Johon 4
4
Somoriâ reja
1Jisu baṛe darekede je, Forisiko aten namkadako je, Ânite Johon khoiʹho aima ḍher cela banokaʹkoe ar bâptisma makokane. 2(Obosho Jisu nijete bâptisma bang makosane, Âniren celakotigi makosanako.) 3Forisikoaʹ katha baṛeketeʹ Ânido Jihudiâ prodisâm bâgiketeʹ arho Gâlilre cangene. 4Gâlilre caloʹ somai Âni Somoriâ prodisâmnaʹ talatora caʹlaʹ hontaya.
5Âni Sukhor nutumte Somoriânaʹ miṭiʹ ṭolare hiʹne. Jakobte aiʹren gidrâ Josef je khetʹ danolidie niâ ṭola tahalena ananaʹ kandhare. 6Ar ana jagare Jakobaʹ indâra tahalena. Ḍaharte dara darate langaketeʹ Jisu ana indâranaʹ kandhare duruʹne. Tâkhni bela prai dupahar. 7Jisuren celako jomaʹ kiringlaʹte ṭolare cakanako, emon somai Somoriâren miṭiʹ reja daʹ rakaplaʹ hiʹne. Jisute âni metakidie, "Ing kâṭuʹ daʹ nusong." 8(Tâkhni Âni eklai tahalene karon celako jomaʹ kiring laʹte ṭolare calenako.)
9Somoriâ rejate Âni metakidie, "Ing to Somoriâ rejakâning. Am Jihudi hoketeʹ kalkate ingṭheʹ daʹ koidam?" Reja niâ katha menkede karon Jihudi ar Somoriâko talare sab ar joṭetʹnaʹ mano bachonaʹ bicâr tahalena."
10Jisute âni reja uttor makidie, "Am judi baṛeyamhoteʹ Issoraʹ dan itâʹkana ar eke amṭheʹ daʹ koide tahale amgi Âniṭheʹ daʹ koiamhoteʹ ar Ânite am jiuitnaʹ daʹ mamehoteʹ."
11Âni reja menkede, "Probhu, Kheʹ amṭheʹto daʹ rakap laʹte bâltigi bâʹniʹ ar indâraho khândringgiâ. Tahale ana jiuitʹ daʹ kakhoiʹ namkedam? 12Am aleren laharen âdmi Jakob khoiʹ to bang marangam. Niâ indâra ânite ale makaʹleye. Âni nije ar âiʹren gidrâko niâ indâranaʹ daʹgi nuisanako ar âniren janoarren pâlkoho nuisanako."
13Tâkhni Jisu menkede, "Jahegi niâ daʹ nuie ânido arho tetangihâʹ. 14Kheʹ Ingte je daʹ maminghâʹ, eke ana nuiheʹ ânido ar tisho bang tetengiâ. Ana daʹ âniaʹ ontor talare bhungku oṛokoʹ daʹlakaketeʹ ononto jiui mamheʹ."
15Anate rejate Jisu metakidie, "Probhu ing tahale ana daʹ mangme jate ing bang tetangiâ ar daʹ rakaplaʹ naṛe bang hijuʹlaʹ hoʹtingâ."
16Jisute âni metakidie, "Tahale cap, amren jaoe naṛe ṭâhu âguime."
17Reja menkede, "Kheʹ ingren jaoe bânuiâ."
Jisute âni metakidie, "Am ṭhiggi menkadam amren jaoe bânuiâ, 18Karon na talarigi amren moreṭeʹ jaoe hokantamako, ar nitoʹ je am suliʹ miniâ ânido amren jaoedo bangkane. Am sâri kathagi menkadam."
19Tâkhni rejate Jisu metakidie, "Probhu ing nitoʹ bujhu darekiding am miṭiʹ nâbikanam. 20Aleren laharen âdmiko niâ pahaṛre seoesanako, kheʹ apedo menbereyape Jirusalemrigi âdmikoaʹ seoeyaʹ ucit."
