လုကာ 13

13
အခန်း (၁၃)
ဘုရားရှင်ပေါတ်တို လည့်ဘွေတွက်
1အနီအချိန်ငါ ချောင်ငဲ့အချို့ ငဟော့ကိုယ်တော်ယေရှုငှာလူးအလော့သဲ့ ဘုရားရှင်ငဟော့ပူဇော်ငဟော့ ဂါလိလဲပြည်နယ် စိုးချောင်တစ်ချို့ငဟော့ ပိလတ်ဆဗလှန်းစအော်လော့ စစ်သားဝဲ့လော့ အသုတ်ဟော့ငဟော့အကြောင်းငဟော့ လျှောက်တင်တို့။ 2အနီပိ ကိုယ်တော်လော့ "အနီချောင်ငဲ့ယဟော့ ဂါလိလဲပြည်ဝါ ဟော့အခြားချောင်ငဲ့ထောက်ကာ ထောက်ကာပိုလော့ အပြစ်အများကြောင့်ငို နီလှောက်ကာအဒုတ်အခေါင်း သိမ်နောင်နီခင်းမိုး 3အလှောက်ကာဆိတ်က၊ နောင်နိယာကဟောက်ဝဲ နောင်နိအပြစ်ဒုစရိုက်တောက် နောင်တသံဝေဂ တစ်လောက်ကာအဒူးလအယ်။ 4ရှိလောင်ရေကန်စဉ်းဝါအမော့ငဟော့ ရှိလောင်မျှော်စင်အပြိုပြီးစ ချောင်ပေန်းပေါင်းဟာလက်ရှက် ဘုနောက်လော့တဲ့ ယနိဒူးတို့။ နီချောင်ငဲ့ယဟော့ အရာဟော့ ‌ဂျေရုဆလင်မြို့ဝါအအွမ်းငဟော့ အခြားချောင်ငဲ့ထောက်ကာ အပြစ်ဒုစရိုက်အများသိမ် နောင်နိခင်မိုး။ 5တစ်လောက်ကာဝဆိတ်က။ နောင်နိဝါကေ့ကဟောက်ဝဲ နောင်နိအားလုံးငဟော့ အပပြစ်ဒုစရိုက်ဝါဟော့ နောင်တသံဝေဂလငှားဝါ တစ်လောက်ကာအဖြစ်ဝဲ" သိမ်မိန့်တော်မူလေ။
အထိုက်ထိုက်ငှားဟော့ ပိုင်ပိထိန်းဥပမာ
6အနီပုန်ပိ ကိုယ်တော်လော့ ယနိဝါ နီပုံဥပမာအုဝေါတ်ဝို အမိန့်တော်မှုတို့။ ကိုယ်တော်လော့ "ချောင်ပေန်းနောတ်စပျစ်ဖွန်းနာ အစို့ငဟော့ပိုင်ပီရုံး ရုံးငေက်အမွက်။ ယလော့ ပိုင်ပီဝါဟော့ ထိုက်အဆူးဝဲသိမ်စိလော့ဟော့ မောင်းအထိုက်ဟော့ခွမ်းန။ နီကြောင်းငို ယလော့ အဖွန့်မို့ငဟော့ ဘိတ်အိပ်လော့တဲ့ 'ကေ့လော့ ကုန်ထွန်လုံးလုံး ပိုင်ပိထိန်းဝါဟော့ အထိုက်ငဟော့ ရှူးဟူလော့ဟော့ မောင်းအထိုက်ဟောခွမ်းလဟူ နီပိုင်ပိထိန်းငဟော့ ချွပ်ဟီဘွေ ဘယ်သိမ်ကြောင်းငို ဒိတ်ကာ အကြိုးမော့ငှားတစ်အုံ နေရာအလော့အော့' သိမ်အဟောက်တို့။ 7အနီကြောင်းငို ယလော့အဖုန်းမို့ဝါ နီထိန်းငါ ပိုင်ပီရုံးထိုက်ကခွန်းနိုင်းသိမ်ခင်ဟလော့သဲ့ ကစုန်းငဟော့ ကွန်ထုံအမွက်ဟီ၊ ဘောင်းအထိုက်ဟောခွန်းနငှူ၊ နီထိန်းချုပ်ဟီရဲ့။ ပိုင်ကြောင်းငို အနီထိန်းလော့ နေရာအလောင်အောင်ကြားဝဟော့ ပိုင်ကြောင်းငိုနောင်နိသောက်တဝိုး' သိမ် အဟောက်တို့။ 8ဆိတ်လော့ဟော အဖုန်းမို့လော့ဟော 'နီထိန်းငဟော့နောက်ထပ်ကွန်နောတ် တောက်ကဲ့။ ကေ့နီထိန်းပတ်လည်ရာ ဒိက်စူးဟလော့ မြေဩဇာ ကထိုက်ဟိုင်။ 9တစ်လောက်ကာ အစိုင်းကနို ဆင်းကုန်း အထိုက်ထိုက်နှူးဝါ အစိုက်ခုဝဲ။ တစ်ကဘ်လော့ အထိုက်ငှားလော့ အချုပ်ခု' သိမ်ဟောက်လော့" သဲ့ အမိန့်တော်မူတို့။
