Qooccanchi Kitaaba Aagga
Aagga
Qooccanchi kitaab heer uulli qooccanchci bikkina, manni shumo'i waarukkisa, baaxiilinnee hawwinnee hee'immi asheeramukkisaa manni shumo'inne Waa'i edamukkisaa kurookko. Qooccanchi kitaab lam horoor horoor baxxanchuwwanne baxxansamaakko.
1. Usheexxaxxi 1-11 heer uulli qooccanchi bikkinaa manni shumo'i luxxi aganni bikkinaa kurookko. Addaamika, Heewaaneka, Qaayeelika, Aabeelika, Nohe'eka, bichchi wo'ikaa Baabiloo'n gimbi mi'n agannikaa edaa kurookko.
2. Usheexxaxxi 12-50 afeebe'e yoo baxxanchi gaassi Isra'ee'l anno'i bikkina kurookko. Ixxuwwi lambe'iinsim luxxek ixxi amma'nnatinnee Waa'ina ijaajanchinnee la'amaakkoohan hee'ukkok Abrihaamatte. Ee lasage Abrihaam beet Yisaaqik, ixxi beetina beet hee'u Yaaqoobikii tommikii lamem Yaaqoob oos agannii awwonookko. Yaaqoobik tommii lamem oosim Isra'ee'lleka tommoo lamem sullom qatto'i keeno. Ka tommiinsii lamem Isra'ee'l oos lambe'iinsii annannam Yooseefanne ee'isam Yaaqoobaa ixxeka mulli oosoo ixxuwwi abaroosinne maqirem Gibxi uulla woru duuha'anne xishshaa'aa moo'ookko.
Ku kitaab minaadaphphi aganni bikkina wocoohan ihukkaarem hundiinsim lonsaa kurookkok Waa'i baxu aganni bikkinatte. Waa'i heer uulla baxukkisa kurimminne asheeraa Waa'i minaadabina sawwimma uroobee'an ihukkisa moo'isoo neeyyato la'isimminne goollookko. Ka kitaabanne asheero'iinsi goollo'onne afeebe'e ka agannika annichchi huushammato baxxam keenonne oogato'oo guzumo'oo eebookkok, minaadaba awwonsookkokii hara'mmookkokii ixxuwwi agannam gudisookkokii Waa'i ixxi gagoomame. Ku asheero'i kitaab kitaabamukkok minaadaphphi amma'nnato dissimminattee oo amma'nnatim fooraam ihaa hee'oo'isa issimminattee.
Kitaaboom Kanniinsi Woroon Yoo'isanne Baxxansamaakko
1. Qooccanchi bikkina (1:1—2:25)
2. Baaxiilii hawwii asheeramukkisa (3:1-24)
3. Addaamiinsi Nohe'enne afeebe'e (4:1—5:32)
4. Nohe'i bikkinaa bichchi wo'i bikkinaa (6:1—10:32)
5. Baabiloo'n gimbi bikkina (11:1-9)
6. Seemiinsi Abrihaamanne afeebe'e (11:10-32)
7. Anno'i ikko'i Abrihaam bikkina, Yisaaq bikkinaa Yaaqoob bikkinaa (12:1—35:29)
8. Eesa'i shumo'i bikkina (36:1-43)
9. Yooseef bikkinaa ixxi abbaayyuwwi bikkinaa (37:1—45:28)
10. Isra'ee'l minaadab Gibxi uullanne hee'llo'isa (46:1—50:26)
தற்சமயம் தேர்ந்தெடுக்கப்பட்டது:
Qooccanchi Kitaaba Aagga: KeesKita
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்