मार्कल 16

येसु मल्स जीवा अरयह्‌तोग़

(मत्याल 28:1-8; लूकाल 24:1-10; योहन 20:1-13)

1वारमता पोल्वादिया मारता, अस्के मग्डला नाटेनद मरियालि, याकुबना तलोग़ मरियालि ओसो सलमि, इवु येसुना सेत्तातगा वाटलाहि अतर्नेय असताङ.#योहन 19:39 2इमा दिया (इतेके ऐतारम दियाते),#बळयिर 20:7; 1 कुरिंततोर 16:2; तोहचीतव पोल्‍लोङ 1:10 सकर पङपङ आसोरे, अव गुमयातगा वाताङ. 3वानेके तमतमाय इंदुङ, “बोग़ माक गुमयातुन तिळ्ह्‌प कीतद बंडातुन तेंडिसीयनोग़ रि?” इंदुङ. 4पया एरे एवनेके गुमयातुन ऊळताङ. ऊळनेके गुमयातगा तिळ्ह्‌प कीतद बंडा पका बेरा मता, मति अद बंडातुन अबर गूळ्हतद मता. 5पया अव आस्कु लोप्पा ओळियताङ. अस्के ओर्वोग़ लेयोग़, पांड्रि जगा केग़्सि तिनळ बाजे उदिस मतदिन, अव ऊळताङ. ऊळिसि गाबरेम आताङ. 6अस्के ओग़ अविस्किन इतोग़, “गाबरेम आयमाट! हव्कनागुटातगा वेळ्हतोनु, नासरेत नाटेनोग़ येसुन पर्ह्‌कलाह आतिर. ओग़ जीवा अरतोग़, इगा इलेग़.#मत्याल 28:5-6; लूकाल 24:5-7; योहन 21:14; बळयिर 2:32; 3:15,26; 4:10; 5:30; 10:40; 13:30,33-34,37; 17:31; रोम सहरतोर 4:24; 6:4; 8:11; 10:9; 1 कुरिंततोर 6:14; 15:4,20; 2 कुरिंततोर 4:14; गलातितोर 1:1; इपिसुसतोर 1:20; कुलुसितोर 2:12; 1 तिसलुनितोर 1:10; इब्रितोर 13:20 इद ऊळाट, ओना सेत्तातुन तासिस मतद जागा, ओन इगान तासिस मतोर. 7इंजेक मीट पत्रुनगा ओसो दुस्रोर ओनाङ कग़यवालोरगा अन्जि, ओरिन इद्रम वेहाट, ‘ओग़ मीक वेहतप लेह्‌का, इंजेक मीवा मुनेन गालिल पटटे दायलाह आतोग़, अगान ओन कलियकिर,’ इन्जि वेहाटु,” इनजोर इतोग़. 8अव आस्क पया पका रेयिस मताङ. अविस्कनाङ जीवाङ दिरदिर साङिंदुङ. अदिह्‌क अव गुमयातग्डाह पेसिसि वितताङ. पका रेयिस मताह्‌कु, अग़दे बोने वेहोङ.#16:8 सबेट्क पाळ्नाङ मोदुल काग्देह्‌कनगा वचन 9-20 वावोङ.

येसु तनाङ कग़यवालोरिह्‌क दिसिह्‌तोग़

[9ऐतारम पङ वियतस्के, येसु हामुरताहि तेग़्कतोग़. तेग़्कतस्के सुरुमुने मग्डला नाटेना मरियालिह्‌क दिसतोग़.#योहन 20:14-17 मुने येसु तानग्डाहि एळुङ देयह्‌किन पेसिह कीस मतोग़.#लूकाल 8:2 10दिसतस्के अद अन्जि, येसुना संगे मंदुर ओर मन्कलोरिन वेहता.#लूकाल 24:10,23; योहन 20:18 ओर दुकम आसि अळसोर मतोर.#लूकाल 23:27; योहन 16:20 11येसु जीवा अरतोग़, मरियालि ओन ऊळता इनजोर केंजतोर. मति अद पोल्‍लोतुन ओर सेतेम पोयोर.#लूकाल 24:9,11; योहन 20:25