21Jisute âni metakidie, "Atenme, Ingâʹ katha pâtyuʹme, emon somai hujuʹkana jâkhni Baba Issoraʹ seoa ape niâ burureho oho rikiape, Jirusalemreho oho rikiape. 22Apete eke bang cinhuiape âniaʹ seoeyape, kheʹ ale eke baṛeyale âniaʹgi seoeyale, karon pap khoiʹ uddhâr namaʹ upâi Jihudiko talarigi menaʹa. 23Kheʹ emon somai hijuʹkâniʹ, emon ki, nitoʹgi ana somai hiʹngekana jâkhni sâri seoaonkhoiʹ attate ar sârite Babaoaʹ seoekohaʹ. Babateho nengkaniʹ seoaonkhoiʹgi sendrakoe. 24Issor attakane, ekeko Âniaʹ seoeyako, attate ar sârite angkoaʹ ana seoa rikilaʹ hoʹtakohaʹ."
25Tâkhni âni reja menkede, "Ing baṛeing, Mosiho, ekedo Khrisṭo menhoa, Âni hijuʹkane. Âni jâkhni hijuʹe tâkhni sanamgi ale baṛesoleye."
26Jisute âni metakidie, "Inggiying Âni, ekedo am suliʹ katha mende."
27Emon somai Jisuren celako hiʹketeʹ miṭiʹ reja suliʹ Jisu katha mente lelketeʹ asarjonako. Kheʹ taoreho angko ekeho bang menledako, "Am itâʹ koidam?" se "Ceklaʹ am âni suliʹ katha mendam?"
28Âni reja tâkhni aiaʹ ṭhili giṛiketeʹ ṭolare cane ar âdmiko metakeʹkoe, 29"Apedo hiʹketeʹ miʹhor âdmi lelepe. Ing jiuire ja rikâkâding sanamgi ânite ing lâikidinge. Tahale ânigi ki âni Khrisṭokane?" 30Anate âdmiko ṭola khoiʹ oṛoʹketeʹ Jisuṭheʹ hijuʹlaʹ lagonako.
31Niâ talarigi Âniren celakote Âni nehorketeʹ metakidiako, "Guru, thoṛa jomme."
32Jisute angko metakeʹkoe, "Ingṭheʹ emon jomaʹ menaʹa akaṭaʹnaʹ katha apedo bang baṛeyape."
33Anate celako menlaʹ lagonako, "Tahale ki jahete Âni jahanaʹ jomaʹ âguokâdiako?"
34Tâkhni Jisute angko metakeʹkoe, "Ekete Ing kolkâdige Âniaʹ icchâ palon ar Âniaʹ kâmi cabagi hoʹkana Ingâʹ jomaʹ. 35Ape ki bang menape, ar pon mas bâki menaʹa, inâ tayomgi fosol getnaʹ somai hoʹha?" Kheʹ Ingte ape metapekâning, miʹjhikâ khet hate koyoʹketeʹ lelpe, fosol kalka hokana. 36Eke fosol gede ânido darma name ar ononto jiui laʹte fosol jaoraketeʹ dohode. Anatigi eke jang mere ar eke fosol gede, baran horgi somangi hubuʹâkin. 37Inâte niâ katha sârigiâ je, 'Miʹhor mere ar eṭaʹuniʹ miʹhordo gede.' 38Ingte ape emon fosol getlaʹ kolleʹpeing aka laʹte apedo bang kâmiledape. Eṭaʹonkhiʹdo kâmikadako ar ape ana kâminaʹ fosol getʹkadape."
39Eke reja niâ menkate sakkho maʹsane je, âni ja rikâkade sanamgi Ânite âni metakâdie, âniaʹ katha atenketeʹ ana ṭolaren aima Somoriâko Jisu cetanre pâtyunako. 40Angko Jisuṭheʹ caketeʹ Âni angko saote tahenlaʹ nehorkidiako. Analaʹte Jisu aṛe bardin tahene. 41Tâkhni Âniaʹ katha atenketeʹ arho aima hor pâtyunako.
42Âni reja angkote metakidiako, "Nitoʹ je ale pâtyuʹkanale ana amaʹ kathatedo bang, kheʹ ale nijegi Âniaʹ katha atenketeʹ buju namkadale je, Âni sârigi dhârtiren âdmiren bacoiʹkane."
Rajkormocâriren gidrâ manjane
(Mothi 8:5-13; Luk 7:1-10)
43Ana bar din tayom Jisu aṛe khoiʹ oṛoʹketeʹ Gâlil prodisâmre calogene. 44Jisu sakkho malede je, "Nijeyaʹ disâmre nâbiaʹ somman bânuʹa." 45Porobonaʹ somai Jisu Jirusalemre akako rikâlede, Gâlilren âdmiko ana porobre calenako mente sanamaʹgi lelnamledako. Niâ laʹte Jisu jâkhni Gâlilre cane tâkhni aṛenkhoiʹ âdmikote âni atangkidiako.
