ገላ ይገወ
ይገወ
የኢየሱስ አትርፎት ዩድ ወኼ ወሬ በመደር መደር ቲዩጂ አይኹድ አንኸሮ ሰብ ዝኽ ወኼ ወሬ ቲትፐሮ «ክርስቲያን ይዀርዬ የሙሴ ጫ ቀሮት ያትሽ ዌሽ ኤያትሽ?» ይብር ቃር እማቴ ተረሳም፤ ብርስ እስያ የሮም ገነ ግዛት በኸረ በገላትያ ባነቦ ቤተክርስቲያን ግብት «ሰብ በጔታ ይፍቴ ይፀድቄ እማት በኢየሱስ ኧመሮት ቴኸር ጫ ቀሮት ነረወ» በበሮት የጳውሎስ ትምርት ኤትፐሮ ሰብ ባነቦ። ጳውሎስ ጭን «በክርስቶስ ገደር ሰብ ይዀርዬ ር ዘንጋ ጫ ቀሮት ቴኸር ኧመሮቱ፤ ሰብ በጔታ ይፍቴ ይፀድቅ ያነ እማት በመሮቱ» ባረም ያጬግሎ ባነ።
ጳውሎስ ዝኽ የገላትያ ናቸር የጣፈ በዝ በትሳሳተ ትምርት ዱድቅ የባረቦ ሰብ በጥየ አመሮም ክርስቲያን ይኸሮዬው፤ ጳውሎስ የኢየሱስ ክርስቶስ ናቸረነ ኽሮተታ ባጪጎት ይቀርስ፤ የናቸረነት የሸተን ጔታ ባንኸሬ ሰብ አንኸረ ኸማም የትም ናቸር አይኹድ አንኸሮ ሰቤ የኸረኸማ ተጨራ ዩድ፤ በቀጥወም መንሽ ክርስቲያን መምር ይረብርኸማ በኢየሱስ በመሮት ቲቸን ንማጀ ይትረከብ ኸማ አጬገም ዩድ።
በመጣፍት ያነቦ ር አሳብ
ይገወ 1፥1-10
የጳውሎስ ናቸረነ ወኽር 1፥11—2፥21
የጔታ ፀጋ ወኼ ወሬ 3፥1—4፥31
በመንፈስም በርማጀም ንበሮት 5፥1—6፥10
ያርቅወ 6፥11-18
தற்சமயம் தேர்ந்தெடுக்கப்பட்டது:
ገላ ይገወ: መቅጉ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்