12ताना पया, मुने येसुना संगे मतोर इर्वुर मन्कलोर, येरुसलेमताहि नाग़ अनजोर मतोर. अस्के येसु ओरिह्‌क दिसतोग़. इद मल्का येसुना रूप मिळ्न्दिस मता. 13पया (ओग़ येसुये आंदोग़ इनजोर पुतस्के,) वेर इर्वुर मल्स अन्जि, येसुना संगे मतोर दुस्रोरिन वेहतोर. मति वेरा पोल्‍लोतुन वने, ओर सेतेम पोयोर.#लूकाल 24:15-16,31-35

14पया अक्रा बळयिर उदिसि गाटो तिनजोर मतोर, अस्के येसु ओरिह्‌क दिसतोग़.#1 कुरिंततोर 15:5 दिसिसि इद्रम इतोग़, “नना तेग़्कतस्के नाक ऊळतोर मन्कलोरा पोल्‍लोतुन बाराह्‌क नमविर? नमोम इनजोर बाराह्‌क कैंगम आतिर?” इनजोर इतोग़. 15पया ओसो इतोग़, “मीट पूरा बूममेंड अन्जि, नावा बेसता कबुरतुन सबेटोरिह्‌क पोकुर कीम्ह्‌टु.#मत्याल 28:19-20; लूकाल 24:47; बळयिर 10:42 16नावा पोल्‍लोतुन विस्वस कीसि, नावा पेदिरते एग़ मीतोरिन, देवुळि पिसिह कीयग़ा.#योहन 6:29; बळयिर 2:38; 8:12,16; 16:31; 22:16 मति विस्वस केवोरिन, ओरा पापमतेनाह्‌क सिक्सा ईयग़ा. 17नावा पोल्‍लोतुन विस्वस केवालोर मन्कलोरा कयदे, देवुळता लावताङ इव सीनाङ आयनुङ: नावा पेदिरते देयह्‌किन पेसिह कीयनुर,#बळयिर 16:18; 19:12 तमा पुनवव बासाङ वळ्ह्‌कनुर#बळयिर 2:4; 10:45-46; 19:6; 1 कुरिंततोर 12:10,28,30; 13:1,8; 14:1-39. 18तरस्किन तमाङ कय्कने पोयनुर,#बळयिर 28:5 ओसो हव्कनद वीसम उटेक वने, ओरिह्‌क बाताले आयो. ओसो ओर तमाङ कय्क बेमरतोरा पोग़ोन तासतेके, ओर सव्रेम आयनुर,#याकुब 5:14” इनजोर वेहतोग़.

येसु देवुळदीपतगा दास्तोग़

19पया येसुसामि ओरिन इव पोल्‍लोङ वेहतापया, देवुळि ओन पोग़ोन तना जागातगा ओता.#लूकाल 24:51; बळयिर 1:9; 1 तिमोति 3:16 येसु पोग़ोन अतोग़ अस्के, देवुळता तिनळ बाजे उदतोग़.#बळयिर 2:33; 5:31; 7:55; रोम सहरतोर 8:34; इपिसुसतोर 1:19-20; कुलुसितोर 3:1; इब्रितोर 1:3; 1 पत्रु 3:22

20पया येसुनाङ कग़यवालोर सबेटोर सबे जागाने तिरियसोर, ओना पोल्‍लोतुन पोकुर कीतोर. सामि ओरा तोळ मताह्‌कु, ओरा कयदे देवुळता लावताङ सीनाङ आंदुङ. ओर वेहतव पोल्‍लोङ निटमे इनजोर अव सीनाङ तोहंदुङ.#इब्रितोर 2:3-4आमेन.]

தற்சமயம் தேர்ந்தெடுக்கப்பட்டது:

मार्कल 16: माडियाबाय्बल

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

माडिया गोंड पवित्र सास्त्रम பற்றி மேலும் அறிக