46Tayomte Jisu arho Gâlilnaʹ ana Kanna sohorre cane. Aṛegi Ânido daʹgi ânggurnaʹ pâurâ banolede. Gâlilnaʹ Kofornâhum sohorre miṭiʹ rajkormocâriren gidrâ ruâʹlene. 47Jisu Jihudiâ khoiʹ Gâlilre hiʹkane atenketeʹ âni rajkormocâri Âniṭheʹ cane ar nehorkidie jate Ânido Kofornâhumre caloketeʹ âniren gidrâ manjagirie. Âniren gidrâ tâkhni goiʹuniʹlakangelene. 48Jisute âni rajkormocâri metakidie, "Jahan cinhâ se jahan asarjo kâmi bang lellekheʹ ape kalkateho bang pâtyuʹape."
49Tâkhni âni rajkormocâri menkede, "He Probhu, dayaketeʹ ingren gidrâ goiʹ lahare hijuʹme."
50Jisute âni metakidie, "Am caʹme, amren gidrâ manjane."
Anate ânido Jisuoaʹ katha pâtyuketeʹ calongene. 51Âni rajkormocâri jâkhni oraʹ âcur caloʹsane tâkhni ḍaharrigi âniren dasko âni sorre caloketeʹ metakidiako, "Amren gidrâ manjangene."
52Ânite angko das kulikeʹkoe, "Ânido tinsomai manjakane?"
Angko menkedako, "Hola dupahar ekṭa somai âniaʹ ruâ cabangekantaia."
53Anate gidrâren bot bujhu namkede, ṭhik ana somaigi Jisute âni metalidie, "Amren gidrâ manjane." Tâkhni âni rajkormocâri ar âniaʹ poribarniʹ sanamkhoiʹ Jisu cetanre pâtyunako.
54Jihudiâ khoiʹ Gâlilre hijuʹ tayom Jisu niâ dosar asarjo kâmi rikâkede.
தற்சமயம் தேர்ந்தெடுக்கப்பட்டது:
Johon 4: EKL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh
Johon 4
4
Somoriâ reja
1Jisu baṛe darekede je, Forisiko aten namkadako je, Ânite Johon khoiʹho aima ḍher cela banokaʹkoe ar bâptisma makokane. 2(Obosho Jisu nijete bâptisma bang makosane, Âniren celakotigi makosanako.) 3Forisikoaʹ katha baṛeketeʹ Ânido Jihudiâ prodisâm bâgiketeʹ arho Gâlilre cangene. 4Gâlilre caloʹ somai Âni Somoriâ prodisâmnaʹ talatora caʹlaʹ hontaya.
5Âni Sukhor nutumte Somoriânaʹ miṭiʹ ṭolare hiʹne. Jakobte aiʹren gidrâ Josef je khetʹ danolidie niâ ṭola tahalena ananaʹ kandhare. 6Ar ana jagare Jakobaʹ indâra tahalena. Ḍaharte dara darate langaketeʹ Jisu ana indâranaʹ kandhare duruʹne. Tâkhni bela prai dupahar. 7Jisuren celako jomaʹ kiringlaʹte ṭolare cakanako, emon somai Somoriâren miṭiʹ reja daʹ rakaplaʹ hiʹne. Jisute âni metakidie, "Ing kâṭuʹ daʹ nusong." 8(Tâkhni Âni eklai tahalene karon celako jomaʹ kiring laʹte ṭolare calenako.)
9Somoriâ rejate Âni metakidie, "Ing to Somoriâ rejakâning. Am Jihudi hoketeʹ kalkate ingṭheʹ daʹ koidam?" Reja niâ katha menkede karon Jihudi ar Somoriâko talare sab ar joṭetʹnaʹ mano bachonaʹ bicâr tahalena."
10Jisute âni reja uttor makidie, "Am judi baṛeyamhoteʹ Issoraʹ dan itâʹkana ar eke amṭheʹ daʹ koide tahale amgi Âniṭheʹ daʹ koiamhoteʹ ar Ânite am jiuitnaʹ daʹ mamehoteʹ."
