1. Mojsije 13
13
O Avram thaj o Lot džantar jek avrestar
1O Avram andar o Egipto đelo opre ando Negev pire romnjava thaj sa okolesa so sas les. A lesa sas vi o Lot. 2E Avrame sas baro barvalipe ande stoka, ando rup thaj ando sunakaj. 3Andar o Negev o Avram putuilas e thanestar dži thaneste thaj gajda sa dži ko Betel, dži ke okova than maškar o Betel thaj maškar o Aj kaj majsigo trajilas 4thaj okote kaj vazdas o žrtveniko. Okote o Avram slavisarda e GOSPODESKO alav.
5A vi o Lot putuilas e Avramesa, thaj sas les bakhre thaj guruva, familija thaj but roburja. 6Gajda kaj godoja phuv našti inćarelas liduje dženen, pošto sas len gadići but stoka thaj našti trajinas zajedno. 7A avelas vi dži ke čingara maškar e Avramešće pastirja thaj maškar e Lotošće pastirja. Ande godoja vrjama ande godoja phuv trajinas e Hanaancurja thaj e Perižanurja.
8Zato o Avram phendas e Lotošće: “Neka na avel čingara maškar mande thaj maškar tute, maškar mungre thaj ćire pastirja – kaj, amare sam. 9E sasti phuv si angle tute. Odvojisar tut mandar. Ako tu džas pe levo rig, me džava pe desno rig. Ako tu džas pe desno rig, me džava pe levo rig.”
10O Lot vazdas pe jakha thaj dikhla kaj e sasti Jordansko dolina prema o Coar si lačhe navodime e pajesa, sago o vrto e GOSPODESKO ili sar e Egipatsko phuv. Akava sas majsigo nego so o GOSPOD uništisardas e Sodoma thaj e Gomora. 11Gajda o Lot lijas pešće e sasti dolina e Jordanošći thaj teljarda po istok. Gajda đele jek avrestar. 12O Avram trajilas ando Hanaan, dok o Lot trajilas maškar e gava ande dolina thaj vazdelas šatorja sa dži ke Sodoma. 13A e manuša andar e Sodoma sas bilačhe thaj bare bezehale anglo GOSPOD.
14Nakon so o Lot đelotar lestar, o GOSPOD phendas e Avramešće: “Dikh lačhe katar akava than po sever thaj po jug, po istok thaj po zapad. 15Sa e phuv savi dićhes, dava tuće thaj ćire potomkonenđe pale uvek. 16Ćerava te avel ćiro potomstvo but sago praho pe phuv. Ako šaj đinavel pe o praho e phuvjako, askal vi ćiro potomstvo šaj đinavela pe. 17Dža thaj nak e phuv kozom si lundži thaj kozom si buli, kaj tuće dava lat.”
18Askal o Avram ćida pire šatorja thaj đelo te trajil ke Mamrešće bare kaš ando Hevron thaj okote vazdas žrtveniko e GOSPODEŠĆE.
தற்சமயம் தேர்ந்தெடுக்கப்பட்டது:
1. Mojsije 13: RČB
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
1. Mojsije 13
13
O Avram thaj o Lot džantar jek avrestar
1O Avram andar o Egipto đelo opre ando Negev pire romnjava thaj sa okolesa so sas les. A lesa sas vi o Lot. 2E Avrame sas baro barvalipe ande stoka, ando rup thaj ando sunakaj. 3Andar o Negev o Avram putuilas e thanestar dži thaneste thaj gajda sa dži ko Betel, dži ke okova than maškar o Betel thaj maškar o Aj kaj majsigo trajilas 4thaj okote kaj vazdas o žrtveniko. Okote o Avram slavisarda e GOSPODESKO alav.
5A vi o Lot putuilas e Avramesa, thaj sas les bakhre thaj guruva, familija thaj but roburja. 6Gajda kaj godoja phuv našti inćarelas liduje dženen, pošto sas len gadići but stoka thaj našti trajinas zajedno. 7A avelas vi dži ke čingara maškar e Avramešće pastirja thaj maškar e Lotošće pastirja. Ande godoja vrjama ande godoja phuv trajinas e Hanaancurja thaj e Perižanurja.
8Zato o Avram phendas e Lotošće: “Neka na avel čingara maškar mande thaj maškar tute, maškar mungre thaj ćire pastirja – kaj, amare sam. 9E sasti phuv si angle tute. Odvojisar tut mandar. Ako tu džas pe levo rig, me džava pe desno rig. Ako tu džas pe desno rig, me džava pe levo rig.”
10O Lot vazdas pe jakha thaj dikhla kaj e sasti Jordansko dolina prema o Coar si lačhe navodime e pajesa, sago o vrto e GOSPODESKO ili sar e Egipatsko phuv. Akava sas majsigo nego so o GOSPOD uništisardas e Sodoma thaj e Gomora. 11Gajda o Lot lijas pešće e sasti dolina e Jordanošći thaj teljarda po istok. Gajda đele jek avrestar. 12O Avram trajilas ando Hanaan, dok o Lot trajilas maškar e gava ande dolina thaj vazdelas šatorja sa dži ke Sodoma. 13A e manuša andar e Sodoma sas bilačhe thaj bare bezehale anglo GOSPOD.
14Nakon so o Lot đelotar lestar, o GOSPOD phendas e Avramešće: “Dikh lačhe katar akava than po sever thaj po jug, po istok thaj po zapad. 15Sa e phuv savi dićhes, dava tuće thaj ćire potomkonenđe pale uvek. 16Ćerava te avel ćiro potomstvo but sago praho pe phuv. Ako šaj đinavel pe o praho e phuvjako, askal vi ćiro potomstvo šaj đinavela pe. 17Dža thaj nak e phuv kozom si lundži thaj kozom si buli, kaj tuće dava lat.”
18Askal o Avram ćida pire šatorja thaj đelo te trajil ke Mamrešće bare kaš ando Hevron thaj okote vazdas žrtveniko e GOSPODEŠĆE.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்