လာဝိုင့်။ 26တစ်လောက်ကာနိုးပုဝါ နောင်နိလော့ မောင်းအရာငဟော့ အမှု့ကြောင်းငို နောင်နိစိဝိုး။ ပရောဖက် နောင်ဝိုင့်မိုး၊ တစ်လောက်ကာနိုးပုဝါအမှန်။ ကေ့လော့ နောင်နိဝါ ကဟောက်ဝိုင့် ယောဟန်ငဟော့ ပရောဖက်ထောက်ကာ လင်းဟိုက်အဖြစ်။ 27အကြောင်းငါ လကိုဝါ ပရောဖက်ပေါတ်နောတ်ငဟော့ ကျမ်းစာဝါ#7.27 မလိခိ ၃း၁ အရေးဟော့ငဟော့
နောင်းငဟော့ကေ့လော့ကလှို့ငှားမောင်ဝို ကေ့စေတမန်ငဟော့ ထမပြီးစွာ စေကလွှတ်ဝဲ။
ယငဟော့ ယလောင်းငဟော့ အကျန်ပိတ်ဝဲ' သိမ်အဟောက်ငဟော့ အကြောင်းဝါ ယောဟန်အကြောင်းဖြစ်။
28နောင်းနိယာကဟောက်ဝိုင့် နတိုးနှုးဝါအမောငဟော့ ယနိဝါ ယောဟန်ထောက်ကာ အလင်းဟိုက် ဟော့ချောင် နိဟော မွက်ရ။ ဆိတ်လော့ဟော ဘုရားရှင်သာသနာတော် အဒိက်ကာ အရေးပိတ်ခွန်းအွမ်လာ့ဟိုက်ငှားဟော့ချောင်ငဟော့ပ ယောဟန်ထောက်ကာအလင်းဟိုက်" သိမ်အဟောက်တို့။ 29ယောဟန်ငွါဟော့ ရေနှစ်မင်္ဂလာ ခေါင်းငဟော့ချောင်ငဲ့လော့ ကိုယ်တော်ဟောက်ခူရောက်ပြီးစလော့ ဘုရားရှင်ငဟော့ ဖြောင့်မြတ်အကြောင်းငဟော့ ထောက်လော့တဲ့ဝန်ယနိခေါင်းအောင်တို့။ 30ယောဟန်ငွါ ရေနှစ်မင်္ဂလာခေါင်းငှားဟော့ချောင် ဖာရိရှဲဟော့ ကျမ်းဟယ်ဟော့ဆရာဝဲ့ယဟော့ ဘုရားရှင်လော့အကြံစည်ငဟော့ ယနိရမ်းအံ။ 31အနီပုန်ပိကိုယ်တော်လော့ ဆက်လော့သဲ့ "ဟောနီခေတ်ဝါဟော့ချောင်ငဲ့ ကေ့လော့နောင်နိငဟော့မောင်းဝိုအတူဝိုး။ မောင်ဝို ကနှိုင်းလအယ်ရိုး။ 32ယနိငဟော့ဈေးဒိက်ကာ ငုံးအလို့သဲ့
'ကေ့နိလော့ နောင်နိတောက်ပလေငဟော့မှုတ်ပိတ်အူလော့ဟော နောင်နိငဟော့ လအောင်ဝတွက်'
ကေ့နိလော့ အကဗုန်းသီချင်းဟောက်ပိတ်ဟူလော့ဟော ယနိငဟော့ ကဝအွမ် သိမ်အချက်ချင်း ပံအံငဟော့ ဆမီးစအော်ဝဲ့ဝိုအတွက်တူ။
33ဘယ်သိမ်ကြောင်းငိုဝေါနိုးပုဝါ ရေနစ်မင်္ဂလာ ဆရာယောဟန်ငဟော့ သာမန်အေးအုပ်ဗုန်းအေဝ#7.33 ယောဟန်ငဟော့ သတ်မာကောင်လော့၊ ပျားရည်နိုး ခုဝေါတ်ဟိအအေး။ (မာကု၁း၆)၊ အမွန့်ငဟော့ စပျစ်ဝိုင်ငဟော့ဟော့ အုပ်မငှားတစ်အုံ အလူးကနို နောင်နိလော့ 'ယောဟန်ငဟော့ ပွယ်ငှားဟော့ခွက်ရိုင်း ပူကပ်ဟော့ချောင်အဖြစ်' သိမ်အဟောက်တို့။ 34ဆိတ်လော့ဟော ချောင်စိုးနော် လော့ဟော အေအုပ်လော့တဲ့ အွမ်းကနို နောင်နိငဟော့ 'ဟောနီချောင်ငဟော့ အေးခုဟော့ချောင်၊ အမွန့်ငဟော့ အုပ်ဟော့ချောင်၊ အခွန်ကောက်လော့အပြစ်သားဝဲ့ဝိုအပေါင်းအသင်းအဖြစ်' သိမ်ယနိဟောက်တစ်ပေါ်တို့။ 35ဆိတ်လော့ဟော ဘုရားရှင်ဉာဏ်ပညာငဟော့ အမှန်ကန်သိမ် ယငဟော့လက်ခေါင်းဟော့ချောင်ဝါဟောတစ်ဆင့် သက်သေအပြ" သိမ်အမိန့်တော်မှုတို့။
ကိုယ်တော်ယေရှုလော့အပြစ်များဟော့နှတိုးနူး ခွင့်အလှို့ပိတ်ကဟော့
36ဖာရိရှဲပေန်းနောတ်လော့ ကိုယ်တော်ယေရှုဝါ ယဝိုတွက်တူဝါ အမူဘု အအေးရိုင်သိမ်အဖိတ်အိပ် အနီကြောင်းငို ကိုယ်တော်ဝဟော့ အနီအင်းနာ စိလော့သဲ့ အအေးရိုင်ငုံးလော့အအွမ်း။ 37အနီမြို့ဝါ အပြစ်များဟော့ နှတိုးနူးပေန်းနောတ်အမွက်။ ဖာရိရှဲအင်းနာ ကိုယ်တော်လော့ငုံးလော့အအေးသိမ် အရောက်လာ့ကြောင်းငို အနီနှတိုးနူးလော့ ကီးကယ်တန်ဖိုးလင်ဟော့ ရေမွှေးပလိုင်းငေါတ် လှေ့ပိလော့သဲ့ အနီနေရာဝါအဖိုးလူး။ 38အနီနှတိုးနူးဝဟော့ ဝမ်းနည်းလော့ အကကြောင်းငို ကိုယ်တော်အခူးဝဲ့ဝါ အနီနှတိုးနူး အမိတ်ခီရဲ့လော့ အလုံနောက်ကြောင်းငို အခူးဝဲ့ယဟော့ ယဆောန်းနဲ့ဝို ဟိုးအုံ ပြန်လော့အဟုဘော်လော့တဲ့ ကိုယ်တော် အခူးဝဲ့ နှောန်းလော့သဲ့ ရေမွှေးလေးနောက်လောက်တဲ့ အလှု့တို့။ 39နီအကြောင်းငဲ့ဝဟော့ ကိုယ်တော်ဘိက်အိပ်လူးဟော ဖာရိရှဲလော့မှုပိစ "နီချောင်ငဟော့ ပရောဖက် အမှန်ကနို ယဝါထိဟော့နှတိုးနူးငဟော့ ပိဘောင်းချောင်သိမ်အမှတ်သိုင်။ ပွယ်ငှားဟော့ချောင်သိမ်ဟော အမှတ်သိုင်" သိမ်အခင်းတို့။
40ကိုယ်တော်လော့ဟော ဖာရိရှဲဝါ "ရှိမုန်၊ နောင်းဝါကေ့ကဟောက်ဝဲ" သိမ်အဟောက်ကြောငင်းငို ရှိမုန်လော့ "ဟောက်ဝဲ့၊ ဆရာ" သိမ်အလျှောက်ပြီးစလော့
41ကိုယ်တော်လော့ "ဟင်းစပူဟော့ချောင် ပေန်းနောတ်တာ ချောင်ပေန်းဟိလော့ ဟင်းစယဟိပူ။ ပေန်းနောတ်လော့ ငွေဒင်္ဂါး#7.41 ငွေဒင်္ဂါးပြားဝတ်တဟော့ နေ့စားရှာက်စိုင်းဟော့ချောင်အတောတ် နှုတ်တောတ်စာ အလအာဝဟော့ ဟင်းစဝိုအတူ ချားငှို၊ အရာပေန်းနောတ်လော့ ငွေဒင်္ဂါး ငါးဆယ် အကြွေးယဟိခွန်း။
42နီပေါင်ပိ ယဟိလော့ အကြွေးရှင်နာ အကြွေးပြန်လော့ပိတ်ခုသိပ်ကကြောင်းငို အကြွေးရှင်လော့ ယဟိပေန်းဟိတဒေါန်နာ 'နောင်းဟိပေါတ်ဟိတစ်ဒေါင်းငဟော့ အကြွေးပြန်လော့တဲ့ အပိတ်ပေါဝဲငဟော့လိုသိဝ' သိမ်ဟောက်ကနို ပေါတ်ဟိတစ်ဒေါင်ဝါဟော့ နီးလော့ အကြွေးရှင်နာ ပိုလော့ ကျေးဇူးအတောင်အောင်ငိုင်းရိုး" သိမ်ယဝါအစက်။ 43ရှိမုန် လော့ "အကြွေးပိုလော့ ပူအူဟော့ချောင်လော့ ပိုလော့သဲ့ ကျေးဇူးအတောင်အောင်ငိုင်" သိမ်အ ဟောက်။ ကိုယ်တော်လော့ "နောင်းနမှန်" သိမ်အဟောက်။ 44ယလော့ နှတိုးပေါတ်တို ပြန်လော့သိုင်လော့သဲ့ ရှိမုန် ငါ "နီနတိုးနူးငဟော့ နမှု့မိုး။ ကေ့ဟော့ နောင်းအင်းနာ ကကြွလူးခူဝါ နောင်ဟော့ ကေ့ကခူ ကဘွတ်အွတ် သိုင်တွီးအပိတ်ကသိ#7.44 ဂျူးချောင်ဗုန်း ထုံးစံဝါ အာကံတု ယနိခူးဘွက်နောက်ဝါ ဒူးအပိတ်ငဟော့ ယန်အလေ့အထားအဖြစ်။ ဆိတ်လော့ဟော့ နီနှတိုးနူးလော့ ကေ့ခူးဝဟော့ ယမိုက်ခီ ရိုအဘွတ်ပိတ်လော့သဲ့ ယဆောန်းနို ဟိုးအုံ အဟုဟောက်ပိတ်။ 45နောင်းငဟော့ ကေ့ကြွလူးခူဝါ ကေ့ဟော့ နမ်းရှုတ် သိလော့ဟော အကြိုဆိုဝသည်။ နီနှတိုး လော့ ကေ့အခူး အဆက်မပြတ်အနောန်း ဟောတ်#7.45 ဟောနီ အဓိပ္ပာယ်ငဟော့ ပုံမှန်အတိုင်း ဂျူးချောင်ဗုန်းများလော့ ဓလေ့ဝါ ပေါတ်နောတ်လော့ပေါတ်နောတ် နှုဆက်အကြာကနို အမှော့စံဘဲ ဆိတ်ကာဆိတ် အနှောင်းငဟော့။ အကွက်ငဟော့ အနှောင်းကနိ ကြီးကယ် အရိုသေအဖြစ်။ ။ 46နောင်းငဟော့ ကေ့လူဝါ သံလွင်ဆီရိုပလှု့တည်လော့ ကြိုငှားတည်လော့ဟော နီနှတိုးနူးလော့ ကီးကယ်တန်ဖိုးလင်ဟော့ ရေမွှေးရို ကေ့ခူးဝါ အလှု့ပိတ်။ 47နီကြောင်းငို နောင်းဝကေ့ကဟောင်ဝဲ ဘုရားရှင်လော့ အများငဟော့အပြစ်ဝဲ့ငဟော့ ခွင့်လှို့ဟီကြောင်းငို နီနတိုနှုးငဟော့ ကြီးကယ်အလင်းငဟော့ အဟင်းရှေ့ငဟော့အလင်းကြောင်းငိုအဖြစ်။ ဆိတ်လော့ နိုက်စအော်နိုး ခွင့်လှို့ငဟော့ ခေါင်းလငဟော့ချောင်ငဟော့ နိုက်စအော်နိုး အဟန်ဆေငဟော့ အနိုက်စအော်နိုးအပြ" သိမ်အမိန့်တော်မှုတို့။ 48အနီပုန်ပိ ကိုယ်တော်ဟော့ အနီနှတိုးနူးဝါ "နောင့်အပြစ်အားလုံးဟော့ ခွင့်လှို့ဟီ" သိမ် အမိန့်တော်မူတို့။ 49ဟောနီပိစလော့ ကိုယ်တော်ဝိုအတွက်တူဝါ ငုံဟော့အရာချောင်ငဲ့လော့ "အပြစ်ဟော့ခွင့်လှို့သိမ်အဟောက်ဝဟော့ ချောင်ငဟော့ နိနိုဝိုး" သိမ် အချင်းချင်းယနိဟောက်အောက်။ 50ဆိတ်လော့ဟော ကိုယ်တော်ယေရှုလော့ အနီနှတိုးနူးဝါ "နောင်နရွန်အွမ်နောက်ကဟော့လော့ တိုဝါ နောင်းအကယ်တင်ယဟော့ နလအနောက်ဟီကြောင်းငို စိတ် ငြိမ်းချမ်းအုံစိဟီဘွေ" သိမ်အမိန့်တော်မူတို့။
தற்சமயம் தேர்ந்தெடுக்கப்பட்டது:
လုကာ 7: CEY
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 7
7
အခန်း (၇)
တပ်မှူးလော့အရွမ်အွမ်နောက်ကဟော့
(မဿဲ ၈.၅-၁၃)
1ကိုယ်တော်ယေရှုဟော့ ချောင်ထုပရိတ်သတ်ဟော့ နီအကြောင်းအရာ အားလုံးအစုပ်ဟောက်ပုန်ပိစလော့ ကပေရနောင်မြို့ဝါအစိ။ 2အနီမြို့ဝါ ရောမ တပ်မှူး#7.2 တပ်သားချဝေါတ် အုပ်ချုပ်လငဟော့ တပ်မှု ပေန်းနောတ်အုံးလော့တဲ့ ယဝါကီးကယ်အနှိုးနောက်လဝဟော့ အစေခံပေန်းနောတ်အမွက်။ အနီ အစေခံပေန်းနောတ် ကြီးကယ်ကောလော့သဲ့ အဒူးဝေါ့လောက် ကာအဖြစ်။ 3ဟောနီတပ်မှုလော့ ကိုယ်တော်ယေရှုအကြောင်းအရောက်ပိစလော့ ဂျူးချောင်မျိုးအကြီးအကဲခေါင်းဆောင်ငဲ့ ကိုယ်တော်ငှာလှို့လော့သဲ့ ကာန်းငှားဟော့ချောင်အကုပိတ်ကိုင်းတောက် အဖိတ်အိပ်ရှောက်။ 4ဂျုးအကြီးအကဲငဟော့ ကိုယ်တော်ငွါလူးလော့တဲ့ "နီတပ်မှူးငဟော့ ကိုယ်တော် အကူညီငဟော့ ခေါင်းထိုက်ဟော့ချောင်အဖြစ်။ 5ဘယ်သိမ်ကြောင်းငိုဝေါနိုးပုဝါ ယလော့ ကနိချောင်ဗုန်းငဟော့ မေတ္တာ တောက်လော့သဲ့ ကေ့နိတောက် ဓမ္မာရုံဟော ဆောက်လော့သဲ့ အလှူဟော့ချောင်အဖြစ်" သိမ်လျှောက်တင်လော့တဲ့ ကြီးကယ်အတောင်းပန်အံတို့။ 6အနီကြောင်းငို ကိုယ်တော်ယေရှုဝဟော့ ယနိဟွေး အစိပိ။ အနီတပ်မှူးအင်းနို မလှမ်းမကမ်းနာအဖိုးလူးပိစ တပ်မှူးလော့ ယမိတ်ဆွေရဲ့ လှို့လော့သဲ့ ကိုယ်တော်ဝါ "အရှင်နော ကေ့နိအင်းဝါ အရှင်အကြွလူးဝဲတောက် ကေ့ဝိုထိုက်တန်နဟူကြောင်းငို အရှင်အပြင်ပန်းခေါင်းနဲ့သိ။ 7နီကြောင်းငို အရှင့်ငှာလူးဟလော့သဲ့ ကခွန်းအွမ်နိုင်ဟော ကေ့ရိုထိုက်တန်အမ်နာ့ငှူ ကခင်းအင်းမိ။ အရှင်မော့နောက်ဒုန်းနေရာဝါဟော့စထူးလော့ အမိန့်နပိတ်ရုံငို ကေ့အစေခံနဟော့ ရောဂါအကျုပ်ကိုင်။ 8တစ်လောက်ကာကဟောက်လချင်းငဟော့ ကေ့လော့ဟော အထက်အရာရှိလက်အောက်ကာအမော့လောက်ကာ ကေ့လက်အောက်တောက်ဟော စစ်သားအနည်းအမော့။ ကေ့လော့ စစ်သားပေန်းနောတ်တာ 'စိရဲ့' သိမ် အမိန့် ကပိတ်ကနို အနီစစ် သားအစိလာ့။ အရာစစ်သား ပေန်းနောတ်တာ 'လူးဝဲ့' သိမ်ကဟောက်ကနို ယအလူးလာ့။ ကေ့လော့ ကေ့အစေခံနဲ့ငါ 'ယစိုင်းရဲ့' သိမ်ကဟောက်ကနိုဟော ယလော့အစိုင်းလာ့" သိမ်အလျှောက်တင်ကနို။
9ထိုဟောက်ခူငဟော့ ကိုယ်တော်ယေရှေုလော့ အရောက်ပိစ ကီးကယ်အံ့ဩလော့သဲ့ ယဟွေးတူလူးပိဟော့ ချောင်ငဲ့ယာ ကေ့နောင်နိယာကဟောက်ဝိုင့်ယဟော့ "နောင်နိဝါကေ့ကဟော့ အစ္စရေးတစ်ခွင်နာ နီလှောက်ကာ ယုံကြည်မှုအလင်းငဟော့ ကွင်းဖူးဝငှူ" သိမ်အမိန့်တော်မူတို့။ 10တပ်မှုလော့ အလှို့ငဟော့ချောင်ငဟော့ အင်းနာအပြန်ပြီးစလော့ တပ်မှု အစေခံငဟော့ဟော အကန်းငဟော့ ယနိခွင်းလတို့။
မုဆိုးမပေန်းနောတ်စိုးငဟော့ကိုယ်တော်ယေရှုလော့ အရှောက်ပြန်လော့အဟိုင်ရှောက်ဘော်ဝဟော့
11အရာနှုတ်တောတ်တာကိုယ်တော်ယေရှုလော့ ယတပည့်တော်ဝဲ့ဝိုအတွက်တူဝါ နာဣနမြို့ ဝါ အစိဟနို ချောင်ပုရိတ်သတ်သဲ့ဟော ကိုယ်တော်ဝိုတွက်တူဝါယနိလူးပိတို့။ 12ကိုယ်တော်ယေရှု မြို့ဝါအဝေါင်းနောက်ဒွန်းဒိုင်ဆွတ်တာအဖိုးပိစ အရုတ် ယနိချု့ဝိုင့်သိမ် ချောင်စုဝတ်လော့ အလောင်းမကို့နောက်ဒွန်းနို ကို့အလို့ မြို့အကြောင်ငါယနိလူး။ ဒူးဟော့ချောင်ငဟော့ဟော မုဆိုးမပေန်းနောတ်လော့ပေန်းနောတ်လိုက်ဖြစ်လော့တဲ့ ယစိုးအနီမြို့ဝါဟော့ချောင်ငဲ့လော့ဟော့ အနီနှတိုးဟွေးတူ ရုတ်ယနိထို့ပိ။ 13အရှင်လော့ အနီနှတိုးနူး မှူးလော့သဲ့ အနိနှတိုးနူးဝါ ကီးကယ်အဟင်းရှေလော့သဲ့ "ကာ့ဝိုင့်သိ" သိမ်အမိန့်တော်မှုတို့။ 14အနီပုန်ပိ ကိုယ်တော်လော့ အရုပ်စိမ်း ငါစိလော့တဲ့ အရုပ် ကဟော့ အကွတ်တို့အထိ ပြီးစလော့ချောင်ငဲ့လော့ အရုပ်စင်ငဟော့ အလောင်းစင်ကို့လူးဟော့ ချောင်ဟော့ ရပ်အလော့တဲ့။ ကိုယ်တော်လော့ "ချောင်ဆမီးစအောင်ဝိုး နောင်းငါကဟောက်ဝိုင့် ထောန်ဝဲ့" သိမ်အမိန့်တော်မူတို့။ 15အနီလှောက်ကာအဟောက်ပုန်ပိစ ချက်ချင်းပ ဒူဟော့ချောင်ငဟော့ ထောန်လော့တဲ့ စလော့သဲ့အသက်အက်။ အနီပုန်ပိ ကိုယ်တော်ယေရှုလော့ အနီဆမီးစအောင်ဝဟော့ ယနူအူဝါအအွတ်ဘော်။ 16ချောင်မနည်းလော့ဟော အံ့သြလော့အလစ်လစ်အက်မာက်အလော့ "ကနိကြားဝါ မြင့်မြတ်ဟော့ပရောဖက်ပါးဝတ် အပေါင်လူး။ ဘုရားရှင်လော့ ယချောင်ငဲ့ အကယ်ဝဲ့တောက်အဖိုးဟီ" သိမ်ဟောက်အလော့ ဘုရားရှင်ဂုဏ်တော် ယနိချီးမွန်းတို့။ 17ကိုယ်တော်ယေရှုအစိုင်းယဟော့ နီသတင်းနဟော့ ယုဒပြည်နယ်လော့နာဣနမြို့ တစ်ခွင်လုံးလော့ အစိမ်းငါမွက်ဟော့ပတ်ဝန်းကျင်ဒေသအားလုံးဝါ အပြန့်နှံ့တို့။
ရေနှစ်မင်္ဂလာဆရာယောဟန်အကောင်းအမိန့်ဆိုငဟော့
(မဿဲ ၁၁.၂-၁၉)
18နီပေါင်ပိ ရေနှစ်မင်္ဂလာဆရာယောဟန်တပည့်တော်ဝဲ့လော့ ကိုယ်တော်ယေရှုအကြောင်းငဟော့ ယောဟန်နာ အစုံအလင်ယနိဟောက်ပိတ်ပိ ယလော့တပည့်ပေန်းဟိ အဘိက်အိပ်လော့ 19ယောဟန်လော့ယတပည့်တော်ပေန်းဟိရာ အရှင်ငွါအလှို့ပြီးစလော့ "ကိုယ်တော်ဝဟော့ အကြွလူးဝိုင်ဟီ သိမ် အဟော့ဝဟော့ ချောင်အဆိတ်မိုး၊ ဆိတ်ငှားဝါ အရာချောင်ပေန်းနောတ် ကနိစုန်းလာ့ဟိုင်မိုး" သိမ်အစက်သိုင်သိမ် ကိုယ်တော်ငှာအလှို့။ 20အနီချောင်ဟွေ့ဟော့ကိုယ်တော်ယေရှုငှာအဖိုးလူးပိစလော့ "ရေနှစ် မင်္ဂလာဆရာကြီး ယောဟန် လော့ကေ့နိငဟော့ ကိုယ်တော်ငှာအလှို့လော့သဲ့ 'ကိုယ်တော်ငဟော့အကြွလူးငဝဲ့သိမ်အဟောက်ငဟော့ နဆိတ်မိုး ဆိတ်ငှားဝါ အရာချောင်ပေန်းနောတ် ကစုန်းလာဟိုင်မိုး' သိမ်အစက်သိုင် အလှို့သိမ်" အရှင်ငွါအလှို့နိုးအဖြစ်။ 21အနီချိန်ငါ ကိုယ်တော်ယေရှုဟော့ အနာရောဂါ၊ ကောဟော့ချောင်ငဲ့ငဟောလော့ပွယ်ငှားဟော့ခွက်ရိုင်းပူးအူလော့ ချောင်ငဲ့နိုး ကုသပိတ် လော့တဲ့ အမိတ်မှူးအူငှားဟော့ချောင်ငဲ့ဟော့ အမိက်လော့ ပြန်လော့မှုပေါ်အုံ ပြန်လော့အစိုင်းပေါ်တို့။ 22ကိုယ်တော်လော့ ယောဟန်တပည့်ဝဲ့ရာ "နောင်နိမှု့လဟော့ အမှုလငဟော့လော့ အရောက်လငဟော့ ယောဟန်ငှာစိသလော့ တဲ့ ဟောက်ပိတ်ပေါ်ဘွေ့" အမိတ်မှူးငှားဟော့ချောင်ငဲ့ အမိတ်ပြန်လော့အမှု့လာ့ဘော်ဟီ၊ အကွတ် ခူးပွယ်ငှားဟော့ချောင်ငဲ့ဟော့ ပြန်လော့လွန်းယနိစိခုဘော်ဟီ၊ အနာကြီးရောဂါသည်ရဲ့ဟော့ ရောဂါ အကျုပ်ဘော်ဟီ၊ အနှိုပွယ်ငှားဟော့ ချောင်ဟော ပြန်လို့ပွယ်ဘော်ဟီ၊ ဒူးဟော့ချောင်ဟော ပြန်လော့ အဟိုင်ဘော်ဟီ၊ ဆင်းရဲသားမနည်းလော့ဟော့ မင်္ဂလာသတင်းပေါလ် ယနိယောက်လဘော်ဟီ။ 23ကေ့ကစိုင်းယဟော့အရာဝဲ့ ဆန့်ကျင်ငှားလော့သဲ့ ညာန်းငှားဟော့ချောင်ငဲ့ယဟော့ ဘုရားရှင်လော့ မျက်နှာသာအပိတ်ငဟော့ သိမ်အမိန့်တော်မူတို့။ 24ယောဟန်လော့အလှို့ဟော့ ချောင်ငဲ့အပြန်ဘော်ပိစ ကိုယ်တော်လော့ ယောဟန်အကြောင်း ချောင်ပုရိသတ်သဲ့ဝါ အဟောပြောတို့။ "နောင်နိယဟော့ တောကန္တာရ ဒိက်ကာစိသလို့သဲ့ ဘောင်းနောင်နိသိုင်းငိုင်းသိမ် နောင်နိသိုင်းငိုင်သိမ် နောင်နိစိ ရိုး ခီလောသောက်လှောက်ကာ စအာက်ဟော့ ကျူပ်ရုံးဆောင်ငဟော့ နေင်နိုတိုင်နှုးကြောင်း နောင်နိတိုင်းငဟော့မိုး။ 25နောင်နိယဟော့ အကြောင်ငါဆုတလို့သဲ့ ဘောင်းနောင်နိမှုဝိုင့်ရိုး။ အောင်းကျီထာ ရှို့အို့ဟော့ ချောင်ငဲ့ နောင်နိမှုဝိုင့်မိုး။ တန်ဖိုးမွက်ဟော့ အောင်းကျီရဲ့ ရှို့အို့လော့ စည်းစိမ်လွေ့လွေ့ ခံစားဟော့ချောင်ငဲ့ ရှုန်ပလာန်းနန်းတော်ဒိက်ကာနော နောင်နိမှု လာဝိုင့်။ 26တစ်လောက်ကာနိုးပုဝါ နောင်နိလော့ မောင်းအရာငဟော့ အမှု့ကြောင်းငို နောင်နိစိဝိုး။ ပရောဖက် နောင်ဝိုင့်မိုး၊ တစ်လောက်ကာနိုးပုဝါအမှန်။ ကေ့လော့ နောင်နိဝါ ကဟောက်ဝိုင့် ယောဟန်ငဟော့ ပရောဖက်ထောက်ကာ လင်းဟိုက်အဖြစ်။ 27အကြောင်းငါ လကိုဝါ ပရောဖက်ပေါတ်နောတ်ငဟော့ ကျမ်းစာဝါ#7.27 မလိခိ ၃း၁ အရေးဟော့ငဟော့
နောင်းငဟော့ကေ့လော့ကလှို့ငှားမောင်ဝို ကေ့စေတမန်ငဟော့ ထမပြီးစွာ စေကလွှတ်ဝဲ။
ယငဟော့ ယလောင်းငဟော့ အကျန်ပိတ်ဝဲ' သိမ်အဟောက်ငဟော့ အကြောင်းဝါ ယောဟန်အကြောင်းဖြစ်။
28နောင်းနိယာကဟောက်ဝိုင့် နတိုးနှုးဝါအမောငဟော့ ယနိဝါ ယောဟန်ထောက်ကာ အလင်းဟိုက် ဟော့ချောင် နိဟော မွက်ရ။ ဆိတ်လော့ဟော ဘုရားရှင်သာသနာတော် အဒိက်ကာ အရေးပိတ်ခွန်းအွမ်လာ့ဟိုက်ငှားဟော့ချောင်ငဟော့ပ ယောဟန်ထောက်ကာအလင်းဟိုက်" သိမ်အဟောက်တို့။ 29ယောဟန်ငွါဟော့ ရေနှစ်မင်္ဂလာ ခေါင်းငဟော့ချောင်ငဲ့လော့ ကိုယ်တော်ဟောက်ခူရောက်ပြီးစလော့ ဘုရားရှင်ငဟော့ ဖြောင့်မြတ်အကြောင်းငဟော့ ထောက်လော့တဲ့ဝန်ယနိခေါင်းအောင်တို့။ 30ယောဟန်ငွါ ရေနှစ်မင်္ဂလာခေါင်းငှားဟော့ချောင် ဖာရိရှဲဟော့ ကျမ်းဟယ်ဟော့ဆရာဝဲ့ယဟော့ ဘုရားရှင်လော့အကြံစည်ငဟော့ ယနိရမ်းအံ။ 31အနီပုန်ပိကိုယ်တော်လော့ ဆက်လော့သဲ့ "ဟောနီခေတ်ဝါဟော့ချောင်ငဲ့ ကေ့လော့နောင်နိငဟော့မောင်းဝိုအတူဝိုး။ မောင်ဝို ကနှိုင်းလအယ်ရိုး။ 32ယနိငဟော့ဈေးဒိက်ကာ ငုံးအလို့သဲ့
'ကေ့နိလော့ နောင်နိတောက်ပလေငဟော့မှုတ်ပိတ်အူလော့ဟော နောင်နိငဟော့ လအောင်ဝတွက်'
ကေ့နိလော့ အကဗုန်းသီချင်းဟောက်ပိတ်ဟူလော့ဟော ယနိငဟော့ ကဝအွမ် သိမ်အချက်ချင်း ပံအံငဟော့ ဆမီးစအော်ဝဲ့ဝိုအတွက်တူ။
33ဘယ်သိမ်ကြောင်းငိုဝေါနိုးပုဝါ ရေနစ်မင်္ဂလာ ဆရာယောဟန်ငဟော့ သာမန်အေးအုပ်ဗုန်းအေဝ#7.33 ယောဟန်ငဟော့ သတ်မာကောင်လော့၊ ပျားရည်နိုး ခုဝေါတ်ဟိအအေး။ (မာကု၁း၆)၊ အမွန့်ငဟော့ စပျစ်ဝိုင်ငဟော့ဟော့ အုပ်မငှားတစ်အုံ အလူးကနို နောင်နိလော့ 'ယောဟန်ငဟော့ ပွယ်ငှားဟော့ခွက်ရိုင်း ပူကပ်ဟော့ချောင်အဖြစ်' သိမ်အဟောက်တို့။ 34ဆိတ်လော့ဟော ချောင်စိုးနော် လော့ဟော အေအုပ်လော့တဲ့ အွမ်းကနို နောင်နိငဟော့ 'ဟောနီချောင်ငဟော့ အေးခုဟော့ချောင်၊ အမွန့်ငဟော့ အုပ်ဟော့ချောင်၊ အခွန်ကောက်လော့အပြစ်သားဝဲ့ဝိုအပေါင်းအသင်းအဖြစ်' သိမ်ယနိဟောက်တစ်ပေါ်တို့။ 35ဆိတ်လော့ဟော ဘုရားရှင်ဉာဏ်ပညာငဟော့ အမှန်ကန်သိမ် ယငဟော့လက်ခေါင်းဟော့ချောင်ဝါဟောတစ်ဆင့် သက်သေအပြ" သိမ်အမိန့်တော်မှုတို့။
ကိုယ်တော်ယေရှုလော့အပြစ်များဟော့နှတိုးနူး ခွင့်အလှို့ပိတ်ကဟော့
36ဖာရိရှဲပေန်းနောတ်လော့ ကိုယ်တော်ယေရှုဝါ ယဝိုတွက်တူဝါ အမူဘု အအေးရိုင်သိမ်အဖိတ်အိပ် အနီကြောင်းငို ကိုယ်တော်ဝဟော့ အနီအင်းနာ စိလော့သဲ့ အအေးရိုင်ငုံးလော့အအွမ်း။ 37အနီမြို့ဝါ အပြစ်များဟော့ နှတိုးနူးပေန်းနောတ်အမွက်။ ဖာရိရှဲအင်းနာ ကိုယ်တော်လော့ငုံးလော့အအေးသိမ် အရောက်လာ့ကြောင်းငို အနီနှတိုးနူးလော့ ကီးကယ်တန်ဖိုးလင်ဟော့ ရေမွှေးပလိုင်းငေါတ် လှေ့ပိလော့သဲ့ အနီနေရာဝါအဖိုးလူး။ 38အနီနှတိုးနူးဝဟော့ ဝမ်းနည်းလော့ အကကြောင်းငို ကိုယ်တော်အခူးဝဲ့ဝါ အနီနှတိုးနူး အမိတ်ခီရဲ့လော့ အလုံနောက်ကြောင်းငို အခူးဝဲ့ယဟော့ ယဆောန်းနဲ့ဝို ဟိုးအုံ ပြန်လော့အဟုဘော်လော့တဲ့ ကိုယ်တော် အခူးဝဲ့ နှောန်းလော့သဲ့ ရေမွှေးလေးနောက်လောက်တဲ့ အလှု့တို့။ 39နီအကြောင်းငဲ့ဝဟော့ ကိုယ်တော်ဘိက်အိပ်လူးဟော ဖာရိရှဲလော့မှုပိစ "နီချောင်ငဟော့ ပရောဖက် အမှန်ကနို ယဝါထိဟော့နှတိုးနူးငဟော့ ပိဘောင်းချောင်သိမ်အမှတ်သိုင်။ ပွယ်ငှားဟော့ချောင်သိမ်ဟော အမှတ်သိုင်" သိမ်အခင်းတို့။
40ကိုယ်တော်လော့ဟော ဖာရိရှဲဝါ "ရှိမုန်၊ နောင်းဝါကေ့ကဟောက်ဝဲ" သိမ်အဟောက်ကြောငင်းငို ရှိမုန်လော့ "ဟောက်ဝဲ့၊ ဆရာ" သိမ်အလျှောက်ပြီးစလော့
41ကိုယ်တော်လော့ "ဟင်းစပူဟော့ချောင် ပေန်းနောတ်တာ ချောင်ပေန်းဟိလော့ ဟင်းစယဟိပူ။ ပေန်းနောတ်လော့ ငွေဒင်္ဂါး#7.41 ငွေဒင်္ဂါးပြားဝတ်တဟော့ နေ့စားရှာက်စိုင်းဟော့ချောင်အတောတ် နှုတ်တောတ်စာ အလအာဝဟော့ ဟင်းစဝိုအတူ ချားငှို၊ အရာပေန်းနောတ်လော့ ငွေဒင်္ဂါး ငါးဆယ် အကြွေးယဟိခွန်း။
