Евангелие от Луки 6இலிருந்து பிரபலமான வேதாகம வசனங்கள்

பகிர்

дайте, и дастся вам: меру добру, наткану и потрясну и преливающуся дадят на лоно ваше: тою бо мерою, еюже мерите, возмерится вам.

Благий человек от благаго сокровища сердца своего износит благое: и злый человек от злаго сокровища сердца своего износит злое: от избытка бо сердца глаголют уста его.

Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове вышняго: яко той благ есть на безблагодатныя и злыя.

Будите убо милосерди, якоже и Отец ваш милосерд есть.

И не судите, и не судят вам: (и) не осуждайте, да не осуждени будете: отпущайте, и отпустят вам

Но вам глаголю слышащым: любите враги вашя, добро творите ненавидящым вас, благословите кленущыя вы, и молитеся за творящих вам обиду.

И якоже хощете да творят вам человецы, и вы творите им такожде.

Биющему тя в ланиту, подаждь и другую: и от взимающаго ти ризу, и срачицу не возбрани. Всякому же просящему у тебе дай: и от взимающаго твоя не истязуй.

Несть бо древо добро, творя плода зла: ниже древо зло, творя плода добра.

Всяко бо древо от плода своего познается: не от терния бо чешут смоквы, ни от купины емлют гроздия.