الرُّؤْيَا 8இலிருந்து பிரபலமான வேதாகம வசனங்கள்

பகிர்

وْمْلِّي فَكّْ الْخْرُوفْ الْعْقْدَة السَّابْعَة، كَانْ وَاحْدْ السّْكَاتْ فْالسّْمَا لْمُدَّةْ نَصّْ سَاعَة تْقْرِيبًا.

وْنْفَخْ الْمَلَاكْ اللّْوّْلْ فْالْبُوقْ دْيَالُه، وْطَاحْ التّْبْرُورِي وْالْعَافْيَة مْخَلّْطِينْ بْالدّْمْ عْلَى الْأَرْضْ، وْتّْحْرَقْ التُّلُتْ دْ الْأَرْضْ وْالتُّلُتْ دْ الشّْجَرْ، وْݣَاعْ الرّْبِيعْ الْخْضَرْ.

وْمْنْ بَعْدْ شْفْتْ، وْأَنَا نْسْمَعْ وَاحْدْ النّْسَرْ طَايْرْ فْوَسْطْ السّْمَا كَيْݣُولْ عْلَى حَرّْ جْهْدُه: «الْوِيلْ! الْوِيلْ! الْوِيلْ لْسُكَّانْ الْأَرْضْ، مْلِّي غَيْنَفْخُو الْمَلَايْكَة التّْلَاتَة اللِّي بَاقْيِينْ فْالْبْوَاقْ دْيَالْهُمْ».

وْنْفَخْ الْمَلَاكْ التَّانِي فْالْبُوقْ دْيَالُه، وْتّْرْمَاتْ فْالْبْحَرْ شِي حَاجَة بْحَالْ شِي جْبَلْ كْبِيرْ شَاعْلَة فِيهْ الْعَافْيَة، وْوْلَّى التُّلُتْ دْ الْبْحَرْ دْمّْ.

وْنْفَخْ الْمَلَاكْ التَّالْتْ فْالْبُوقْ دْيَالُه، وْطَاحْتْ نْجْمَة كْبِيرَة مْنْ السّْمَا كَتّْحْرَقْ بْحَالْ الشّْعَالَة دْ الْعَافْيَة عْلَى التُّلُتْ دْ الْوِيدَانْ وْعْلَى الْعْيُونْ دْ الْمَا. وْسْمِيّْةْ هَادْ النّْجْمَة: «الْعَلْقَمْ»، وْبِيهَا وْلَّى التُّلُتْ دْيَالْ الْمَا مْرّْ، وْمَاتُو بْزَّافْ دْيَالْ النَّاسْ بْسْبَابْ هَادْ الْمَا عْلَاحْقَّاشْ مْرّْ.

وْنْفَخْ الْمَلَاكْ الرَّابْعْ فْالْبُوقْ دْيَالُه، وْتّْضْرَبْ التُّلُتْ دْ الشّْمْسْ وْالتُّلُتْ دْ الْقَمَرْ وْالتُّلُتْ دْ النّْجُومْ، بَاشْ يْضْلَامْ التُّلُتْ دْيَالْهُمْ، وْوْلَّى التُّلُتْ دْيَالْ النّْهَارْ مَا كَيْضَوِّيشْ، وْحْتَّى التُّلُتْ دْيَالْ اللِّيلْ.