နှတိုးနူးပေန်းနောတ် ဥပုသ်နှုတ်တာ အကုပိတ်ကဟော့
10ဥပုသ်နှုတ်အရာနှုတ်တာ ဓမ္မာရုံအုဝေတ်သာ ကိုယ်တော်လော့ ဟော ပြောအစုတ်ဟောက်တို့။ 11ဟောနီနေရာဝါ ကွန်းဟာလက်ရှက်ကြာ ပွယ်ဟားဟော့ခွက်ရိုင်လော့ အပြုစားအခွန်းအွမ်လာ့ငဟော့ နှတိုးနူးပေန်းနောတ်အဟော့။ ယလော့အလှိမ်းအုပ်တဲ့မတ်မတ်လော့ရားခုဝ။ 12ကိုယ်တော်လော့ အနီတိုးနူးဟော့ အခွန်းပိစလော့ နိနှတိုးဟော့ဘိတ်အိက်လော့ "နောင်းငဟောတိုဝါစထုလော့ အပြုစားခေါင်းလငဟော့ တူဝါနလှို့ဟီ" သိမ်အမိန့်တော်တို့။ 13နီပေါင်ပိ ကိုယ်တော်လော့ယအကွက်တို နိနှတိုးနူး အတောင်ပိစလော့ ချက်ချင်းပ နိနှတိုးနူးဟော့ အလှိမ်းအရမ်းဘော်ခုလော့တဲ့ ယားလော့တဲ့ဘုရားရှင်ဟော့ ဂုဏ်ကျေးဇူးဟော့ချီးမွမ်းတို့။ 14ဆိတ်လော့ဟော ဥပုသ်နှုတ်တာအနီ ကိုယ်တော်ယေရှုလော့ အနာရောဂါ အကျုပ်ကြောင်းငို ဓမ္မာရုံတာဝန်ခွန်းအွမ်ဟော့ပတိုးဟော့ အလှုန်လှုပ်လော့တဲ့ ချောင်ထုပရိတ်ဝါ "ဆိတ်စိုင်းခွင့် နှုတ်ရှုတ်အမော့၊ ဟောနီနှတ်တာနိုးလူးဘွေတွက်၊ ဥပုသ်နှုတ်သာကုအုဝိုင်တို့" သိမ်အဟောက်။ 15နီပိစလော့ ကိုယ်တော်လော့ "သူတော်ကောင်းယောင်ဆောင်ဟော့ချောင်ငဲ့။ ဥပုသ်နှုတ်တာ နောင်နိယာမွက်ဟော့ ဆိုဝဲ့၊ မြည်းဝဲ့ငဟော့ တိုင်ဝါဟော့ ရှို့ဖြုတ်အလော့တဲ့ ဒူးဝဲ့တောက်ဝဲတောက် စိအီဝတွက်မိုး။ 16အနီကာနိုးပုဝါ အာဗြဟံအစိုးနှူးဖြစ်ဟော နိနှတိုးစိုးဝဟော့ ဥပုသ်နှတ်တာလှို့ပိတ်သင့်ဆိတ်ကာနိုး" သိမ်အမိန့်တော်မူတို့။ 17ကိုယ်တော်ဝါ ဆန့်ကျင်ငဟော့ ဟော့ချောင်ငဲ့ငါ ယနိရောက်အောက်လတို့။ ဆိတ်လော့ဟောပရိတ်သတ်အားလုံး အနီထူးဆန်းအံ့သြဖွယ် အဘွယ်ဟော့အကြောင်းငိုဝမ်းမြောက်။
မုန်ညင်းစေ့လော့တဆေး
18နိပေါင်ပိစလော့ ကိုယ်တော်လော့ "ဘုရားသာသနာတော်ဟော့ဘောင်းငိုအတူဝိုး၊ ဟောနီအရာငဟော့ ကေ့လော့ဘောင်းငိုကနှိုင်းယှဉ်လာ့ဝိုင်ရိုးနပါ 19အရဝဟော့ မုန်ညင်းစေ့ရိုအတူ။ ချောင်ပေန်းနောတ်လော့ မုန်ညင်းစေ့လောင်းလော့သဲ့ ယဥယျာဉ်နာအစို့အို့။ ထိုအစေ့ဝါစထုလော့ အရုံးလင်းဖြစ်လူးလော့တဲ့ အာကာငဟော့ဖရိုးဝဲ့ငဟောဟော် အကိုင်းဝဲ့ဝါ အဘူးဝဲ့ဖွဲ့အလော့တဲ့ ယနိအွမ်းတို့" သိမ်အမိန့်တော်မူတို့။
တဆေးပုံဥပမာ
20ပိစလော့ ကိုယ်တော်လော့ "ဘုရားရှင်သာသနာတော်ဝဟော့ ကေ့လော့ဘောင်းငိုကနှိုင်းယှဉ်လာ့ဝိုင်ယော။ 21အနီအရာဝဟော့စဲ တဆေးငိုအတွက်တူ။ နှတိုးနူးပေန်းနောတ်လော့ အတဆေးနိုက်စအောင်လောင်းလော့သဲ့ ဂျုံမှုန့်မနည်းဝါအရော်ပြီးစလော့ မုန့်ညက်ငဟော့ ဖောင့်ပွတို" သိမ်အမိန့်တော်မူတို့။
ဒိုက်ဆွတ်ပေါက် ညောင်းစအောင်
(မဿဲ ၁၃.၃၁-၃၂မာကု ၄.၃၀-၃၂)
22အနီပုန်ပိ ကိုယ်တော်ယေရှုငဟော့ ဂျေရုဆလင်နာစိပိစ လွန်းခရီးတစ်လျှောက်ကာမွက်ဟော့ မြို့နန်းနဲ့ယာမွက်ဟော့ချောင်ပရိသတ်သဲ့ယာ ဟော ပြော အစုပ်ဟောက်။ 23ပေန်းနောတ်လော့ ကိုယ်တော်ဝါ "အရှင်၊ ချောင်အနိုက်စအော်နိုး အကယ်တင်အခွန်းအွမ်လအယ်မိုး" သိမ်အစက်တဲ့ ကိုယ်တော်လော့ 24"နောင်နီဟော့ အစိုက်ဟော့ဒိုင်ဆွတ်ဝိုအတူဝို အတူငဟော့ဘုရားရှင်သတနာတော်ဒိတ်ကာ အဝေါင်းဝဲငဟော့ကြိုးစားဘွေတွက်။ နောင်နိဝါကေ့အမှန်တိုင်းကဟောက်ဝဲ အများငဟော့ချောင်ငဲ့လော့ ဟောနီဒိုင်ဆွတ်ဝို အဝေါင်းဝဲငဟောကြိုးစားလော့ဟော့ ဝေါင်းခုဝအွမ်" ဆိတ်က။ 25အင်းမို့လော့ထောင်လူးလော့တဲ့ ဒိုက်ဆွတ် အပိတ်ကနို နောင်နိယဟော့ အကြောင်ငါယားအလော့သဲ့ ဒိုင်ဆွတ်ခုတ်လော့တဲ့ 'ဆရာ ဒိုင်ဆွတ်ဟူးဝဲ့သိမ် နောင်နိတောင်းပန်အံလအယ်' သိမ်နောင်နိဟောက်လဝိုင့်။ ဆိတ်လော့ဟောအင်းမိုးလော့ 'နောင်နိဘောင်းငါဟော့ နလူးသိမ် မှတ်တငှူ' သိမ်ပြန်လော့အဟောက်ဘော်ဝိုင်း။ 26ဟောနီခွာ နောင်နိလော့ 'ကနိယဟော့ နောင်းဝိုအတွက်တူဝါ မနိအေးအုပ်ဖူး။ နောင်လော့ ကနိနန်းမြို့ဝါဟော့ လွန်းဝါလာဟော့ နစုပ်ဟောက်ဖူး' သိမ်ဟောက်ကနို 27ဟောနီခွာယလော့ 'နောင်နိ မောင်းဝါဟော့အလူးသိမ်ကေ့ တကယ်မှတ်တငှူ။ ပွယ်ငှားဟော့ ချောင်ငဲ့ ကေ့ငွါဟော့ ဆုဝဲ့' သိမ်အဟောက်ဝဲ။ 28နောင်နိငဟော့အကြောင်းဝါအမောင်းထုတ် အခေါင်းလကနို အချိန်ဝါ ဘုရားရှင်သာသနာတော်အတွင်းနာ အာဗြဟံ#13.28 အာဗြဟံနှာမိန်ငဟော့ ယနိဟံဘိုးအဖြစ်။၊ ဣဇာက်၊ ယာကုပ်လော့ ပရောဖက်အပေါင်းငဟော့ အမှု့ခွါ နောင်းနိငဟော့ အံကြိတ်သလော့ ဝမ်းနည်းသလော့ နောင်နိကာ့လာဝိုင့်။ 29ချေင်ငဲ့ငဟော့ အရှေ့၊ အနောက်၊ တောင်၊ မြောက်ဝါဟော့လူးလော့တဲ့ ဘုရားသာသနာတော်ဒိက်ကာ အမော့ငဟော့ အတွက်တူဝါအွမ်းအလော့သဲ့ အပေါတ်ငဟော့ယနိအေးအုပ်လအယ်။ 30အနီအချိန်ငါ တိုဝါချောင်ငဲ့တောက်အရေးကြီးငှားဟော့ချောင်ငဟော့ ဘုရားရှင်တောက်အရေးပိုဟော့ချောင်ဖြစ်လော့တဲ့၊ တူဝါချောင်ငဲ့တောက် အရေးပိုဟော့ချောင်ငဟော့ ဘုရားရှင်တောက် အရေးပိုငှားဟော့ချောင်အဖြစ်ဝဲ့" ယဟော့မှတ်ငလော့သောက်ဘွေ့တို့ သိမ်အဟောက်။
ဂျေရုဆလင်မြို့အတောတ်ကိုယ်တော်လော့ဝမ်းနည်းပူဆွေးမှု
(မဿဲ ၂၃.၃၇-၃၉)
31အနီအချိန်ငါကိုယ်တော်ယေရှုငှာ ဖာရိရှဲရဲ့ဖိုးလူးလော့သဲ့ "ဟေရုဒ်ရှန်ပလာန်းလော့ အရှင်အသုတ်ဝိုင့်ကြောင်းငို နီနေရာဝါဟော့ အရာနေရာဝါ အလှို့ဝါ စိဘွေတွက်" သိမ်အလျှောက်တို့က်။ 32ဆိတ်လော့ဟောကိုယ်တော်လော့ ယနိဝါ "အနီစိတစ်လော့တဲ့ တောင်အွေးဝိုအတူငဟော့ ဟေရုဒ်ရာစိသလော့ 'ကေ့ယဟော့ တနှုတ်လော့ဟွန်းတို့ဝါပွယ်ငှားဟော့ခွက်ရိုင်းရဲ့နှင်ထုတ်ဟ လော့သဲ့အနာရောဂါဝဲ့ကကျုပ်ရှောက်ဟလော့ နှုတ်ထုံဖိုးဟော့နှုတ်တာ ကေ့အမှုကိတ်စ္စငဟော့ဝဲအပေါင်ဝဲ' သိမ် စိတစ်လော့တဲ့ဟောက်ဘွေတွက်။ 33ဆိတ်လော့ဟော ကေ့လော့ တနှုတ်လော့၊ ဟွန်းတို့ပုန်ပိ အရာနှုတ်သဲ့ယဟော့ခရီးကစလာ့ဟိုင်။ ပိုင်ကြောင်းငိုဝေါနပါ ပရောဖက်သဟော့ ဂျေရုဆလင်မြို့ဝါဟော့ လွေးလော့ အရာနေရာဝါအဒူလာ့ဝိုင့်သိမ် မော့ခုဝ" သိမ် အမိန့်တော်မူတိူ့။ 34နီပေါင်ပိ ကိုယ်တော်လော့ဆက်လော့ "အို ဂျေရုဆလင် နောင်မြို့သားဝတောက် ဝမ်းနည်းပူဆွေးလ။ နောင်နိငဟော့ ပရောဖက်သဲ့ ထပ်ခါထပ်ခါသုတ်သလော့သဲ့ နောင်နိငွါ ဘုရားရှင်လော့အလှို့ဝဟော့ ချောင်ငဲ့ငဟော့ လုံးသောက်ကိုယနိအုဟော့။ အားနူးလော့အာစိုးစအောင်ဝဲ့ယအခြားကောဝါ အူလော့သောက်လှောက်ကာ ကေ့လော့ဟော နောင်းစိုးနောင်ငဲ့ယဟော့ အကျိန်ပေါင်းအများအုံ ကကာကွယ်ဟော့နူး လော့ဟော နောင်းနိလော့ လက်ခေါင်းဟော့နအွမ်။ 35တိုင်ဘွေတွက်၊ နောင်းနိဘုရားကျုံငါဟော့ စွန့်ပြစ်ငဟော့အခေါင်းလအယ်။ နောင်းဟော့ကေ့ယာ 'ဘုရားရှင်နာမတော် အကြွလူးဟော ချောင်ငဟော့ မနိချီးမွမ်းဝဲ' သိမ် အဟောက်ငှားမောင်အုံထိ နောင်နိလော့ ကေ့ငဟော့နောက်ထပ်ခုတ်ဝေါတ်အမှု့လဝဆိတ်သိလ" သိမ်အမိန့်တော်မူတို့။

தற்சமயம் தேர்ந்தெடுக்கப்பட்டது:

လုကာ 13: CEY

சிறப்புக்கூறு

பகிர்

நகல்

None

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்