11Âni reja menkede, "Probhu, Kheʹ amṭheʹto daʹ rakap laʹte bâltigi bâʹniʹ ar indâraho khândringgiâ. Tahale ana jiuitʹ daʹ kakhoiʹ namkedam? 12Am aleren laharen âdmi Jakob khoiʹ to bang marangam. Niâ indâra ânite ale makaʹleye. Âni nije ar âiʹren gidrâko niâ indâranaʹ daʹgi nuisanako ar âniren janoarren pâlkoho nuisanako."
13Tâkhni Jisu menkede, "Jahegi niâ daʹ nuie ânido arho tetangihâʹ. 14Kheʹ Ingte je daʹ maminghâʹ, eke ana nuiheʹ ânido ar tisho bang tetengiâ. Ana daʹ âniaʹ ontor talare bhungku oṛokoʹ daʹlakaketeʹ ononto jiui mamheʹ."
15Anate rejate Jisu metakidie, "Probhu ing tahale ana daʹ mangme jate ing bang tetangiâ ar daʹ rakaplaʹ naṛe bang hijuʹlaʹ hoʹtingâ."
16Jisute âni metakidie, "Tahale cap, amren jaoe naṛe ṭâhu âguime."
17Reja menkede, "Kheʹ ingren jaoe bânuiâ."
Jisute âni metakidie, "Am ṭhiggi menkadam amren jaoe bânuiâ, 18Karon na talarigi amren moreṭeʹ jaoe hokantamako, ar nitoʹ je am suliʹ miniâ ânido amren jaoedo bangkane. Am sâri kathagi menkadam."
19Tâkhni rejate Jisu metakidie, "Probhu ing nitoʹ bujhu darekiding am miṭiʹ nâbikanam. 20Aleren laharen âdmiko niâ pahaṛre seoesanako, kheʹ apedo menbereyape Jirusalemrigi âdmikoaʹ seoeyaʹ ucit."
21Jisute âni metakidie, "Atenme, Ingâʹ katha pâtyuʹme, emon somai hujuʹkana jâkhni Baba Issoraʹ seoa ape niâ burureho oho rikiape, Jirusalemreho oho rikiape. 22Apete eke bang cinhuiape âniaʹ seoeyape, kheʹ ale eke baṛeyale âniaʹgi seoeyale, karon pap khoiʹ uddhâr namaʹ upâi Jihudiko talarigi menaʹa. 23Kheʹ emon somai hijuʹkâniʹ, emon ki, nitoʹgi ana somai hiʹngekana jâkhni sâri seoaonkhoiʹ attate ar sârite Babaoaʹ seoekohaʹ. Babateho nengkaniʹ seoaonkhoiʹgi sendrakoe. 24Issor attakane, ekeko Âniaʹ seoeyako, attate ar sârite angkoaʹ ana seoa rikilaʹ hoʹtakohaʹ."
25Tâkhni âni reja menkede, "Ing baṛeing, Mosiho, ekedo Khrisṭo menhoa, Âni hijuʹkane. Âni jâkhni hijuʹe tâkhni sanamgi ale baṛesoleye."
26Jisute âni metakidie, "Inggiying Âni, ekedo am suliʹ katha mende."
27Emon somai Jisuren celako hiʹketeʹ miṭiʹ reja suliʹ Jisu katha mente lelketeʹ asarjonako. Kheʹ taoreho angko ekeho bang menledako, "Am itâʹ koidam?" se "Ceklaʹ am âni suliʹ katha mendam?"
28Âni reja tâkhni aiaʹ ṭhili giṛiketeʹ ṭolare cane ar âdmiko metakeʹkoe, 29"Apedo hiʹketeʹ miʹhor âdmi lelepe. Ing jiuire ja rikâkâding sanamgi ânite ing lâikidinge. Tahale ânigi ki âni Khrisṭokane?" 30Anate âdmiko ṭola khoiʹ oṛoʹketeʹ Jisuṭheʹ hijuʹlaʹ lagonako.
31Niâ talarigi Âniren celakote Âni nehorketeʹ metakidiako, "Guru, thoṛa jomme."
32Jisute angko metakeʹkoe, "Ingṭheʹ emon jomaʹ menaʹa akaṭaʹnaʹ katha apedo bang baṛeyape."
33Anate celako menlaʹ lagonako, "Tahale ki jahete Âni jahanaʹ jomaʹ âguokâdiako?"
