ኀበ ሰብአ ተሰሎንቄ 2 1
1
ምዕራፍ 1
በእንተ አንቅሆ ምእመናን
1 #
1ተሰ. 1፥1። እምጳውሎስ ወስልዋኖስ ወጢሞቴዎስ ለቤተ ክርስቲያን ዘተሰሎንቄ ምእመናን በእግዚአብሔር አቡነ ወእግዚእነ ኢየሱስ ክርስቶስ። 2#ቈላ. 1፥2፤ 1ቆሮ. 1፥3። ሰላም ለክሙ ወጸጋ እግዚአብሔር አቡነ ወእግዚእነ ኢየሱስ ክርስቶስ። 3#2፥13፤ 1ተሰ. 1፥2። ርቱዕ ናእኵቶ ለእግዚአብሔር በኵሉ ጊዜ በእንቲኣክሙ አኀዊነ በከመ ይደልዎ እስመ ዐብየት ሃይማኖትክሙ ወፈድፈደት ተፋቅሮትክሙ ምስለ ኵሉ ቢጽክሙ። 4#2ቆሮ. 7፥4-14። ከመ ንሕነኒ ንትመካሕ ብክሙ በቤተ ክርስቲያኑ ለእግዚአብሔር በእንተ ሃይማኖትክሙ ወትዕግሥትክሙ በሕማምክሙ ወምንዳቤክሙ ዘትትዔገሡ ወትትዌከፉ። 5#ፊልጵ. 1፥28፤ ሉቃ. 21፥36። ከመ ታርእዩ ኵነኔ ጽድቁ ለእግዚአብሔር ከመ ይክፍልክሙ መንግሥቶ ዘበእንቲኣሁ ተሐምሙ።
በእንተ ምጽአቱ ለእግዚእነ
6 #
ራእ. 18፥6-7፤ ሮሜ 12፥19። ወርቱዕሰ ይትፈደዩ በኀበ እግዚአብሔር ሕማመ እለ ያሐምሙክሙ። 7#ማቴ. 25፥31። ወለክሙሰ ለእለ ተሐምሙ ዕረፍት ምስሌነ በምጽአቱ ለእግዚእነ ኢየሱስ ክርስቶስ እምሰማያት ምስለ መላእክተ ኀይሉ። 8#ኢሳ. 66፥15፤ ሮሜ 2፥8። ከመ ይትበቀሎሙ በነደ እሳት ለእለ ኢየአምርዎ ለእግዚአብሔር ወለእለ ኢይሰምዑ ትምህርተ ወንጌሉ ለእግዚእነ ኢየሱስ ክርስቶስ። 9#ኢሳ. 2፥10-19። ወይረክቡ ፍዳሆሙ ኵነኔ ኀጕል ወተሠርዎ ዘለዓለም እምቅደመ ገጹ ለእግዚእነ ወእምስብሐተ ኀይሉ። 10#መዝ. 88፥7፤ ኢሳ. 66፥5፤ ራእ. 7፥9-12፤ ቈላ. 3፥4። አመ ይመጽእ ይሴባሕ በቅዱሳኒሁ ወይትአኰት በእለ የአምኑ ቦቱ እስመ ይትአመነነ ስምዕነ በላዕሌክሙ በይእቲ ዕለት። 11#1ተሰ. 1፥2። ወበእንተዝ እጼሊ ዘልፈ በእንቲኣክሙ ከመ ይክፍልክሙ ርስቶ ዘጸውዐክሙ እግዚአብሔር ወይፈጽም ለክሙ ኵሎ ሣህሎ ወሠናይቶ ወምግባረ ሃይማኖት በኀይሉ። 12#ዮሐ. 17፥10-22። ከመ ይሰባሕ ስሙ ለእግዚእነ ኢየሱስ ክርስቶስ በላዕሌክሙ ወአንትሙሂ ቦቱ በከመ ጸጋሁ ለአምላክነ ወእግዚእነ ኢየሱስ ክርስቶስ ወአንትሙሂ ተሀልዉ ቦቱ።
தற்சமயம் தேர்ந்தெடுக்கப்பட்டது:
ኀበ ሰብአ ተሰሎንቄ 2 1: ሐኪግ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்