42နီပေါင်ပိ ယဟိလော့ အကြွေးရှင်နာ အကြွေးပြန်လော့ပိတ်ခုသိပ်ကကြောင်းငို အကြွေးရှင်လော့ ယဟိပေန်းဟိတဒေါန်နာ 'နောင်းဟိပေါတ်ဟိတစ်ဒေါင်းငဟော့ အကြွေးပြန်လော့တဲ့ အပိတ်ပေါဝဲငဟော့လိုသိဝ' သိမ်ဟောက်ကနို ပေါတ်ဟိတစ်ဒေါင်ဝါဟော့ နီးလော့ အကြွေးရှင်နာ ပိုလော့ ကျေးဇူးအတောင်အောင်ငိုင်းရိုး" သိမ်ယဝါအစက်။ 43ရှိမုန် လော့ "အကြွေးပိုလော့ ပူအူဟော့ချောင်လော့ ပိုလော့သဲ့ ကျေးဇူးအတောင်အောင်ငိုင်" သိမ်အ ဟောက်။ ကိုယ်တော်လော့ "နောင်းနမှန်" သိမ်အဟောက်။ 44ယလော့ နှတိုးပေါတ်တို ပြန်လော့သိုင်လော့သဲ့ ရှိမုန် ငါ "နီနတိုးနူးငဟော့ နမှု့မိုး။ ကေ့ဟော့ နောင်းအင်းနာ ကကြွလူးခူဝါ နောင်ဟော့ ကေ့ကခူ ကဘွတ်အွတ် သိုင်တွီးအပိတ်ကသိ#7.44 ဂျူးချောင်ဗုန်း ထုံးစံဝါ အာကံတု ယနိခူးဘွက်နောက်ဝါ ဒူးအပိတ်ငဟော့ ယန်အလေ့အထားအဖြစ်။ ဆိတ်လော့ဟော့ နီနှတိုးနူးလော့ ကေ့ခူးဝဟော့ ယမိုက်ခီ ရိုအဘွတ်ပိတ်လော့သဲ့ ယဆောန်းနို ဟိုးအုံ အဟုဟောက်ပိတ်။ 45နောင်းငဟော့ ကေ့ကြွလူးခူဝါ ကေ့ဟော့ နမ်းရှုတ် သိလော့ဟော အကြိုဆိုဝသည်။ နီနှတိုး လော့ ကေ့အခူး အဆက်မပြတ်အနောန်း ဟောတ်#7.45 ဟောနီ အဓိပ္ပာယ်ငဟော့ ပုံမှန်အတိုင်း ဂျူးချောင်ဗုန်းများလော့ ဓလေ့ဝါ ပေါတ်နောတ်လော့ပေါတ်နောတ် နှုဆက်အကြာကနို အမှော့စံဘဲ ဆိတ်ကာဆိတ် အနှောင်းငဟော့။ အကွက်ငဟော့ အနှောင်းကနိ ကြီးကယ် အရိုသေအဖြစ်။ ။ 46နောင်းငဟော့ ကေ့လူဝါ သံလွင်ဆီရိုပလှု့တည်လော့ ကြိုငှားတည်လော့ဟော နီနှတိုးနူးလော့ ကီးကယ်တန်ဖိုးလင်ဟော့ ရေမွှေးရို ကေ့ခူးဝါ အလှု့ပိတ်။ 47နီကြောင်းငို နောင်းဝကေ့ကဟောင်ဝဲ ဘုရားရှင်လော့ အများငဟော့အပြစ်ဝဲ့ငဟော့ ခွင့်လှို့ဟီကြောင်းငို နီနတိုနှုးငဟော့ ကြီးကယ်အလင်းငဟော့ အဟင်းရှေ့ငဟော့အလင်းကြောင်းငိုအဖြစ်။ ဆိတ်လော့ နိုက်စအော်နိုး ခွင့်လှို့ငဟော့ ခေါင်းလငဟော့ချောင်ငဟော့ နိုက်စအော်နိုး အဟန်ဆေငဟော့ အနိုက်စအော်နိုးအပြ" သိမ်အမိန့်တော်မှုတို့။ 48အနီပုန်ပိ ကိုယ်တော်ဟော့ အနီနှတိုးနူးဝါ "နောင့်အပြစ်အားလုံးဟော့ ခွင့်လှို့ဟီ" သိမ် အမိန့်တော်မူတို့။ 49ဟောနီပိစလော့ ကိုယ်တော်ဝိုအတွက်တူဝါ ငုံဟော့အရာချောင်ငဲ့လော့ "အပြစ်ဟော့ခွင့်လှို့သိမ်အဟောက်ဝဟော့ ချောင်ငဟော့ နိနိုဝိုး" သိမ် အချင်းချင်းယနိဟောက်အောက်။ 50ဆိတ်လော့ဟော ကိုယ်တော်ယေရှုလော့ အနီနှတိုးနူးဝါ "နောင်နရွန်အွမ်နောက်ကဟော့လော့ တိုဝါ နောင်းအကယ်တင်ယဟော့ နလအနောက်ဟီကြောင်းငို စိတ် ငြိမ်းချမ်းအုံစိဟီဘွေ" သိမ်အမိန့်တော်မူတို့။
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.