34Tâkhni Jisute angko metakeʹkoe, "Ekete Ing kolkâdige Âniaʹ icchâ palon ar Âniaʹ kâmi cabagi hoʹkana Ingâʹ jomaʹ. 35Ape ki bang menape, ar pon mas bâki menaʹa, inâ tayomgi fosol getnaʹ somai hoʹha?" Kheʹ Ingte ape metapekâning, miʹjhikâ khet hate koyoʹketeʹ lelpe, fosol kalka hokana. 36Eke fosol gede ânido darma name ar ononto jiui laʹte fosol jaoraketeʹ dohode. Anatigi eke jang mere ar eke fosol gede, baran horgi somangi hubuʹâkin. 37Inâte niâ katha sârigiâ je, 'Miʹhor mere ar eṭaʹuniʹ miʹhordo gede.' 38Ingte ape emon fosol getlaʹ kolleʹpeing aka laʹte apedo bang kâmiledape. Eṭaʹonkhiʹdo kâmikadako ar ape ana kâminaʹ fosol getʹkadape."
39Eke reja niâ menkate sakkho maʹsane je, âni ja rikâkade sanamgi Ânite âni metakâdie, âniaʹ katha atenketeʹ ana ṭolaren aima Somoriâko Jisu cetanre pâtyunako. 40Angko Jisuṭheʹ caketeʹ Âni angko saote tahenlaʹ nehorkidiako. Analaʹte Jisu aṛe bardin tahene. 41Tâkhni Âniaʹ katha atenketeʹ arho aima hor pâtyunako.
42Âni reja angkote metakidiako, "Nitoʹ je ale pâtyuʹkanale ana amaʹ kathatedo bang, kheʹ ale nijegi Âniaʹ katha atenketeʹ buju namkadale je, Âni sârigi dhârtiren âdmiren bacoiʹkane."
Rajkormocâriren gidrâ manjane
(Mothi 8:5-13; Luk 7:1-10)
43Ana bar din tayom Jisu aṛe khoiʹ oṛoʹketeʹ Gâlil prodisâmre calogene. 44Jisu sakkho malede je, "Nijeyaʹ disâmre nâbiaʹ somman bânuʹa." 45Porobonaʹ somai Jisu Jirusalemre akako rikâlede, Gâlilren âdmiko ana porobre calenako mente sanamaʹgi lelnamledako. Niâ laʹte Jisu jâkhni Gâlilre cane tâkhni aṛenkhoiʹ âdmikote âni atangkidiako.
46Tayomte Jisu arho Gâlilnaʹ ana Kanna sohorre cane. Aṛegi Ânido daʹgi ânggurnaʹ pâurâ banolede. Gâlilnaʹ Kofornâhum sohorre miṭiʹ rajkormocâriren gidrâ ruâʹlene. 47Jisu Jihudiâ khoiʹ Gâlilre hiʹkane atenketeʹ âni rajkormocâri Âniṭheʹ cane ar nehorkidie jate Ânido Kofornâhumre caloketeʹ âniren gidrâ manjagirie. Âniren gidrâ tâkhni goiʹuniʹlakangelene. 48Jisute âni rajkormocâri metakidie, "Jahan cinhâ se jahan asarjo kâmi bang lellekheʹ ape kalkateho bang pâtyuʹape."
49Tâkhni âni rajkormocâri menkede, "He Probhu, dayaketeʹ ingren gidrâ goiʹ lahare hijuʹme."
50Jisute âni metakidie, "Am caʹme, amren gidrâ manjane."
Anate ânido Jisuoaʹ katha pâtyuketeʹ calongene. 51Âni rajkormocâri jâkhni oraʹ âcur caloʹsane tâkhni ḍaharrigi âniren dasko âni sorre caloketeʹ metakidiako, "Amren gidrâ manjangene."
52Ânite angko das kulikeʹkoe, "Ânido tinsomai manjakane?"
Angko menkedako, "Hola dupahar ekṭa somai âniaʹ ruâ cabangekantaia."
53Anate gidrâren bot bujhu namkede, ṭhik ana somaigi Jisute âni metalidie, "Amren gidrâ manjane." Tâkhni âni rajkormocâri ar âniaʹ poribarniʹ sanamkhoiʹ Jisu cetanre pâtyunako.
54Jihudiâ khoiʹ Gâlilre hijuʹ tayom Jisu niâ dosar asarjo kâmi rikâkede.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh